Author: ڈاکٹرغلام مصطفی بڈانی

قومی اسمبلی کے حلقے این اے 193 راجن پور کا ضمنی الیکشن پاکستان تحریک انصاف کے امیدوار محمد محسن لغاری نے جیت لیا۔
حلقے کے تمام 237 پولنگ اسٹیشن کے غیر حتمی اور غیر سرکاری نتائج کے مطابق تحریک انصاف کے محمد محسن لغاری 90392 ووٹ لے کر پہلے نمبر پر رہے جبکہ مسلم ليگ ن کے عمار احمد خان لغاری 55218 ووٹ لےکر دوسرے نمبر پر رہے۔
پاکستان پیپلز پارٹی کے اختر حسن خان گورچانی نے 20 ہزار 74 ووٹ حاصل کر کے تیسرے نمبر پر رہے جبکہ تحریک لبیک پاکستان کے محمود احمد 3 ہزار 961 ووٹ لیکر چوتھے نمبر پر رہے۔
خیال رہے کہ این اے 193 کی نشست پی ٹی آئی کے ایم این اے سردار جعفر لغاری کے انتقال کے باعث خالی ہوئی تھی۔
این اے 193 راجن پور میں کامیابی پر پاکستان تحریک انصاف کے چیئرمین عمران خان کا کہنا ہے کہ ‘پی ٹی آئی کے خلاف سرکاری مشینری،نیوٹرلز اور الیکشن کمیشن کے مابین گٹھ جوڑ کے باوجود زوردار کامیابی پر محسن لغاری، کارکنان اور ووٹرز کو مبارک باد پیش کرتا ہوں۔
انہوں نے کہا کہ مجھےخدشہ ہےکہ اس سے پی ڈی ایم اور اس کے سر پرستوں پر مزید خوف طاری ہوگا۔چنانچہ سپریم کورٹ کے ججز پر غیر معمولی دباؤ کی توقع رکھیے!۔

تحریک انصاف کیخلاف سرکاری مشینری،نیوٹرلز اورECP کےمابین گٹھ جوڑ کےباوجود زوردار کامیابی پر محسن لغاری، مینالغاری،PTIکےکارکنان اورNA-193کےووٹرز کومبارکباد پیش کرتاہوں۔مجھےخدشہ ہےکہ اس سےPDM اور اسکے سرپرستوں پر مزیدخوف طاری ہوگا۔چنانچہSCکےججز پر غیر معمولی دباؤ کی توقع رکھئیے!

— Imran Khan (@ImranKhanPTI) February 26, 2023

کراچی: وزیراعلیٰ سندھ مراد علی شاہ کا کہنا تھا کہ پارلیمنٹ کو ججوں کے مواخذے کااختیار ہونا چاہیے، پاکستانی آئین شہید ذوالفقارعلی بھٹو کا قوم کو تحفہ ہے، انہوں نے اتفاق رائے سے 1973 کا آئین منظور کرایا، یہ ان کا تاریخی کارنامہ ہے۔
آئین کی گولڈن جوبلی کی تقریب سے خطاب کرتے ہوئے مراد علی شاہ نے کہا کہ آئین پر عملدرآمد ہر شہری کا فرض ہے، آئین کا دفاع مقننہ، انتظامیہ اور عدلیہ کی ذمے داری ہے، آئین کا دفاع کرنا عام شہری کی ذمہ داری نہیں۔
وزیراعلیٰ کا کہنا تھا کہ ضیا دور سے آئین کی خلاف ورزیوں کا سلسلہ شروع ہوا، اور ماضی میں آرٹیکل 62 اور 63 کا سیاسی استعمال کیا گیا، نااہلی کی تلوارلٹک رہی ہوتو کوئی بھی آزادانہ کام نہیں کرسکتا، آج مجھ سمیت تمام وزرا پر کیسز ہیں، توہین عدالت قانون سے ڈرایا جا تا ہے، اراکین پارلیمنٹ کو ڈراتے رہیں گے تووہ کہاں سے ڈیلیور کر سکیں گے۔
مراد علی شاہ نے کہا کہ آئین کے تحت پارلیمنٹ سپریم ہے، اور پارلیمنٹ کو ججوں کے مواخذے کااختیار ہونا چاہیے، یہ طریقہ بھارت میں موجود ہے، ہماری سیاسی تاریخ میں مقننہ کو دانستہ کمزور کیا گیا۔

جام پور: راجن پور کے قومی اسمبلی کے حلقہ این اے 193 میں ضمنی انتخاب کیلیے ہونے والی پولنگ کا وقت ختم ہو گیا، حتمی نتائج کیلیے ووٹوں کی گنتی جاری ہے۔
حلقہ این اے 193 میں ضمنی انتخاب کیلیے صبح 8 بجے شروع ہونے والی پولنگ کا عمل شام 5 بجے تک جاری رہا، 3 لاکھ 79 ہزار 204 کے قریب ووٹرز نے حق رائے دہی استعمال کیا۔
ضمنی الیکشن میں 11 امیدواروں کے درمیان مقابلہ ہوا تاہم اصل مقابلہ (ن) لیگ اور پی ٹی آئی کے درمیان ہوا، پی ٹی آئی کے محسن لغاری اور (ن) لیگ کے عمار لغاری میں کانٹے کا مقابلہ دیکھنے میں آیا، پیپلز پارٹی کے اختر حسن گورچانی بھی یہاں سے امیدوار ہیں۔
الیکشن کمیشن کی جانب سے حلقے میں ووٹنگ کیلئے 237 پولنگ سٹیشن قائم کیے گئے جن میں سے 68 کو حساس قرار دیا گیا، کسی بھی ناخوشگوار صورتحال سے نمٹنے کیلئے 2 ہزار 650 پولیس اہلکار تعینات کیے گئے تھے، رینجرز اور آرمی کے جوانوں نے بھی گشت کیا۔
اب تک آنے والے ابتدائی نتائج کے مطابق پی ٹی آئی کے محسن لغاری آگے ہیں اور عمار لغاری ان کے پیچھے دوسرے نمبر پر ہیں

اسلام آباد – تحریک انصاف کے ارکان قومی اسمبلی کی بحالی کے معاملے پر اسپیکر راجہ پرویز اشرف نے اپنے فیصلے سے ہٹنے سے انکار کردیا۔
نجی ٹی وی کا کہنا ہے کہ ذرائع قومی اسمبلی کے مطابق تحریک انصاف کے جن ارکان کے استعفے منظور ہوچکے وہی فیصلہ حتمی ہے، 35 میں سےکسی بھی رکن کو کل قومی اسمبلی اجلاس میں شرکت کی اجازت نہیں دی جائے گی۔
حکام قومی اسمبلی کا کہنا ہے کہ مستعفی پی ٹی آئی رکن نے ایوان میں آنےکی کوشش کی تو قانون کے مطابق کارروائی ہوگی، لاہور ہائیکورٹ یا الیکشن کمیشن نے کسی پی ٹی آئی رکن کوبحال نہیں کیا، الیکشن کمیشن نے صرف ضمنی انتخابات کا اپنا نوٹیفیکیشن معطل کیا ہے۔
ذرائع قومی اسمبلی نے بتایا کہ لاہور ہائیکورٹ نے بھی اسپیکر کے استعفے منظور کرنے کے فیصلے کو معطل نہیں کیا اور الیکشن کمیشن نے بھی کسی بھی تحریک انصاف رکن کی رکنیت بحال نہیں کی۔
ذرائع قومی اسمبلی کے مطابق تحریک انصاف عدالتی فیصلے کی اپنی مرضی سے تشریح کررہی ہے۔
خیال رہے کہ گزشتہ دنوں الیکشن کمیشن آف پاکستان نے لاہور ہائیکورٹ کے فیصلے کے تناظر میں تحریک انصاف کے پنجاب سے تعلق رکھنے والے 32 ارکان قومی اسمبلی کو ڈی نوٹیفائی کرنے اور 27 حلقوں کے ضمنی انتخابات کا انتخابی شیڈول معطل کیا تھ

اوکاڑہ ،باغی ٹی وی (نامہ نگار ملک ظفر)انجمن تاجران نے 27 فروری کو ہڑتال نہ کرنے کا اعلان کردیا
تفصیل کے مطابق اوکاڑہ میں انجمن تاجران(رجسٹرڈ) کا ہنگامی اجلاس شیخ ریاض انور کی صدارت میں ہوا۔
چیئرمین انجمن تاجران میاں فیصل نے کہا کہ اوکاڑہ میں ایک گروپ کی طرف سے ہڑتال کے پوسٹر لگائے گئے ہیں جن سے ہمارا کوئی تعلق نہ ہے ، انجمن تاجران ایک غیر سیاسی پلیٹ فارم ہے تاجران کا کسی سیاسی جماعت سے تعلق نہ ہے ، ضلع انتظامیہ 27 فروری کی خود ساختہ ہڑتال کے سلسلہ میں دکانداروں کو تحفظ فراہم کرے تاکہ کوئی ناخوشگوار واقعہ رونما نہ ہو سکے ،انجمن تاجران کے صدر نے کہا کہ کسی سیاسی جماعت یا گروپ نے ہمارے ساتھ کوئی رابطہ نہیں کیا ۔ لہذا انجمن تاجران 27 فروری کو ہڑتال نہیں کرے گی۔
اوکاڑہ تاجر برادری پہلے ہی مہنگائی کی چکی میں پس رہے ہیں مزید کاروبار بند کر کے چھوٹے دکانداروں سے روٹی کا نوالہ چھین نہیں سکتے۔

ٹھٹھہ ،باغی ٹی وی (نامہ نگار راجہ قریشی) غیرسرکاری تنظیم "اپنا وعدہ آپ سے” نے پسماندہ علاقے سلطان آباد میں چیریٹی منی ہسپتال قائم کردیا
تفصیل کے مطابق غیرسرکاری تنظیم اپنا وعدہ آپ سے کی جانب سے ٹھٹھہ کے پسماندہ علاقے سلطان آباد کی غریب عوام کے علاج و معالجہ اور مفت ادویات فراہم کرنے کے لئے ایک چیریٹی منی ہسپتال قائم کی گئی جس آج افتتاح کیا گیا ،
ٹھٹھہ کے پسماندہ علاقے سلطان آباد میں صحت کی سہولیات کا بڑا فقدان ہونے سے اہل علاقہ کو سخت مشکلات کا سامنا کرنا پڑتا تھا ایسی صورتحال کو مد نظر رکھتے ہوئے غریبوں کی خدمت گار غیر سرکاری تنظیم اپنا وعدہ آپ سے آرگنائزیشن کی جانب سے سلطان آباد امروز فارم ولیج میں ایک چیریٹی منی شفایاب ہسپتال کی نام سے صحت کا مرکز قائم کیا گیا جس کا آج افتتاح کیا گیا افتتاحی تقریب میں سینیٹر پاکستان پیپلز پارٹی پارلیمنٹیرین محترم وقار مہدی نے مہمان خصوصی کے فرائص انجام دے اور بڑی تعداد میں سیاسی سماجی کاروباری شخصیات بیوروکریٹس سول سوسائٹی اور صحافیوں کے علاؤہ خواتین نے بھی شرکت کی ،شفایاب ہسپتال قائم ہونے سے سلطان آباد سمیت دیگر ملحقہ علاقوں کے غریب اور مستحق لوگوں کو بہت فائدا پہنچے گا سماجی شخصیت طارق محمود اور ان کی پوری ٹیم کی انتھک محنت سے ایک سال میں ہسپتال کا تعمیراتی کام مکمل کرکے ہستپال کا باقاعدہ آغاز کردیا گیا ہے ہسپتال میں موجود مختلف امراض کے ماہر ڈاکٹروں نے مریضوں کا علاج کرنا شروع کردیا ہے شفایاب ہسپتال میں مرد خواتین اور بچوں کا مفت میں علاج کر کے ادوایات فرہم کی جائے گی اس کے علاؤہ مریضوں کی کسی بڑی بیماری کے لئے کراچی کے جانے کے لئے ٹرانسپورٹ اور دیگر اخراجات آرگنائزیشن فراہم کرے گی اہل علاقہ اور تقریب میں آنے والے شخصیت نے اپنا وعدہ آپ سے آرگنائزیشن کے اس بھترین عمل کو سراہتے ہوئے ان خراج تحسین پیش کیا