Author: ڈاکٹرغلام مصطفی بڈانی

ننکانہ صاحب باغی ٹی وی( نامہ نگار احسان اللہ ایاز)جشن بہاراں،پھولوں کی نمائش ،محفل مشاعرہ،میوزیکل نائٹ
تفصیل کے مطابق ڈپٹی کمشنرننکانہ صاحب میاں رفیق احسن نے کہا کہ شہریوں کی تفریح کے لیے ضلعی انتظامیہ ننکانہ کی جانب سے 18تا20مارچ تک علامہ اقبال پارک اور بابا فرید پارک میں جشن بہاراںپھولوں کی نمائش کا اہتمام کیا جارہاہے جس میں ضلعی محکمہ جات اور پرائیویٹ سیکٹرکی جانب سے پھولوں کے سٹالزلگائے جائیں گے جبکہ 19مارچ کی رات کو جمنیزیم ہال میں محفل مشاعرہ اور20مارچ کو میوزیکل نائٹ اور قوالی کا اہتمام کیا گیا ہے۔ڈپٹی کمشنر ننکانہ میاں رفیق احسن نے ان خیالات کا اظہارجشن بہاراں کے سلسلہ میں پھولوں کی نمائش،میوزیکل نائٹ اور قوالی کے انتظامات کا جائزہ لینے کے لیے منعقدہ اجلاس کی صدارت کرتے ہوئے کیا۔ایڈیشنل ڈپٹی کمشنر/فوکل پرسن مزمل الیاس،ڈپٹی ڈائریکٹر ڈویلپمنٹ حماد یوسف،سی ای او ایجوکیشن احسن فرید،چیف آفیسر ضلع کونسل ساجدمشرف،سماجی کارکن بابرخان،انچارج سیکورٹی برانچ سمیت دیگر متعلقہ محکمہ جات کے افسران نے اجلاس میں شرکت کی۔ اے ڈی سی آر مزمل الیاس نے اس موقع پر جشن بہاراں کے حوالے سے کیے گئے انتظامات بارے ڈپٹی کمشنر ننکانہ کو تفصیلی آگاکیا۔ڈپٹی کمشنر ننکانہ میاں رفیق احسن نے کہا کہ جشن بہاراںکے پروگرامز شہریوں کے لیے سستی تفریح ہے، پھولوں کی نمائش میں سٹالز لگانے والوں میں اول ،دوئم اور سوئم آنے والے سٹالز مالکان کو شیلڈز اور تحائف سے نوازا جائے گاجس کے لیے ججزپھولوں کی تازگی،اقسام، سجانے کا طریقہ سائز،کلر چیک کرکے پوزیشن کا فیصلہ کریں گے ڈپٹی کمشنرننکانہ نے کہا کہ سٹالز کے مقابلہ جات کا مقصد شہریوں میں پھولوں اور پودوں کی اہمیت کو اجاگر کرنا ہے تاکہ شہرکو آلودگی سے بچایا جاسکے۔ڈپٹی کمشنر ننکانہ نے مزید کہا کہ19اور20مارچ کی رات 8بجے تا11بجے تک محفل مشاعرہ، میوزیکل نائٹ،قوالی سمیت دیگر پروگرامز جیمنیزیم ہال میں منعقد ہونگے

چترال (باغی ٹی وی)ضلع لوئیر چترال میں طویل عرصے کے بعد جشن چترال کے نام سے ایک میلے کا آغاز ہوچکا ہے جو چار دن جاری رہے گا۔ جشن چترال میں فٹ بال، والی بال، کرکٹ، میراتھن ریس،رسہ کشی اور پولو کے علاوہ قرات، نعت خوانی، قومی نغموں، تقاریر اور مشاعرے کے بھی مقابلے ہوں گے۔اس جشن میں پہلی بار تمام سرکاری محکموں کی ٹیمیں مختلف کھیلوں میں حصہ لے رہی ہیں- تفصیل گل حماد فاروقی کی اس رپورٹ میں

ٹھٹھہ،باغی ٹی وی( نامہ نگار راجہ قریشی)ٹھٹھہ سے پی ٹی آئی کے رہنما عمران خان سے یکجہتی کیلئے زمان پارک پہنچ گئے
تفصیل کے مطابق پاکستان تحریک انصاف ضلع ٹھٹہ کی نمائندگی کرنے کہ لئے لاھور زمان پارک میں موجود پاکستان تحریک انصاف ضلع ٹھٹھہ کے سینیئر نائب صدر سید امجد شاہ ۔ 2018 میں ٹھٹھہ کے صوبائی حلقہ پی ایس 78 گھوڑاباری سے پاکستان تحریک انصاف کی ٹکٹ ھولڈر میڈم زیب جلبانی کے بیٹے اور پاکستان تحریک انصاف ضلع ٹھٹھہ کے نائب آصف راجڑ اور انفارمیشن سیکرٹری مراد ساٹی نے ٹیلیفون کے ذریعے ٹھٹھہ کے صحافیوں سے بات کرتے ہوئے بتایا کہ گذشتہ دو روز پہلے زمان پارک لاھور اپنے قائد عمران خان سے اظہار یکجھتی کے طور پر پہنچے ہیں رہنماؤوں نے مزید کہا کہ اس وقت تک ہمارے قائد کے خلاف 80 سے زائد جھوٹے اور من گھڑت مقدمات بنائے گئے پاکستان کی تاریخ میں اس سے پہلے کسی بھی سیاسی رہنما یا سابق وزیراعظم کے خلاف نہیں بنائے گئے –

گوجرخان کی 2 صوبائی نشستوں پر 53 امیدواروں نے کاغذات نامزدگی جمع کرادیئے
گوجرخان باغی ٹی وی( نامہ نگار شیخ ساجد قیوم ) گوجرخان میں پنجاب اسمبلی کے 2 حلقوں PP 8 اور PP9 کے لئے کل 53 امیدواروں نے کاغذات نامزدگی جمع کرائے ھیں گوجرخان شہر اور ملحقہ علاقوں پر مشتمل پی پی 8 کے لئے 26 امیدواروں نے کاغذات نامزدگی جمع کرائے جبکہ پی پی 9 کے لیے 27 امیدواروں نے کاغذات نامزدگی جمع کرانے کاغذات نامزدگی جمع کرانے والوں میں کئی سابق ممبران صوبائی اسمبلی بھی شامل ہیں پی پی 8 سے سابق ایم پی اے چوہدری جاوید کوثر اور پی پی 9 سے پی ٹی آئی کے سابق ایم پی اے چوہدری ساجد محمود نے بھی کاغذات نامزدگی جمع کرائے ھیں پی پی 8 سے دو خواتین نے بھی کاغذات نامزدگی جمع کرائے ھیں

چترال(گل حماد فاروقی)ضلع لوئیر چترال میں جشن چترال 2023 کا آغاز کردیا گیا۔ اس سلسلے میں گورنمنٹ سینٹینل ماڈل ہائی سکول کے اسٹیڈیم میں افتتاحی تقریبات منعقد ہوئے۔ جشن چترال طویل عرصے کے بعد منایا جارہا ہے۔ اس مرتبہ اس میں ولی بال، فٹ بال، کرکٹ، رسہ کشی، پولو، نعت حوانی، قرات اور شاعری کے بھی مقابلے ہوں گے۔ اس جشن میں حصہ لینے والے تمام ٹیموں نے اسٹیڈیم میں پلے مارچ بھی کیا جس میں سکول آف نالج اینڈ سائنس سینگور کے نھنی پریوں جیسے بچیوں نے ہاتھوں میں پھول لہراتے ہوئے خوبصورت انداز میں خوش آمدیدی انداز میں مارچ پیش کیا۔

قومی ترانہ پیش کرتے وقت تمام شرکاء احتراما! کھڑے ہوئے۔ چترال سکاؤٹس کے میجر نے فیتہ کاٹ کر جشن چترال کا افتتاح کیا۔ جبکہ ان کے علاوہ ضلعی انتظامیہ کے افسران، محکمہ جنگلی حیات، پولیس، چترال سکاوٹس، محکمہ صحت، سول ڈیفنس، چترال لیوییز اور دیگر محکموں کے نمائندگان نے بھی اس میں شرکت کی۔

ڈسٹرکٹ سپورٹس آفیسر امیر زمان نے کہا کہ اس مرتبہ ضلعی انتظامیہ کے تعاون سے منایا جانے والے جشن چترال میں محکمہ پولیس، لیویز، صحت، چترال سکاوٹس، سول ڈیفنس، پاپولیشن ویلفیر اور دیگر محکموں کے ٹیمیں بھی حصہ لے رہے ہیں۔ انہوں نے کہا کہ ولی بال میں کل نو ٹیمیں ہیں اسی طرح فٹ بال میں 9 ٹیمیں، کرکٹ میں نو ٹیمیں، رسہ کشی کے دو ٹیمیں اور پولو کے بھی دو ٹیمیں حصہ لے رہے ہیں جس میں پولیس اور لیویز کے ٹیمیں مد مقابل ہوں گے۔

انہوں نے کہا کہ اس کے علاوہ ملی نغمہ، شاعری، قرات اور نعت حوانی کے بھی مقابلے ہوں گے۔ انہوں نے کہا کہ جشن چترال منانے کا بنیادی مقصد نوجوان نسل کو مثبت سرگرمیوں میں مشعول رکھنا ہے تاکہ ایک طرف وہ ذہنی اور جسمانی طور پر صحت مند رہے اور دوسری طرف وہ منشیات اور دیگر منفی سرگرمیوں سے بھی محفوظ رہے۔ جشن چترال چار دن جاری رہے گا جس کو دیکھنے کیلئے کثیر تعداد میں تماشائی بھی میدان میں موجود تھے۔