Author: ڈاکٹرغلام مصطفی بڈانی

پاکستان کے ادارہ شماریات نے بدھ کو کہا ہے کہ ملک کے کنزیومر پرائس انڈیکس (سی پی آئی) میں فروری میں سال بہ سال 31.5 فیصد کا اضافہ ہوا جو تقریباً 50 سالوں میں سب سے زیادہ سالانہ شرح ہے۔
پاکستان بیورو آف سٹیٹسٹکس (پی بی ایس) کے مطابق ملک میں خوراک، مشروبات اور نقل و حمل کی قیمتوں میں 45 فیصد سے زیادہ اضافہ ہوا۔
پاکستان کے ادارہ شماریات کے ترجمان نے خبر رساں ادارے روئٹرز کو بتایا کہ ’فروری کی 31.5 فیصد شرح 1974 کے بعد سب سے زیادہ ہے۔‘
انہوں نے مزید کہا کہ ’اس سے قبل 1973-1974 کے مالی سال کے دوران سالانہ اوسط افراط زر 32.78 فیصد تھی۔‘
ادارہ شماریات بیورو نے ایک بیان میں کہا کہ گذشتہ ماہ قیمتیں اس سے پچھلے ماہ کے مقابلے میں 4.3 فیصد زیادہ رہیں۔ جنوری میں سی پی آئی میں سال بہ سال 27.55 فیصد اضافہ ہوا۔
خوراک اور الکوحل کے بغیر مشروبات کی قیمتوں میں گذشتہ سال کے مقابلے میں 45.07 فیصد اضافہ ہوا جبکہ سگریٹ پر ٹیکس میں اضافے کی وجہ سے تمباکو کی قیمتوں میں 47.59 فیصد اضافہ ہوا۔حکومت نے فروری میں ایک ضمنی مالیاتی بل بھی منظور کیا جس کے تحت گذشتہ جولائی سے شروع مالی سال کے دوران 170 ارب روپے کے اضافی ٹیکس لگائے گئے۔
جبکہ خدمات پر جنرل سیلز ٹیکس (جی ایس ٹی) 17 سے بڑھا کر 18 فیصد کر دیا گیا۔ اس اقدام کا مقصد اضافہ ریونیو اکٹھا کرنا تھا۔
حکومت سخت اقدامات مصروف ہے جس کا مقصد ٹیکسوں کے ذریعے محصولات میں اضافہ کرنا ہے۔ اس کے علاوہ حکومت ایک ارب ڈالر کے فنڈ کے لیے بین الاقوامی مالیاتی فنڈ (آئی ایم ایف) کے ساتھ معاہدہ کرنے کی کوشش بھی کر رہی ہے۔
بدھ کو ڈالر کے مقابلے میں روپے کی قیمت میں 1.73 فیصد کمی ہوئی اور ڈالر 266.11 روپے کا ہو گیا۔ رواں سال کے آغاز سے اب تک روپے کی قدر میں تقریباً 15 فیصد کمی ہوئی ہے جس سے افراط زر میں اضافہ ہوا ہے۔

ماہرین کا کہنا ہے کہ آنے والے مہینوں میں مہنگائی میں اضافہ جاری رہنے کی توقع ہے کیوں کہ آئی ایم ایف کے کہنے پر کیا جانے والا ڈھانچہ جاتی ردوبدل اور کرنسی کی قیمت میں کمی سپلائی چین سے گزرتے ہیں۔‘
بنیادی افراط زر میں شہری اور دیہی علاقوں کے لیے بالترتیب 17.1 اور 21.5 فیصد سال بہ سال اضافہ ہوا۔ مصطفی پاشا کا کہنا تھا کہ ’بنیادی افراط زر ایسی چیز ہے جس پر مرکزی بینک کو پالیسی کی شرح میں اضافے کی شرح کا فیصلہ کرتے وقت نظر رکھنے کی ضرورت ہوگی۔‘

ننکانہ صاحب باغی ٹی وی (نامہ نگار احسان اللہ ایاز ) پاکستان میں ساتویں اور پہلی ڈیجیٹل مردم شماری کا قومی اہمیت کا کام ضلع ننکانہ صاحب میں یکم مارچ سے شروع ہوکر یکم اپریل تک جاری رہے گاجس کے لیے تمام عملے کو تربیت دی گئی ہے اور تمام ضروری سامان بھی عملے کے حوالے کردیاگیا ہے ، خانہ و مردم شماری کی تکمیل کے لیے ہر محب وطن کو اپنا کردار قومی فریضہ سمجھ کر اداکرنا ہوگا،شہری مردم شماری کی ٹیموں سے بھرپورتعاون کریں۔ایڈیشنل ڈپٹی کمشنر ریونیوننکانہ صاحب مزمل الیاس نے ان خیالات کا اظہار ڈپٹی کمشنر کمپلیکس کو نمبرلگاکر ضلع بھر میں ڈیجیٹل مردم شماری کا باقاعدہ افتتاح کرتے ہوئے کیا ۔ایڈیشنل ڈپٹی کمشنر جنرل ننکانہ محمد حنیف ،اسسٹنٹ کمشنر ننکانہ اللہ توکل وٹو،نمائندہ مردم شماری میاں عدنان اسلم ،پی ایس ٹو ڈپٹی کمشنر ننکانہ حافظ ناظم علی سمیت شمارکنندگان کی کثیر تعداد بھی اس موقع پر موجود تھی ۔ایڈیشنل ڈپٹی کمشنر ریونیو مزمل الیاس نے اس موقع پر بتایا کہ خانہ و مردم شماری کے دوران محکمہ پولیس ،محکمہ تعلیم ،صحت ریسکیو1122سمیت دیگر متعلقہ اداروں کی جانب سے جامع پلان ترتیب دیا گیا ہے جبکہ تینوں تحصیلوں سمیت ضلعی کنٹرول روم کا قیام بھی عمل میں لایا گیا ہے۔ایڈیشنل ڈپٹی کمشنر جنرل محمد حنیف نے مردم شماری کے افتتاح کے موقع پر اظہار خیال کرتے ہوئے کہا کہ ہم پوری ذمہ داری کے ساتھ مقررہ وقت پر ضلع بھر میں خانہ ومردم شماری کروائینگے اور اس کی شفافیت کویقینی بنانے میں اپناکردار قومی فریضہ سمجھ کراداکریں گے۔ ضلع ننکانہ صاحب میں تعینات کیے گئے نمائندہ مردم شماری میاں عدنان اسلم نے کہا کہ عملہ مردم شماری حوصلہ،ایمانداری اورقومی جزبہ کے ساتھ اپنے فرائض انجام دے ، ضلع ننکانہ صاحب میں مجموعی طور پر کل 19چارج ، 155 سرکل اور1328بلاکس بنائے گئے ہیں جس کے لیے 94سرکل سپر وائزرز، 671شمار کنندگان مجموعی طورپر کل 803 افسران و اہلکاران کی ڈیوٹیاں لگائی جاچکی ہیں اور تمام متعلقہ محکمہ جات کو فائنل فیلڈسٹاف برائے مردم شمای کی لسٹیں مہیا کردی گئی ہیں

ٹھٹھہ ،باغی ٹی وی( نامہ نگار راجہ قریشی)مکلی ایک ماہ کے دوران چوتھی بار پانی کا بحران شدت اختیار کرگیا،شہری پانی کی بوند بوند کو ترس گئے
تفصیل کے مطابق مکلی ہیڈ کوارٹر میں ایک ماہ کے اندر چوتھی دفعہ پھر پانی کا بحران پیدا ہوگیا ہے مساجد اسکولوں سرکاری دفاتر اور لوگوں کے گھروں میں پینے تک کا پانی موجود نہیں ہے سرکاری دفاتر اور اسکولز انتظامیہ اپنے پیسوں سے پانی کے ٹینکرز اکثر و بیشتر ڈلواتے ہیں نمازی وضو بھی بڑی مشکل سے کرکے مساجد میں جاتے ہیں واضح رہے کہ چھچھ ناری نہر مکلی سے بغیر فلٹر ہوئے پانی کی سپلائی مکلی کے لوگوں کو کی جاتی ہے اور یہاں ہر ہفتے پانی کی موٹرز پمپس اور مشینوں میں لگے پنکھے خراب ہوجاتے ہیں جسکی وجہ سے پانی کی سپلائی کئی کئی دن بند رہتی ہے اور عوام پانی کی بوند بوند کو ترس جاتے ہیں محکمہ پبلک ہیلتھ ٹھٹھہ نے چند سال قبل کروڑوں روپے سے پانی سپلائی کرنے کی مشینیں خریدیں تھی جو کہ بالکل ناکارہ تھیں اب پانی سپلائی کا انتظام ٹاؤن کمیٹی مکلی کو دیا گیا ہے مگر پھر بھی پانی کا بحران برقرار ہے ٹھٹھہ اور مکلی کے رہائشیوں نے حکومت سندھ سے مطالبہ کیا ہے کینجھر جھیل سے پانی کی سپلائی ٹھٹھہ اور مکلی میں کی جائے تاکہ عوام کو پانی کی قلت سے دوچار نہ ہونا پڑے

سکھر،باغی ٹی وی(ویب نیوز) سیشن کورٹ سکھر نے اداروں کی تضحیک اور عوام کو بغاوت پر اکسانے کے معاملے پر مریم نواز کو 10 مارچ کو طلب کرلیا اور نوٹس جاری کردیا۔
تفصیلات کے مطابق پاکستان تحریک انصاف ضلع سکھر کے صدر ایڈووکیٹ ظھیر بابر کی جانب سے دائر درخواست پر آج ففتھ ایڈیشنل ڈسٹرکٹ اینڈ سیشن جج ممتاز سولنگی نے سماعت کی۔ درخواست گزار تحریک انصاف ضلع سکھر کے صدر ظہیر بابر نے موقف اختیار کیا ہے کہ مریم نواز نے جلسے میں اپنی تقریر کے دوران اداروں کے خلاف بات کی اور اداروں کی تضحیک کی جبکہ عوام کو اداروں کے خلاف اور بغاوت پر اکسانے کی کوشش کی۔
عدالت نے درخواست کو سماعت کیلئے منظور کرتے ہوئے مریم نواز سمیت دیگر فریقین کو نوٹسز جاری کرتے ہوئے 10 مارچ کو طلب کرلیا۔
عدالت نے ایس ایچھ ماڈل ٹاؤن ، ڈائریکٹر اور ڈپٹی ڈائریکٹر سائیبر جرائم ایف آئی اے اور ایس ایس پی سکھر کو طلب کیا۔