Author: ڈاکٹرغلام مصطفی بڈانی

ٹھٹھہ،باغی ٹی وی ( نامہ نگار راجہ قریشی)ماہ رمضان کے دوران غیر قانونی منافع خوری اور ذخیرہ اندوزی کی اجازت ہر گز نہیں دی جائے گی۔ غلام فاروق سومرو
ضلعی انتظامیہ کی جانب سے مقرر کردہ نرخوں سے زیادہ قیمت وصول کرنے والوں کے خلاف سخت قانونی کارروائی کی جائے گی۔ ڈپٹی کمشنر ٹھٹھہ
تفصیل کے مطابق ٹھٹھہ ڈپٹی کمشنر غلام فاروق نے ضلع کے تمام تاجروں، دکانداروں اور کاروباری افراد کو ہدایت کی ہے کہ وہ رمضان المبارک کے مہینے کا بھرپور احترام کرتے ہوئے روز مرہ استعمال کی اشیاء ضروریہ ضلعی انتظامیہ کی جانب سے مقرر کردہ نرخوں پر فروخت کرکے اپنی اخلاقی اور قانونی ذمہ داری کا مظاہرہ کریں تاکہ عام و غریب آدمی کو اس مقدس اور بابرکت ماہ رمضان کے دوران مہنگائی کے عذاب سے بچایا جا سکے۔ یہ ہدایت انہوں نے دربار ہال مکلی میں احترام رمضان اور اشیائے ضروریہ کی قیمتوں میں کمی کے حوالے سے منعقدہ اجلاس کی صدارت کرتے ہوئے دی۔ ڈپٹی کمشنر نے کہا کہ ضلعی انتظامیہ کی جانب سے رمضان المبارک کے دوران غیر قانونی منافعہ خوری اور ذخیرہ اندوزی کی اجازت ہر گز نہیں دی جائے گی، خلاف ورزی کرنے والوں کے خلاف قانونی کاروائی کی جائے گی۔ انہوں نے ضلع کے تمام اسسٹنٹ کمشنرز اور مختیارکارز کو ہدایت کی کہ وہ مارکیٹ کمیٹی اور بیورو آف سپلائی و پرائسز افسران کے ہمراہ روزانہ کی بنیاد پر مارکیٹوں اور بازاروں میں اچانک چھاپے مار کر روز مرہ استعمال کی اشیائے ضروریہ کی فروخت پر کڑی نظر رکھیں اور زیادہ قیمتیں وصول کرنے والوں کے خلاف سخت اقدام اٹھائیں تاکہ عوام بالخصوص غریب لوگوں کو زیادہ سے زیادہ سے رلیف مل سکے۔ ڈپٹی کمشنر نے بیورو آف سپلائی و پرائس افسران کو ہدایت کی کہ وہ اشیائے ضروریہ کے نرخ نامے روزانہ کی بنیاد پر دکانداروں کو فراہم کریں اور انہیں نمایاں مقامات پر آویزاں کرنے کا پابند بھی بنائیں تاکہ عوام کو مقرر کردہ قیمتیں معلوم ہو سکیں۔ ڈپٹی کمشنر نے اسسٹنٹ کمشنرز اور پولیس افسران کو ہدایت کی کہ احترام رمضان آرڈیننس پر ہر صورت عملدرآمد یقینی بنائیں اور رمضان کے دوران کھلنے والی ہوٹلوں، ذخیرہ اندوزی اور ملاوٹ کرنے والوں کے خلاف قانونی کارروائی کی جائے۔ انہوں نے متعلقہ افسران کو ہدایت کی کہ رمضان کے دوران سیکیورٹی، صفائی ستھرائی اور پینے کے پانی کی مساجد سمیت گھر گھر فراہمی کو یقینی بنا‏یا جائے۔ اس موقع پر اشیائے ضروریہ کی نئی قیمتیں بھی مقرر کی گئیں۔ ڈپٹی کمشنر نے حیسکو اور کے الیکٹرک افسران کو ہدایت کی کہ ماہ رمضان میں سحر و افطار کے اوقات میں بجلی کی لوڈ شیڈنگ سے گریز کریں۔ اجلاس میں پولیس، رینجرز، بیورو آف سپلائی اینڈ پرائسز، مارکیٹ کمیٹی، مینیجر یوٹیلٹی اسٹورز، محمکہ خوراک، پبلک ہیلتھ، صحت، کے الیکٹرک، حیسکو، لائیواسٹاک، پولٹری، فشریز، اینیمل ہسبنڈری، ضلع کے تمام اسسٹنٹ کمشنرز و مختیارکارز، ٹاؤن افسران، کریانہ مرچنٹ ایسوسیئش کے نمائندوں اور تاجر رہنماؤں سمیت دیگر متعلقہ افسران نے شرکت کی۔

ٹھٹھہ،باغی ٹی وی( نامہ نگار راجہ قریشی)پولیس کا ایکشن ،متعدد منشیات اور گٹکا فروش گرفتار
ایس ایچ او تھانہ گھارو انسپیکٹر ممتاز علی بروہی اور انچارج پولیس پوسٹ گجو سب انسپیکٹر لیاقت علی کنبھار بمعہ اسٹاف نے دوران گشت *گجو شیر میں کارروائیاں کرکے 2 گھٹکہ فروش ملزمان سہیل میمن کو 11 کلو چورہ سپاری، 500 پیکٹ گھٹکہ ماوا، 1 موٹر سائیکل اور عباس علی عرف ابی ملاح کو 500 پیکٹ گھٹکہ ماوا اور 1 منشیات فروش آصف عمرانی کو 58 بیگز دیسی شراب سمیت گرفتار کرکے تھانہ گھارو پر الگ الگ مقدمات درج کردیے۔مقدمہ نمبر 41/2023 سیکشن 3/4 منشیات آرڈیننس تھانہ گھارو۔مقدمہ نمبر 42/2023 سیکشن 3,4,8 گھٹکہ ائیکٹ 2019 تھانہ گھارو۔مقدمہ نمبر 43/2023 سیکشن 3,4,5,8 گھٹکہ ائیکٹ 2019 تھانہ گھارو۔
ایس ایچ او تھانہ ساکرو انسپیکٹر گل حسن کچھار اور انچارج پولیس پوسٹ غلام اللہ سب انسپیکٹر محمد حسن پتافی بمعہ اسٹاف نے دوران گشت ساکرو اور غلام اللہ شیر میں کارروائیاں کرکے 6 گھٹکہ فروش ملزمان محمد حنیف میمن، گل محمد عرف گلو سمیجو کو 800 پیکٹ اور امیر بخش خاصخیلی، عبدالغفور شیخ، محمد حسن خاصخیلی، دانیال کنبھار کو 550 پیکٹ گھٹکہ ماوا سمیت گرفتار کرکے تھانہ ساکرو پر الگ الگ مقدمات درج کردیے۔
مقدمہ نمبر26/2023 سیکشن 3,4,8 گھٹکہ ائیکٹ 2019 تھانہ ساکرو۔مقدمہ نمبر 27/2023 سیکشن 3,4,8 گھٹکہ ائیکٹ 2019 تھانہ ساکرو۔
ایس ایچ او تھانہ مکلی سب انسپیکٹر اصغر علی شاہ اور انچارج پولیس پوسٹ جنگشاہی سب انسپیکٹر علی خان راہوجو بمعہ اسٹاف نے دوران گشت جنگشاہی اور مکلی میں کارروائیاں کرکے 5 گھٹکہ فروش ملزمان حضور بخش جوکھیو کو 100 پیکٹ، چنیسر بروہی کو 150 پیکٹ، بابو جوکھیو، حنیف جوکھیو اور دین محمد جوکھیو کو 180 پیکٹ گھٹکہ ماوا سمیت گرفتار کرکے تھانہ مکلی پر الگ الگ مقدمات درج کردیے۔مقدمہ نمبر54/2023 سیکشن 3,4,8 گھٹکہ ائیکٹ 2019 تھانہ مکلی۔مقدمہ نمبر 55/2023 سیکشن 3,4,8 گھٹکہ ائیکٹ 2019 تھانہ مکلی۔مقدمہ نمبر56/2023 سیکشن 3,4,8 گھٹکہ ائیکٹ 2019 تھانہ مکلی۔
ایس ایچ او تھانہ گاڑہو سب انسپیکٹر گلزار علی تنیو بمعہ اسٹاف نے دوران گشت گاڑہو شہر میں کارروائیاں کرکے 3 گھٹکہ فروش ملزمان بشیر احمد میمن کو 630 پیکٹ، آللہ بچایو خاصخیلی کو 235 پیکٹ اور عبداللہ پٹھان کو 730 پیکٹ گھٹکہ ماوا سمیت گرفتار کرکے تھانہ گاڑہو پر الگ الگ مقدمات درج کردیے۔مقدمہ نمبر 11/2023 سیکشن 3,4,8 گھٹکہ ائیکٹ 2019 تھانہ گاڑہو۔مقدمہ نمبر 12/2023 سیکشن 3,4,8 گھٹکہ ائیکٹ 2019 تھانہ گاڑہو۔
مقدمہ نمبر13/2023 سیکشن 3,4,8 گھٹکہ ائیکٹ 2019 تھانہ گاڑہو۔
ایس ایچ او تھانہ گھوڑاباڑی انسپیکٹر راجا عبدالحق بمعہ اسٹاف نے دوران گشت گھوڑاباڑی شہر میں کارروائی کرکے 3 گھٹکہ فروش ملزمان محمد عامر خاصخیلی،مراد علی بھٹو اور گوردن عرف گولڈن ٹھاکر کو 250 پیکٹ گھٹکہ ماوا سمیت گرفتار کرکے تھانہ گھوڑاباڑی پر مقدمہ درج کردیا۔
مقدمہ نمبر 26/2023 سیکشن 3,4,8 گھٹکہ ائیکٹ 2019 تھانہ گھوڑاباڑی۔
ایس ایچ او تھانہ کینجھر انسپیکٹر بشیر احمد ملاح بمعہ اسٹاف نے دوران گشت کینجھر پر کارروائی کرکے 1 گھٹکہ فروش ملزم شعیب گندرو کو 500 پیکٹ گھٹکہ ماوا سمیت گرفتار کرکے تھانہ کینجھر پر مقدمہ درج کردیا۔مقدمہ نمبر13/2023 سیکشن 3,4,8 گھٹکہ ائیکٹ 2019 تھانہ کینجھر۔

ٹھٹھہ،باغی ٹی وی (نامہ نگار راجہ قریشی)10 سالہ بچی اغوا،والدین فریادی بن کر عوامی پریس کلب پہنچ گئے
تفصیل کے مطابق ترکی کالونی کی رہاٸشی غریب متاثرہ مسمات صنم زوجہ محمد میمن اپنے شوہر اور بچوں کے ہمراہ عوامی پریس کلب ٹھٹھہ پہنچ کر پریس کانفرنس کرتے ہوۓ کہا کے گزشتہ دن ان کی دس سالہ بیٹی شماٸلہ کوملزمان فیاض ولد صدیق نوتیار، اللہ بخش لاشاری اور صدیق نوتیار نے اغوا کر لیا، انہوں نے مزید کہا کے ہماری بیٹی کم عمر بچی کی ہے، ہم ایس ایس پی ٹھٹھہ سے مطالبہ کرتے ہیں کے ہماری بیٹی کو بازیاب کرایا جاۓ اور ملزمان کے خلاف فوری کاررواٸی کر تے ہوئے اغوا کا مقدمہ درج کرکے ملزمان کوگرفتار کرکے قرار واقعی سزا دی جائے-

شیخوپورہ،باغی ٹی وی(محمد طلال سے)ضلع شیخوپورہ کچہری تاریخ پیشی پر آئے شخص کو مخالفین نے ضلع کچہری احاطہ میں گولیاں مار کر قتل کر دیا۔ ورثا نے نعش سٹرک پر رکھ کر احتجاج شروع کر دیا لاہور سرگودھا روڈ بلاک پولیس کے خلاف نعرے بازی۔
شیخوپورہ کچہری میں قادر نامی شخص جو تاریخ پیشی پر آیا تھا اس کو مخالفین نے کچہری چوک میں گولیاں ماریں ہیں جس کو زخمی حالت میں ہسپتال پہنچایا گیا مگر ہو جانبر نا ہوسکا ہے اور جانبحق ہو گیا ہے مرنے والا شخص اقدام قتل کے مقدمہ میں اپنے رشتہ داروں کے ہمراہ پیشی پر آیا تھا قتل کے بعد ورثا نے کچہری میں سکیورٹی کے ناقص انتظامات پر لاہور سرگودھا روڈ کا بلاک کر کے پولیس کے خلاف شدید احتجاج کیا ہے دوسری طرف پولیس نے فائرنگ کرنے والے ایک ملزم زین کو گرفتار کر لیا ہے احتجاج کے بعد پولیس نے لاش کو ڈیڈ ہاؤس منتقل کر دیا ہے جبکہ کچہری میں وکلاء کی جانب سے بھی پولیس سکیورٹی کے غیر معمولی انتظامات پر شدید احتجاج کیا ہے۔

راجنپور باغی ٹی وی ( نامہ نگار کنور اویس ) روجھان سے نامعلوم مسلح افراد نے نوعمر لڑکا اغوا کرلیا
تفصیل کے مطابق روجھان کے چک مٹ نمبر 1 سے نامعلوم مسلح افرادنے دھاوابول کر نوعمر لڑکا اغوا کرلیا،گزشتہ رات گئے دس سے زائد نامعلوم مسلح افراد نے غلام اکبر سرگانی مزاری ریٹائرڈ ملازم بی ایم پی کے گھر پہنچ گئے،مسلح افراد نے گن پوائنٹ ہر نوعمر بیورغ مزاری کو اغوا کرکے ساتھ لے گئے-اغوا ہونیوالا پندرہ سالہ بیورغ مزاری،غلام اکبر سرگانی کا پوتا بتایا جارہا ہے- ذرائع کا کہناہے کہ دوگھنٹے تک شدید فائرنگ ہوتی رہی تاہم مسلح افراد نوعمر بیورغ کو اغوا کرکے فرار ہونے میں کامیاب ہوگئے-