Author: ڈاکٹرغلام مصطفی بڈانی

کندھ کوٹ،باغی ٹی وی (نامہ نگار) غلہ منڈی کے قریب گندم اور باردانے کے گودام میں آگ لگ گئی آگ لگنے سے لاکھوں روپے مالیت کا اناج اور باردانہ جل کر خاکستر ہو گیا ۔
تفصیلات کے مطابق کندھ کوٹ میں غلہ منڈی کے قریب گندم اور باردانے کے گودام میں آگ لگ گئی آگ لگنے سے لاکھوں روپے مالیت کا اناج اور باردانہ جل کر خاکستر ہو گیا ریسکیو کے مطابق گندم اور باردانے کے گودام میں اچانک آگ بھڑک اٹھی، آگ نے پورے گودام کو اپنی لپیٹ میں لے لیا جس کے نتیجے میں لاکھوں روپے مالیت کا اناج اور باردانہ جل کر خاکستر ہو گیا ،اطلاع ملنے پر فائر برگیڈ عملہ نے پہنچ کر آگ پر ایک گھنٹے کے بعد قابو پا لیا ہے جبکہ گودام مالک سوبھراج کا کہنا ہے کہ آگ لگنے کی وجہ تاحال معلوم نہیں ہو سکی ہے آگ لگنے سے میرا تقریباً دو کروڑ روپے کا نقصان ہوا ہے۔

کندھ کوٹ ،باغی ٹی وی (نامہ نگار) کشمور ضلع بھر میں امن و امان کی صورتحال بگڑ گئی جمال پولیس تھانہ کی حدود سے ڈاکو اینٹوں کے بہٹی پر کام کرنے والے دو افراد برائے تاوان کے لیے ڈاکوؤں کے ہاتھوں اغوا اور تنگوانی ٹھل روڈ پر ٹرک ڈرائیور اور کلینر کو بھی اغوا کر لیا گیا
تفصیلات کے مطابق تنگوانی ایک ہی رات میں جمال اور تنگوانی سے 4 افراد اغوا ہو گئے جمال پولیس تھانہ کی حدود میں سے اغوا ہونے والوں میں سید ممتاز شاہ اور انور شامل ہیں جن کا تعلق لاڑکانہ سے ہے ڈاکوں مغویوں کو کچے کے طرف لے گئے اطلاع ملنے پر پولیس کا علاقے میں ناکہ بندی شروع ٹرک لاوارث حالت میں سڑک کے کنارے ملا ہے فائرنگ سے ٹرک کے شیشے ٹوٹے ہوئے ہیں،ڈاکوں ڈرائیور،، کلینر،،اور بہٹی پر کام والے مغوی کو اغوا کر کے لے گئے ہیں مغویوں کی بازیابی کے لئے،، ورثہ کا احتجاج ہمارے مغویوں کو جلد بازياب کراکر ہمارے بیچینی ختم کی جائے۔

ٹھٹھہ،باغی ٹی وی ( نامہ نگار راجہ قریشی )ایس ایچ او ٹھٹھہ کی بڑی کارروائیاں ،بڑے مگرمچھ محفوظ ، غریب مزدور زیرعتاب
تفصیل کے مطابق ایس ایچ اوتھانہ ٹھٹھہ اللہ ڈنو پنہور نے پولیس کے اعلیٰ آفیسران کی آنکھوں میں دھول جھونکتے ہوئے اپنی کارکردگی دکھانے کیلئے بوگس کارروائیوں میں مصروف ہوگیا ہے ،مبینہ طور پر منشیات کی دنیا کے بڑے مگرمچھوں سے ڈیل کرکے عام دیہاڑی دار مزدوروں کوپکڑکر ان پر منشیات اور ماواگٹکا کے جھوٹے مقدمات بناکر انہیں حوالات میں بند کرنے لگا ہے، ایس ایچ او ٹھٹھہ نے تھانہ ٹھٹھہ کی حدود کے اندر اپنی سٹیٹ بنالی ہے،ایس ایچ او موصوف نے قانون اور طاقت کاغلط استعمال کرتے ہوئے ایسے غریبوں کو بھی پابند سلاسل کیا ہے جن کے گھر میں ان کے بچوں کے کھانے کیلئے آٹا بھی نہیں ہے،ایس ایچ او مجاز رات کے 10 بجے کے بعد ناکے لگاکر راہ چلتے شہریوں کوپکڑلیتاہے پھر ڈیل کرکے بھاری رشوت لینے کے بعد چھوڑ دیتا ہے،جو نذرانہ نہ دے سکیں ان پر ایف آئی آر کٹ جاتی ہےاور حوالات ان کامقدربن جاتا ہے،عوامی وسماجی حلقوں نے ڈی آئی جی حیدرآباد اور ایس ایس پی ٹھٹھہ عدیل حسین چانڈیو سے نوٹس لیکر آزادانہ تحقیقات کے ساتھ ایس ایچ ٹھٹھہ اللہ ڈنوپنہور کافی الفور تبدیل کرنے کامطالبہ کیا ہے ،

قصور،باغی ٹی وی(نامہ نگار طارق نوید سندھو)سے تھانہ صدر کی حدود میں 5 سالہ بچی کے ساتھ کریانہ سٹوروالے نے زیادتی کر دی
قصور کے نواحی گاؤں مان میں ملزم دانش کے سٹور سے بچی گھر سے صابن لینے گئی جسے اکیلے پاکر بچی کی زبردستی زنا کا نشانہ بنا دیا گیا۔
قصور ثمینہ بی بی نے درخواست دی کہ میری 5 سالہ بچی کے ساتھ زیادتی کی گئی جبکہ پولیس کی طرف سے کوئی زمہ داری کا مظاہرہ نہیں کیا جا رہا جس کی وجہ سے ابھی تک ڈسٹرک ہیڈ کوارٹر کی ایمرجنسی کے ڈاکٹر طبی معائنہ نہیں کر رہے بچی خون میں لت پت ہے اہل خانہ پر غشی کے دورے۔
قصور بچی کے اہل خانہ کا کہنا ہے کہ ڈی ایچ کیو قصور کے ڈاکٹر ہمارے ساتھ تعاون نہیں کر رہے تقریبا 3 بجے کے ہسپتال میں بیٹھے ہیں۔
قصور تھانہ صدر کی پولیس کو درخواست جمع کروا دی ہے ،لیکن پولیس کی طرف سے کوئی کارروائی عمل میں نہیں لائی گئی، آئی جی پنجاب اعلی حکام اور ڈی پی او قصور سے فوری طور کارروائی کامطالبہ۔

کندھ کوٹ ،باغی ٹی وی (نامہ نگار) ایس ایس پی کا ایکشن ، پولیس ڈیپارٹمنٹ میں چھپی 22 کالی بھیڑیں پھڑکا ڈالیں
تفصیل کے مطابق کشمور میں ایس ایس پی عرفان علی سموں نے 22 پوليس عملدار ڈسمس فرام سروس کر دیا گیا ہے پولیس ڈپارٹمنٹ میں چھپے کالی بھیڑوں کے خلاف ایس ایس پی عرفان علی سموں کی کاروائی ایس ایس پی عرفان علی سموں نے 22 پوليس افسران کو ڈسمس فرام سروس کردیا ہے نوکری سے فارغ ہونے والوں میں ایک اے ایس آئی، پانچ ہیڈ کانسٹیبلز سميت دیگر پولیس اہلکار شامل ہیں ڈسمس فرام سروس ہونے والے عملدار کشمور، کندھ کوٹ سميت دیگر تھانوں میں تعینات تھے جرائم پیشہ عناصر کے ساتھ ملوث پائے جانے والے الزام میں پولیس عملداروں کو نوکری سے فارغ کردیا ہے، ایس ایس پی عرفان علی سموں کا کہنا تھا کہ ضلع بھر میں امن امان بحال کرنا میری اولین ترجیح ہے جرم چھوٹا ہو یا بڑا سزا لازمی ملی گی فرائض میں کوتاہی ہرگز برداشت نہیں کروں گا اہلکاروں کو کرمنلز ایکٹیویٹز میں شامل ہونے کے الزام میں ڈس مس فرام سروس کردیا گیا ہے۔

کراچی (باغی ٹی وی)مفرور ملزمان کے شناختی کارڈ،بنک اکاؤنٹ بند،فیصلہ ہوگیا
ترجمان سندھ پولیس کے مطابق مفرور ملزمان کے شناختی کارڈز اور بینک اکاؤنٹس بلاک کرنے کا فیصلہ آئی جی سندھ غلام نبی میمن کی زیر صدارت اجلاس میں کیا گیا۔ترجمان پولیس کا کہنا ہے کہ متعلقہ حکام سے 15 روز میں رپورٹ طلب کر لی گئی ہے اور آئی جی سندھ نے شعبہ تفتیش کو مزید 350 کمپیوٹرز فراہم کرنے کا حکم دیا ہے۔ترجمان سندھ پولیس کے مطابق آئی جی غلام نبی میمن کا کہنا ہے کہ شعبہ تفتیش کوبہتر بنانا ہمارا مقصد ہے۔

سجاول،باغی ٹی وی ( نامہ نگار یاسر علی پٹھان) ایس پی کی ہدایت پرگذشتہ روز حادثہ میں جاں بحق ہونے والے سب انسپکٹر کے گھر جاکر آئی ٹی انچارج کی تعزیت
تفصیل کے مطابق ایس پی سجاول جناب سید امداد علی شاہ کی ہدایات پر ضلع سجاول پولیس کی ٹیم انچارج آئی ٹی عبدالحفیظ بھرٹ کی نگرانی میں
گزشتہ رات روڈ حادثہ میں انتقال کر جانے والے انچارج جاتی چوک سب انسپکٹر منیر احمد ڈاوچ کے آبائی گاؤں پہنچ کر ان کے ورثاء سے تعزیت کی اور ان کے ورثاء کو ایس ایس پی کی جانب سے تدفین کے لیے مالی معاونت بھی پہنچائی،
اس موقع پر مرحوم سب انسپکٹر کی مغفرت کے لیے دعا کی گئی اور مرحوم کے ورثاء کو جناب ایس ایس پی سجاول کی جانب سے ہر قسم کی قانونی و اخلاقی امداد کی یقین دہانی کا پیخام بہی پہنچایامرحوم کے ورثاء نے ایس ایس پی سجاول کا شکریہ ادا کرتے ہوئے کہا کہ بہت جلد ایس ایس پی سے ملاقات بھی کریں گے .