Author: ڈاکٹرغلام مصطفی بڈانی

قصور،شیخوپورہ،باغی ٹی وی (نامہ نگار) پولیس نے پیٹرول کے ذخیرہ اندوزوں کے خلاف گرینڈ آپریشن کر کے کروڑوں روپے مالیت کا تیل برآمد کر لیا۔
ڈی پی او قصور عزیز سندھو کا کہنا ہے کہ گرفتار ہونے والے ملزمان کے خلاف پولیس کی مدعیت میں مقدمات درج کیے جائیں گے۔
ڈی پی او شیخوپورہ زاہد مروت کے مطابق پولیس نے شہر میں پیٹرول کے ذخیرہ اندوزوں کے خلاف آپریشن کر کے 30 کروڑ روپے سے زائد مالیت کا پیٹرول برآمد کیا اور درجن سے زائد آئل ٹینکر بھی قبضے میں لے لیے۔انہوں نے بتایا کہ پیٹرول مافیا نے آئل ٹینکر گوداموں میں چھپا رکھے تھے ، پیٹرول مافیا کے خلاف دوسرا گرینڈ آپریشن قصور کے علاقے پتوکی اور پھولنگر میں کیا گیا جہاں سے دو ڈپو سے 13 لاکھ لیٹر تیل اور ڈیزل برآمد کیا جس کی مالیت 33 کروڑ روپے سے زائد ہے، پولیس کی ٹیموں نے درجن سے زائد آئل ٹینکر بھی قبضہ میں لے لیے۔
واضح رہے کہ چند روز سے پنجاب کے مختلف شہروں میں پیٹرولیم مصنوعات کی قلت کی خبریں زیر گردش ہیں اور لاہور سمیت مختلف شہروں میں پمپس پر پیٹرولیم مصنوعات کی فراہم محدود کر دی گئی۔وزیر مملکت پیٹرولیم مصدق ملک نے پیٹرول اور ڈيزل کی قلت پیدا کرنے والوں کو خبر دار کیا تھا اور کہا تھا کہ تیل ذخیرہ کرنے والے پمپس کے لائسنس منسوخ کردیں گے ، آئی جی پنجاب نے پیٹرول ذخیرہ کرنے والوں کے خلاف کریک ڈاون کا حکم دیا تھا۔

ڈی آئی خان ،باغی ٹی وی(احمدنوازمغل) 3 مسلح ڈاکوؤں نے صحافی کو گولی مارکرزخمی کردیا اور موٹرسائیکل بھی چھین لیا
تفصیلات کے مطابق ڈیرہ اسماعیل خان شہر میں چوروں ڈکیتوں کا راج قائم ہوچکا ہے، عوام لٹنے لگی، کوٹلی امام کے ساتھ ڈاکوؤں نے گن پوائنٹ پر دو موٹر سائیکل چھین لئے اور فائرنگ کرتے رہے،اس دوران دن نیوز کے بیوروچیف ندیم اختر سے بھی موٹر سائیکل چھین لیا ،مزاحمت پر گولی مار کر شدید زخمی کر دیا جبکہ اس واقعہ سے پہلے انہی ڈاکوؤں نے ایک اور موٹر سائیکل بھی چھینا تین ڈاکو جو کہ مسلح تھے دو موٹر سائیکل اور ایک شخص کو گو لی مار کر فرار ہو گئے ،شہر کے بیچو بیچ یہ واقعات اور آئے روز چوری ڈکیتی اور سٹریٹ کرائم کے بڑھتے واقعات خوفناک شکل اختیار کر رہے ہیں پولیس افسران کی ترجیح جرائم کی روک تھام سے ہٹ چکی ہے اور ساری توجہ ٹریفک جے چالانوں پر ہے شام کے بعد رات کو پولیس کا گشت ختم ہو چکا ہے رات کو جرائم پیشہ افراد کو روکنے والا کوئی نہیں ہے، عوام کا کوئی پرسان حال نہیں ہے، سیاسی نمائندےاور تاجر تنظمیں اور سول سوسائٹی خاموش تماشائی بنے ہوئے ہیں ڈی پی او، آر پی او آور آئی جی کے پی ڈیرہ میں بڑھتے سٹریٹ کرائم کا نوٹس لیں اور لوگوں کے جان ومال کے تحفظ کو یقینی بنائیں

میہڑ.باغی ٹی وی(منظورعلی جوئیہ کی رپورٹ)سکھر میں قتل ہونے والے سندھ یونائیٹڈ پارٹی کے رہنماء حسیب جونیجو کے قاتلوکی عدم گرفتاری پر میہڑ پریس کلب کے سامنے کارکنان کا احتجاجی مظاہرہ اور دھرنا
تفصیل کے مطابق سکھر میں سندھ یونائیٹڈ پارٹی کے انفارمیشن سیکرٹری حسیب جونیجو کے قتل کے خلاف ایس یو پی رہنماء سکندرسوڈھر کی قیادت میں قاتلوں کی عدم گرفتاری پر پریس کلب میہڑ کے سامنے احتجاجی مظاہرہ کرکے دھرنا دیا اور نعرے بازی کی گئی انہوں نے کہاکہ ایک سوچی سمجھی سازش کے تحت حسیب جونیجو کو قتل کرکے بوری میں بند کرکہ نعش کو پھینکا گیا ہے.مظاہرین نے سپریم کورٹ، آرمی چیف، انسانی حقوق کی تظیموں اور دیگر سے مطالبہ کیا کہ سکھر میں بے دردی سے بے گناہ قتل ہونے والے سندھ یونائیٹڈ پارٹی کے انفارمیشن سیکرٹری حسیب جونیجو کے قاتلوں کو گرفتار کرکے قرارواقعی سزادی جائے.

کندھ کوٹ ،باغی ٹی وی (نامہ نگار مختیار اعوان)کشمور پولیس کی مبینہ زیادتیوں و جھوٹے مقدمات درج کئے جانے کے خلاف لولائی برادری کا ڈسٹرکٹ عوامی پریس کلب میں احتجاجی مظاہرہ و دھرنا، مظاہرین نے پلے کارڈ ز اٹھارکھے تھے جن پر پولیس کی مبینہ زیادتیوں کے خلاف نعرے درج تھے، پولیس نے ریاض لولائی پر چرس کا جھوٹا مقدمہ درج کیا ہے، شفاف انکوائری کرواکر انصاف کیا جائے۔مظاہرین کا مطالبہ
تفصیلات کے مطابق کشمور پولیس کی مبینہ زیادتیوں وجھوٹے مقدمات درج کئے جانے کے خلاف لولائی برادری کا اعجاز لولائی، بخشن لولائی،شہزاد لولائی کی سربراہی میں ڈسٹرکٹ عوامی پریس کلب میں احتجاجی مظاہر ہ کیا، مظاہرین نے پلے کارڈز اٹھارکھے تھے جن پر پولیس کی مبینہ زیادتیوں کے خلاف نعرے درج تھے،اس موقع پر مظاہرین کا کہنا تھا کہ 3 روز قبل ریاض لولائی کو ون فائیو انچارج صدام کھوسو نے ہوٹل سے گرفتار کیا تھا، پھر ریاض لولائی کو آزاد کرنے کے لئے بھاری رقم بطور رشوت طلب کی گئی نہ دینے پر ریاض لولائی پر 11سو گرام چرس کا جھوٹا مقدمہ درج کیا گیا ہے، پولیس کشمور میں امن و مان تو قائم نہیں کرسکی الٹا شریف شہریوں کو جھوٹے مقدمات میں پھنسا کر تنگ کرنا شروع کردیا ہے، مظاہرین نے آئی جی سندھ، ڈی آئی جی لاڑکانہ، ایس ایس پی کشمورو اعلیٰ حکام سے مطالبہ کیاکہ ریاض لولائی پر درج کی گئی چرس کی ایف آئی آر کی انکوائری کروائی جائے، اور بلاجواز گرفتار کئے گئے ریاض لولائی کوآزاد کیا جائے تاکہ وہ ہوٹل پر مزدوری کرکے اپنے بچوں کا پیٹ پال سکے،

دوسرا مظاہرہ کندھ کوٹ میںجسقم کی جانب سے سندھ یوناٹیڈ پارٹی سکھر کے انفارمیشن سیکرٹری حسیب جونیجو کے قاتلوں کو منظر عام پرنہ لانے کے خلاف احتجاجی مظاہرہ کیا گیاجسقم کی جانب سے گھنٹہ گھر سے پریس کلب تک احتجاجی ریلی نکالی گئی ریلی میں جسقم رہنمائوں اور کارکنان نے بڑی تعداد میں شرکت کی مظاہرے کی قیادت عباس باجکانی۔ گھایل سندھی۔ ظفر سندھی اور دیگر نے کی اس موقع پر شرکاء کہنا تھا کہ سکھر حسیب جونیجو کے قاتلوں کو فل فور گرفتار کیا جائے حسیب جونیجو کا قتل قومی کارکنان کا قتل ہے، حسیب جونیجو کو بے رحمی سے ٹکڑے ٹکڑے کر کے قتل کیا گیا جو واقعہ ناقابل برداشت ہے، واقعہ میں ملوث ملزمان کے خلاف سخت سے سخت کارروائی کی جائے حسیب جونیجو کے خون سے انصاف کیا جائے، یے قتل ایک بڑی سازش کے تحت کیا گیا ہے اس واقعے کی جوڈیشلی انکوائری کی جائے اور قاتلوں کو منظر عام پر لایا جائے اگر حسیب جونیجو کے خون سے انصاف نھیں کیا گیا تو احتجاجی دائرے کو وصیح کیاجائے گا مظاہرین کا سندھ حکومت اور آئی جی سندھ سے مطالبہ۔

ٹھٹھہ ،باغی ٹی وی ( نامہ نگار راجہ قریشی )فزیکل لائف پوری کرنے والی مکلی میں سرکاری کالونیوں کی چھتیں گرنے لگیں ،قیمتی انسانی جانوں کے ضیاع کا خدشہ، حکومت سندھ فوری طور نوٹس لے۔
تفصیلات کے مطابق ٹھٹھہ ضلع کے ہیڈ کوارٹر مکلی میں قائم مختلف سرکاری اداروں کے ملازمین کی رہائشی کالونیاں زبوں حالی کا شکار ہوگئیں ہیں کالونیوں کے تقریباً چار سو سے زائد کوارٹرز مکمل تباہ حالی کا شکار ہو گئے ہیں کوارٹروں کی چھتوں کا پلستر اکثر و بیشتر گرتا رہتا ہے جس کی وجہ سے کئی حادثات رونماء ہوچکے ہیں یہ سرکاری کالونیاں 1958ء میں قائم کی گئیں تھیں 1977ء تک ان سرکاری رہائشی کوارٹرز کی ہلکی پھلکی مرمت کا کام حکومت کیجانب سے کرایا جاتا تھا مگر اس کے بعد 2000ء میں تقریباً بیس کے قریب سرکاری ملازمین کے رہائشی کوارٹرز کی چھتوں کو نئے سرے سے بنوایا گیا جبکہ باقی کسی بھی کوارٹر میں کوئی کام نہیں کیا گیا ہے جسکی وجہ سے سرکاری کالونیوں میں رہائش پذیر ملازمین انکے اہل خانہ سخت خوف و ہراس میں مبتلاء رہتے ہیں انہوں نے حکومت سندھ سے مطالبہ کیا ہے کہ سرکاری کالونیوں کے کوارٹرز کی مکمل مرمت کروا کر دی جائے یا پھر ہمیں مالکانہ حقوق دے دیئے جائیں۔