Author: ڈاکٹرغلام مصطفی بڈانی

شیخوپورہ ،باغی ٹی وی(محمد طلال سے) مریم نواز کی جنڈیالہ روڈ آمد،آتش بازی سے ایک گھرکی چھت کوآگ لگ گئی،ایک لڑکا اورخاتون جھلس گئی ،ریسکیو اپریشن جاری
تفصیل کے مطابق شیخوپورہ میں مریم نواز کی جنڈیالہ روڈ آمد پر آتش بازی سے ایک گھر کی چھت پر آگ لگ گئی باغی ٹی وی کی رپورٹ کے مطابق آتش بازی کرتے ہوئے سارا آتش بازی کا سامان ایک دم چل گیا، جس سے چھت پر موجود سو سے زیادہ افراد نے چھلانگیں لگا کراپنی جانیں بچائیں، آتش بازی کے سامان کے دھوائیں سے کئی افراد بے ہوش ہوگئے، یہ گھر مریم نواز کے اسٹیج سے 50 میٹر دوری پر ہے،یہ واقع اس وقت پیش آیا جب مریم نواز کو اسٹیج پر خوش آمدید کہا جارہا تھا، پولیس /انتظامیہ اپنے بیاں حلفی مقامی لوگوں سے لینے کی خود ہی خلاف ورزی کی مرتکب پائی۔
دوسری طرف ذرائع سے معلوم ہوا ہے کہ گھرکی چھت کوآگ لگنے سے ایک لڑکا اورخاتون جھلس گئی ہے جبکہ ریسکیو اپریشن جاری ہے

کراچی (باغی ٹی وی)کراچی میں بلوچ پل پر شہریوں کے احتجاج کے باعث بدترین ٹریفک جام ہوگیا ہے ،بلوچ پل اور شارع فیصل پر ہزاروں شہری ٹریفک جام میں پھنس گئے ہیں ، شہری پانی اور بجلی کی عدم فراہمی کے خلاف سڑکوں پرنکل آئے ہیں،مظاہرین نے رکاوٹیں کھڑی کرکے سڑک کے دونوں ٹریک بند کردیے ہیں،جس سے بدترین ٹریفک جام ہوگیا،اس ٹریفک جام کی وجہ سے دفاتر سے گھر جانے والے شہریوں کا منٹوں کا سفر گھنٹوں میں تبدیل ہوگیا ہے –
احتجاج کی وجہ سے طارق روڈ سے کورنگی جانے والی سڑک پر گاڑیاں بری طرح پھنس گئیں جبکہ اور کورنگی کاز وے سے جیل چورنگی کی طرف اۤنے والے روٹ پر بھی ٹریفک جام ہونے سے شہریوں کو سخت مشکلات کا سامنا ہے۔

*الرٹ: ٹریفک کا دباؤ ہے*

*بوقت: 18 بجکر 20 منٹ*

*مقام* ایکسپریس وے ، بلوچ کالونی، کورنگی روڈ، ڈفینس موڑ، اختر کالونی، ہینو چورنگی ، خیابان جامی، گودام چورنگی، کاز وے روڈ، شاہراہ فیصل نزد بلوچ کالونی پل۔

*بوجہ:* احتجاج

جسکی وجہ سے ٹریفک کی روانی آہستہ ہے

— Karachi Traffic Police (@Khitrafficpol) March 7, 2023

بدترین ٹریفک جام سے قبل کراچی ٹریفک پولیس کی جانب سے بذریعہ ٹویٹ کہا گیا تھا کہ احتجاج کے باعث شارع فیصل نزد بلوچ پل ،ایکسپریس وے ، بلوچ کالونی، کورنگی روڈ، ڈیفنس موڑ، اختر کالونی، ہینو چورنگی ، خیابان جامی، گودام چورنگی اور کاز وے روڈ پر ٹریفک کی روانہ اۤہستہ ہے۔

ٹھٹھہ،باغی ٹی وی( نامہ نگار راجہ قریشی) پولیس کی منشیات اور گٹکا فروشوں کے خلاف کارروائیاں،کئی گرفتار
تفصیل کے مطابق ایس ایچ او تھانہ گھارو انسپکٹر ممتاز علی بروہی، سب انسپکٹر امداد علی پنھور بمعہ اسٹاف نے دوران گشت خفیہ اطلاع ملنے پر روشن باغ گھارو کے قریب کامیاب کارروائی کرکے چرس سپلائی کرنے کی کوشش کو ناکام بناکر 2 بدنام منشیات فروش ملزمان مختیار علی ولد عبداللہ عرف ابو میمن اور امین اللہ ولد ولی اللہ پٹھان کو 2 ہزار 5 سو گرام چرس سمیت گرفتار کرکے تھانہ گھارو پر مقدمہ درج کردیا۔مقدمہ نمبر 33/2023 سیکشن 9-1-3(C) نارکوٹکس ائیکٹ تھانہ گھارو۔اس کے علاوہ گھارو شہر میں دیسی شراب کی بٹھی پر کامیاب چھاپہ مار کارروائی کرکے 2 بدنام منشیات فروش ملزمان گل حسن چانڈیو اور فضل الرحمان عرف راحیل شاہ کو 100 بیگز اور 15 لیٹر دیسی شراب سمیت گرفتار کرکے تھانہ گھارو پر مقدمہ درج کردیا۔
ایک اور کارروائی میں ایس ایچ او تھانہ ٹھٹہ سب انسپکٹر آللہ ڈنو پنھور اور انچارج پولیس پوسٹ چھتوچنڈ سب انسپکٹر محمد ہاشم سومرو بمعہ اسٹاف نے دوران گشت خفیہ اطلاع ملنے پر چھتوچنڈ کے قریب ولیج کمال جاکھرو میں بدنام گھٹکہ فروش نوح جاکھرو کی گھٹکہ فیکٹری پر کامیاب چھاپہ مار کارروائی کرکے 2 گھٹکہ فروش ملزمان پیر بخش ولد عثمان جاکھرو اور دلمراد ولد علی اکبر جاکھرو کو گرفتار کرلیا۔ کارروائی کے دوران گٹکا فیکٹری سے 5 کٹہ تمباکو پتی وزن 170 کلو، 2 کٹہ چونا وزن 47 کلو، 6 پلاسٹک ڈرمس جن میں بیگھا ہوئی چورہ سپاری وزن 40 کلو، 2 پلاسٹک ٹب، 2 بالٹیاں،3 ریپر پنی رول، 500 پیکٹ گھٹکہ ماوا اور 1 مکسنگ مشین برآمد کرکے تھانہ ٹھٹہ پر مقدمہ درج کردیا ،فرار ملزمان کے لیئے پولیس کے چھاپے جاری ہیں، تفتیش جاری ہے۔ مقدمہ نمبر 95/2023 سیکشن 3,4,8 گھٹکہ ائیکٹ 2019 تھانہ ٹھٹہ۔

کندھ کوٹ ،باغی ٹی وی (نامہ نگار)کشمور پولیس نے کچے کے علاقے میں مختلف مقامات پر آٹھ سے زائد پولیس کیمپ قائم کر دیں، ایس ایس پی کشمور کے مطابق ڈاکوؤں کا محاصرہ کر لیا ہے متعدد ٹھکانوں کو نذر آتش بھی کردیا گیا ہے جب کہ تاحال درجنوں مغوی ڈاکوؤں کی قید میں ہیں ڈاکوؤں نے مغوی پولیس اہلکار کی تشدد کی ویڈیو سوشل میڈیا پر وائرل کر دی
تفصیلات کے مطابق کشمور پولیس کی جانب سے کچے کے علاقے میں آٹھ سے زائد کیمپ قائم کی گئیں ہیں کچے کے مختلف مقامات پر ڈاکوؤں کی گزرگاہ پر پولیس نے ڈیرا جمالیا ہیں ایس ایس پی کشمور عرفان علی سموں کے مطابق ڈاکوؤں کا محاصرہ کر لیا ہے متعدد ٹھکانوں کو بھی نذر آتش کردیا گیا ہے پولیس نے ڈاکوؤں کا گھیرا تنگ کر لیا ہے ڈاکوؤں اب شہر میں داخل ہونے کے بجائے سستی گاڑی کی لالچ میں لوگوں کو اغوا کرتے ہیں ہنی ٹریپ کے ذریعے باہر سے آئے لوگ اغوا کیے گئے ہیں باقی شہر سے کوئی اغوا کا واقعہ رونما نہیں ہوا ہے پولیس نے شہر کے داخلی اور خارجی راستوں پر سنیپ چیکنگ سخت کردی ہے، گھوٹکی پولیس اور رحیمیارخان پولیس کے ساتھ مل کر ڈاکوں کا خاتمہ کریں گے ڈاکوں ہنی ٹریپ کے ذریعے لوگوں کو اغوا کر کے رحیمیارخان کچے کے علاقے کھروڑ میں داخل ہوجاتے ہیں دوسری جانب ایس ایس پی کشمور کی ڈی پی او رحیمیارخان سے ملاقات ڈاکوؤں کو جڑ سے اکھاڑنے کا عزم کیا گیا، واضح رہے کہ چینوٹ کے ڈھول گروپ کے 9 افراد بھی ڈاکوؤں کی قید میں ہیں جن میں ایک کمسن بچہ بھی شامل ہے ڈھول گروپ کو شادی کے پروگرام کے نام پر بلا کر رحیم یار خان کھروڑ کے علاقے سے اغوا کر لیا گیا ہے کچے کے علاقے میں تاحال درجنوں مغوی ڈاکوؤں کی قید میں ہیں ڈاکوؤں کی جانب سے مغوی پولیس اہلکار پر بے رحمانہ تشدد کی ویڈیو بھی سوشل میڈیا پر وائرل کر دی ہے.

ھٹھہ ،باغی ٹی وی (نامہ نگار راجہ قریشی )ایس ایس پی کامیاب حکمتی عملی ماوا گٹکا اور منشیات فروش شہر چھوڑنے پر مجبور ہوگئے
تفصیل کے مطابق ایس ایس پی ٹھٹھہ عدیل حسین چانڈیو کے احکامات پر ٹھٹھہ شھر میں ماوا گٹکا، مین پری، سفینا کی کھلے عام فروخت بند ہوگئی ہے ،اب کہیں پر بھی کسی دکان یہ مضرصحت اشیا دکھائی نہیں دے رہی ہیں ،ایس ایس پی ٹھٹھہ عدیل حسین چانڈیوکے اس بہترین اقدام پر انہیں عوامی وسماجی حلقوں کے ساتھ ساتھ عوامی پریس کلب ٹھٹھہ کے ممبران اور عہدیداران صدر بلاول سموں اور ناٸب صدر راجہ قریشی نے انہیں خراج تحسین پیش کیا ہے اور کہا ہے کہ ٹھٹھہ شہرکی تاریخ میں یہ پہلی مرتبہ ہوا ہے کے ایسی پابندی لگی اور قانون کی رٹ قائم ہوئی کہ شہر میں کہیں یہ منشیات کھلے عام دکھائی نہیں دے رہی ہیں،یاد رہے اس سے قبل ٹھٹھہ کے مین بازاروں کے علاوہ گلی محلے کی دکانوں پر یہ اشیاء کھلے عام بکتی تھیں.