Author: ڈاکٹرغلام مصطفی بڈانی

چترال،باغی ٹی وی(گل حماد فاروقی)چترال کے معروف ستار نواز، فن کار، پولو کوچ آفتاب عالم جو ڈسٹرکٹ کونسل کے سیکرٹری آفتاب عالم ساٹھ سال پر سرکاری ملازمت سے ریٹائر ہوئے۔ ان کی ریٹائرمنٹ پر ان کے اعزاز میں ٹاؤن ہال چترال میں الوداعی تقریب منعقد کرائی گئی۔ اس موقع پر ایڈیشنل ڈپٹی کمشنر محمد عرفان مہمان حصوصی تھے جبکہ تقریب کی صدارت انجمن ترقی کھوار کے صدر شہزادہ تنویر الملک ایڈوکیٹ نے کی۔تقریب کا آغاز تلاوت کلام پاک سے ہوئی۔ تقریب میں محکمہ صحت، محکمہ تعلیم، ڈسٹرکٹ کونسل، آل گورنمنٹ ایمپلائز گرانڈ الائنس اور تمام سرکاری محکموں کے تنظیمات کے صدور، منتحب ویلیج کونسل ناظمین، کونسلرز، چئیرمین فن اور ادب کے دنیا سے تعلق رکھنے والے افراد اور عام لوگوں نے بھی کثیر تعداد میں شرکت کی۔
تقریب سے خطاب کرتے ہوئے مقررین نے کہا کہ آفتاب عالم کو اگر پولوکوچ ابن پولو کوچ، ستار نواز ابن ستار نواز، فن کار ابن فنکار کہا جائے تو مبالغہ آرائی نہیں ہوگا کیونکہ ان کے والد مرحوم صوبیدار محبوب عالم بھی بیک وقت پولو کوچ، فن کار، ستار نواز اور گلو کار بھی تھے۔اور ان میں بھی اپنے والد مرحوم کی تمام تر صلاحیتیں منتقل ہوچکی ہیں۔ ڈسٹرکٹ کونسل کے سیکرٹری حضرات نے کہا کہ جب ہم بھرتی ہوئے تو وہ ہمارے استاد بھی تھے اور ہم نے اس سے بہت کچھ سیکھا کیونکہ وہ سرکاری کاموں میں ہر قدم پر ہماری رہنمائی کیا کرتے تھے۔
مقررین نے کہا کہ وہ ایک بہترین پولو کوچ اور ستار نواز تھے۔ انہوں نے کہا کہ آفتاب عالم وہ شحصیت ہے جنہوں نے چترالی ثقافت کو دوبئی سمیت کئی یورپی ممالک میں متعارف کرایا اور لوگوں سے داد حاصل کی۔صدر محفل شہزادہ تنویر الملک نے کہا کہ کھوار ادب کیلئے آفتاب عالم کی خدمات کو ہمیشہ کیلئے یاد رکھا جائے گا۔ انہوں نے کھوار شاعری اور ادب کو اپنے ستار کی مدد سے مزید تقویب دی اور لوگ اس کے دلدادہ ہوگئے۔
مہمان حصوصی ایڈیشنل ڈپٹی کمشنر محمد عرفان نے کہا کہ آفتاب عالم اب سرکاری ملازمت سے سبکدوش ہوگئے مگر ضلعی انتظامیہ پولو میچ یا کوئی بھی ثقافتی پروگرام ہو ان کی خدمات کو ہمیشہ قدر کی نگاہ سے دیکھی گے اور اب چونکہ وہ ملازمت سے فارغ ہوگئے تو بہتر انداز سے چترال کی خدمت کرسکیں گے۔

دیگر فنکاروں نے کہا کہ چترال کی ثقافت کو زندہ رکھنے اور اس فن اور پولو کی ذریعے چترال کی سیاحت کو ترقی دینے میں آفتاب عالم کی بڑی خدمات ہیں۔پروگرام کے آحر میں سبکدوش ہونے والے سیکرٹری ڈسٹرکٹ کونسل آفتاب عالم کو چترال کی روایتی ٹوپی بھی پیش کی گئی اور ان کے گلے میں پھولوں کے ہار ڈال کر شرکاء نے انہیں خراج تحسین پیش کیا۔ یہ تقریب دعائیہ کلمات کے ساتھ احتتام پذیر ہوئی۔

ڈیرہ اسماعیل خان ،باغی ٹی وی (ذیشان خان کی رپورٹ)شہید بریگیڈیئر مصطفیٰ کمال برکی کی نماز جنازہ ڈیرہ اسماعیل خان میں ادا کردی گئی۔
بریگیڈیئر مصطفیٰ کمال برکی جنوبی وزیرستان میں آپریشن کو لیڈ کرتے ہوئے شہید ہوئے۔شہید بریگیڈیئر مصطفیٰ کمال برکی نے اے پی ایس حملے میں ملوث دہشتگردوں کے خاتمہ میں کردار اداکیا۔بریگیڈیئر مصطفیٰ کمال برکی نے 12 اکتوبر 1995 کو فرنٹیئر فورس رجمنٹ میں کمیشن حاصل کیا۔
بر یگیڈیئر مصطفیٰ کمال برکی کے سوگواران میں، اہلیہ، ایک بیٹا اور ایک بیٹی شامل ہیں، وطن کی مٹی اور پوری قوم اپنے اس بہادر بیٹے کو سلامِ پیش کرتی ہے۔

چونیاں،باغی ٹی وی (نامہ نگار)مفت آٹے کے نام پرلوگوں کی عزت نفس مجروح کرنا اور سارا دن بزرگ شہریوں کوقطاروں میں کھڑا کر کے انسانیت کی تذلیل کرنا افسوسناک ہے۔حکومت اپنی حکمت عملی کو فوری تبدیل کرےاور ہر ایک کےلیے آٹا سستاکرے۔میاں عدیل اشرف
تفصیلات کے مطابق انسانی حقوق کی عالمی تنظیم یوتھ اسمبلی فارہیومن پاکستان کے انفارمیشن سیکرٹری اینڈ میڈیا ڈیپارٹمنٹ ضلع قصور میاں عدیل اشرف نے صحافیوں سے گفتگو کرتے ہوئے کہاکہ موجودہ حکومت نے مفت آٹا دینے کے نام پرعوام کی عزت نفس کو مجروح کر دیا غریب خواتین و بزرگ شہریوں کو سارا سارا دن قطاروں میں کھڑا کر کے انسانیت کی تذلیل کی جارہی۔بعض شہروں میں عوام کی جانب سے غصے میں مجبوراً قانون ہاتھ میں لے کر آٹا چھیننے کے واقعات رونما ہوئے اور بگدھڑ مچنےسے بزرگ شہریوں کی موت واقع ہونے کے واقعات بھی رپورٹ ہوئےجو کہ انتہائی افسوسناک ہیں ہم ایسے واقعات کی شدید مذمت کرتے ہیں۔ حکومت اپنی حکمت عملی پر نظر ثانی کرے آٹے پر مکمل طور پر سب عوام کے لیےسبسڈی دے اور ملک کی تمام دوکانوں پر ریٹ سستے کروائے نہ کہ مخصوص جگہوں پر تاکہ عوام آسانی سےہرشہر سے آٹا سستے داموں خرید سکے۔خوراک مہیا کرنا ریاست کی اہم ذمہ داری ہے اور عوام کا بنیادی حق ہے۔ملک کا ہر شہری برابر حقوق رکھتا اس لیے کسی حکمران کوہرگز اجازت نہیں کے وہ عام عوام کی عزت نفس کو مجروح کرے انسانیت کی تذلیل کرے اور اپنی غلط حکمت عملی کے باعث عوام کو قانون توڑنے پر مجبور کرے۔

اوکاڑہ باغی ٹی وی( نامہ نگار ملک ظفر)چیف سیکرٹری پنجاب کا فری آٹے کے حصول کیلئے انتظامات کیے حوالہ سے اوکاڑہ کا دورہ ۔
چیف سیکرٹری پنجاب کا فری آٹے کے حصول کیلئے اوکاڑہ جناح اسٹیڈیم کا دورہ کیا ۔ آر پی او ساہیوال، کمشنر ساہیوال ،ڈپٹی کمشنر اوکاڑہ ڈاکٹر ذیشان حنیف اور ڈی پی او اوکاڑہ بھی چیف سیکرٹری پنجاب کے ہمراہ تھے عوام الناس کو فری آٹے کی فراہمی کیلئے کسی قسم کی غفلت ناقابل برداشت ہو گئی۔ عوام کو تحفظ فراہم کرنے کیلئے سیکیورٹی انتظامات کا جائزہ بھی لیا-ڈیوٹی پر موجود افراد کو خواتین کیساتھ اخلاق سے پیش آنے کی ہدایت کی۔ معذور اور بزرگوں کا خاص خیال رکھا جائے اور ان کو فوری طور پر آٹا فراہم کیا جائے
حکومت پنجاب عوام کو رمضان المبارک کے بابرکت ماہ میں مزید ریلیف فراہم کرنے کیلئے ہنگامی اجلاس کر رہی ہے۔ عوام خوشحال ہو گی تو ملک خوشحال ہو گا پانی کی فراہمی بزرگوں اور معذور افراد کیلئے بیٹھنے کا انتظام کیا جائے۔ حکومت پنجاب کا احسن اقدام ہے کہ کبھی اس طرح سے آٹا فری نہیں ملا ۔ چیف سیکرٹری پنجاب نے موجود آٹا دینے کے حوالے سے انتظامات کا جائزہ بھی لیا –

قصور،باغی ٹی وی (نامہ نگار طارق نوید سندھو) ڈی پی او قصور طارق عزیز سندھو نے مختلف آٹا ڈسٹری بیوشن سنٹر کا دورہ کیا، قصور کے بڑے ماڈل بازار ریلوے اسٹیشن قصور کے سکیورٹی انتظامات کا جائزہ لیا، ڈی پی او قصور نے رش کے باعث پیدا ہونیوالی بدنظمی سے نپٹنے کیلئے مناسب احکامات جاری کیے۔ ڈی پی او قصور نے بزرگ مرد و خواتین کیلئے علیحدہ سٹال لگا کر پولیس اہلکاروں کو بھرپور خدمت کرنے کی ہدایت کی ہے۔