Author: ڈاکٹرغلام مصطفی بڈانی

ننکانہ صاحب باغی ٹی وی( نامہ نگار احسان اللہ ایاز) ایڈیشنل سیشن جج کا جیل کا دورہ،4 قیدیوں کی ذاتی مچلکوں پر رہائی کا حکم
تفصیلات کے مطابق ایڈیشنل سیشن جج اعجاز احمد بوسال کا سہیل محمود سول جج کے ہمراہ ڈسٹرکٹ جیل شیخوپورہ کا دورہ,اس موقع پر سپرٹینڈنٹ جیل فرخ سلطان نے استقبال کیا۔ایڈیشنل سیشن جج اعجاز احمد بوسال نےسہیل محمود سول جج کے ہمراہ جیل لائبریری ,ہسپتال,کچن,نوعمر وارڈ,خواتین وارڈ اور منشیات کی بیرکس سمیت دیگر بلاکس کا وزٹ کیا اور اسیران سے انکے مسائل دریافت کیے اور اسیران کو فراہم کی جانے والی سہولیات کا بھی جائزہ لیا جیل ہسپتال اور کچن اسیران میں جیل انتظامیہ کی جانب سے اسیران کے لیے کئے گئے انتظامات اور کھانے کی تیاری کو چیک کیا اور ججز صاحبان نے جیل میں صفائی ستھرائی کے بہترین نظام ,کھانے کے معیار اور اسیران کی تعلیم و تربیت کے انتظامات کو تسلی بخش قرار دیا۔جیل ہسپتال میں اسیران کے علاج معالجہ کی سہولیات چیک کرنے کے بعد نو عمر اسیران کی بارک کے دورہ کے دوران نو عمر اسیران سے ان کے مقدمات اور جیل میں دستیاب تعلیمی انتظامات تسلی بخش ہونے پر جیل انتظامیہ کی کاوشوں کو سراہا،دورہ کے دوران مقدمات کی جلد سماعت کے متعلق استدعا کرنے والے اسیران کی درخواستیں فوری طور پر ڈسٹرکٹ سیشن جج ننکانہ صاحب ارسال کرنے کے لیے ہدایات جاری کرنے کے علاوہ مختلف چھوٹے مقدمات میں ملوث 4 اسیران کی ذاتی مچلکوں پر رہائی کے احکامات بھی جاری کئے جنہیں دورہ کے فوری بعد جیل سے رہا کردیا گیا

رحیم یارخان (باغی ٹی وی) خانپور کے قریب تیز رفتار ٹریلر نے سکول سے واپس گھر جاتے 5 طلباء کو کچل ڈالا،بچے زخموں کی تاب نہ لاتے ہوئے چل بسے۔ ڈرائیور موقع سے فرار ہو گیا۔
المناک حادثہ سردار گڑھ کے قریب پیش آیا جہاں 5 طلبا اسکول سے گھر واپس جاتے ہوئے تیز رفتار ٹریلر کی زد میں آ گئے،شدید زخمی بچوں نے تڑپ تڑپ کر جانیں دیدیں۔ بچوں کی عمریں 5 سے 8 سال کے درمیان بتائی گئی ہیں۔ننھے طلبا کو خون میں لت پت دیکھ کر ہر آنکھ اشکبار ہو گئی، لاشیں ہسپتال منتقل کر دی گئیں، پولیس نے تحقیقات کا آغاز کر دیا۔

ٹبہ سلطان پور (نامہ نگار حافظ حبیب الرحمن شاہ باغی ٹی وی ) سرکاری آٹے کا حصول دیہاڑی دار مزدور کیلئے ناممکن ہو گیا
تفصیل کے مطابق یونین کونسل ٹبہ سلطان پور انتظامیہ کی نا اہلی اور غیر ذمہ داری کے باعث سرکاری آٹے کے حصول کے لیے غریب مزدور دیہاڑی دار طبقہ مرد و خواتین کی لمبی لمبی قطاریں لگ گئیں, شہری گھنٹوں انتظار کر کے بغیر آٹا کے گھروں کو لوٹنے لگے یونین کونسل ٹبہ سلطان پور میں آٹے کے حصول کے لیے شہری ذلیل وخوار ہونے لگے, انتظامیہ خاموش تماشائی بنی بیٹھی ہے, انتظامیہ کی جانب سے شہریوں کو بتایا تک نہیں جا رہا کہ آٹا آئے گا بھی نہیں, احتجاج کرتے شہریوں , اور سماجی حلقوں کا اعلیٰ حکام سے فوری نوٹس لینے کا مطالبہ

ٹھٹھہ،باغی ٹی وی (نامہ نگار راجہ قریشی) 10 گٹکا ومنشیات فروش گرفتار، 1020 گرام چرس، 2200 پیکٹ گھٹکہ ماوا، 1100 پیکٹ انڈین گھٹکہ، 40 کلو چورا سپاری اور 29 بیگز دیسی شراب برآمد
تفصیل کے مطابقانچارج پولیس پوسٹ اونگر سب انسپیکٹر سائیں ڈنو برڑو بمعہ اسٹاف نے بند موری دیھ صوف شورو میں کارروائی کرکے 1 منشیات فروش طیب کھوسو کو 1020 گرام چرس سمیت گرفتار کرکے تھانہ جھرک پر مقدمہ درج کردیا۔مقدمہ نمبر23/2023 سیکشن 9-1(3)C نارکوٹکس ایکٹ تھانہ جھرک۔
ایس ایچ او تھانہ گھارو انسپکٹر ممتاز علی بروہی بمعہ اسٹاف نے دوران گشت پمپ ہائوس لنک روڈ گھارو اور آری کیمپ لنک روڈ پر کارروائیاں کرکے 2 بدنام گھٹکہ فروش اقبال حیدری فقیر کو 550 پیکٹ اور شریف حیدری فقیر کو 500 پیکٹ گھٹکہ ماوا سمیت گرفتار کرکے تھانہ گھارو پر الگ الگ مقدمات درج کردیے۔مقدمہ نمبر25/2023 سیکشن 3,4,8 گھٹکہ ائیکٹ 2019 تھانہ گھارو۔مقدمہ نمبر 26/2023 سیکشن 3,4,8 گھٹکہ ائیکٹ 2019 تھانہ گھارو۔
ایس ایچ او تھانہ دہابیجی سب انسپکٹر عبدالمومن شیخ بمعہ اسٹاف نے دوران گشت کوسٹل ہائی وے اسٹاپ پر کارروائی کرکے 1 گھٹکہ فروش مھتاب میمن کو 1100 پیکٹ انڈین سفینا، 40 کلو چورا سپاری اور 50 پیکٹ گھٹکہ ماواسمیت گرفتار کرکے تھانہ دہابیجی پر مقدمہ درج کردیا۔
مقدمہ نمبر 19/2023 سیکشن 3,4,8 گھٹکہ ائیکٹ 2019 تھانہ دھابیجی۔
ایس ایچ او تھانہ ساکرو انسپیکٹر غلام علی لاکھو بمعہ اسٹاف نے ساکرو بہارا روڈ پر کارروائی کرکے 3 گھٹکہ فروش مصری سومرو، غلام سرور عارفانہ اور مٹھو مھیشوری کو 650 پیکٹ گھٹکہ ماواسمیت گرفتار کرکے تھانہ ساکرو پر مقدمہ درج کردیا۔مقدمہ نمبر 16/2023 سیکشن 3,4,8 گھٹکہ ائیکٹ 2019 تھانہ ساکرو۔
ایس ایچ او تھانہ ٹھٹہ سب انسپیکٹر آللہ ڈنو پنھور اور انچارج پولیس پوسٹ چھتوچنڈ بمعہ اسٹاف نے ایدھی سینٹر لنک روڈ اور اولڈ شیرازی مارکیٹ کے قریب کارروائیاں کرکے 1 گھٹکہ فروش محمد عمر کنبھار کو 200 پیکٹ گھٹکہ ماوا اور 1 منشیات فروش بھٹو جاکھرو کو 29 بیگز دیسی شراب سمیت گرفتار کرکے تھانہ ٹھٹہ پر الگ الگ مقدمات درج کردیے۔مقدمہ نمبر 54/2023 سیکشن 3/4 منشیات آرڈیننس تھانہ ٹھٹہ۔مقدمہ نمبر55/2023 سیکشن 3,4,8 گھٹکہ ائیکٹ 2019 تھانہ ٹھٹہ۔
ایس ایچ او تھانہ مکلی انسپیکٹر حاکم علی کھوسو بمعہ اسٹاف نے مکلی شہر میں کارروائی کرکے 1 گھٹکہ فروش احمد خشک کو 250 پیکٹ گھٹکہ ماواسمیت گرفتار کرکے تھانہ مکلی پر مقدمہ درج کردیا۔مقدمہ نمبر 31/2023 سیکشن 3,4,8 گھٹکہ ائیکٹ 2019 تھانہ مکلی۔

کندھ کوٹ ،باغی ٹی وی (نامہ نگار مختیار اعوان )کشمور ضلع بھر میں بڑھتی ہوئی بدامنی، اغوا و چوری کی وارداتوں کے خلاف عوامی ورکرز پارٹی کا احتجاجی ریلی و مظاہرہ، مظاہرین نے بینرز اٹھارکھے تھے جن پربڑھتی ہوئی بدامنی کے خلاف نعرے درج تھے،مظاہرین کی امن کی بحالی کے لئے شدید نعرے بازی، مظاہرے میں خواتین کی بھی شرکت، کشمور میں امن امان کی بحالی کے لئے بہتر اقدامات اٹھائے جائیں
تفصیلات کے مطابق کشمور ضلع بھر میں بڑھتی ہوئی بدامنی، اغوا و چوری کی وارداتوں کے خلاف عوامی ورکرز پارٹی کی احتجاجی ریلی و مظاہرہ، مظاہرین نے عبدلحمید کھوسو، فقیر زمان دایو ودیگر کی سربراہی میں ریلی نکالی، ریلی کے شرکاء نے بینرز و پارٹی کے جھنڈے اٹھارکھے تھے، مظاہرین کی امن کی بحالی کے لئے شدید نعرے بازی، ریلی شہر کے مختلف رستوں سے ہوتی ہوئی پریس کلب پہنچی،مقررین کا کہنا تھا کہ کشمو رضلع بدامنی کی وجہ سے ملک بھر میں بدنام ہوگیا ہے، کشمو رضلع بھر میں آئے روز اغوا ہوجاتے ہیں، کشمور میں ہی سے کھوسہ برادری سے تعلق رکھنے والی خاتوں و بچی کو ڈاکو دن دیہاڑے اسلحے زور پر اٹھاکرلے جاتے ہیں کشمور پولیس مکمل طور پر خاموش ہے، کشمور ضلع بھرکے شہری عدم تحفظ کا شکار ہیں، دن ڈھلتے ہی گھر سے نکلنے سے ڈرتے ہیں ان کا مزید کہنا تھا کہ کشمور کی عوام کو نئے آنے والے ایس ایس پی عرفان سموں سے کافی امیدیں وابستہ تھیں کہ امن کی بحالی کے لئے بہترین اقدام اٹھائیں گئے انھوں نے بھی مایوس کیا ہے، انھوں نے مطالبہ کیاکہ ہمیں نئے یاپرانے چہرے کی نہیں امن کی ضرورت ہے کشمور ضلع بھر میں امن بحال کیا جائے،

راجنپور باغی ٹی وی ( نامہ نگار کنور اویس ) پسند کی شادی کرنا جرم بن گیا مخالفین کی گھر میں گھس کر اندھا دھند فائرنگ ،فائرنگ کے نتیجے میں میاں بیوی موقع پر جاں بحق تین بچے زخمی ،واقعہ تھانہ کوٹ مٹھن کے علاقے کوٹلہ حسین شاہ میں پیش آیا ،مقتولین کندھ کوٹ سے پسند کی شادی کر کے کوٹ مٹھن میں کافی عرصے سے مقیم تھے ،فائرنگ کرنے والے افراد موقع سے فرار پولیس کی بھاری نفری موقع پر پہنچ گئی
زخمیوں کو ریسکیو 1122 نے ڈسٹرکٹ اسپتال منتقل کردیا 2 بچوں کی انتہائی تشویشناک حالت ہے ،گزشتہ رات کاروکاری کی بناء پر شیخ نور محمد سکنہ کندھ کوٹ سندھ کی جانب سے مسمی مختیار چاچڑ کے گھر پر فائرنگ کی گئی جس سے مسمی مختیار چاچڑ اور اس کی بیوی مسمات (گوری) خاتون موقع پر جانبحق ہوگئے اور انکے چار بچے بھی زخمی ہوئے ہیں پولیس کی جانب سے زخمیوں کو ہسپتال منتقل کرایا گیا ہے اور PFSA ٹیمز کو طلب کیا گیا مزید قانونی کارروائی جاری ہے