Author: ڈاکٹرغلام مصطفی بڈانی

ڈی جی خان(باغی ٹی وی)عوام کومفت آٹے کالولی پوپ دیکر 520روپے قیمت بڑھاکر10کلوکاتھیلا 1168 روپے کاکردیاگیا۔
اس سکیم سے قبل یہی 10کلو آٹے کا تھیلا 650 روپے میں دستیاب تھا،اگر مفت کا لولی پوپ دینے کی بجائے 650 روپے نرخ رکھ عام دکانوں پر سپلائی بڑھا دی جاتی تو عوام خاص طور خواتین کی تذلیل نہ ہوتی ۔ عوامی حلقے
تفصیل کے مطابق وزیراعظم محمد شہباز شریف کی ہدایت پر اسلام آباد، خیبرپختونخوا اور پنجاب کی سطح پر مستحق خاندانوں کے لیے مفت آٹے کی ترسیل شروع کردی گئی ہے۔وزیراعظم نے رمضان پیکیج کے طورپر25شعبان المعظم سے25رمضان المبارک کے درمیان مستحقین کو10کلو کے تین آٹے کے تھیلے دینے کی ہدایات دی تھیں۔ ابتدائی طور پر استحقاق کا معیار بے نظیر انکم سپورٹس پروگرام کی رجسٹریشن قرار دیا گیا تھا تاہم وزیراعظم نے مزید ہدایت کی تھی کہ جو افراد60 ہزار روپے ماہوار تک کی آمدنی کے حامل اور بی آئی ایس پی میں رجسٹرڈ نہیں وہ خود کو رجسٹرڈ کروا کے آٹا حاصل کر سکیں گے۔آٹے کی ترسیل شروع ہو چکی ہے لیکن کسی متعلقہ محکمے نے نئی رجسٹریشن کا طریق کار وضع نہیں کیا اور کم آمدنی والے غیر رجسٹرڈ حضرات تاحال محرومی کا شکار ہیں۔دوسری طرف پنجاب حکومت نے مفت آٹا سکیم کے آغاز کے ساتھ ہی سبسڈائز آٹے کا سلسلہ منقطع کر دیا ہے۔ مل مالکان نے سستے آٹے کی پسائی ختم کر کے10کلو آٹے کا تھیلا 1168 روپے کر دیا ہے جس سے رجسٹریشن نہ ہو سکنے کے باعث مستحق افراد بھی مہنگا آٹا خریدنے پر مجبور کردئے گئے ہیں ۔عوامی حلقوں کاکہنا ہے کہ اگروزیراعظم میاں شہبازشریف واقعی غریب عوام کیلئے ہمدردی رکھتے ہیں تو انہیں چاہئے تھا مفت کی بجائے وہی سابقہ پالیسی اپنا کر رمضان بازاربناکر یا ٹرکنگ اسٹیشن کی تعداد بڑھاکر عوام کیلئے سہولتیں پیدا کرتے مگر مفت آٹے کے نام پر عوام سے دھوکا کیا گیا ہے چند لوگوں کو تین تھیلے مفت کے نام پردئے جائیں باقی عوام پر520روپے کا اضافی بوجھ ڈال کر عوام کوبیوقوف بناکر لولی پوپ دینے کی کوشش نہ کریں ۔سفیدپوش طبقہ کیلئے کچھ بندوبست کریں تاکہ انہیں بھی مہنگائی سے کچھ ریلیف مل سکے۔
دوسری طرف جہاں مفت آٹے کے ٹرکنگ پوائنٹ بنائے گئے ہیں وہاں ہزاروں کی تعداد میں خواتین کی اور شہریوں کی تذلیل ہورہی ہے ،ڈیرہ غازیخان کے سروروالی کے مفت آٹا کے ٹرکنگ پوائنٹ پرخواتین میں بھگدڑ مچنے سے ایک بچہ عورت سے گرگیا جوخواتین کے پائوں کے نیچے آگیا اور بے ہوش ہوگیا مگر خوش قسمتی سے بچے کی جان بچ گئی،سیکیورٹی کے کوئی انتظامات نہیں تھے ،ہزاروں کے مجمع میں صرف ایک پولیس اہلکار دکھائی دیا،ہرطرف دھکم پیل دکھائی دے رہی تھی ،حکومت وقت سے اصلاح احوال کاعوامی مطالبہ۔

ننکانہ صاحب باغی ٹی وی (نامہ نگار احسان اللہ ایاز)داخلہ مہم ، ضلع بھر میں 17 ہزار سے زائد نئے بچوں کو سرکاری سکولوں میں داخل کرنے کاٹارگٹ
تفصیل کے مطابق ضلعی محکمہ تعلیم ننکانہ صاحب کے زیراہتمام داخلہ مہم 2023 کا آغاز کر دیا گیا ڈپٹی کمشنر میاں رفیق احسن نے سی ای او ایجوکیشن احسن فرید اور دیگر ایجوکشن آفیسرز کے ہمراہ ضلع کونسل ہال میں منعقدہ تقریب کے دوران بچوں کو سرکاری سکول میں داخل اور مفت کتب فراہم کر کے داخلہ مہم کا آغاز کیا۔ داخلہ مہم 2023 کے دوران ضلع بھر میں 17 ہزار سے زائد نئے بچوں کو سرکاری سکولوں میں داخل کیا جائے گا ۔اس موقع پر منعقدہ تقریب سے خطاب کرتے ہوئے ڈپٹی کمشنرننکانہ صاحب میاں رفیق احسن، سی ای او ڈسٹرکٹ ایجوکیشن اتھارٹی احسن فرید اور دیگر مقررین نے کہا کہ تعلیم حاصل کرنا ہر بچے کا بنیادی حق ہے،پنجاب حکومت سرکاری تعلیمی اداروں کے معیار تعلیم میں مزید بہتری اور وہاں ہر ممکن سہولیات کی فراہمی یقینی بنانے کے لیے تمام وسائل بروئے کار لائے جارہے ہیں۔ تقریب کے دوران سکول کے بچوں نے تعلیم کی اہمیت کے بارے ٹیبلوز بھی پیش کئے جنہیں حاضرین نے خوب سراہا

ٹھٹھہ(نامہ نگار راجہ قريشي)شہید سورہیہ بادشاہ کی ملک کیلئے لازوال قربانیوں کو فراموش نہیں کیا جاسکتا،ہم انہیں خراج تحسین پیش کرتے ہیں اور حکومت سے مطالبہ کرتے ہیں 20 مارچ کو عام تعطیل کا اعلان کیا جائے- الطاف حسین تنیو
تفصیلات کے مطابق انٹرنیشنل ہیومن رائٹس موومنٹ کے رہنما الطاف حسین تنیو نے حکومت سے مطالبہ کیا کہ آزادی کے امام شہید سورھیہ بادشاہ کی برسی کے موقع پر ملک میں عام تعطیل کی جاۓ اور برسی کو حکومتی سطع پر منایا جائے اس کے ساتھ ساتھ شہید سورہیہ بادشاہ کے پیغام اور انکی تعلیمات کو تعلیمی نصاب میں شامل کیا جائے اپنے جاری کردہ بیان میں کہا کہ 20 مارچ کو سندھ سمیت پاکستان کے مختلف شہروں میں شہید سورہیہ بادشاہ کی برسی نہایت عقیدت احترام کے ساتھ منائی رہی ہے، شہید سورہیہ بادشاھ کی لازوال قربانیوں اور جہدوجھد حر تحریک کے بدولت پاکستان آزاد ہوا، ہم شہید سورہیہ بادشاہ کے پیروکار ہیں اپنی جانوں کا نذرانہ دی کر اس ملک کی حفاظت کرینگے ، بھارت دشمن ممالک کو منہ توڑ جواب دینے کیلئے شہید سورہیہ بادشاہ کے پیغامات کو عام کرنے کی اشد ضرورت ہے ان کی قربانیان ناقابل فراموش ہیں شہید سورھیہ بادشاہ نے آزاد یا موت وطن یا کفن کا نعرا لگایا ہم امام انقلاب شہید سورہیہ بادشاہ کی عظمت کو سرخ سلام پیش کرتے ہیں
یاد رہے کہ موجودہ پیر صاحب پگارا پیر صبغت اللہ شاہ کے دادا اور پیر صاحب پگارا شاہ مردان شاہ کے والد سورہیہ بادشاہ نے انگریزوں کی حکومت کے خلاف بغاوت کا علم بلند کیا تھا۔برطانوی راج میں پیر صبغت اللہ شاہ کو بغاوت کی پاداش میں گرفتار کر کے 20 مارچ 1943 کو حیدرآباد جیل میں پھانسی دے کر شہید کردیا گیا تھا۔

اب پی آئی اے پروازوں کی تمام تفصیلات واٹس ایپ پر ہی دستیاب ،ٹکٹوں اور سیٹ کی بکنگ سے لے کر پروزوں کے شیڈول تک، سب کچھ اب واٹس ایپ پر دستیاب ہوگا
تفصیلات کے مطابق پاکستان انٹرنیشنل ایئر لائنز (پی آئی اے) نے ایک نیا واٹس ایپ چیٹ بوٹ متعارف کروایا ہے، جو ممکنہ طور پر مسافروں کے سفری تجربے کو بہتر بنانے کی جانب ایک اہم قدم ثابت ہوگا۔یہ چیٹ بوٹ ٹکٹوں اور سیٹوں کی آن لائن تصدیق کی اجازت دیتا ہے، جو بلاشبہ مسافروں کے لیے بکنگ کے طریقہ کار کو آسان بنائے گا۔پی آئی اے کے مسافر اب پرواز سے متعلق مختلف مسائل، جیسے ٹکٹ کی تصدیق اور سیٹ کے انتخاب پر فوری رہنمائی حاصل کر سکتے ہیں۔ساتھ ہی اپنے فلائٹ شیڈول اور اوقات کی تصدیق کے لیے بھی WhatsApp کا استعمال کر سکتے ہیں۔
پی آئی اے کی ٹویٹ کے مطابق، ایئر لائن صارفین کے لیے اپنی سپورٹ سروسز کو بہتر بنانے کے لیے وقف ہے، اور نیا واٹس ایپ چیٹ بوٹ اس لگن کو ظاہر کرتا ہے۔

#PIA is stepping ahead further for Customer Support Services by introducing another value-added service "WhatsApp Chatbot". Now you save the number +92 21 111 786 786 and send Hi for registration. You can check Seat / Ticket or Flight Status, Schedule or Travel info. pic.twitter.com/hLcx97F2LV

— PIA (@Official_PIA) March 17, 2023

صارفین کو پہلے پی آئی اے کے دفاتر جانا پڑتا تھا یا ہاٹ لائن پر کال کرنا پڑتی تھی، لیکن اب وہ واٹس ایپ کے ذریعے ہی سب کچھ کر سکتے ہیں۔
اس کیلئے آپ کو ”+92 21 111 786 786“ نمبر پر رجسٹریشن کے لیے ”Hi“ بھیجنا ہوگا۔ جس کے بعد آپ سیٹ، ٹکٹ یا پرواز کی حیثیت، شیڈول یا سفر کی معلومات چیک کر سکتے ہیں۔اس نئے اضافے کے باوجود، پی آئی اے ان مسافروں کو ذاتی طور پر کسٹمر کیئر فراہم کرتا رہے گا، جو بکنگ اور تصدیق کے روایتی ذرائع کو ترجیح دیتے ہیں۔

ٹھٹھہ،باغی ٹی وی (نامہ نگار راجہ قریشی)دنیا بھر کی طرح ٹھٹھہ میں بھی منہ اور دانتوں کے صحت کا عالمی دن منایا گیا
دنیا بھر کی طرح ٹھٹھہ میں بھی ڈاکٹرز ۔پیرا میڈیکل اسٹاف نرسنگ اسٹاف محکمہ صحت کے ملازمین کی جانب سے ڈاکٹر شیام کمار سول سرجن سید صفدر شاہ اور دیگر کی سربراہی میں منہ اور دانتوں کی صحت کا عالمی دن منایا گیا جس میں شہریوں سول سوسائٹی والوں نے بھی بڑھ چڑھ کر حصہ لیا اس موقع پر ایک ریلی سول سرجن کے آفس سے سول اسپتال مکلی کے مین گیٹ تک نکالی گئی جہاں پولیس کی بھاری نفری بھی تعینات کی گئی تھی اس موقع پر سول سرجن ڈاکٹر صفدر شاہ، ڈینٹل سرجن ڈاکٹر شیام کمار نے خطاب کرتے ہوئے کہا کہ یہ ریلی شہریوں کو منہ اور دانتوں کی صحت کی آگاہی کے لئے نکالی گئی ہے گھٹکا مین پڑی۔سگریٹ کے استعمال سے منہ اور دانتوں کی بیماریوں میں اضافہ ہورہا ہے شہری ان زہریلی چیزوں سے پرہیز کریں تاکہ وہ ان موذی بیماریوں سے بچ سکیں آخر میں ڈاکٹر شیام کمار کی جانب سے کیک بھی کاٹا گیا-