Author: ڈاکٹرغلام مصطفی بڈانی

ننکانہ صاحب باغی ٹی (نامہ نگار احسان اللہ ایاز)ضلعی انتظامیہ کی جانب سے ڈپٹی کمشنر میاں رفیق احسن کی زیر نگرانی ترکیہ و شام کے زلزلہ متاثرین کے لیے امدادی سامان روانہ،750 تھری پلائی کمبلوں پر مشتمل پہلی کھیپ روانہ کر دی گئی
تفصیل کے مطابق ننکانہ صاحب ضلعی انتظامیہ کی جانب سے ڈپٹی کمشنر میاں رفیق احسن کی زیر نگرانی شام اور ترکیہ کے زلزلہ متاثرین کے لئے امدادی سامان کی پہلی کھیپ روانہ کر دی گئی اور اس موقع پر اے ڈی سی آر مزمل الیاس، اے ڈی سی جی محمد حنیف و دیگر ضلعی افسران بھی موجود تھے. سامان کی روانگی کے موقع پر ڈپٹی کمشنر ننکانہ نے کہا کہ ترکیہ و شام کے زلزلہ متاثرین کو تنہانہیں چھوڑا جاسکتا، آفت زدہ بھائیوں کی امداد اور تعاون کسی طور عبادت سے کم نہیں۔ ننکانہ صاحب کے مخیر حضرات کے تعاون سے750تھری پلائی کمبلوں پر مشتمل پہلی کھیپ روانہ کی گئی۔ جب کہ بہت جلد امدادی سامان کی دوسری کھیپ بھجوائی جائے گی اور زلزلہ متاثرین کی امداد کے لیے مزید ضرورت طلب اشیاء کا بھی بندوبست کیا جارہاہے

ٹھٹھہ ،باغی ٹی وی (نامہ نگار راجہ قریشی )باغی ٹی وی کی خبر پر ڈپٹی کمشنر کا ایکشن،محلہ شاہ مبین میں عملہ صافائی پہنچ گیا
تفصیل کے مطابق 13فروری 2023 کو باغی ٹی وی نے ایک خبر شائع کی تھی اس خبر کے مطابق میونسپل کمیٹی کے ایڈ منسٹریٹر کی نااہلی یا کچھ اور؟ سیوریج سسٹم تباہ،گلیاں ،سڑکیں دریاؤں اور گندے نالوں میں تبدیل ہوگئیں،ہر طرف گندگی اور سیوریج کا پانی ٹھاٹھیں مارنے لگا،میونسپل کمیٹی کے ایڈ منسٹریٹر سکندر حیات بلوچ کے کان پر جوں تک نہیں رینگتی،شہری پریشان ہیں ،ٹھٹھہ شہر کے گلی محلے کچرے اور سیوریج کے گندے پانی سے بھر چکے ہیں، شاہ مبین محلہ کے راستے گندے پانیکیلئے کوئی نکاسی نہیں ہے ،پانی گھروں میں داخل ہوچکا ہے ،پانی کی وجہ سے مکانات بھی مخدوش ہونے لگے جو کہ کسی بھی وقت گرسکتے ہیں ،جس سے کئی قیمتی انسانی جانیں موت کے منہ میں جانے کا خدشہ الگ سے ہے لیکن میونسپل کمیٹی کے ایڈ منسٹریٹر سکندر حیات بلوچ کو کوئی فرق نہیں پڑنے والا کیونکہ اگر خدانخواستہ کوئی حادثہ ہوا یا نشیبی علاقہ میں کوئی مکان گرگیا،اس کے نتیجے میں کوئی انسانی جان ضائع ہوگئی کیونکہ ہونے والے نقصان سے ایڈمنسٹریٹر میونسپل کمیٹی کاکوئی تعلق یاواسطہ نہیں کیونکہ نقصان عوام کا ہونا ہے .

اس خبرپر آج ڈپٹی کمشنر ٹھٹھہ غضنفر علی قادری نے نوٹس لیا اور صفائی کا عملہ شاہ مبین محلہ پہنچا اور راستہ صاف کیا ،ڈپٹی کمشنرکے اس اقدام پر ٹھٹھہ کی عوام نےان کا شکریہ ادا کیااس کے علاوہ عوامی پریس کلب کے صدر بلاول سموں اور باغی ٹی وی کے نامہ نگار راجہ قریشی نے ڈی سی ٹھٹھہ کا بروقت ان کی خبر نوٹس لینے پر شکریہ ادا کیا ڈپٹی کمشنرکے اس اقدام پر ٹھٹھہ کی عوام نے انہیں خراج تحسین پیش کیا ہے-

اوکاڑہ باغی ٹی وی )نامہ نگار ملک ظفر)شہدائے پولیس ہمارا فخر ہیں- ڈی پی او
اوکاڑہ میں ڈی پی او منصور امان نے شہدائے پولیس کے خاندانوں سے ملاقات کی شہداء کے بچوں کی دیکھ بھال اور پروش اپنے بچوں کی طرح کریں گے، شہدائے پولیس کے خاندانوں کے ساتھ مسلسل رابطہ رکھنے کی بھی ہدایت کی۔شہداء پولیس ہمارا فخر ہے۔شہداء پولیس کی قربانیاں رائیگاں نہیں جائیں گی۔

ننکانہ صاحب باغی ٹی وی ( نامہ نگار احسان اللہ ایاز )ریسکیو 1122 کی جانب سے کالجز کے طلباء اور اساتذہ کے لئے 2 روزہ تربیتی ورکشاپ
ڈسٹرکٹ ایمرجنسی آفیسر محمد اکرم پنوار اور پرنسپل پنجاب گروپ آف کالجز ننکانہ صاحب عبدالرزاق کے باہمی تعاون سے پنجاب ایمرجنسی سروس ڈیپارٹمنٹ ریسکیو1122ننکانہ صاحب کی جانب سے پنجاب گروپ آف کالجزکے طلباء اور اساتذہ کے لئے2روزہ تربیتی ورکشاپ ریسکیو کیڈٹ کور، فائر سیفٹی اوربیسک لائف سپورٹس کورس ” کا اہتمام کیا گیا جس کی قیادت ڈسٹرکٹ ایمرجنسی آفیسر محمد اکرم پنوار نے کی۔ تربیتی ورکشاپ میں میڈیکل انسٹرکٹر عثمان اشرف اور عرفان منظور نے شرکاء کو زندگی بچانے کے طریقے بتائے۔ان کو عملی مہارتوں میں دوران ایمرجنسی خون کے بہاؤ کو روکنا،دل اور پھیپھڑوں کو مصنوعی طریقے سے بحال کرنا،گلے میں پھنسی ہوئی چیز کو پیشہ ورانہ طریقے سے نکالنا،روڈ سیفٹی،ذہنی و جسمانی ورزش اور دیگر اہم مہارتیں سکھائیں گئیں۔ آگ سے بچاؤ، آ گ لگنے کی صورت میں کئے جانے والے اقدامات اور ہنگامی صورتحال سے نمٹنے کے لیے تفصیلی لیکچرز دئیے ورکشاپ کے بعد کامیاب شرکاء کے لئے تقریبِ تقسیم ِ اسناد کا اہتمام کیا گیا۔تقریب میں ریسکیو سیفٹی آفیسر علی عمران اور ادارہ ہذا کے پرنسپل عبدالرزاق نے کامیاب طلباء میں اسناد تقسیم کرتے ہوئے ان کی مزید حوصلہ افزائی کی اس موقع پر پرنسپل پنجاب گروپ آف کالجز ننکانہ صاحب رائے عبدالرزاق نے کہا کہ ہم ڈسٹرکٹ ایمرجنسی آفیسر محمد اکرم پنوار کاتہہ دل سے مشکور ہیں جن کی ہدائت پر ریسکیو ٹیم نے ادارہ ہذا کے طلباء کو کسی بھی ہنگامی صورتحال سے نمٹنے کے لئے تربیت یافتہ فرسٹ ایڈرز بنایا ہے تا کہ متاثرہ افراد کو بروقت طبی امداد فراہم کر کے قیمتی انسانوں کو بچایا جا سکے انہوں نے کہا ہم محفوظ معاشرے کے قیام کے لئے ریسکیو1122کے شانہ بشانہ کھڑے ہیں

چونیاں،باغی ٹی وی(نامہ نگار)کلرکس بار ایسوسی ایشن چونیاں کے الیکشن،ایوب لطیف ساگر مسلسل تیسری بار صدراور عبدالحمید جنرل سیکرٹری منتخب،حاجی شبیر بھٹی ایڈووکیٹ ،چوہدری امیر علی صابر،سردار ناصر ڈوگر،و دیگر کی طرف سے مبارکباد،تفصیلات کے مطابق کلرکس بار ایسوسی ایشن چونیاں کے انتخابات میں ایوب لطیف ساگر مسلسل تیسری بار صدر،کاشف علی نائب صدر،جنرل سیکرٹری عبدالحمید،فنانس سیکرٹری ملک احسن جبکہ جوائنٹ سیکرٹری کی سیٹ پر ارسلان فیاض منتخب ہوئے ہیں نومنتخب کلرکس ایسوسی ایشن کے عہدیداروں کو حاجی شبیر احمد بھٹی،چوہدری امیر علی صابر، حفیظ طاہر ایڈووکیٹ ،حافظ نوید الحسن،صابر چوہدری،فیاض احمد دھون،میاں عدیل اشرف،رانا سلمان،اعظم چوہدری،حافظ وحید ودیگر وکلاء اور صحافی برادری نے مبارکباد پیش کی ہے