Author: ڈاکٹرغلام مصطفی بڈانی

بلوچستان کے ضلع بارکھان کے علاقے حاجی کوٹ کے قریب کنوئیں سے خاتون سمیت تین افراد کی لاشیں برآمد ہوئی ہیں۔
ایس پی بارکھان نے بتا یا کہ بارکھان کے علاقے حاجی کوٹ کے نواح میں واقع کنویں سے خاتون سمیت تین افراد کی لاشیں برآمد ہوئیں ہیں۔
انہوں نے کہا کہ برآمد شدہ لاشوں کی عمریں 20 سے 25 سال کے لگ بھگ ہیں ،تینوں کو فائرنگ کرکے قتل کیا گیا ہے جبکہ خاتون کے چہرے کو تیزاب ڈال کر مسخ کیا گیا ہے۔لاشیں شناخت کیلئے ڈی ایچ کیو اسپتال بارکھان منتقل کردی ہیں جہاں ان کا طبی معائنہ کر کے رپورٹ تیار کی گئی ہے۔
فی الحال ان لاشوں کے بارے میں معلوم نہیں ہوسکا کہ یہ کون ہیں اور قتل کےوجوہات بھی معلوم نہیں ہوسکیں ،ذرائع کاکہنا ہے کہ قیاس کیاجارہاہےکہ شاید یہ لاشیں کہیں خان محمد مری کی فیملی کی نہ ہوں،یاد رہے کہ مبینہ طور پرخان محمد مری فیملی سمیت بلوچستان کے صوبائی وزیر سردار عبدالرحمان کھیتران کی نجی جیل میں قید ہے جس کی بازیابی کیلئے آل پاکستان مری اتحاد کی جانب سے مختلف فورمز پر احتجاج کاسلسلہ جاری ہے آل پاکستان مری اتحاد نے پاکستان کے مقتدر حلقوں سے اپیل کی ہے کہ مظلوم خان محمد مری کے فیملی کو سردار عبدالرحمان کھیتران کے نجی جیل سے بازیاب کرایا جاۓ.

ٹھٹھہ،باغی ٹی وی( نامہ نگار راجہ قریشی)پولیس کی کارروائی، منشیات فروش گرفتار،منشیات برآمد
تفصیل کے مطابق ایس ایچ او تھانہ ٹھٹھہ سب انسپکٹر اللہ ڈنو پنہور، انچارج پولیس پوسٹ چھتوچنڈ سب انسپکٹر محمد ہاشم سومرو اور انچارج پولیس پوسٹ بگھاڑموری سب انسپکٹر حیدر بخش سومرو بمعہ اسٹاف نے دوران گشت خفیہ اطلاع ملنے پر واٹر سپلائی ٹھٹھہ درگاہ اصحابی لنک روڈ پر کامیاب کارروائی کرکے 1 روپوش و اشتہاری بدنام منشیات فروش حیدر شاہ ولد غلام نبی شاہ کو گرفتار کرلیا ، ابتدائی تفتیش کے دوران ملزم کے قبضے سے 2 کلو 10 دس گرام چرس, 365 گرام ہیروئن پاؤڈر، 158 گرام آئس اور 1 پسٹل برآمد کرکے تھانہ ٹھٹھہ پر الگ الگ مقدمات درج کردیے گئے ہیں۔
گرفتار بدنام منشیات فروش حیدر شاہ کیخلاف تھانھہ ٹھٹھہ میں قتل،پولیس فرائضِ میں مداخلت کرنے، اینٹی ٹیررزم ایکٹ، اور منشیات فروشی کے متعدد مقامات میں اشتہاری اور روپوش تھا۔ مزید کریمنل ریکارڈ طلب کیا جارہا ہے، تفتیش جاری ہے۔مقدمہ نمبر 69/2023 سیکشن 9-1-3(C) نارکوٹکس ائیکٹ تھانہ ٹھٹھہ۔مقدمہ نمبر 70/2023 سیکشن 9-1-3(B) نارکوٹکس ایکٹ تھانہ ٹھٹھہ۔مقدمہ نمبر 71/2023 سیکشن 9-2(4) نارکوٹکس ایکٹ تھانہ ٹھٹھہ۔

راجنپور باغی ٹی وی (نامہ نگار کنور اویس) دہی بھلے کھانے سے 10 بچوں کی حالت غیر،ڈی پی او کا نوٹس
تفصیل کے مطابق محلہ کمانگراں میں دہی بھلے کھانے سے 10بچوں کی طبیعت ناساز، ڈی پی او راجن پور محمد ناصر سیال نے واقعہ کا فوری نوٹس لے لیا۔
ڈی پی او محمد ناصر سیال نے خود جائے وقوعہ کا وزٹ کیا۔ڈی پی او راجن پور خود ہسپتال گئے جہاں پر انہوں نے بیمار ہونیوالے بچوں کے لواحقین نوید وغیرہ سے ملاقات کی اور ڈاکٹرز سے بچوں کی طبیعت کے بارے میں دریافت کیا۔ڈی پی او کی ہدایت پر ایس ایچ او تھانہ سٹی راجن پور نے فی الفور کاروائی شروع کر دی ہے۔مقدمہ کا اندراج کر کے ملزمان کی گرفتاری اور حقائق سامنے لانے کے لیے ڈی ایس پی صدر راجن پور کی سپرویژن میں سپیشل ٹیم بھی تشکیل دے دی گئی ہے۔ڈی پی او محمد ناصر سیال کا کہنا تھا کہ والدین اپنے بچوں کو غیر معیاری اشیاء کے بارے میں آگاہی دیں اور ایس ایچ او تھانہ سٹی راجن پور کو غیر معیاری اشیاء کی خرید وفروخت کیلئے خلاف کاروائی کے احکامات جاری۔

اوکاڑہ ، باغی ٹی وی( نامہ نگار ملک ظفر)اوکاڑہ تھانہ کینٹ کی حدودمیں قومی شاہراہ طبروق کے قریب ڈکیتی کی واردات ۔ چار نامعلوم مسلح کار سوار ڈاکوؤں نے اسلحہ کے زور پر منی ٹرک نمبر1284/ ایل ای ٹی چھین کر لیا ۔مسلح ڈاکوؤں نے گن پوائنٹ پر پولٹری فیڈ سے بھراہوا منی ٹرک اور ڈرائیور شاہد اقبال کو یرغمال بنا کر لوٹ کر فرار ہوگئے ۔ نامعلوم کار سوار ڈاکوؤں نے شاہد اقبال کو اپنی کار میں زبردستی بٹھا کر ہاتھ باندھ دیے۔۔
اوکاڑہ منی ٹرک ڈرائیور کو ساہیوال کی حدود میں لے جاکر دربار کے قریب پھینک دیا اور لوڈ شدا منی ٹرک لے کر فرارہو گئے
اسی طرح تھانہ صدر کی حدود میں چار ڈکیتیاں ہوئیں پہلی واردات میں چار نامعلوم مسلح ڈاکوؤں نےصدر کے علاقہ بائی پاس 36 جوڑے روڈ پر موٹر سائیکل سوار میاں بیوی کو لوٹ لیا ، نامعلوم مسلح ڈاکوؤں نے آتشی اسلحہ کے زور پر امتیاز اور اس کی بیوی سے 45 ہزار روپے نقدی اور اس کی بیوی سے طلائی زیور کڑے ؛ کانٹے انگوٹھی وغیرہ 8 تولے چھین لیے،
دوسری واردات صدر کے علاقہ میں دو نامعلوم مسلح ڈاکوؤں نے 4/4ایل بائی پاس کے قریب واردات۔ہوئی۔اس میں نامعلوم موٹر سائیکل سوار ڈاکوؤں نے اسلحہ کے زور پر وقار حسین اور اس کی بیوی ام کلثوم سے ہزاروں روپے نقدی اور کانوں کی بالیاں چھین کر فرار-
تیسری واردات تھانہ گوگیرہ کی حدود میں دو نامعلوم مسلح ڈاکوؤں نے موٹر سائیکل سوار کو لوٹ لیا۔ نامعلوم ڈاکوؤں نے اسلحہ کے زور پر موٹر سائیکل سوار امتیاز حسین سے ایک لاکھ 15ہزار روپے نقدی چھین کر فرار ہوگئے ۔
اوکاڑہ چوتھی واردات گوگیرہ کی حدود میں تین نامعلوم مسلح ڈاکوؤں نے موٹر سائیکل سوار کو لوٹ لیا،نامعلوم مسلح ڈاکوؤں نے موٹر سائیکل نمبر 2435/ اے اے ڈی پر سوار بشیر احمد اور علی حسن سے موٹر سائیکل،71 ہزاروں روپے نقدی اور دو موبائل فون چھین کر فرار ہوگئے
رینالہ خورد سرکل بھر میں بھی ڈکیتی کی وارداتوں کا سلسلہ جاری ہے پولیس وارداتوں کو کنٹرول کرنے میں مکمل ناکام دکھائی دیتی ہے، تھانہ سٹی کی حدود میں شرقی بائی پاس کے قریب ماربل فیکڑی میں ڈکیتی کی واردات 4 کار سوار ڈاکوٶں نے فیکڑی میں داخل ہوکر مالک اورعملے کو یرغمال بناکر لوٹ لیا فیکڑی مالک عبدالرزاق سے 21لاکھ 50ہزار روپے موبائل فون لوٹ کرفرار ہوگئے ڈاکوؤں کے ساتھ مزاحمت پر فیکڑی مالک کو تشدد کا نشانہ بھی بنایا گیا کار سوار ڈاکوؤں میں دو افراد پولیس وردی میں تھے ڈاکوؤں کو ویڈیو میں چار ڈاکوؤں کو فیکٹری کے اندر داخل ہوتے اور ڈکیتی کر کے گاڑی میں فرار ہوتے دیکھا جا سکتا ہے ڈاکوؤں میں دو پولیس یونیفارم میں ملبوس تھے تھانہ سٹی پولیس موقع پر پہنچ گئی تمام پہلوؤں سے تحقیقات شروع کر دی گئیں-

ٹھٹھہ،باغی ٹی وی ( نامہ نگار راجہ قریشی ) ٹرک کی ٹکر سے لڑکی جاں بحق
تفصیل کے مطابق غلام اللہ ترکش کالونی کے قریب ٹماٹر سے لوڈ ٹرک نے لڑکی روند ڈالا جس سے لڑکی شدید زخمی ہوگئی،زخمی ہونے والی لڑکی پہچان سُمیعہ سومرودخترشکیل سومرو کے نام سے ہوئی ہے ،ٹرک نمبر 9096 ای کا ڈرائیور لڑکی کو ٹکرمار موقع سے فرار ہوگیا ،جس کامقامی لوگوں نے پیچھا کیا اور ڈرائیور کی فرارہونے کی کوشش کو ناکام بنادیا اور اسے مکلی بائی پاس پر قابو کر لیا اور پولیس کے حوالے کردیا،اس دوران زخمی لڑکی حالت تشویشناک حالت ہونے کے باعث اسے کراچی ریفر کیاگیا لیکن لڑکی زخموں کی تاب نہ لاتے ہوئے راستے ہی میں دم توڑ گئی