Author: ڈاکٹرغلام مصطفی بڈانی

اوکاڑہ باغی ٹی وی( نامہ نگار ملک ظفر )پاک فوج کا جانوروں کے علاج فری ویٹرنری کیمپ لگایا گیا
تفصیل کے مطابق پاک فوج کےشعبہ ریمونٹ ویٹرنری اینڈ فارمز کورکے زیر اہتمام اوکاڑہ کے پسماندہ گاؤں چک نمبر25 فور ایل میں فری آرمی ویٹرنری کیمپ کا قائم کیا گیا اس حوالےسے میجر ڈاکٹر اظہر نے بتایا پاک فوج عوام کی فلاح و بہبود کے لئے اقدامات میں ہمیشہ پیش پیش رہتی ہے۔ ناگہانی آفات ہوں یا عوام کی اور اُن کے جانوروں کی ویلفیئر کے لئے کوئی قدم اُٹھانا ہو۔ ملک میں دودھ اور گوشت کی پیداوار میں اضافے کےلئے جانوروں کی نگہداشت کے جدید طریقہ کار سے آگاہی مفت علاج(منہ کھر ،گل گھوٹو اور جلدی بیماریوں، کے تدارک کے لیے مفت علاج اور مفت ادویات فراہم کی گئی۔ جانوروں میں بیماریوں کی تشخیص بذریعہ جدید ٹیکنالوجی اور الٹراساؤنڈ کی مدد سے کی گئی کیمپ میں اعلیٰ نسل کے جانوروں کی افزائش کے لئے مصنوعی نسل کشی کا بھی انتظام کیا گیا تھا۔پاک فوج کی طرف سے مویشی پال حضرات کے لئے نیپئر گراس کی قلموں کی بلا معاوضہ فراہمی کا بھی انتظام کیا گیا تھا۔فری میڈیکل کیمپ میں200 جانوروں کے مفت علاج کے علاؤہ مستحق افراد کی امداد کے لئے مفت راشن بیگ(گھی ،چینی، پتی، دال، روح افزاء،واٹر کولر اور بچوں کے سکول بیگ)بھی تقسیم کئے گئی۔

ٹھٹھہ ،باغی ٹی وی(نامہ نگار راجہ قریشی)اے سی ایف کی جانب سے قبل از وقت قدرتی آفات سے نمٹنے کے متعلق ایک روزہ ورکشاپ کا انعقاد –
تفصیلات کے مطابق ٹھٹھہ قدرتی آفات کی پیشگوئی کے بعد قبل از وقت نمٹنے کے نظام کو مضبوط بنانے کے لیے ایکشن اگینسٹ ہنگر (این جی او) کی جانب سے سندھ میں جاری پروجیکٹ کا جائزہ لینے کے متعلق جیم خانہ مکلی میں ایک روزہ ورکشاپ کا انعقاد کیا گیا۔ اس موقع پر ورکشاپ سے خطاب کرتے ہوئے صوبائی سربراہ اے سی ایف ڈاکٹر رانو مل لوہانہ نے کہا کہ قدرتی آفات اور حادثات رونما ہونا ایک حقیقت ہے اور ہر قوم اپنے وسائل اور منصوبہ بندی کے مطابق ان آفات اور حادثات سے نمٹنے کی کوشش کرتی ہے تاکہ حادثات سے ہونے والے نقصانات کی روک تھام کی جاسکے اور نقصانات کو کم سے کم کیا جاسکے۔ انہوں نے کہا کہ پاکستان میں حالیہ شدید بارشوں کے دوران تمام صوبوں میں جانی و مالی نقصان ہوا، ان میں صوبہ بلوچستان اور سندھ سب سے زیادہ متاثر ہوئے، ناقص منصوبہ بندی، وسائل کی قلت اور جگرافیائی عوامل کی وجہ سے ان صوبوں کے پاس پہلے ہی بنیادی سہولتوں کا فقدان ہے۔ انہوں نے کہا کہ حکومت اس ضمن میں بہت مظبوط اور اس کے پاس کئی ریسورسز بھی ہوتے ہیں جبکہ ہمارا ڈونرز پر انحصار ہوتا ہے اپنے فنڈز نہیں ہوتے، چاہتے ہیں کہ ہم اتنے بااحتیار ہو جائیں کہ ہمیں کسی کی ضرورت ہی نہ پڑے۔ انہوں نے کہا کہ اس سے قبل ہم نے کمیونٹی استحکام پر کام کیا اور اس کی بنیاد پر آج متوقع کارروائی پر حکومت سندھ کے مختلف محکموں کے تعاون اور ان کی مشاورت سے کام کر رہے ہیں اور اگر بہتر ہوتا ہے تو ہم کم سے کم دو ضلعوں کے نمونے لیکر اسے پائلٹ کرکے مزید ضلعوں میں بھی جائیں گے، ان کا کہنا تھا کہ حکومت، کمیونٹی، این جی اوز اور مختلف سرکاری ادارے جوکہ کہیں نہ کہیں ہماری مدد کر سکتے ہیں تو اس مسئلے پر کام کریں۔ انہوں نے کہا کہ قومی سطح پر این ڈی ایم اے اور صوبائی سطح پر پی ڈی ایم اے قدرتی آفات اور ہنگامی صرتحال سے نمٹنے کے لیے انتہائی مفید کام کر رہے ہیں جبکہ ڈی ڈی ایم اے کی جانب سے ضلعی سطح پر بھی بارشوں، سیلاب اور دیگر قدرتی آفات سے نمٹنے کیلئے اپنی استعداد میں اضافہ کرنا ہوگا۔ انہوں نے کہا کہ ہمارے پروجیکٹ کا مقصد قدرتی آفات کی وارننگ کے بعد ہمیں انتظار نہیں کرنا چاہیے کہ قدرتی آفت کے بعد ہی سرگرم عمل ہوں گے بلکہ ہمیں لوگوں کی قدرتی آفت سے قبل پیشگی مدد کیلئے مطلوبہ وسائل اور منصوبہ بندی کے ساتھ کام کرنے کی ضرورت ہے۔ ان کا کہنا تھا کہ ہماری کوشش ہے کہ ایسی ریزیلینس کمیونٹی بنائیں تاکہ ہم آئندہ کوئی اچھا کام کر سکیں اور جتنا بھی کر رہے ہیں باالواسطہ یا بلا واسطہ حکومت پر منحصر کرتے ہیں اور حکومت کے ساتھ ہی ملکر کیمونٹی کی سپورٹ کیلئے کام کرتے ہیں۔ انہوں نے کہا کہ جتنا سسٹم مضبوط ہوگا اور ہم جتنی شفافیت لائیں گے اور عزم و ذمہ داری کے ساتھ جائیں گے تو یقینن ایک دن ضلع ٹھٹھہ اور میرپور خاص ایک ماڈل ہوگا جس کی بنیاد پر پورے سندھ سمیت ملک بھر میں متوقع کارروائی پیشگی سرگرمیاں کر سکیں گے تاکہ گذشتہ سیلاب کے دوران جو ہمیں نقصان ہوا وہ نہ ہو۔ انہوں نے کہا کہ ہم نے 2010 کے سیلاب کے دوران ضلع ٹھٹہ کے 326 جبکہ ضلع میرپور خاص میں 316 متاثرین کو 25-25 ہزار روپے امداد فراہم کئے اس کے ساتھ ساتھ مختلف این جی اوز کے نمائندوں کو قدرتی آفات سے نمٹنے کے متعلق تربیت دی اور کٹس بھی فراہم کی گئی جبکہ ریسورس سینٹرز بھی قائم کئے گئے تھے۔ قبل ازیں پروجیکٹ مینیجر اے سی ایف عبدالوحید ملاح، پروجیکٹ کوآرڈینیٹر اے سی ایف ذیشان عظمت، اینٹیسپیٹری ایکشن اسپیشلٹ عادل بادشاہ، ڈپٹی ڈائریکٹر سوشل ویلفیئر خدا بخش بہرانی و دیگر نے ورکشاپ کے شرکاء کو قدرتی آفات کی پیشگوئی کے بعد قبل از وقت نمٹنے کے نظام کو مضبوط بنانے کے متعلق تفصیلی آگاہی دی۔ ورکشاپ میں محکمہ تعلیم، زراعت، صحت، پبلک ہیلتھ، اطلاعات، لائیواسٹاک، آبپاشی، لوکل گورنمنٹ، جنگلات و دیگر محکموں کے افسران سمیت این آر ایس پی، سرسو، ہینڈز و دیگر این جی اوز کے نمائندوں نے شرکت کی۔

ٹھٹھہ،باغی ٹی وی ( نامہ نگار راجہ قریشی) ایڈمنسٹریٹر کے حکم پر مختلف وارڈوں میں عملہ صفائی پہنچ گیا
تفصیل کے مطابق ٹھٹھہ میونسپل کیمیٹی کے ایڈمنسٹریٹر سکندر حیات بلوچ کے احکامات پر عنایت جاکرو کی زیر نگرانی میونسپل عملے کا اسلامک پور محلہ اور ٹھٹھہ کے چھوٹے بڑے وارڈوں میں صفائی کا عمل جاری ہے دوسری جانب ایڈمنسٹریٹر سکندر حیات بلوچ نے میڈیا اور عوامی پریس کلب ٹھٹھہ کے نمائیندوں سے بات کرتے ہوۓ کہا کے ہمیں عوام نشاندہی کرتی ہے کے کہاں پر صفائی کرنے والا عملہ نہیں آیا ،وہاں پر ہمارا عملہ پہنچ کر صفائی کرنا شروع کرتا ہے، ہماری یہ کوشش ہے کے ہمیں عوام کی طرف سے کوئی شکایات نہ ملیں لیکن پھر بھی اگر جہاں پر نشاندہی ہوتی ہے وہاں پر ہمارا عملہ صفائی کرتا ہے اور مزید اس نے میڈیا کا شکریہ ادا کیا کہا کے میڈیا کے زریعے ہمیں پتا چلتا ہے میں ان کا شکر گزار ہوں.

ٹھٹھہ،باغی ٹی وی( نامہ نگار راجہ قریشی) تاریخی شہر ٹھٹھہ میں عباسی برادری کا عالیشان اجتماع، اجتماع میں ڈاکٹر شفقت عباسی، سردار بابر عبّاسی اسلم عباسی، نواز عباسی وفا اکرم عباسی، شاہنواز خان عباسی، ایوب عبّاسی شامل، عبّاسی برادری کے آئے مہمانوں کو جم خانہ مکلی میں ڈاکٹر آکاش عباسی، وفا اکرم عبّاسی، غلام عباس کلہوڑو نے شاندار استقبالیہ دیا، استقبالیہ سے خطاب کرتے ہوئے ڈاکٹر شفقت حسین عبّاسی، سردار بابر عبّاسی نے کہا کے ہمارا قافلہ نا صرف پاکستان کی عباسی برادری بلکہ پورے پاکستان کی عوام کے لیے معاشی ترقی اور خوشحالی کا پیغام لے کر آیا ہے ، جلد پاکستان کو خوشحال پاکستان بنائینگے۔ شرکا کو ڈاکٹر آکاش عباسی، وفا اکرم عبّاسی اور غلام عباس کلہوڑو نے اجرک کے تحفے پیش کیے۔