Author: ڈاکٹرغلام مصطفی بڈانی

راولپنڈی،باغی ٹی وی (ویب نیوز) راولپنڈی کے مضافاتی علاقے تھانہ کلرسیداں کی حدود میں فائرنگ سے 4 افراد جاں بحق ہو گئے۔
ترجمان پولیس کے مطابق کلر سیداں کے علاقے بیل میں فائرنگ کا واقعہ پیش آیا اور 15 پر فائرنگ سے جاں بحق افراد کی اطلاع موصول ہوئی۔ جس کے بعد پولیس پارٹی کو جائے وقوع پر روانہ کر دیا گیا۔
ڈی ایس پی کہوٹہ اور ایس ایچ او کلر سیداں پولیس ٹیم کے ہمراہ جائے وقوعہ پر پہنچے۔ فائرنگ سے جاں بحق ہونے والوں میں 2 خواتین بھی شامل ہیں جن کی شناخت زلیخاں بی بی اور نظرینہ بی بی کے ناموں سے ہوئی۔پولیس کے مطابق جاں بحق ہونے والے دیگر افراد کی شناخت عنصر اور پرویز کے ناموں سے ہوئی جبکہ ابتدائی تحقیقات کے مطابق واقعہ دیرینہ دشمنی کی وجہ سے پیش آیا۔

لوئر کوہستان (ویب نیوز)گھرکو آگ لگنے سے 11 افراد جاں بحق جبکہ دو بچے زخمی ہوگئے، جاں بحق افراد میں 6 بچیاں،3 بچے اور دو خواتین شامل ہیں۔ضلع لوئر کوہستان کے علاقے سیری پٹن کے ایک گھر میں رات گئے اچانک آگ لگ گئی، آگ کی شدت سے کچے مکان کی چھت گر گئی، ملبے تلے دب کر اور جھلس کر 11 افرادجاں بحق اور 2 افراد زخمی ہوگئے۔
فائر بریگیڈ مقامی افراد اور ریسکیو اہلکاروں نے آگ بجھا کر لاشیں اور زخمیوں کو نکال کر ہسپتال پہنچایا۔جاں بحق افراد میں 6 بچیاں،3 بچے اور دو خواتین شامل ہیں جبکہ زخمی ہونے والے 2 بچوں کو ہسپتال میں طبی امداد دی جارہی ہے۔ ریسکیو کا کہنا ہے کہ آگ لگنے کی وجہ معلوم نہیں ہوسکی ۔دوسری جانب نگران وزیراعلیٰ خیبر پختونخوا محمد اعظم خان نے لوئرکوہستان میں آتشزدگی کے واقعہ پر اظہار افسوس کرتے ہوئے مقامی انتظامیہ کو زخمیوں کی بروقت امداد کرنے کی ہدایت کی۔

اسلام آباد،باغی ٹی وی (ویب نیوز)کینیڈا اور یورپ کے جعلی ویزوں کا کاروبار کرنے والا بڑا نیٹ ورک پکڑاگیا
تفصیل کے مطابق ایف آئی اے اسلام آباد نےکینیڈا اور یورپ کے ویزوں کے نام پرشہریوں سے لاکھوں روپے بٹورنے والےنیٹ ورک کے سرغنہ کو ساتھی سمیت گرفتار کر لیا ہے۔ ترجمان ایف آئی اے کیمطابق ایف آئی اے کے انسپکٹر سید شبیر عباس کی سربراہی میں ٹیم نے جیری فیڈکس اسلام آباد دفتر کے باہر ایک کامیاب کارروائی کرتے ہوے کینیڈا اور یورپ کے جعلی ویزوں کا کاروبار کرنے والے ایک بڑے نیٹ ورک کے سرغنہ چوہدری ذوالفقار علی اور ساتھی شہزاد شریف کو گرفتار کر لیا، ملزمان کے قبضے سے بڑی تعداد میں پاکستانی پاسپورٹ برآمد ہوئے ،جن پر کینیڈا کے جعلی ویزہ جات لگے ہوئے تھے،ملزمان ویزہ جات دکھا کر سادہ لوح لوگوں سے فی ویزہ 40 لاکھ روپے وصول کرتے تھے ، ترجمان ایف آئی آے نے مزید بتایا کہ ملزم شہزاد شریف نے کینیڈا کے نمبر سے ایک واٹس ایپ بنایا ہوا تھا جس کے ذریعے وہ اسلام آباد میں ہی بیٹھ کر سادہ لوح لوگوں کو ورغلا کر کنیڈا ورک ویزہ کی بابت معاملات طے کرتا تھا، ملزمان سادہ لوح لوگوں کو جیری ویزہ آفس اسلام آباد لے جا کر کیس جمع کرواتے اور درخواست فارم پر اپنا نمبر اور ای میل ایڈریس دیتے تا کہ جیری آفس والے ان سے ہی رابطہ رکھیں بعد ازاں ملزمان معصوم لوگوں کے پاسپورٹ خود ہی واپس لے لیتے اور ان پر جعلی ویزے خود ہی چسپاں کرتے اور خطیر رقم بٹور لیتے۔ ایف آئی آے نے ملزمان کا چار یوم کا جسمانی ریمانڈ حاصل کر لیا ہے ،مزید تفتیش جاری ہے۔

کراچی،باغی ٹی وی (ویب نیوز) کلفٹن سی ویو کے قریب پارکوپائپ لائن لیک ہوگئی ہے۔آئل کی پائپ لائن لیک ہونے سے لاکھوں روپے کا آئل بہہ سمندر کی نظر ہو گیاہے ،علاقہ مکینوں کا کہنا ہے کہ پائپ لائن رات ہی سے لیک ہے ،جس سے تیل بہہ کر سمندر کے پانی شامل ہورہاہے جب کہ دوسری جانب ایس ایس پی ساؤتھ نے پارکو کی پائپ لائن لیک ہونے کے واقعے سے لا علمی کا اظہار کیا ہے۔خیال رہے کہ ملیر شاہ لطیف میں کچھ روز قبل بھی آئل پائپ لائن لیک ہوئی تھی۔

دراہمہ،باغی ٹی وی (نامہ نگارعبدالوحید) تھانہ دراہمہ ملتان روڈ پر لکھ داتا ہوٹل کے حادثہ ہوا تیز رفتار ٹریلر نے موٹرسائیکل سوار کو کچل ڈالا۔ نوجوان موقع پر جانبحق، ڈیڈ باڈی ہسپتال منتقل،جاں بحق ہونے والے نوجوان کی شناخت شاہ نواز ولد اللہ بچایا سکنہ ٹھہڑی گیدڑ والا ہوئی ہے۔ دوسراحادثہ دانش سکول کے قریب ایک موٹرسائیکل سوار نوجوان کا سامنے سے آنے والی ٹریکٹر ٹرالی سے تصادم ہوگیا۔تصادم کے نتیجہ میں موٹر سائیکل سوار 22سالہ نوجوان محمد عطا اللہ ولد غلام عباس جوکہ چھابری بالا کا رہائشی تھا روڈ پر گرا اسی اثناء میں تیز رفتار ٹریلر ڈرائیور نے غفلت اور لاپرواہی کا مظاہرہ کرتے ہوئے روڈ پر گرے ہوئے نوجوان کو کچل ڈالا۔ عطاللہ موقع پر ہی جاں بحق ہوگیا۔پولیس تھانہ صدر نے ٹریکٹر ٹرالی اور ٹریلر کو قبضہ میں لے لیا۔ جبکہ دونوں ڈرائیورز فرار ہونے میں کامیاب ہوگئے۔

ننکانہ صاحب باغی ٹی وی (نامہ نگار احسان اللہ ایاز) ننکانہ صاحب ضلعی پولیس ننکانہ کی بڑی کاروائی ای گیجٹ موبائل ایپ کی مدد سے 11 لاکھ روپے مالیت کے 41 قیمتی موبائل ٹریس ڈی پی او اعجاز رشید نے برآمد ہونیوالے موبائل اصل مالکان کے حوالے کر دیئے موبائل حاصل کرنے والوں میں دیگر اضلاع کے شہری بھی شامل چوری شدہ موبائل واپس ملنے پر شہریوں نے پولیس کے اقدام کو خوب سراہا ای گیجٹ موبائل ایپ پاکستان کے شہریوں کے لیے محکمہ پولیس کا انتہائی احسن اقدام ہےچوری شدہ مال مسروقہ برآمد کرنا اور حقیقی مالکان کو واپس دینا ہمارا فرض ہے عوامی جان و مال کے تحفظ اور سماجی خدمت میں دن رات مصروف عمل ہیں ڈی پی او اعجاز رشید