Author: ڈاکٹرغلام مصطفی بڈانی

گو جرہ، باغی ٹی وی( نامہ نگار عبدالرحمن جٹ) مسلح موٹرسائیکل سوار ڈا کوؤں نے دوران ڈکیتی مزاحمت پر فائرنگ کرکے نو جوان کو قتل کر دیا۔ ملزمان موقع سے فرارہو گئے۔معلوم ہوا ہے کہ چک نمبر 93 ج ب کا رضوان عرف نکو موٹرسائیکل پر سوار ہو کر گاؤں سے اڈا دوا کھڑی جارہا تھا جب وہ چک نمبر 92 ج ب کے قریب پہنچا تو پیچھے سے مو ٹر سا ئیکل سواردو ڈا کو آ گئے جنہو ں نے اس سے نقدی چھیننے کی کو ش کی جس پر اس نے مز احمت شروع کردی تو ڈاکوؤ ں نے اس پر فائرنگ کردی جس کے نتیجہ میں وہ شدید زخمی ہو گیا ڈا کو اسکے قبضہ سے ہزارو ں روپے کی نقدی چھین کر فرار ہو گئے رضوان شدید زخمو ں کی تاب نہ لاتے ہوئے موقع پر ہی دم توڑ گیا اطلا ع ملنے پر صدر پولیس گوجرہ موقع پر پہنچ گئی اور نعش تحویل میں لے کر تحصیل ہیڈ کوارٹرز ہسپتا ل منتقل کردی اور پو سٹ مارٹم کروا نے کے بعد ورثا کے حوا لے کردی اوردو نامعلوم ملزما ن کے خلاف مقدمہ درج کرکے انکی تلا ش شروع کردی ہے۔ مقتول نوجوا ن رضوا ن کی 15 یو م قبل شا دی ہوئی تھی نوجوان کی نعش گھر پہنچنے پر کہرا م مچ گیا جس سے ہر آ نکھ آ شکبار ہو گئی۔

اوکاڑہ باغی ٹی وی( نامہ نگار ملک ظفر) ڈاکوؤں نے گن پوائنٹ پرشہری سے موٹرسائیکل اور نقدی چھین لی
تفصیل کے مطابق تھانہ بی ڈویژن کی حدود خالد ٹاؤن ڈکیتی کی واردات ۔تین نامعلوم مسلح موٹر سائیکل سوار ڈاکوؤں نے اسلحہ کے زور پر ندیم اصغر کو لوٹ لیا ،مسلح ڈاکوؤں نے گن پوائنٹ پر موٹر سائیکل سوار کو روکا ۔ڈاکوؤں نے موٹر سائیکل سوار سے موٹر سائیکل؛ ہزاروں روپے نقدی نقدی چھین کر فرار ہوگئے اور پولیس تھانہ بی ڈویژن مصروف کارروائی۔

ٹھٹھہ،باغی ٹی وی( نامہ نگار راجہ قریشی)بیلو شہر سے ایک ہفتہ قبل گم ہونے والے نوجوان کی لاش برآمد
تفصیل کے مطابق بیلو شہر سے ایک ہفتے قبل گم ہونےبوالے نوجوان جلال سومرو کی لاش برآمد ہونے پرسجاول پولیس نے جلال کے چچا زاد بھائی عبدالغفور سومرو کو گرفتار کیا تھا جس نے دوران تشفتیش قتل کا اعتراف کیا ہے ،قاتل نے گھومنے کے بہانے مقتول کو دریائے سندھ کے کنارے قتل کرکے لاش مٹی میں دفنا دی تھی ملزم کی نشاندہی پر لاش برآمد،پولیس مزید تفتیش کررہی ہے

اوکاڑہ ،باغی ٹی وی(نامہ نگار ملک ظفر )ایپکا کی جانب سے مہنگائی کے خلاف ریلی نکالی گئی*
تفصیل کے مطابق اوکاڑہ ایپکا کی جانب سے مہنگائی کے خلاف احتجاجی مظاہرہ و ریلی نکالی گئی ریلی ایجوکیشن آفس سے شروع ہو کر پریس کلب چوک میں پہنچ کر اختتام پذیر ہوئی ریلی میں ملازمین کے علاوہ شہریوں نے بھی شرکت کی شرکاء نے پلے کارڈز اور بینرز اٹھا رکھے تھے جن پر مہنگائ کے خلاف نعرے درج تھے مقررین نے خطاب کرتے ہوئے کہا کہ حکومت نے اتنی مہنگائی کردی ہے کہ غریب آدمی کا جینا مشکل ہو چکا ہے آئے روز کی مہنگائی سے تنگ آکر ملازم پیشہ افراد اور عام آدمی خود کشی پر مجبور ہوچکا ہے حکومت ہوش کے ناخن لے آئے اگر حکومت نہیں ہوتی تو چھوڑ کیوں نہیں دیتے مہنگائی ختم کرنے کا نعرہ لے کر آئے تھے اب غریب مکاؤ پروگرام چل رہا ہے عوام کو بنیادی ضروریات زندگی کی اشیاء بھی نہیں مل رہیں اگر مل رہیں تو اتنی مہنگی جو عوام کی قوت خرید سے باہر ہیں اگر حکومت نے آٹا ،گھی ،چینی،پٹرول دیگر اشیاء کی قیمتوں پہ کنٹرول ناکیا تو ہم احتجاج کا دائرہ کار بڑھا دیں گے۔

ٹھٹھہ،باغی ٹی وی( نامہ نگار راجہ قریشی)حکمرانوں نے غریبوں سے روکھی روٹی کانوالہ بھی چھین لیا – شہری
تفصیل کے مطابق ٹھٹھہ میں ایک سروے کے دوران عوام حکمرانوں کی غلط پالیسیوں اور مہنگائی کیخلاف پھٹ پڑے ،شہریوں نے کہا کہ حکمرانوں نے عوام پر مہنگائی بم چلاکر غریب عوام کے ساتھ سفید پوش لوگوں کی بھی کمر توڑ دی ہے اب نوبت یہاں تک پہنچ چکی ہے کہ لاکھوں افراد فاقہ کشی کی زندگی گزارنے پر مجبور ہوچکے ہیں،کھانے پینے کی تمام اشیاء میں ہوشربا اضافہ کردیا گیا ہے مرغی کا گوشت بھی آٹھ سو روپے فی کلو سے کم نہیں ہوسکا ہے،ڈالڈا گھی کے تمام برانڈز کی روزانہ کی بنیاد پر قیمتیں بڑھائی جارہی ہیں، بڑے تاجر بلیک مارکیٹنگ کرکے عوام کاخون نچوڑ رہے ہیں ،کوئی ان کے خلاف ایکشن لینے والا نہیں ہے ،حکومتی رٹ نام کی کوئی چیز نہیں ہے ،حکمران اور تمام آفیسران کو غریب عوام کی آہ و بُکا سننے والا کوئی نہیں ہے ،شہریوں وقار کہمان،وفا اکرم عباسی،اللہ ڈینو،لالہ رام ،طاہر قریشی، اخترمیمن ودیگر نے سروے کے دوران حکمرانوں سے اپیل کی ہے کہ خدارا عوام پر رحم کریں ،عوام نے آئی ایم ایف یاکسی اورادارے سے قرض نہیں‌لیا اور نہ ایک عام آدمی نے کوئی قومی دولت لوٹی ہے تو عام شہریوں سے روکھی روٹی کانوالہ کیوں چھین لیا گیا ہے. ٹھٹھہ کی عوام نے حکومت پاکستان سے مطالبہ کیا ہے کہ بڑھتی ہوئی مہنگائی کو فوری کنٹرول کیا جائے تاکہ غریب عوام ایک وقت کی بے شک روکھی روٹی تو کھا سکیں واضع رہے کہ چند ماہ کے اندر پیٹرولیم مصنوعات میں اضافے کے ساتھ ساتھ کھانے پینے کی تمام اشیاء کی قیمتوں میں دن بدن اضافہ ہوتا جارہا ہے مگر غریب عوام کی کوئی سننے والا نہیں ہے-

عثمان بزدار کے فرنٹ مینوں کیلئے شکنجہ تیار،پولیٹیکل اسسٹنٹ اسدچانڈیہ کو اوایس ڈی بنادیاگیا
عثمان بزدار کے دور اقتدار میں اسد چانڈیہ اسسٹنٹ کمشنر کوٹ چھٹہ اور اسسٹنٹ کمشنر تونسہ شریف تعینات رہے۔ مبینہ طوربزدار اور برادران کے لئے سرکاری محکموں سے بھتہ کی وصول کے فرائض سرانجام دیتے رہے کی کہانیاں زبان زدعام ہیں
تفصیلات کے مطابق سابق وزیراعلیٰ عثمان بزدارکے فرنٹ مینوں اور معاونین کے خلاف ایکبار پھر گھیرا تنگ، پولیٹیکل اسسٹنٹ ڈی جی خان اسد چانڈیہ کو او ایس ڈی بنا دیا گیا۔ عثمان بزدار کے دور اقتدار میں اسد چانڈیہ اسسٹنٹ کمشنر کوٹ چھٹہ اور اسسٹنٹ کمشنر تونسہ شریف تعینات رہے۔ بزدار اور برادران کے لئے سرکاری محکموں سے بھتہ کی وصول کے فرائض سرانجام دیتے رہے۔ حمزہ شریف کے وزیر اعلی پنجاب بننے کے بعد اسد چانڈیہ نے اپنی گردن بچانے کے لئے نئی صوبائی حکومت کی ہمدردیاں سمیٹنے کے لئے عثمان بزدار اور ان کے بھائیوں کے خلاف جعلسازی اور فراڈ کے ذریعے کروڑوں روپے مالیت کی سرکاری اراضی الاٹ کرانے کے معاملہ کا ریفرنس اینٹی کرپشن ڈی جی خان کو بھجوا دیا جس پر اینٹی کرپشن ڈی جی خان جون 2022 میں عثمان بزدار اور ان کے بھائیوں کے خلاف دو الگ الگ مقدمات نمبر درج کیئے ، حمزہ شریف کی تبدیلی اور پنجاب میں پی ٹی آئی کے اقتدار پر ایک بار پھر اسد چانڈیہ سیاسی دبا ئواور دھمکیوں کا جواز بنا کر دوبارہ عثمان بزدار کی گود میں بیٹھے اور غلطیوں کے مداوا کے طور پر ریاست کے مفاد کو پس پشت ڈال کر بزدار برادر کے خلاف درج مقدمات کی نہ صرف پیروی روک دی بلکہ اینٹی کرپشن سے مقدمات کے اخراج کے باوجود معاملہ کو ٹھپ کروانے میں اپنا خاص کر دار ادا کیا جس کے انعام میں عثمان بزدار نے اسد چانڈیہ کو پولیٹیکل اسسٹنٹ ڈی جی خان کے پرکشش عہدہ پر تعینات کرانے میں اہم کردار ادا کیا ذرائع کے مطابق اسد چانڈیہ نے پولیٹیکل اسسٹنٹ ڈی جی خان تعینات ہونے کے بعد بلوچستان سے فورٹ منرو کے راستہ ایرانی تیل ،نان کسٹم پیڈ گاڑیوں، غیرملکی کپڑے، الیکٹرانکس کا سامان، سگریٹ اور موبائل فونز کی سمگلنگ کے دروازے کھول دئیے اور کروڑوں روپے کی دیہاڑیاں لگا ئیں، مختلف ایجنسیاں اسد چانڈیہ کی مبینہ اینٹی سٹیٹ منفی سرگرمیوں کے بارے میں تفصیلات جمع کر رہی ہیں اور ان کے خلاف سخت قانونی کارروائی کا امکان ظاہر کیا جارہا ہے۔ یاد رہے کہ چیف سیکرٹری پنجاب نے پولیٹیکل اسسٹنٹ اسد خان چانڈیہ کو تبدیل کر کے مشتاق احمد کوپولیٹیکل اسسٹنٹ اور کمانڈنٹ باڈر ملٹری پولیس تعینات کر دیا ہے جنہوں نے آج اپنے عہدے کاچارج سنبھال لیا ہے، جبکہ سابق پولیٹیکل اسسٹنٹ ڈیرہ غازی خان محمد اسدچانڈیہ کو او ایس ڈی بنا دیا گیا ہے۔ذرائع کایہ بھی کہنا ہے کہ اسد چانڈیہ نے ایک بار پھر اپنے آپ کو صاف بچانے کیلئے ہاتھ پاؤں مارنا شروع کردئے ہیں.

ٹھٹھہ ،باغی ٹی وی (نامہ نگار راجہ قریشی) بدنام زمانہ منشیات فروش گرفتار،2کلو 980 گرام چرس برآمد
تفصیل کے مطابق ایس ایچ او تھانہ جھرک سب انسپکٹر نیک محمد کھوسو بمعہ اسٹاف نے دوران گشت خفیہ اطلاع ملنے پر راجو گھوٹ لنک روڈ پر کامیاب کارروائی کرکے چرس سپلائی کی کوشش کو ناکام بناکر 1 بدنام منشیات فروش محرم عرف مارو ولد اللہ ورایو ملاح کو گرفتار کرلیا
ابتدائی تفتیش کے دوران ملزم کے قبضے سے 2 ہزار 9 سو 80 اسی (2980) گرام چرس برآمد کرکے تھانہ جھرک پر مقدمہ درج کردیا گیا ہے، مزید تفتیش جاری ہے۔مقدمہ نمبر 26/2023 سیکشن 9-1-3(C) نارکوٹکس ائیکٹ تھانہ جھرک۔