Author: ڈاکٹرغلام مصطفی بڈانی

چترال(گل حماد فاروقی)بین الاقوامی اہمیت کے حامل سیاحتی مقام وادی کیلاش کے بنیادی مرکز صحت کو عالمی ادارہ صحت نے جدید سہولیات سے آراستہ ایمبولنس عطا کیا۔BHU بمبوریت کو دو دہائی پہلے ایک اقلیتی رکن قومی اسمبلی نے ایمبولنس تحفے میں دیا تھا مگر اس کی باقاعدہ دیکھ بال نہ ہونے اور عدم توجہ کی وجہ سے ناکارہ ہوچکا تھا۔اب اس ہسپتال کو WHO کی جانب سے نیا ایمبولنس فراہم کی گئی۔ اس سلسلے میں بنیادی مرکز صحت بمبوریت میں ایک تقریب بھی منعقد ہوئی۔ اس موقع پر ڈپٹی کمشنر محمد علی مہمان حصوصی تھے جبکہ ان کے ہمراہ ڈسٹرکٹ پولیس آفیسر اکرام اللہ، ایڈیشنل اسسٹنٹ کمشنر عدنان حیدر ملوکی، سب ڈویژنل پولیس آفیسر حسن اللہ، ایس ایچ او بمبوریت، ڈسٹرکٹ ہیلتھ آفیسر ڈاکٹر فیاض رومی، ڈاکٹر سلیم سیف اللہ، ڈاکٹر فرمان، ڈاکٹر ولی کیلاش اور دیگر مہمان بھی موجود تھے۔

اس وادی سے منتحب چیرمین محمد خلیل شیخ نے مہمانوں کو خوش آمدید کہتے ہوئے اس علاقے کے مشکلات پر روشنی ڈالی۔ منتحب نائب چیرمین لوک رحمت کیلاش نے بھی سڑکوں، غلہ گودام، انٹرنیٹ اور دیگر مسائل کا ذکر کیا۔ عبد المجید قریشی سابقہ چیرمین نے سڑک کی کشادگی اور اس پر جلد کام شروع کرنے کا مطالبہ کیا۔اس موقع پر بی بی شاحرہ کیلاش نے مہمانوں کو روایتی تحفے پیش کئے۔علاقے کے عمائدین نے شکایت کی کہ سال 2015 میں جو سیلاب آیا تھا اس نے تباہی مچادی ابھی تک متاثرین کی بحال کاری کا کام مکمل نہیں ہوا اس سے پہلے یہاں کھلی کچہری ہوئی تھی جس میں سابقہ ڈپٹی کمشنر انوارالحق نے لوگوں کو وعدے وعید کرکے چلے گئے مگر اس پر ایک فی صد بھی عمل درامد نہیں ہوا اور یہی وجہ ہے کہ یہاں کے لوگ نہایت مایوسی کے شکار ہیں جبکہ لوگ بمبوریت کے نہر سے بجری، پتھر وغیرہ نکال کر اسے مزید نقصان پہنچارہے ہیں۔ جس پر ڈپٹی کمشنر نے فوری طور پر دفعہ 144 لگانے کا اعلان کیا اور پولیس کو ہدایت کی کہ کسی کو بھی غیر قانونی کٹائی کرنے نہ دے۔ڈپٹی کمشنر نے اس موقع پر اظہار حیال کرتے ہوئے عوام کو یقین دہائی کرائی کہ وہ اور ان کا عملہ دن رات عوام کی خدمت کیلئے تیار ہیں اور اس کا عوام پر کوئی احسان نہیں ہے کیونکہ وہ اس کام کے عوض تنخواہ لے رہے ہیں انہوں نے کہا کہ سڑک کی کشادگی پر فوری کام شروع کیا جائے گا مگر عوام سے بھی درخواست ہے کہ انتظامیہ کے ساتھ تعاون کرے۔ انہوں نے یہ بھی اعلان کیا کہ وہ بمبوریت کی نہر کی صفائی اور ملبہ ہٹانے کیلئے باقاعدہ طور پر یہاں مشنیری بھیجوادے گا اور وہ یہاں کھڑی ہوکر جب بھی ضرور ت پڑے نہر کی صفائی کرے گی۔انہوں نے کہا کہ عوامی عمائدین پر مشتمل ایک ایسی کمیٹی تشکیل دی جائے گی جس میں علاقے کی مسائل حل کرنے اور یہاں سیاحت کے ذریعے لوگوں کی معیشت بہتر کرنے پر بھی عملی کام ہوگا۔ انہوں نے کہا کہ ضلعی انتظامیہ عوام کے ساتھ مل کر یہاں کنٹرول سیاحت کو فروغ دے گی جس سے یہاں کا ماحول بھی حراب نہ ہو، سیاح بھی آئے اور مقامی لوگوں کو بھی اس سے فائدہ ہو۔

بعد میں انہوں نے باقاعدہ طور پر اس نئے ایمبولنس کا افتتاح بھی کیا۔ ڈاکٹر ولی جن کا تعلق کیلاش قبیلے سے ہے اور اس وادی سے پہلا کیلاش ڈاکٹر ہے انہوں نے کہا کہ یہاں دل کے امراض زیادہ ہیں اور ہم چاہتے ہیں کہ یہاں تشحیصی مرکز قائم کرکے اس کا رپورٹ حیات آباد میڈیکل کمپلکس پشاور کو بھیجے جہاں سنیر کارڈیالوجسٹ دل کے مریضوں کا مفت علاج کریں گے۔اسی طرح معذور بچوں کو ویل چئیر فراہم کرکے ان کے چہروں پر مسکراہٹیں لوٹادے اور کیلاش اور مسلم کمیونٹی کی فلاح و بہبود کیلئے ہم خود سے کوئی فنڈ اکھٹا کرکے اس سے غریب اور مستحق لوگوں کا علاج معالجہ کے ساتھ ساتھ ان کے ساتھ تعاون بھی جاری رکھ سکے۔

کیلاش قبیلے سے تعلق رکھنے والی خاتون سماجی کارکن بی بی شاہرہ کا کہنا ہے کہ اس ایمبولنس سے اس علاقے کے لوگوں کو بالعموم اور خواتین کو بالحصوص بہت فایدہ ہوگا۔ حاص کر زچگی کے دوران ان کو آسانی سے اس ایمبولنس کے ذریعے چترال ہسپتال بروقت پہنچایا جاسکے گی اگر کوئی مشکل کیس پیش آئے۔

تقریب میں عالمی ادارہ صحت کے ڈاکٹر اسد اور دیگر عملہ، علاقے کے خواتین و حضرات، پولیس افسران، منتحب کونسلرز، ناظمین، چئیرمین اور سماجی کارکنوں نے بھی کثیر تعداد میں شرکت کی جو دعائیہ کلمات کے ساتھ احتتام پذیر ہوئی۔

ڈیرہ غازیخان،باغی ٹی وی( نامہ نگارشہزادخان )مقامی صحافی محمد طاہر حنیف کے بیٹے کی شادی خانہ آبادی، دعوت ولیمہ میں سماجی،سیاسی نمایاں شخصیات سمیت وکلاء،صحافیوں اور گورنمنٹ آفیسشلز کی شرکت۔ دانیال طاہر کا ولیمہ مقامی ہوٹل میں جس سابق ایم پی اے و مشیر صحت محمد حنیف پتافی،ممبر پنجاب بار کونسل ملک محمد اقبال ثاقب، صدر ڈیرہ بار قیصر خٹک،جنرل سکریٹری افتخار الحسن قریشی، مسز رقیہ رمضان اڈووکیٹ، سابق لیڈی کونسلرحاجراں خاکسار، ڈاکٹر حسنین ارشاد نوحی، ڈسڑکٹ ایمرجنسی آفیسر ڈاکٹرحسین میاں، مسلم لیگ ن کے رہنماطارق علی خان کاکڑ، سلیم قریشی ایڈووکیٹ،محمد زمان خان شیروانی، گل نواز ایڈووکیٹ، زاہدہ قریشی ایڈووکیٹ، اورنگزیب ایڈووکیٹ، ذوالفقار بھٹی ایڈووکیٹ، شیخ سلیم ایڈووکیٹ، نبی بخش رمدانی ایڈووکیٹ، سلیم کاکڑ، ملک بشیر ایڈووکیٹ پی ٹی سی ایل آفیسر شاہد نقوی، ڈاکٹر حفیظ انجم، مسز گل ناز اختر ایڈووکیٹ، لیٹریسی آفیسر شاہد رزاق،جماعت اسلامی کے رہنما شیخ عثمان فاروق حاجی محمد حسین، قیصر جعفری، فیصل چچا پٹھان،نوید نقوی، شیخ ندیم، ریاض جاذب، اخترعلی پتافی، شبیر سدوزئی، شہزاد ککے زئی، ناصر خان،عاشق علی صدیق، سید ندیم شاہ، شیخ افتخار،چوہدری اسلم، شیخ برہان، شہزاد خان یوسف زئی، شیخ محمد بلال، اشفاق انصاری، بشیر خالد قریشی، رئیس خان چانڈیہ، ضیاء خان کاکڑ، عتیق خان کاکڑ، سعید قریشی، مرزا سعید، سید اعظم شاہ، جواد بشیر، رفیق شاہ، سید ظفر شاہ، شیخ رمضان ندیم ودیگر نے شرکت کی اس موقع پر دولہا دانیال طاہر کو زندگی کا نیا سفر شروع کرنے پر مبارک باد اور نیک تمنات کا اظہار کیا گیا-

اوکاڑہ باغی ٹی وی( نامہ نگار ملک ظفر) وی ٹی آئی میں 2 روزہ سپورٹس گالا،تقریب تقسیم انعامات
تفصیل کے مطابق ووکیشنل ٹریننگ انسٹی ٹیوٹ اوکاڑہ میں2 روزہ سپورٹس گالا میں فاتح ٹیموں کی تقریب تقسیم انعامات کا انعقاد ہوا جس کے مہمان خصوصی ڈاکٹر افتخار امجد علی پریذیڈنٹ DBOM اوکاڑہ اور میجر ریٹائرڈ جاوید عامر مسعود ایگزیکٹو ممبر TMC دیپالپور تھے۔ پرنسپل ادارہ لیاقت شہزاد خان نے معزز مہمانان گرامی کا استقبال کیا اور ان کا شکریہ ادا کیا کہ وہ اپنی گوناگوں مصروفیات سے وقت نکال کر بچوں کی حوصلہ افزائی کے لئے تشریف لائے ۔ لیاقت شہزاد نے طلباء وطالبات کے جوش خروش کو سراہا اور امید ظاہر کی کہ یہی جوش و جذبہ وہ عملی زندگی میں بروئے کار لا کر ملک کی ترقی میں اپنا کردار ادا کریں گے ۔ ڈاکٹر افتخار امجد علی نے اپنے خیالات کا اظہار کرتے ہوئے کہا کہ کھیل نہ صرف ذہنی و جسمانی نشوونما میں اہم کردار ادا کرتے ہیں بلکہ ٹیم ورک اور لیڈرشپ جیسی صلاحیتوں کو اجاگر کرتے ہیں ۔ انہوں نے سپورٹس گالا کے کامیاب انعقاد پر پرنسپل لیاقت شہزاد کی کارکردگی کو سراہا اور تمام انتظامی ادارہ کو مبارکباد پیش کی۔ آخر میں اول اور دوئم پوزیشن حاصل کرنے والی ٹیموں میں ٹرافیاں تقسیم کی اس کے ساتھ ساتھ مین آف دی میچ اور میں آف دی ٹورنامنٹ میں بھی انعامات تقسیم کیے ۔

ڈیرہ اسماعیل خان،باغی ٹی وی(نامہ نگار)مولانابرادران کی ذاتی دلچسپی سے ڈیرہ کی عوام کے بجلی کے مسائل حل کرنے کیلئے وفاقی وزیرمواصلات مولانااسعد محمود ، سابق اپوزیشن لیڈرخیبرپختونخواہ اسمبلی مولانالطف الرحمان نے آج واپڈاپیسکو سرکل کاافتتاح کردیا، ڈیرہ کے عوامی سماجی حلقوں نے ڈیرہ ڈویژن کا واپڈاسرکل منظورکرانے پر وفاقی وزیرمواصلات مولانااسعد محمود ، سابق اپوزیشن لیڈرخیبرپختونخواہ اسمبلی مولانالطف الرحمان اورمولانابرادران کو خراج تحسین پیش کیاہے۔
تفصیلات کے مطابق ضلع ڈیرہ اسماعیل خان میں بجلی کے ان گنت مسائل تھے جن میں روزبروز اضافہ ہورہاتھا۔ عوامی مشکلات کومدنظررکھتے ہوئے مولانابرادران نے ضلع ڈیرہ اسماعیل خان میں واپڈاپیسکو سرکل کا افتتاح کر دیاہے جس سے عوام کو بجلی کے مسائل سے چھٹکاراملے گا۔ اس سلسلے میں وفاقی وزیرمواصلات مولانااسعد محمود ، سابق اپوزیشن لیڈرخیبرپختونخواہ اسمبلی مولانالطف الرحمان نے بروز سوموار6مارچ کو واپڈاپیسکو سرکل کاافتتاح کردیا ہے جس پر ڈیرہ کے عوامی سماجی حلقوں نے واپڈاپیسکو سرکل کے قیام پر زبردست الفاظ میں خراج تحسین پیش کیاہے۔اس موقع پر جمعیت کے رہنماوکارکن بھی کثیرتعداد میں شریک تھے۔