Author: ڈاکٹرغلام مصطفی بڈانی

چونیاں باغی ٹی وی(نامہ نگار) تھانہ کنگن پور کی حدود ٹریڈا میں مہندی کی رسم میں آئے خواجہ سراء کو مبینہ طور پر زیادتی کا نشانہ بنا ڈالا واقع کا مقدمہ درج کر لیا گیا ہے جبکہ ایک ملزم بھی گرفتار ہو چکا ہے۔تفصیلات کے مطابق چونیاں کے نواحی تھانہ کنگن پور کے علاقہ گاؤں تریڈا میں مہندی کی رسم میں جانے والے خواجہ سراء کے ساتھ مبینہ زیادتی کا واقعہ پیش آیا ہے چار اوباش ملزمان اشرف،عرفان اور عاصم وغیرہ نے خواجہ سراء اسد عرف عروج کو اسلحہ کی نوک پر زیادتی کا نشانہ بنایا ہے – ملزمان نے دوران زیادتی مجھے تشدد کا نشانہ بھی بنایا اور سنگین نتائج کی دھمکیاں لگاتے رہے دو ملزمان نے زیادتی کی اور دو ملزمان اسلحہ پکڑ کر پہرہ دیتے رہے،خواجہ سراء عروج کا موقف جبکہ پولیس کا کہنا ہے کہ متاثرہ خواجہ سراء کی درخواست پر مقدمہ درج کرکے ایک ملزم کو گرفتار کر لیا ہے جبکہ دیگر تین ملزمان کی تلاش جاری ہے۔متاثرہ خواجہ سراء کو میڈیکل کے حصول کیلئے ڈاکٹ جاری کرکے ٹی۔ایچ۔کیو چونیاں منتقل کر دیا گیا ہے۔ متاثرہ خواجہ سراء نے ڈی پی او قصور اور آئی جی پنجاب سے انصاف کی فراہمی کا مطالبہ کیا ہے۔

کندھ کوٹ ،باغی ٹی وی (نامہ نگار)پولیس کی مبینہ زیادتیوں کے خلاف مرد، خواتین و بچوں کا احتجاجی مظاہرہ
کشمور کے نواحی علاقے گاؤں اللہ ڈتہ مزاری کے رہائشیوں نے پولیس کی مبینہ زیادتیوں کے خلاف میاں داد مزاری، محرم علی، مسمات ملوکاں و دیگر کی سربراہی میں احتجاجی مظاہرہ کیا اور پولیس کے خلاف شدید نعرے بازی کی اس موقع پر مظاہرین کا کہنا تھا کہ بڈانی ایٹ میانی پولیس نے 20 لاکھ روپے رشوت طلب کی تھی نہ دینے پر آج پھر ہمارے گھر میں گھس کر چار دیواری کا تقدس پامال کرتے ہوئے 15 بھینسیں اور 5 گائے پولیس لے گئی ہے جس کی وڈیو بھی ہمارے پاس موجود ہے پولیس مویشی واپس کرنے کی بھاری رشوت طلب کررہی ہے انھوں نے ایس ایس پی کشمور و اعلٰی حکام سے مطالبہ کیا کہ نوٹس لیکر مویشی واپس کرواکر انصاف کیا جائے.

ڈیرہ غازی خان(باغی ٹی وی) ٹرکوں میں خفیہ خانے اورڈبل ٹینک بنانے کامرکز بن گیا،کوئی محکمہ ذمہ داری لینے کو تیارنہیں ہے،
ڈپٹی کمشنر،اسسٹنٹ کمشنر،ڈی ای او انڈسٹریز،سیکرٹری آرٹی اے ،موٹروہیکل ایگزامینرخاموش تماشائی بن گئے،مستریوں اور سمگلروں کی موجیں ، ملتان روڈ پر سرعام ٹرکوں میں ٹینک لگانے کادھندہ عروج پر پہنچ چکا ہے ،بلوچستان سے آنے والی بیشتر ٹرانسپورٹ جس میں ٹرک اور منی ٹرک سمیت ہر قسم کی گاڑیاں شامل ہیں جن کے ڈبل ٹینک لگے ہوئے ہیں۔ سبزی اور فروٹ کی آڑ میں ڈبل ٹینک گاڑیوں میں ایرانی ڈیزل لا یاجارہا ہے ، ذرائع کے مطابق مستری حضرات گاڑیوں میں خفیہ خانے بھی بنا کر دیتے ہیں جن سے منشیات اور دیگر نان کسٹم پیڈسامان چھپاکر سپلائی کیا جاتا ہے۔ ڈیرہ غازیخان میں قائم ورکشاپس جہاں سرعام گاڑیوں کی الٹریشن کی جارہی ہے کی طرف اعلیٰ آفیسران کی توجہ مبذول کرائی گئی لیکن کوئی بھی آفیسرذمہ داری لینے کوتیار نہیں ہے ،ان غیرقانونی ٹینک بنانے والی ورکشاپس کیخلاف کارروائی کیلئے اے سی جی محمد اسد چانڈیہ نے کارروائی کی یقین دہانی کرائی تھی لیکن آج تک کوئی کارروائی نہ ہوسکی،جب سیکرٹری آرٹی آئی سے مؤقف لینے کیلئے ان کے آفس گئے تو معلوم ہوا کہ ڈیرہ غازیخان میں سیکرٹری آرٹی اے کی سیٹ خالی ہے ،اس کاچارج اسسٹنٹ کمشنر کے پاس ہے جس کے پاس اس دفترمیں آنے کیلئے وقت ہی نہیں ہے،وہ کیسے کسی کارروائی کاحکم دیں گے یاکوئی کارروائی کریں گے؟۔دوسری طرف ذرائع کاکہنا ہے کہ موٹروہیکل ایگزامینرکابوجہ ڈیفالٹ دفتر بند ہے ،ڈیرہ غازیخان کی گاڑیوں کے فٹنس سرٹیفکیٹ راجن پور ،مظفرگڑھ اور لیہ سے بنوائے جارہے ہیں،ذرائع کا بتانا ہے فٹنس سرٹیفکیٹ کیلئے بغیرگاڑی دیکھے رشوت کے ریٹ طے ہیں ،موٹروہیکل ایگزامینربغیرگاڑی دیکھے فٹنس سرٹیفکیٹ جاری کررہے ہیں،اگرفٹنس سرٹیفکیٹ والی گاڑیوں کو چیک کیا جائے تو بیشترگاڑیاں فٹنس کے معیارپوری نہیں اترسکیں گی۔

ڈی جی خان: ٹرکوں میں خفیہ خانے اورڈبل ٹینک بنانے کامرکز بن گیا،ڈپٹی کمشنر،اسسٹنٹ کمشنر،ڈی ای او انڈسٹریز،سیکرٹری آرٹی اے ،موٹروہیکل ایگزامینرخاموش ،مستریوں اور سمگلروں کی موجیں ، ملتان روڈ پر سرعام ٹینک بنانے کا دھندہ عروج پر ہے@BaaghiTV @MumtaazAwan @dcdgkhan @rpodgkhan pic.twitter.com/1NUtTFLemd

— QNN WORLD (@QNN_World) March 19, 2023

ڈی ای او انڈسٹریز اصغرصدیقی سے جب اس سلسلے میں ان کے آفس جاکر بات کی توانہوں نے اس کی ذمہ داری لینے سے انکار کردیا ہے اور کہا کہ یہ میرے دائرہ اختیار میں نہیں آتا ،اصغرصدیقی نے ٹالنے کی کوشش کرتے ہوئے کہا کہ 1998ء میں اس وقت کے وزیراعظم میاں نواز شریف نے کسی نئی انڈسٹری کیلئے این او سی جاری کرنے پابندی لگائی تھی جوکہ آج تک برقرار ہے ،اصغرصدیقی نے کہا کہ ڈبل ٹینک بنانے والوں کیخلاف سیکرٹری آرٹی اے،موٹروہیکل ایگزامینر،اسسٹنٹ کمشنر ،ضلعی انتظامیہ،ڈی ایس پی ٹریفک اور جس تھانے کی حدود میں یہ ورکشاپس قائم ہیں اس تھانے کاایس ایچ او کارروائی کرنے کااختیاررکھتا ہے،انہوں نے کہا کہ میرے پاس ان کے خلاف کارروائی کرنے کاکوئی اختیار نہیں ہے،میں کس قانون کے تحت ان کے خلاف کارروائی کرسکتا ہوں۔
ڈیرہ غازیخان کی ضلعی انتظامیہ کی آنکھوں کے سامنے یہ دھندہ زور شور سے جاری ہے نہ توپنجاب ٹرانسپورٹ اتھارٹی ،سیکرٹری آر ٹی اے ، ڈی او انڈسٹریز ،ڈی ایس پی ٹریفک اور نہ ہی جس تھانہ کی حدود میں غیرقانونی ٹینکیاں بنانے کی کھلے عام ملتان روڈپر ورکشاپوں میں یہ غیرقانونی دھندہ ہورہاہے وہاں کا ایس ایچ او اس طرف کوئی توجہ دیتا ہے،بلکہ اب تو مسافروں کیلئے چلنے والی بسوں میں بھی ایرانی ڈیزل کی سمگلنگ کاانکشاف ہوا ہے جس کی وجہ سے انسانی جانوں کیلئے خطرے کاالارم بج چکا ہے، مستری اور باڈی میکرغیرقانونی طور پر الٹریشن کرکے غیرقانونی کام کررہے ہیں ان پرضلعی انتظامیہ کا کوئی چیک اینڈبیلنس نہ ہونے کیوجہ سے یہ غیرقانونی دھندہ دیدہ دلیری سے جاری ہے ،پوری دنیا میں جب کوئی گاڑی بنائی جاتی ہے تو اس گاڑی کو انٹر نیشنل معیار کے مطابق تیار کیا جاتا ہے اور اسکو تیار کرنے کے لئے حکومت کی طرف سے اجازت لینا ضروری ہوتا ہے مگر یہا ں ڈیرہ غازیخان میں کوئی حکومتی ادارہ ایسا نہیں ہے جواس غیرقانونی کاروبارپر روک لگا سکے ۔

کندھ کوٹ،باغی ٹی وی(نامہ نگار) پولیس ڈاکوؤں کے آگے بے بس،پولیس کانوائے پر حملہ 3 افراد اغواء، ایک زخمی ،مغویوں کی تعداد 6 ہوگئی
تفصیل کے مطابق کندھ کوٹ ڈاکوں کی پولیس کانوائے میں جانے والی مسافر گاڑیوں سے لوٹ مار شروع کردی ہے ،ڈاکوکانوائے سے 3 افراد کو اغوا کرکے لے گئے. تھانہ تنگوانی کی حدود بجارآباد اسٹاپ کے قریب ڈاکوؤں نے کانوائے پر حملہ کردیا ڈاکوؤں نے پولیس اور مسافر گاڑیوں پر اندھا دھند فائرنگ کردی جس سے ایک مسافر زخمی ہوگیا، فائرنگ کے باعث مسافر گاڑیاں رک گئیں، ڈاکوؤں نے مسافروں کو یرغمال بنا لیا لوٹ مار کے بعد ڈاکوؤں نے ٹھل کے رہائشی 3 افراد کو اغواء کرکے لے گئے، ڈاکوؤں کے ہاتھوں اغوا ہونے والوں میں عبدالغفور ،منصور احمد اور لعل محمد برڑو شامل ہیں، واقعے کے بعد ڈاکوں فرار ہوگئے پولیس کی علاقے میں ناکہ بندی، کچے میں ڈاکوؤں کے خلاف آپریشن جاری ہے ۔ ایس ایس پی عرفان سموں ڈاکوں مغویوں مغویوں کو لےکر کچے کے طرف فرار ہوگئے ہیں ان کا پیچھا کیا جا رہا ہے –

ڈیرہ غازیخان،باغی ٹی وی (نامہ نگار)سربمہر غیر قانو نی پٹرو ل ایجنسیا ں فوٹوسیشن کے بعد دوبارہ کھل گئیں،انہی غیرقانونی پٹرول ایجنسیوں سے کئی افسروں کے چولہے چلتے ہیں ،اگر یہ غیرقانونی پٹرول ایجنسیاں ختم کردی گئیں تو آفیسران کیلئے مسائل کھڑے ہوجائیں گے کیونکہ حالیہ ہوشربا مہنگائی کی وجہ سے ان کی اپنی تنخواہ میں گذارا نہیں ہوتا
تفصیلات کے مطابق میڈیا پر خبریں چلنے کے بعد انتظامیہ نے غیر قانو نی پٹرو ل ایجنسیوں کے خلاف کریک ڈاؤن کرکے شہرمیں قائم بیشتر غیر قانو نی پٹرو ل ایجنسیو ں کوگزشتہ ہفتہ سیل کر دیاگیا تھا اور خوب فوٹو سیشن بھی ہوا تھا ،مگر اب پھر وہ تمام غیر قانو نی پٹرو ل ایجنسیا ں دوبارہ کھل گئی ہیں ،ذرائع کا کہنا ہے کہ معاملات طے پاگئے ہیں اور منتھلی ریٹ بھی بڑھادیاگیا ہے اوراب ایرانی پیٹرول اور ڈیزل بیچنے کی کھلی چھٹی دے دی گئی ہے لاکھوں روپے کا غیر ملکی ڈیزل ٹرکوں اور مز دا گاڑیوں کے ذریعے بلوچستان سے آتاہے اور پنجاب کے دیگر شہروں میں بھی سپلائی کیا جاتا ہے، سمگلروں کو کھلی چھوٹ دی گئی ہے، محکمہ سول ڈیفنس کے اہلکا روں کی بھتہ خوری کے با عث دکا ندارو ں نے بغیر حفا ظتی آلا ت کے پٹرو ل کی فروخت کے لیے غیر قانو نی مشینیں لگا رکھی ہیں ،ڈیرہ غازیخان شہر کی گلی ، محلوں،گنجان آبادی اور بازاروں میں سول ڈیفنس کی سرپرستی میں غیرقانونی منی پٹرول پمپ کسی بھی وقت پٹرول بم میں تبدیل ہوسکتے ہیں ، انہی غیرقانونی پٹرول ایجنسیوں سے کئی افسروں کے چولہے چلتے ہیں ،اگر یہ غیرقانونی پٹرول ایجنسیاں ختم کردی گئیں تو آفیسران کیلئے مسائل کھڑے ہوجائیں گے کیونکہ حالیہ ہوشربا مہنگائی کی وجہ سے ان کی اپنی تنخواہ میں گذارا نہیں ہوتا ، اس وقت ڈیرہ غازیخان کے مختلف گنجان آباد علاقوں جن میںنورنگ آباد،پتھربازار،چوک چورہٹہ،چوک چورہٹہ یاروروڈ،گھنٹہ گھرگول مارکیٹ،گدائی چٹ روڈ،چوک خدابخش، پل ڈاٹ، تو نسہ رو ڈ ،ملتا ن رو ڈ ،کو ئٹہ رو ڈ ،پل پیا رے والی ،شہزادکالونی ،را نی با زار ،دستی پل ،کا لج رو ڈ ،چڑیا گھر روڈ ،نواز شریف پا رک ،لیاقت ٹی سٹال روڈ،ما ڈل ٹائون روڈ و دیگر جگہو ں پر غیر قانو نی پٹرو ل ایجنسیاں قائم ہیں ان غیر قانو نی ایجنسیو ں کے با عث پہلے بھی کئی حا دثا ت رو نما ہو چکے ہیں لیکن انتظا میہ ٹس سے مس نہیں ہو ئی اور کسی بڑے سانحہ کاانتظارکیا جارہا ہے ،عوامی حلقوں کاکہنا ہے جب کوئی حادثہ یاسانحہ رونما ہوتا ہے توکرپٹ آفیسران کی چاندی ہوجاتی ہے ،وہ اس حادثہ یاسانحہ کی آڑ میں جی بھر کر سرکاری خزانے پر ہاتھ صاف کرتے ہیں ،اسی وجہ سے ضلعی آفیسران حادثہ رونما ہونے کاانتظارکرتے ہیں ، ،عوامی ،سماجی ومذہبی اورشہر ی حلقوں نے کمشنر ڈیرہ غازیخان سے کوئی سانحہ رونماہونے سے قبل نوٹس لینے اور ان غیر قانو نی پٹرول ایجنسیو ں کو بند کرا کے محکمہ سول ڈیفنس کے کرپٹ اور نااہل آفیسران کے خلا ف فوری کا رروا ئی کا مطا لبہ کیا ہے۔

ٹھٹھہ ،باغی ٹی وی(نامہ نگار راجہ قریشی)پولیس کی کامیاب کارروائی، ونڈ پاور پراجیکٹس کیبل چوری کے مقدمات میں مطلوب گینگ برسٹ تین ایکٹو کریمنلز گرفتار ،1 کورولا کار اور 15 لاکھ کیش برآمد
تفصیل کے مطابق ایس ایس پی آفس ٹھٹھہ میں ڈی ایس پی جھرک قادر خاصخیلی ایس ایچ او جھرک نیک محمد کھوسو حسین نے پریس کانفرنس کرتے ہوۓ کہا کہ بمعہ اسٹاف کے ساتھ ٹیکنیکل سسٹم کی مدد سے پالاری ولیج ٹرائیکون بوسٹن ونڈ پاور پراجیکٹ جھمپیر کے قریب کامیاب کارروائی کرکے ضلع ٹھٹھہ میں تھانہ جھمپیر، مکلی اور پولیس پوسٹ جنگشاہی کی حدود میں ونڈ پاور پراجیکٹس کیبل چوری کے مقدمات میں ملوث 3 کریمنلز جاوید ولد باکر پالاری، مور ولد دریا خان عرف درو پالاری اور نادر خشال پالاری کو گرفتار کرلیاہے، انہوں نے کہا کے ابتداعی تفتیش کے دوران ملزمان کے قبضے سے 15 لاکھ روپے کیش اور جرائم میں استعمال کی گئی ایک چوری شدہ کورولا کار برآمد کرلی گئی ہے اس کے علاوہ گرفتار ملزماں نے ضلع ٹھٹھہ سمیت دیگر اضلاع کے مختلف علاقوں میں کیبل چوری کی متعدد وارداتوں میں ملوث ہونے کا انکشاف بھی کیا ہے جس کا کریمنل ریکارڈ طلب کیا جارہا ہے مزید تفتیش جاری ہے۔گرفتار کریمنلز کے خلاف تھانہ جھمپیر اور مکلی میں الگ الگ مقدمات درج کردیے گئے ہیں۔ مزید ساتھی ملزمان کی گرفتاری کے لیئے پولیس کے چھاپے جاری ہیں-

ٹھٹھہ:پولیس کی کامیاب کارروائی، ونڈ پاور پراجیکٹس کیبل چوری کے مقدمات میں مطلوب گینگ برسٹ تین ایکٹو کریمنلز گرفتار ،1 کورولا کار اور 15 لاکھ کیش برآمد@DMCSindhPolice @BaaghiTV @MumtaazAwan pic.twitter.com/dGrKvIr0PG

— QNN WORLD (@QNN_World) March 18, 2023

کراچی،باغی ٹی وی (ویب نیوز) کلفٹن کے قریب پائپ لائن سے لیک ہونے والا تیل چوری کا نکلا،چوروں نے تیل چوری کرنے کے لئے لائن میں کلپ اور پائپ لگایا ہوا تھا
تفصیلات کے مطابق کراچی کے علاقے کلفٹن سی ویو کے قریب پارکو کی پائپ لائن سے لیک ہونے والا تیل چوری کا نکلا جس کا مقدمہ درج کرلیا گیا ہے۔پولیس نے واقعے کا مقدمہ سیکیورٹی آفیسرعزیز الرحمان کی مدعیت میں درخشاں تھانے میں نامعلوم ملزمان کے خلاف درج کرلیاہے، جس میں چوری کی دفعات شامل کی گئی ہیں۔کچھ روز قبل شاہ لطیف ٹاؤن میں بھی پارکو کی پائپ لائن کو لیک کرکے تیل چوری کیا جارہا تھا، واقعہ 15 مارچ رات 1 بجے کے قریب پیش آیا۔پولیس نے بتایا کہ چوروں نے پائپ لائن پر لوہے کا کلپ لگایا ہوا تھا اور کلپ کے ساتھ ایک پائپ پریشر پائپ کے ساتھ جڑا ہوا پایا گیا، جبکہ تیل چوری کرنے کے لئے پائپ سیوریج نالے کے اندر سے جارہا تھا، مینٹیننس ٹیم نے کلپ نکال کر سیفٹی کلپ لگاکر پائپ کو نکالا۔
ایف آئی آر کے مطابق سپروائزر جمشید نے سی ویو کلفٹن کے قریب آئل کی بو آنے کی اطلاع دی، جگہ کا معائنہ کیا تو کروڈ آئل کو گرا ہوا پایا جس کے بعد واقعے کی اطلاع مینٹیننس ٹیم کو دی گئی۔پولیس کا کہنا ہے کہ کروڈ آئل کی لائن کیماڑی سے کورنگی تک جارہی ہے۔

ٹُھل جیکب آباد( ویب ڈیسک )بیوہ سے شادی ،کاروکاری بن گیا، جرگہ3 لڑکیاں ونی اور 2لاکھ دینے کاحکم
سپریم کورٹ آف پاکستان میں سیاسی معاملات پر تو فوری نوٹس لے لیاجاتا ہے کیا ٹھل جیکب آباد میں ونی کی گئی بچیوں کی زندگیاں بچانے کیلئے سپریم کورٹ کاسوموٹوایکشن ہوگا؟
تفصیل کے مطابق جیکب آباد کی تحصیل ٹُھل میں ایک پنچائتی فیصلہ سوشل میڈیا پر وائرل ہے ،ایک ویڈیو شیئرکی جارہی ہے جو کہ تین بچیوں کی ہے جس میں وہ معصوم بچیاں سندھی زبان میں چیف جسٹس آف پاکستان سے نوٹس لینے کی اپیل کررہی ہیں ،سوشل میڈیاپر جو تفصیلات جاری کی گئی ہیں ان کے مطابق کچھ عرصہ قبل نوجوان دادو منگی نے ایک بیوہ خاتون حاجرہ سے پسند کی شادی کی ،اس شادی کو لیکر ٹھل کے مقامی وڈیرہ سردارذوالفقارعلی سرکی سربراہی میں ایک پنچائتی جرگہ منعقد کیا گیا،اس پنچائت میں سردارذوالفقارعلی سرکی نے بیوہ سے کئے گئے نکاح کو شادی ماننے سے انکارکردیا اور اس شادی کو کاروکاری قرار دے دیااورکارو کاری کے جرم میں سردار ذوالفقار علی سرکی نے جرگہ میں نوجوان دادو منگی کو جرمانہ کے طور تین بچیاں بطور ونی اور دد لاکھ روپے نقد ادا کرنے کاحکم دیا جو کہ سپریم کورٹ آ ف پاکستان کے فیصلہ کی کھلی خلاف ورزی ہے،ونی کی گئی بچیوں نے میڈیا سے گفتگو کرتے ہوئے ایس ایس پی جیکب آباد،آئی جی سندھ اور چیف جسٹس سپریم کورٹ آف پاکستان سے سرپنچ سردارذوالفقار علی سرکی کے خلاف کارروائی کرکے تحفظ دلانے کا مطالبہ کیاہے ،یہاں سوال یہ ہوتا ہے کہ ایک بیوہ خاتون نے اگر شادی کی ہے تو یہ کونسا جرم ہے حالانکہ بیوہ کی شادی کومعاشرے میں اچھی بات تصورکیاجاتا ہے لیکن یہاں پر سرپنچ نے جرگہ میں بیوہ کی شادی کوجرم بنادیا دیا اور کاروکاری کاالزام لگار کر معصوم بچیاں ونی کرنے کاحکم دے دیا ، سپریم کورٹ آف پاکستان میں سیاسی معاملات پر تو فوری نوٹس لے لیاجاتا ہے کیا ٹھل جیکب آباد میں ونی کی گئی بچیوں کی زندگیاں بچانے کیلئے سپریم کورٹ کاسوموٹوایکشن ہوگا؟

ٹُھل جیکب آباد-بیوہ سے شادی ،کاروکاری بن گیا، جرگہ3 لڑکیاں ونی اور 2لاکھ دینے کاحکم
سپریم کورٹ آف پاکستان میں سیاسی معاملات پر تو فوری نوٹس لیاجاتا ہے کیا ٹھل جیکب آباد میں ونی کی گئی بچیوں کی زندگیاں بچانے کیلئے سپریم کورٹ کاسوموٹوایکشن ہوگا؟@BaaghiTV
@SupremeCourtOfPakistan pic.twitter.com/doIvhoF1Gi

— QNN WORLD (@QNN_World) March 18, 2023