Author: ڈاکٹرغلام مصطفی بڈانی

ڈیرہ اسماعیل خان،باغی ٹی وی(نامہ نگار)وائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز)اپنی مدت ملازمت پوری کرنے کے بعد ریٹائرڈ ہوگئے ، اس سلسلے میں زرعی یونیورسٹی ضلع ڈیرہ اسماعیل خان میںان کے اعزاز میںالوادعی پارٹی کااہتمام کیاگیا جس میں پروفیسرز، لیکچراز،اساتذہ، طلباء وطالبات اورکلاس فورملازمین نے شرکت کی،واضح رہے کہ وائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز)نے اپنی ملازمت کے تین سالوں میں یونیورسٹی کی ترقی اورتعلیمی سرگرمیوں کے حوالے سے گرانقدرخدمات سرانجام دی ہیں۔
تفصیلات کے مطابق وائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز)اپنی مدت ملازمت پوری کرنے کے بعد ریٹائرڈ ہوگئے ہیں۔ اس سلسلے میں زرعی یونیورسٹی ضلع ڈیرہ اسماعیل خان میں ان کے اعزاز میں الوادعی پارٹی کااہتمام کیا گیا جس میں پروفیسرز، لیکچراز،اساتذہ، طلباء وطالبات ،زرعی یونیورسٹی ملازمین نے شرکت کی۔واضح رہے کہ وائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز)نے اپنی ملازمت کے تین سالوں میں یونیورسٹی کی ترقی اورتعلیمی سرگرمیوں کے حوالے سے گرانقدرخدمات سرانجام دی ہیں۔ ڈیرہ کے عوامی سماجی حلقوں نے مدت ملازمت پوری ہونے پروائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز)کو زبردست الفاظ میں خراج تحسین پیش کیاہے۔

ڈیرہ اسماعیل خان،باغی ٹی وی(احمد نواز مغل)نگرانی صوبائی حکومت کی عوام دشمن پالیسیوں کے باعث اس سال ضلع ڈیرہ اسماعیل خان میں میلہ مویشیاں و اسپان اور ڈیرہ جات جیپ ریلی منعقد نہیں ہو گی۔اس حوالے سے ڈیرہ کے عوامی سماجی سیاسی حلقوں نے ردعمل کا اظہارکرتے ہوئے کہاکہ میلہ مویشیاں و اسپان اور ڈیرہ جات جیپ ریلی منعقد ہونے سے ضلع ڈیرہ اسماعیل خان میں کاروبار، ثقافت ،سپورٹس، سیاحت ودیگرشعبوں کی مقبولیت میں اضافہ ہورہاتھا مگرموجودہ نگران صوبائی حکومت کی عوام دشمن پالیسیوں کے باعث اس سال میلہ مویشیاں و اسپان اور ڈیرہ جات جیپ ریلی منعقد نہیں ہورہی ہے۔ انہوں نے اعلیٰ حکام ، کورکمانڈرپشاور سے مطالبہ کیاہے کہ اس طرح کے پروگرامزمنعقدہ ونے سے مہنگائی اوردہشت گردی کی شکار عوام کوتفریح کے مواقع میسرآتے ہیں لہٰذا میلہ مویشیاں و اسپان اور ڈیرہ جات جیپ ریلی پروگرام منعقد کرایاجائے ۔ انہوں نے کہاکہ تخت پشورنے ہمیشہ ڈیرہ والوں کے حقوق غصب کیے ہیں جس کی جتنی مذمت کی جائے وہ کم ہے ۔اہلیان ڈیرہ نے نگران صوبائی حکومت خیبرپختونخواہ سے میلہ مویشیاں و اسپان اور ڈیرہ جات جیپ ریلی منعقد کرانے کامطالبہ کیاہے۔

ٹھٹھہ،باغی ٹی وی( نامہ نگار راجہ قریشی) تعمیر خلق فاؤنڈیشن کی جانب سے ضلعی سطح پر رابطہ کاری، جم خانہ میں ورکشاپ
تفصیل کے مطابق تعمیر خلق فاؤنڈیشن کی جانب سے ضلعی سطح پر رابطہ کاری اور کلیدی اسٹیک ہولڈرز کے درمیان رسائی کے لیئے ٹھٹھہ جم خانہ میں ورکشاپ کا اہتمام کیا گیا، ورکشاپ میں صحافی، سماجی کارکن، اور ضلعی محکمہ تعلیم و بہبود کے افسران نے بڑی تعداد میں شرکت کی، اس سلسلے میں تعمیر خلق فاؤنڈیشن کے پراجیکٹ مینیجر نے اغراض و مقاصد، کامیابیوں اور چیلنجز کے بارے میں بریفنگ دی، صوبائی کوآرڈینیٹر (TKF) اور پروجیکٹ مینیجر (TKF-Thatta) نے تعلیم کے مختلف شعبوں، بنیادی مسائل اور ان کے تدارک کے بارے میں تعمیری گفتگو اور تاثرات شرکاء کے درمیان زیر بحث لائے، اس موقعہ پر خدا بخش بہرانی (ڈپٹی ڈائریکٹر سوشل ویلفیئر، حکومت سندھ)، قادر پالاری (ڈسٹرکٹ کوآرڈینیٹر ایجوکیشن -RSU، مہرین اقبال (ڈسٹرکٹ چائلڈ پروٹیکشن آفیسر)، امجد علی پلیجو (HRCP)، حضور بخش(ڈسٹرکٹ ایجوکیشن آفیسر)، رحیم سومرو (ڈسٹرکٹ ایجوکیشن آفیسر پرائمری) انٹرنیشنل ہیومن رائٹس موومنٹ کے الطاف حسین تنیو عوامی پریس کلب کے صدر بلاول سموں، عوامی پریس کلب کے جنرل سیکریٹری اے بی شورو اور عوامی پریس کلب ٹھٹھہ کے ناٸب صدر راجا قریشی ، مکلی پریس کلب سے شیراز واریو، واحد شورو اور الیکٹرانک اور پرنٹ میڈیا کے صحافیوں کی بڑی تعداد موجود تھی۔

ٹھٹھہ،باغی ٹی وی ( نامہ نگار راجہ قریشی)حضرت عبداللہ شاہ اصحابی کے 380 ویں 3 روزہ عرس کی تقریبات کا آغاز کردیاگیا
تفصیل کے مطابق درگاہ حضرت عبداللہ شاہ اصحابی کے 380 ویں 3 روزہ عرس کی تقریبات کا آغاز کردیاگیاہے ،تین روزہ عرس کی تقریبات کا آغاز ایم پی اے سید ریاض حسین شاہ شیرازی اور چیف ایڈمنسٹریٹر اوقاف علی گل سنجرانی اور پاگارا خلیفہ منیر ،پاگارا خليفہ عاشی ،باغی سلیم قریشی درگاہ پر چادر چڑھا کر عرس کا افتتاح کیا اور چیف ایڈمنسٹریٹر اوقاف نے درگاہ پر چادر چڑھا کر عرس مبارک کا افتتاح کیا اور دعا بھی کی اس موقع پر منیجر اوقاف نواز خان .حنیف صابوگر اور دیگر بھی موجود تھے ایم پی اے سید ریاض حسین شاہ نے میڈیا سے گفتگو کرتے ہوئے کہا کہ حضرت عبداللہ شاہ اصحابی ایک دین کے ولی تھے جنہوں نے انسانیت کے لیے کام کیا آج یہاں لاکھوں زائرین آتے ہیں سیکورٹی کے اور دیگر انتظامات بھی بہتر ہیں ٹھٹھہ ایک پر امن علاقہ ہے درگاہ پر جو کمی بیشی ہے اسے پورا کیا جائے گا انہوں نے کہا کہ مہنگائی پوری دنیا میں ہے اور مہنگائی پر قابو پانے کے لیے سندھ حکومت اقدامات کررہی ہے مہنگائی کا تحفہ عمران خان نے عوام کو دیا ہے چیف ایڈمنسٹریٹر اوقاف علی گل سنجرانی نے کہا کہ سیکورٹی کے انتظامات اچھے ہیں ہم نے زائرین کے لئے لنگر نیاز اور پینے کے پانی اور انکی رہائش کا انتظام بھی کیا ہے درگاہ پر پاکستان سمیت کئی ملکوں سے زائرین آتے ہیں-

چونیاں،باغی ٹی وی(نامہ نگار)ملک پاکستان غریب عوام کیلئے شہر خموشاں کا منظر پیش کر رہا ہے اور اسٹیبلشمنٹ اور سیاسی اشرافیہ جماعتیں ملک کے ٹھیکیدار بن چکے عوام کے حقوق کی کسی کو پرواہ نہیں۔ بابر سلہری،میاں عدیل اشرف
تفصیلات کے مطابق انسانی حقوق کی عالمی تنظیم یوتھ ا سمبلی فار ہیومن رائٹس پاکستان کے مرکزی صدر بابر سلہری اور انفارمیشن سیکرٹری ضلع قصور میاں عدیل اشرف نے ملک میں معاشی بحران اور ملکی تاریخ کی بلند ترین مہنگائی کی وجہ سے خودکش اموات کو مدنظر رکھتے ہوئے میڈیا نمائندوں کی موجودگی میں مشترکہ بیان میں کہا کہ ملک پاکستان غریب عوام کا قبرستان بن چکا ہے ملک کی تمام سیاسی جماعتیں اور اسٹیبلشمنٹ ملک کے ٹھیکیدار بن چکے ہیں عوام کے حقوق کی کسی کو پرواہ نہیں۔ یہ وہ ٹھیکیدار ہیں جو صرف سیاست اور کر پشن کے معاملات حل کرنے کے لیے اپنی اپنی پسند اور ناپسند کو مخلوظ خاطر رکھتے ہیں ۔ کرسی کی لڑائی میں حکمران ملک کو بھول چکے ہیں۔ عدلیہ صرف سیاسی معاملات حل کرتی ہیں،جو اب صرف حکومت بنانے اور گرانے کا کاموں تک محدود ہو کر رہ گئی ہیں۔ اسٹیبلشمنٹ اب الیکشن کو تبدیل کرنےکا کام کرتےہیں۔ مگر کوئی ایسا مقام نہیں ہے جو عام آدمی کے حقوق کا خیال کرے۔آج اس ملک میں غریب عوام آٹے، بجلی اور مہنگائی کی وجہ سے اپنے بچوں سمیت خودکشیاں کر نے پر مجبور ہیں۔پنجاب،سندھ،بلوچستان،خیبرپختونخواہ کے پسماندہ علاقوں سمیت ملک کے دیگر حصوں میں ہونے والی خودکش اموات ملک معاشی بحران اور حکمرانوں پر سوالیہ نشان؟ ہے۔خدارا عوامی حقوق کی پامالیوں کو بند کیا جائے۔

پورے پاکستن میں بشمول پنجاب زندگی بچانے والی ضروری ادویات کی شدت قلت پیدا ہوگئی ہے ،محکمہ داخلہ پنجاب کے مطابق صوبے کے 41 اضلاع میں میڈیکل اسٹورز اور فارمیسیز پر کینسر، دل کے امراض، دماغی امراض کے علاج کے لیے ادویات سمیت متعدد ضروری اینٹی بائیوٹک دستیاب ہی نہیں ہیں۔دواساز کمپنیوں کی جانب سے دوائیوں کی غیر اعلانیہ پیداوار روکنے سے زندگی بچانے والی ادویات سمیت کئی دوسری دوائیوں شدید قلت پیدا ہوچکی ہے ۔فارماسیوٹیکل انڈسٹری کے مطابق دواؤں کی پیداواری لاگت حکام کی طرف سے دی گئی قیمت سے زیادہ ہے جس کے باعث ملٹی نیشنل اور مقامی فارماسیوٹیکل کمپنیوں نے ضروری ادویات کی تیاری بند کر دی ہے۔