Author: ڈاکٹرغلام مصطفی بڈانی

میہڑ ، باغی ٹی وی(نامہ نگار منظور علی جوئیہ ) رکشہ یونین، شہری اتحاد اور سیاسی جماعتوں کا مہنگائی کیخلاف مشترکہ احتجاج
تفصیل کے مطابق میہڑ میں پی ٹی آئی، رکشہ یونین، شہری اتحاد ، پی ٹی آئی کے منتخب کونسلرز، جماعت اسلامی، اہلسنت جماعت سمیت مختلف سیاسی وسماجی تاجروں، مذہبی تنظیموں نے مہنگائی، تیل کی قیمتوں میں اضافے کے خلاف نیاز علی برڑو، اور دیگر کی قیادت میں دعا چوک سے احتجاجی ریلی نکالی اور شہر کی مختلف سڑکوںمارچ کیا اور مہنگائی کے خلاف نعرے لگائے۔ریلی کے شرکاء خطاب کرتے ہوئے رہنماؤں نے کہا کہ مہنگائی نے عوام کو اپنی لپیٹ میں لے لیا ہے۔ ملک میں حکمرانوں کی نااہلی اور کرپشن کی وجہ سے مہنگائی میں اضافہ ہوا ہے تیل کی نرخون میں اضافہ کے باعث شہریوں کا جینا محال ہو گیا ہے ، غریب دو وقت کی روٹی کیلئے پریشان ہیں حکمرانوں کی عیاشیوں کی سزا عوام کو مل رہے ہے، شہریوں نے مطالبہ کیا ہے ملک میں بڑھتی ہوئی مہنگائی پر قابو پا کر حالیہ پیٹرولیم مصنوعات کی قیمتوں میں کیاگیا اضافہ کا فیصلہ واپس لیا جائے

قصور،باغی ٹی وی (ڈسٹرکٹ رپورٹر)پتنگ فروشوں کے خلاف بڑا کریک ڈاؤن متعدد افراد گرفتار
تفصیل کے مطابق ڈی پی او قصور طارق عزیز سندھو کی خصوصی ہدایت پر تھانہ مصطفیٰ آباد کا پتنگ فروشوں کے خلاف ایکشن ،400 پتنگیں ،50 چرخیاں سمیت دیگر سامان برآمد ، مقدمات درج،ایس ایچ او ملک کفایت حسین نے کہا ہے کہ پتنگ بازی اور پتنگ فروشی کرنے والے افراد سے سختی سے نمٹا جائے گا۔والدین بھی پریشانی سے بچنے کے احتیاط کریں بچوں کو پتنگ بازی سے منع کریں،ڈی پی او قصور طارق عزیز سندھو نے تھانہ مصطفیٰ آباد پولیس کو کامیاب کارروائی پر شاباش دی

ننکانہ صاحب باغی ٹی وی(نامہ نگار احسان اللہ ایاز )تہہ خانے کی کھدائی ,ساتھ والا مکان گرنے سے باپ بیٹا جاں بحق،2 زخمی
سانگلہ ہل:محلہ اقبال پورہ میں مزدور تہہ خانہ کی کھدائی کر رہے تھے کہ اچانک ساتھ والا مکان گر گیا مکان گرنے سے میاں بیوی اور 2 بچے ملبے تلے دب گئے اطلاع پا کر ریسکیو 1122 کا عملہ 6 ایمرجنسی وہیکلز کے ساتھ وہاں پہنچاریسکیو عملہ نے پیشہ ورانہ مہارت سے ماں اور بیٹی کو بحفاظت زندہ باہر نکال کر تحصیل ہسپتال سانگلہ ہل منتقل کر دیا جبکہ باپ بیٹا زخموں کی تاب نہ لاتے ہوئے زندگی کی بازی ہار گئے زخمیوں میں 30 سالہ فاطمہ اور 4 سالہ میرب شامل ہیں جبکہ جاں بحق ہونے والوں کی شناخت 25 سالہ رضوان اور 12 سالہ طیب کے نام سے ہوئی

گو جرہ، باغی ٹی وی( نامہ نگار عبدالرحمن جٹ) نامعلوم افراد نے آ ڑھتی کوقتل کر کے نعش قبرستا ن میں پھینک دی۔ قاتل موقع سے فرارہو گئے۔معلوم ہوا ہے کہ محلہ حفیظ پا رک گوجرہ کا ملک اویس صبح کے وقت اپنی مو ٹر سا ئیکل پر گھر سے نکلا جو واپس گھر نہ آ یا کچھ دیر بعد ہی اسکی نعش ڈجکوٹ روڈ پر کبو ترانوالہ قبر ستا ن سے ملی جس کو نا معلو م افراد نے فائرنگ کرکے قتل کیا اور تیز دھا ر آ لہ سے اسکا گلہ کا ٹ دیا اور اسکی نعش کو قبرستا ن میں پھینک دیا مقتول کی موٹر سا ئیکل نمبری 4414 ایف ڈی وی بھی اسکی نعش کے قریب سے ملی اطلا ع ملنے پر سٹی پو لیس گوجرہ نے نعش تحویل میں لے کر ضروری کا رروا ئی کے بعد ورثا کے حوا لے کردی اور مقدمہ درج کرکے ملزما ن کی تلا ش شروع کردی ہے ملک اویس غلہ منڈی گوجرہ میں آ ڑھت کی دکا ن کرتا تھا۔

ٹھٹھہ ،باغی ٹی وی(نامہ نگار راجہ قریشی)دھابیجی غریب آباد مارکیٹ روڈ پر ریڑھی کھڑی کرنے پر تصادم
دابیچی غریب آباد مارکیٹ نیشنل ہائی وے کے پاس ریڑھی کھڑی کرنے پر دو راجپوت برادری کےگروپوں میں تصادم وہاں کے شہریوں نے مطالبہ کیا ہے کہ اگر قومی شاہراہ کے پاس سے غیر قانونی قبضہ میں عمارتیں خالی نہ کرائی گئیں تو روزانہ ایسے واقعات پیش آئینگے ضلعی انتظامیہ نوٹس لیں اور کارروائی کریں نیشنل ہاۓ وی کو خالی کرایا جاۓ عوامی مطالبہ.

ٹبہ سلطان پور،باغی ٹی وی(نامہ نگار) دہرے قتل کا واقعہ ، چک نمبر 106ڈبلیو بی کے قریب دو نامعلوم لاشیں برآمد
ڈی پی او وہاڑی محمد عیسیٰ خان کا نوٹس، چک نمبر 106ڈبلیو بی کے قریب دو نامعلوم ڈیڈ باڈیز ملنے کی اطلاع 15 پر موصول ہوئی اطلاع پر پولیس، فرانزک اور سی آر او ٹیمیں فوری طور پر موقع پر پہنچیں نامعلوم ڈیڈ باڈیز کی شناخت شفیق اور نسرین بی بی کے نام سے ہوئی ہے ڈیڈ باڈیز کو پوسٹمارٹم کے لیے ہسپتال منتقل کر دیا گیا ہے۔ موقع سے پسٹل موٹر سائیکل اور دیگر شواہد اکٹھے کر لئے گئے ہیں ڈی پی او وہاڑی محمد عیسیٰ خان بھی خود موقع پر پہنچے ڈی پی او نے جائے وقوعہ کا باریک بینی سے جائزہ لیا اور تمام تفصیلات حاصل کیں ڈی پی او وہاڑی محمد عیسیٰ خان نے فوری طور پر مقدمہ درج کر کے ملزمان کو ٹریس کرنے کے حوالے سے ہدایات دیں ڈی پی او نے معاملے کو تمام زاویوں سے دیکھنے کی ہدایات بھی کیں۔

فیصل آباد: وفاقی تحقیقاتی ایجنسی (ایف آئی اے) نے کرپشن اور اختیارات کے ناجائز استعمال پر سابق وزیر مملکت اور پاکستان تحریک انصاف کے رہنما فرخ حبیب کو 21 فروری کو طلب کر لیا۔
ایف آئی اے کی جانب سے فرخ حبیب کو بھیجے گئے نوٹس میں کرپشن اور اختیارات کے ناجائزاستعمال کے الزامات عائد کیے گئے ہیں۔
ایف آئی اے کے نوٹس پر اپنے ردعمل میں فرخ حبیب نے کہا کہ پہلے فواد چوہدری کو اسلام آباد لے جانے سے روکنے پر ڈکیتی کا مقدمہ درج کیا گیا، اب مجھے ایف آئی اے کی جانب سے من گھڑت انکوائری کا نوٹس مل گیا ہے۔فرخ حبیب کا شہباز شریف اور رانا ثنا اللہ کو مخاطب کرتے ہوئے کہنا تھا جتنی انتقامی کارروائیاں کرنی ہیں کر لو، عمران خان کے ساتھ ڈٹ کر کھڑے ہیں، حق سچ کی آواز بلند کرتے رہیں گے۔