Author: ڈاکٹرغلام مصطفی بڈانی

ٹانک،باغی ٹی وی(نامہ نگار)ضلع ٹانک کی بربادی کی ذمہ دارپاکستان تحریک انصاف اور جے یو آئی ہیں، میرا مقابلہ مولانا فضل الرحمان کے ساتھ ہے، انجینئرداور کنڈی۔ان خیالات کا اظہارسابق ممبرقومی اسمبلی داورخان کنڈی نے اماخیل میں شمولیتی تقریب سے خطاب کے دوران کیا۔انہوںنے کہاکہ ضلع ٹانک کوجان بوجھ کر سابقہ ادوارمیںتنزلی کاشکاررکھاگیاہے ۔عوام آج بھی پینے کے صاف پانی سمیت دیگرضروریات زندگی سے محروم چلے آرہے ہیں ۔پی ٹی آئی اورجے یوآئی کے رہنمائوںنے ضلع ٹانک کوملنے والے کروڑوں روپے کے فنڈزپر ڈاکہ ڈالاہے جس کاازالہ آج تک عوام کو بھگتنا پڑرہاہے ۔سابق ممبرقومی اسمبلی داورخان کنڈی نے شمولیت پروگرام میں خطاب میں کہاکہ میرامقابلہ مولانافضل الرحمان سے ہے ۔ ضلع ٹانک میں پاکستان تحریک انصاف اورجمعیت علماء اسلام(ف)نے کوئی ترقیاتی کام نہیں کیے ہیں ۔انشاء اللہ کامیاب ہوکر عوام کی محرومیوںکا ازالہ کروں گا۔انہوںنے کہاکہ کامیاب ہوکر ضلع ٹانک کی تقدیر بدل دوں گا۔عوام کی خوشحالی اورٹانک کی ترقی میری اولین ترجیحات میں شامل ہے۔اس موقع پر عوام نے انہیں اپنے مکمل تعاون کی یقین دہانی کرائی ۔

ٹھٹھہ،باغی ٹی وی(نامہ نگار راجا قریشی) انٹرنیشنل ہیومن رائٹس موومنٹ کی جانب سے فری میڈیکل کیمپ لگایا گیا
انٹرنیشنل ہیومن رائٹس موومنٹ ضلع ٹھٹھہ کی جانب سے فری میڈیکل کیمپ لگایا گیا جس میں ڈاکٹر شام کمار ڈاکٹر فراز میمن ڈاکٹر خالد آرائیں نے چار سو سے زائد مریضوں کا چیک اپ کر کے مفت دوائیں دیں، میڈیکل کیمپ میں مرکزی صوبائی و ڈویزن و ضلع کے عہدیداران نے شرکت کی
تفصیلات کے مطابق عالمی چیئرمین و بانی انٹرنیشنل ہیومن رائٹس موومنٹ رانا بشارت علی خان کی خصوصی ہدایت پر ضلع ٹھٹھہ کی قیادت کی جانب سے اپنی مدد آپ کے تحت غریب مستحق مرد، خواتین و بچوں کا ڈینٹل سرجن ڈاکٹر شام کمار مشہور جنرل ڈاکٹر خالد آرائیں ،ڈاکٹر فراز میمن نے چیک اپ کر کے مفت ادوایات فراہم کی گئی جس پر مقامی رہائشیوں نے انٹرنیشنل ہیومن رائٹس موومنٹ کی قیادت و ڈاکٹر حضرات کا شکریہ ادا کیا اور ان کے حق میں خصوصی دعا مانگی، انٹرنیشنل ہیومن رائٹس موومنٹ پاکستان کے چیئرمین رانا غلام نبی راجپوت نے کہا کہ ہم پورے پاکستان میں اپنی مدد آپ کے تحت مفت میڈیکل کئمپ لگواتے ہیں اس موقعہ پر مرکزی جنرل سیکریٹری رانا محمد اسلم صوبائی ڈویژن و مختلف اضلاع کے عہیدیداروں کے علاوہ ضلع ٹھٹھہ کہ الطاف حسین تنیو، انیس ہیلایو ،سید الطاف شاہ شیرازی، ارشاد گندرو ،سید شیرعلی شاہ، چودھری واجد علی، واحد بخش شورو عبدالروف پالاری، قادر جاکھرو، سلیمان ملاح، خلیفو مکی قریشی، میر محمد، میر مہر، راحیل قریشی و دیگر موجود تھے ضلع ٹھٹھہ کے چیئرمین الطاف حسین تنیو و دیگر نے ڈاکٹرز سمیت تمام مہمانوں کا شکریہ ادا کیا

ملک میں بلا کی مہنگائی،حکومت نام کی کوئی چیز دکھائی نہیں دے رہی ذخیرہ اندوزوں نے عوام کی چیخیں نکلوادیں ہیں تیل، گھی، مرغی، مچھلی اور گوشت کے نرخ گھنٹوں کے حساب سے بڑھنے لگے،مزدور اور تنخواہ دار طبقہ کا دیوالیہ نکل گیا،اب تو ادھار ملنا بھی بند ہوگیا،مہنگائی اس قدر بڑھ چکی ہے کہ اس وقت بازار میں بیسن 300 روپےکلوسے کچھ کم ہے اور اچھے والے سفید چنے کا نرخ 500 روپے، ماش کی دال 460، دال مسور 250، ملکہ مسور 270 اور روزانہ استعمال کا چاول بھی 350 روپے فی کلو سے تجاوز کرچکا ہے۔ مہنگائی اس قدرزیادہ ہے کہ سفیدی پوش کابھرم بھی کٹم ہوگیا ہے،عوام دھاڑیں ماررہی کہ اب ان کی دسترس سے آلو، ٹنڈے ، ٹماٹر، پیاز، گوبھی اور توری سمیت دیگر سبزیاں قیمتوں میں ہوشربااضافہ کی وجہ سے ان کی دسترس سے باہر ہوچکی ہیں

چترال (گل حماد فاروقی) چترال میں ریجنل انگلش لینگویج آفس RELOپاکستان، US Embassyاور Vision Building Futureکے تعاون سے انگریزی کے اساتذہ کے لئے تربیتی پروگرام آج اختتام پزیر ہوگیا۔ اِس تربیتی پروگرام میں سرکاری اور نجی سکولوں کی 24استانیوں نے حصہ لیا۔ یہ تربیتی پروگرام "TEA Alumni Small Grant”کا حصہ تھا جو کہ TEA Alumnaنصرت جبین نے امریکہ سے پروفیشنل ایکسچینج کے بعد حاصل کی۔
اختتامی تقریب گورنمنٹ پرائمری سکول آڑیان میں منعقد ہوئی جس میں Vision Building Futureکے پروگرام آفیسر عروج حیدرنے بذریعہ Zoom شرکت کی۔ محکمہ تعلیم کی طرف سے ڈسٹرکٹ ایجوکیشن آفیسر زنانہ DEO بی بی حلیمہ بطور مہمانِ خصوصی شریک ہوئیں اور دیگر مہمانان میں ڈرایونگ اینڈ ڈسبرسنگ آفیسر DDOزبیدہ خانم،سب ڈویژنل ایجوکیشن آفیسر SDEO مسرت جمال، پرائیویٹ سکولوں کے پرنسپلز، میڈیا رپورٹرز اور زیر تربیت استانیوں نے شرکت کیں۔

تقریب میں مہمانِ خصوصی نے کامیاب ٹریننگ منعقد کرنے پرRELOپاکستان، Vision Building Futureاور ٹرینر نصرت جبین کو مبارکباد پیش کی اور اِس امید کا اظہار کیا کہ مستقبل میں اِس طرح کے پروفیشنل پروگرامز جاری رکھے جائیں گے جو کہ چترال جیسے پسماندہ علاقے کے انگلش لینگویج ٹیچرز کمیونٹی کی بہتری اور ترقی کے لئے اشد ضروری ہیں۔ تقریب کے اختتام پر شرکاء میں اسناد بھی تقسیم کی گئیں اور مہمانانوں نے بھی توصیفی کلمات سے اس کی پذیرائی کی۔

ہمارے نمائندے سے باتیں کرتے ہوئے اس تربیتی ورکشاپ میں حصہ لینے والی چند استانیوں کا کہنا ہے کہ اس ورکشاپ کے بعد ان میں خوداعتمادی بڑھ گئی اور وہ بغیر کسی جھجک کے انگریزی میں بات بھی کرسکیں گے اور اپنے شاگردوں کو بھی پڑھا سکیں گی۔ ڈسٹرکٹ ایجوکیشن آفیسر برائے خواتین بی بی حلیمہ نے کہا کہ اس قسم کی ورکشاپ سرکاری اور غیر سرکاری سکولوں کی استانیوں اور اساتذہ کیلئے نہایت ضروری ہوتی ہیں اور وہ ان ورکشاپ سے بہت کچھ سیکھ سکتے ہیں۔ انہوں نے کہا کہ مستقبل میں بھی استانیوں اور اساتذہ کیلئے اس قسم کے تربیتی ورکشاپ ہونی چائیں تاکہ ان کی تدریسی مہارت میں مزید نکھار آسکے اور وہ بہتر طور پر بچوں اور بچیوں کو پڑھا سکے۔
ورکشاپ میں شریک محکمہ تعلیم کی خاتون افسر جنہوں نے امریکہ سے اس قسم کا تربیت لی تھی ان کا کہنا ہے کہ چترال جیسے دور آفتادہ اضلاع کی استانیوں کیلئے ایسی ورکشاپ نہایت ضروری ہے جس سے ان کی ویژن مزید بڑھ سکے گی۔