Author: ڈاکٹرغلام مصطفی بڈانی

ٹھٹھہ،باغی ٹی وی( نامہ نگار راجہ قریشی)باغی ٹی وی کے نامہ نگار پر حملہ کرنے والا ملزم گرفتار،ہیڈ محرر زخمی
تفصیل کے مطابق ٹھٹھہ میں باغی ٹی وی کے نامہ نگار راجہ قریشی پر حملہ کرنے والے کو ایس ایس پی ٹھٹھہ کے احکامات پر سینئر پولیس انسپکٹر فیصل شفیع میمن نے ایکشن لیتے ہوۓ ٹھٹھہ پولیس پوسٹ انچارج شوکت درس کو ملزم ٹریس کرکے فوری گرفتاری کی ہدایت کی جس پر چوکی انچارج نے احکامات پر فوری کارروائی کر کے حملہ آور اسلم گندرو کو گرفتار کرکے بدین جیل منتقل کردیا،اس گرفتاری کی کارروائی کے دوران ملزم کی طرف سے مزاحمت پر پولیس پوسٹ ٹھٹھہ کا ہیڈ محرر راجہ راجپوت شدید زخمی ہوگیا جس کے ہاتھ کی تین انگلیاں ٹوٹ گئیں ،جسے علاج کیلئے ہسپتال جانا پڑگیا.پولیس کی اس کارروائی باغی ٹی وی کے نامہ نگار راجہ قریشی اور عوامی پریس کلب کے صدر بلاول سموں نے ایس ایس پی ٹھٹھہ اور سینئر پولیس آفیسر فیصل شفیع میمن اور پولیس پوسٹ ٹھٹھہ کا بھی شکریہ ادا کیا جنہوں بروقت کارروائی کی اور کہا اگر ایس ایس پی ٹھٹھہ عدیل حسین چانڈیو اگر اسی طرح بروقت جرائم پیشہ عناصر کے خلاف کاروائیاں کرتے رہے تو ٹھٹھہ شہر میں امن کی فضا قائم ہو جائیگی.

حب، باغی ٹی وی(حیکم بلوچ) ایس ایچ او وندر کا جرائم پیشہ افراد کے خلاف کاروائیوں کا سلسلہ جاری منشیات فروش گرفتار چار سو بیس گرام چرس برآمد تفتیش جاری
تفصیلات کے مطابق پولیس کے ایس ایچ او عبدالغفور رند نے ایس ایس پی حب محمد مراد خان کی ہدایت اور ڈی ایس پی وندر منور شیخ کی زیر نگرانی اپنی ٹیم کے ہمراہ وندر شہر میں کامیاب کارروائی کرتے ہوئے منشیات فروش کو گرفتار کرکے اس کے قبضہ سے چار سو بیس گرام چرس برامد کرلی ملزم علی اکبر ولد گل محمد کے خلاف مقدمہ درج کر کے مزید تفتیش شروع کردی وندر پولیس نے کیجانب سے جرائم پیشہ افراد کے خلاف گھیرا تنگ کیا ھوا ہے وندر کے روایتی امن و امان کو خراب کرنے کی کسی کو اجازت نہیں دی جائے گا اس موقع پر ایس ایچ او وندر غفوررند نےمیڈیا سے کفتگو کرتے ھوئے کہاکہ جرائم پیشہ افراد وندر چھوڑ دیں یا پھر جیل کے تیار کریں۔

چترال (باغی ٹی وی) نواحی علاقے سینگور کے محلہ شا ہ میران میں فضل الدین نامی ایک شخص کا مویشیوں کا بھانہ گرنے سے 35 بکریاں ہلاک ہوگئیں۔ متاثرہ خاندا ن نے حکومت سے مالی امداد کی اپیل کی ہے تاکہ وہ تباہ شدہ مویشیوں کابھانہ دوبارہ تعمیر کرنے کے ساتھ ساتھ بکریاں بھی خرید سکیں اور گھر کا چولہا جلتا رہے۔ تفصیل گل حماد فاروقی کی اس رپورٹ میں

ٹھٹھہ،باغی ٹی وی (نامہ نگار راجہ قریشی)جنگ شاہی تھانے کی حدود میں نہر سے ایک شخص کی لاش برآمد
تفصیل کے مطابق گجو کے قریب جنگ شاہی تھانے کی حدود میں کے ڈی اے نہر سے ایک شخص کی لاش برآمد ہوئی ہے ، لاش ریسکیو ٹیموں اور پولیس نے نہر سے نکالی،لاش کو نہر میں دیکھ کر مقامی لوگوں نے پولیس کو اطلاع دی ،پولیس زرائع کا کہنا ہے کہ لاش سول ہسپتال مکلی منتقل کردی گئی ہے ، جیب سے ملنے کارڈ سے شناخت احمد علی محمود آباد کراچی کے رہائشی کے نام سے شناخت ہوئی ہے

ٹھٹھہ،باغی ٹی وی( نامہ نگار راجہ قریشی)اوباش کی ستائی لڑکی عوامی پریس کلب میں فریاد لیکر پہنچ گئی
تفصیل کے مطابق ٹھٹھہ شہر کے آگر محلہ کی لڑکی مسمات سمیرادختر خمیسو گندرو اپنی پھوپھی نسرین گندرو اور چھتاں گندرو کے ساتھ عوامی پریس کلب ٹھٹھہ پہنچ کر پریس کانفرنس کرتے ہوۓ کہا کہ ان کے محلے کا اوباش لڑکا مٹھو ولد رمضان گندرو نے ان کا جینا محال کردیا ہے، سمیرا دختر خمیسو گندرو جو محلے میں لوگوں کے گھروں میں صفائی کا کام کرتی ہے اور جب وہ کام کرنے کے لۓ نکلتی ہے تو اوباش لڑکا ہتھیار لیکر اس کا پیچھا کرتا ہے اسے موٹرسائیکل پر اپنے ساتھ چلنے کا کہتا ہے ،انہوں نے مزید کہا کہ اوباش لڑکا پہلے بھی کئی بار ان کے گھر کے پاس ہتھیار لے کر آیا اور خوف وہراس پھیلایا،کجھ دن قبل ملزم نے لڑکی کے بھائی شاہد نامی لڑکے پر بھی حملہ کرکے اسے زخمی کیا، جس پر انہوں نے محلے والوں کو شکایات بھی کی لیکن کچھ نہ ہوا لیکن ان کی کسی نے بھی نہ سنی- انہوں نے ٹھٹھہ شہر کی چوکی پر رپورٹ بھی داخل کرائی لیکن کچھ نہ ہوا پولیس کوئی کارروائی عمل میں نہ لا سکی، لڑکی سمیرااور اس کی پھوپھی نے مزید بتایاکہ ملزم کے بھائی حاجی گندرو ،غلام گندرو جو ٹھٹھہ شہر میں بدمعاش، بدنام زمانہ منشیات فروش ہیں لیکن پولیس ان کو کچھ نہیں کہتی، متاثرہ عورتوں نے ایس ایس پی ٹھٹھہ ڈی آئی جی حیدرآباد سے فوری نوٹس لے کر انصاف کی فراہم کرنے کی اپیل کی ہے.

بارکھان واقعہ افسوسناک ہے، بلوچستان میں جنگل کاقانون رائج ہے جام کمال خان
اوتھل :  سابق وزیر اعلیٰ بلوچستان جام کمال خان نے کہا ہے کہ کیاہم اکیسویں صدی میں رہتے ہیں یا بلوچستان میں اب تک جنگل کا قانون رائج ہے ،بارکھان کے دردناک واقعے میں ایک بلوچ قبیلے سے تعلق رکھنے والی خاتون نے قران پاک اٹھاکر اپنی اور اپنے بچوں کی جان بچانے کی اپیل کی آج انکی اور اس کے دو جوان بیٹوں کی لاشیں بارکھاں میں کنویں سے برامد ہوئیں۔ سابق وزیراعلیٰ بلوچستان جام کمال خان نے سوشل میڈیا پر اپنے ایک بیان میں کہا ہے کہ کیا ہم اکیسویں صدی میں رہتے ہیں یا بلوچستان میں اب تک جنگل کا قانون رائج ہے۔ سابق وزیر اعلیٰ بلوچستان جام کمال خان نے سوشل میڈیا پر اپنے پیغام میں کہا کہ حکومت اور انکے ادارے متاثرین کو انصاف دلائیں۔

ڈیرہ۔غازیخان،باغی ٹی وی-چیک پوسٹ غازی گھاٹ پولیس کی کارروائی دو کس موٹر سائیکل لفٹر ڈکیتی/چوری شدہ موٹر سائیکل چیک پوسٹ سے کراس کرتے ہوئے گرفتار ،چیک پوسٹ غازیگھاٹ پولیس نے مشکوک جانتے ہوئے دو موٹر سائیکل سواروں کو روکا جو گرفتاری کے خوف سے فرار ہو گئے۔انچارچ چیک پوسٹ جواد احمد ASI معہ ٹیم نے موٹر سائیکل لفٹروں کا تعاقب کر کے دونوں موٹر سائیکل لفٹروں کو موٹر سائیکلوں سمیت گرفتار کر لیا۔ابتدائی تفتیش کے مطابق موٹر سائیکل لفٹر ڈکیتی/چوری شدہ موٹر سائیکل صوبہ بلوچستان میں فروخت کرتے ہیں۔ملزمان سے مزید تفتیش کی جارہی ہے۔ڈیرہ غازیخان پولیس کی طرف سے جرائم پیشہ عناصر کا محاسبہ جاری ہے۔ڈیرہ غازیخان پولیس کے تمام جوان دن و رات عوام الناس کے تحفظ کے لئے ہمہ وقت الرٹ ہیں۔

اوکاڑہ، باغی ٹی وی( نامہ نگار ملک ظفر)ڈکیتیوں کا سلسلہ نہ رک سکا، شہری عدم تحفظ کا شکار
تھانہ ستگھرہ کی حدود اڈا دربار بالا پیر میں کریانہ سٹور پر ڈکیتی کی جدید اسلحہ سے واردات ہوئی ۔تین موٹر سائیکل سوار ڈاکوؤں نے اسلحہ کے زور پر شکور نامی دوکاندار کو لوٹ لیا۔مسلح ڈاکو دوکاندار سے 2 لاکھ روپے سے زائد نقدی رقم اور قیمتی سامان لوٹ کر فرار ہو گئے ، فوٹیج میں تین مسلح ڈاکوؤں کو دوکاندار سے لوٹ مار کرتے واضح دیکھا جا سکتا ہے ۔ ڈکیتی کی بڑھتی ہوئی وارداتوں پر شہریوں نے ڈی پی او اوکاڑہ سے نوٹس لینے کا مطالبہ کیا ہے