Author: ڈاکٹرغلام مصطفی بڈانی

ٹبہ سلطان پور،باغی ٹی وی (نامہ نگار حافظ حبیب الرحمن شاہ ) شہر ٹبہ سلطان پور گردونواح میں بارش اور ژالہ باری نے گاڑیوں اور کسانوں کا کیا نقصان ، گندم کی تیار فصلیں بارش اور بے تحاشا ژالہ باری کے باعث تباہ ہونے کا اثر عوام کی جیب پر بھی پڑ سکتا ہے,اس حوالے سے کسانوں کا کہنا ’’بارش اور ژالہ باری کی وجہ سے فصلوں کو کافی نقصان پہنچا ہے اور آم کے مول (بور) کو بھی نقصان پہنچا ہے, کسانوں کی مشکلات کم ہونے کا نام نہیں لے رہی ہیں۔ ایک طرف جہاں انہیں منڈیوں میں اپنی فصل کے لئے مناسب دام نہیں مل رہے، وہیں دوسری طرف بے موسمی بارشوں اور بے تحاشا ژالہ باری سے فصلوں کا نقصان ہوا ہے ۔ ٹبہ سلطان پور اور گردونواح میں بارش اور ژالہ باری سے متعدد گاڑیوں کو نقصان کے ساتھ ساتھ خاص طور پر کسانوں کی کمر ٹوٹ گئی ہے۔ گندم اور سرسوں کی فصل تیار ہے۔ گندم اور سرسوں کی فصل کو کٹائی سے قبل گزشتہ روز دوپہر 3 بجے ہونے والی بارش اور ژالہ باری سے بھاری نقصان پہنچا ہے۔ جبکہ اس بارش سے سبزیوں کی پیداوار بھی متاثر ہوگی

ٹھٹھہ ،باغی ٹی وی(نامہ نگار راجہ قریشی) بدنام گھٹکہ فروش عاشی خلیفو کی گھٹکہ فیکٹری پکڑی گئی.1 گھٹکہ ماوا مکسنگ مشین، 2 پلاسٹک ڈرمس اور 2000 پیکٹ گھٹکہ ماوا برآمد، 1 گھٹکہ فروش گرفتار
تفصیل کے مطابق ایس ایچ او تھانہ گھارو انسپیکٹر ممتاز علی بروہی، سب انسپیکٹر امداد علی پنھور اور انچارج پولیس پوسٹ گجو سب انسپیکٹر لیاقت علی کنبھار بمعہ اسٹاف نے دوران گشت خفیہ اطلاع ملنے پر میربحر محلہ گھارو میں *بدنام گھٹکہ فروش عاشی خلیفو کی گھٹکہ فیکٹری پر کامیاب کارروائی کرکے 1 گھٹکہ فروش ملزم محمد شریف ولد ورو حیدری فقیر کو گرفتار کرلیا۔دوران کارروائی گھٹکہ فیکٹری سے 1 گھٹکہ ماوا مکسنگ مشین، 2 پلاسٹک ڈرم اور 4 پلاسٹک کے کٹے جن میں 2000 پیکٹ گھٹکہ ماوا برآمد کرکے ملزمان کے خلاف تھانہ گھارو پر مقدمہ درج کردیا گیا ہے۔
فرار ملزمان کے لیے پولیس کے چھاپے جاری ہیں۔ مزید تفتیش جاری ہے مقدمہ نمبر 47/2023 سیکشن 3,4,8 گھٹکہ ائیکٹ 2019 تھانہ گھارو
—————————
گجو میں مین قومی شاہراہ پر موٹر سائیکل کی ٹکر سے پانچویں کلاس کی طالبہ مناھل دختر مشتاق میمن جانبحق
دوسری طالبہ ستوش دختر پرویز زخمی

کندھ کوٹ ،باغی ٹی وی (نامہ نگار)کشمور میں عید گاہ محلہ سے گزشتہ شب سے تین سالہ بچہ لاپتہ ہو گیا ہے ورثاء نے شکا زہر کیا ہے کہ ہمارے بچے کو اغوا کیا گیا ہے ورثاء نے بچے کی بازیابی کے لیے انڈس ہائی وے روڈ پر دہرنا دے دیا ہے دہرنے کے باعث سندھ پنجاب اور بلوچستان کو آنے اور جانے والی ٹریفک معطل ہوگئی ہے مظاہرین کا کہنا ہے کہ کشمور میں اغوا برائے تاوان کی وارداتوں میں مسلسل اضافہ ہورہا ہے گزشتہ شب عید گاہ محلہ سے 3 سالہ بچے حسن علی دشتی کو اغواء کر لیا گیا ہےضلع بھر ایک ہفتہ کے دوران 15 سے زائد افراد کو اغوا کر لیا گیا ہے مظاہرین کا کہنا ہے کہ پولیس ڈاکوؤں کے آگے بے بس دکھائی دے رہی ہے دہرنا کے باعث گاڑیوں کی لمبی قطاریں لگ گئیں مسافروں کو شدید مشکلات کا سامنا کرنا پڑ رہا ہے مظاہرین کا یہ بھی کہنا ہے کہ پولیس نے الٹا الزامات لگادیا ہیں کہ بجے کے والد نے اس کو اغوا کر یا ہےمظاہرین میں خواتین بڑی تعداد موجود ہے مظاہرین کا کہنا ہے کہ بچے کی بازیابی تک دھرنا جاری رہے گا.

کندہ کوٹ ،باغی ٹی وی (سٹی رپورٹ اسلام الدین بنگوار) ڈاکوؤں کے ہاتھوں اغوا ہونے والے مغوی حسیب نوناری اور عبد الرؤف نوناری کے اغوا والے واقعہ کے خلاف اور ان کے بازیابی کیلئے نوناری اتحاد کی جانب سے پریس کلب کے سامنے احتجاجی مظاہرہ کرکے پولس کے خلاف شدید نعرے بازی کی
تفصیلات کے مطابق بی سیکشن تھانہ کی حدود انڈس ہائی وے سے دو سگے بھائیوں حسیب نوناری اور عبد الرؤف نوناری کو اغوا واقعہ کے خلاف اور ان کی بازیابی کیلئے نوناری اتحاد کی جانب سے کندھ کوٹ پریس کلب کے سامنے ڈاکٹر عبدالکریم نوناری کی قیادت میں احتجاجی مظاہرہ کیا گیا ، مظاہرین نے ہاتھوں میں پلے کارڈ اٹھا کر پولیس انتظامیہ کے خلاف شدید نعرے بازی کرتے ہوئے کہا کے پولیس کی رٹ کمزور ہو گئی ڈاکو انڈس ہائی وے پر سرے عام آ کر ہمارے دو افراد کو اغوا کر کے کچے کی طرف فرار ہوگئے ہیں،جو پولیس کی نااہلی کا منہ بولتا ثبوت ہے ،انڈس ہائی وے مسافروں کیلئے غیر محفوظ ہوچکا ہے ،مظاہرین نے، آ ئی جی پولیس سندھ ڈی آئی جی پولیس لاڑکانہ سے مطالبہ کرتے ہیں کے واقعہ کا نوٹس لیکر ہمارے نوجوانوں کو فوری طور بازیاب کرایا جائے ، دوسرے جانب احتجاج کا دائرہ وسیع کیا جائے گا

ننکانہ ،باغی ٹی وی ( رپورٹ احسان اللہ ایاز )میوزیکل نائٹ پر منچلوں کا دھاوا،خواتین اور گلوکارہ نے بھاگ کرجان بچائی
تفصیل کے مطابق ننکانہ ضلعی انتظامیہ کی نااہلی کی وجہ سے علامہ اقبال پارک میں منعقدہ جشن بہاراں کا پروگرام ناقص سیکورٹی اور انتظامات کی وجہ سے شدید بدنظمی کا شکار ہو گیا،میوزیکل نائٹ شو سیکورٹی کے انتظامات نامکمل ہونے کی وجہ سے منچلے نوجوانوں کی جانب سے عورتوں اور فنکاروں کے ساتھ بدتمیزی کی گئی، خاتون گلوکارہ ثروت ناز نے اس ہڑبونگ سے بھاگ کر اپنی جان بچائی، جب کہ منچلے نوجوانوں نے خواتین اور بچوں سے بھی بدتمیزی کا رویہ اپنائے رکھا اور خواتین کو ہراساں بھی کیا گیا. ان واقعات کی وجہ سے ضلعی انتظامیہ کی جانب سے کئے گئے ناقص انتظامات پر شہریوں نے شدید برہمی کا اظہار کیا اور ڈپٹی کمشنر ننکانہ سے مطالبہ کیا ہے کے ایسے واقعات کی روک تھام اور سیکورٹی انتظامات ناقص ہونے کی وجہ سے ایسے واقعات رونما ہوتے ہیں اور کہا کہ ایسے ناقص انتظامات کرنے پر انتظامیہ پر سخت کارروائی
ویڈیو رپورٹ احسان اللہ ایاز

بھکر،باغی ٹی وی (اتباع رسول ملنگی کی رپورٹ)ڈی پی او بھکر محمد نوید کی زیر صدارت میٹنگ ہال ڈسٹرکٹ پولیس لائن بھکر میں ضلع بھر کے تفتیشی آفیسران کے ساتھ کرائم کے حوالے سے اہم میٹنگ ،ضلع میں امن و امان کی مجموعی صورتحال کا جائزہ لیا گیا۔
تفصیلات کے مطابق ڈسٹرکٹ پولیس آفیسر بھکر نے ضلع بھر کے جملہ تفتیشی آفیسران کے ساتھ کرائم کے حوالے سے خصوصی میٹنگ کی۔
میٹنگ میں ڈی پی او بھکر نے زیر تفتیش مقدمات،مجرمان اشتہاریوں کی گرفتاری اور منشیات کے حوالے سے تمام افسران کی کارکردگی کا فرداًفرداً جائزہ لیا، تمام افسران پر واضح کیا کہ بدمعاشی اور اسلحہ کلچر کسی صور ت برداشت نہیں کیا جائے گا۔اور افسران کو ہدایت کی کہ پٹرولنگ کے نظام کو مزید بہتر کیا جائے۔سائلین کی عزت نفس کا خصوصی خیال رکھا جائے۔
ڈی پی او بھکر نے مزید کہا کہ کرپشن کسی صورت برداشت نہ کی جائے گی، انہوں نے کہا کہ شہریوں کو انصاف اور تحفظ فراہم کرنا ہماری اولین ذمہ داری ہے، انصاف میں رکاوٹ اور محکمہ کی بدنامی کا باعث بننے والے افسران کی محکمہ میں کو ئی جگہ نہ ہے،تمام افسران شہریوں کے ساتھ اپنے رویوں میں بہتری لائیں۔اچھی کارکردگی کا مظاہرہ کرنے والے تفتیشی آفیسران کو تعریفی سرٹیفکیٹ معہ نقد انعام سے نوازا