Author: ڈاکٹرغلام مصطفی بڈانی

ٹھٹھہ ،باغی ٹی وی (نامہ نگار راجہ قریشی )میونسپل کمیٹی میں سفید کاٹن پوش سیورمین بھرتی ہونے کا انکشاف،شہر میں گندگی کے انبار
تفصیل کے مطابق ذرائع کا کہنا ہے کہ میونسپل کمیٹی ٹھٹھہ میں غیرقانونی سفید کاٹن پوش سفارشیوں کی بھرتیوں کی وجہ سے میرٹ کی کھلے عام دھجیاں اُڑائی گئیں، جس میں غریب لوگوں کے حقوق پر ڈاکہ ڈالا گیا ہے،دوسری طرف سیاسی سفارشی کاٹن مافیاء ڈیوٹی نہیں کرتا اور اپنے بااثر سیاسی آقاؤں کی طاقت کے بل بوتے پر گھر بیٹھے تنخواہیں لیتے ہیں ،ان غیر قانونی بھرتیوں کی وجہ سے شہر میں صفائی کانظام درہم برہم ہوچکا ہے ہرطرف گندگی کے انبار لگے ہوئے ہیں ،ذرائع کا کہنا ہے اعلیٰ آفیسران ان سیاسی بھرتی ملازمین کے خلاف ایکشن لینے سے ڈرتے ہیں کیونکہ اگرکسی اعلیٰ آفیسر نے ایکشن لیا تو اسے دھمکایاجاتا ہے یاپھر اس کا ٹرانسفر کرادیاجاتا ہے ،جس کا ثبوت صوبہ سندھ کے ضلع دادو میں گذشتہ روزقبل ایک ایکشن لینے والے آفیسر کے ساتھ پیش آچکا ہے
خبر کے مطابق چند روزقبل گھوسٹ اساتذہ کے خلاف کارروائی کرنے پر اساتذہ نے ڈسٹرکٹ ایجوکیشن افسر کے دفتر پہنچ کر ان کو گالیاں دینے کے علاوہ تبادلے اور سنگین نتائج کی دھمکیاں دیں تھیں۔اس کے بعد دھمکیاں دینے والے دواساتذہ کو معطل کیا گیا تھا اور ان کے خلاف انکوائری بھی مقرر کی گئی تھی لیکن گھوسٹ اساتذہ نے اثر رسوخ استعمال کر کے دوسرے ہی روزخود کو بحال کرالیا تھا۔بحال ہونے والے گھوسٹ اساتذہ ڈی ای او ایجوکیشن غلام سرورببرکے تبادلے کے لیے سرگرم ہو گئے اور مبینہ طور پر ایک سیاسی شخصیت کو کہلوا کر پہلے ڈی ای او پر کارروائی نہ کرنے کا دباؤ ڈالا پھر کارروائیاں نہ رکنے پر ڈی ای او ایجوکیشن غلام سرور ببر کا تبادلہ کرا دیا۔ خیال رہے کہ ڈی ای او ایجوکیشن دادو میں 1100 سے زائد گھوسٹ اساتذہ کے خلاف محکمانہ کارروائی کررہے تھے۔
اب دیکھنا یہ ہے کہ ڈپٹی کمشنر ٹھٹھہ ان غیرقانونی بھرتیوں کے ایکشن لے سکیں گے .؟ کیا میرٹ پر بھرتیوں کیلئے اہل افراد کو ملازمت دلاپائیں گے ؟
عوامی وسماجی اور شہری حلقوں میں چہ مگوئیاں جاری.

سجاول،باغی ٹی وی (نامہ نگار یاسر علی پٹھان)پاکستان تحریک انصاف کا بڑھتی ہوئی مہنگائی کے خلاف احتجاجی مظاہرہ
تفصیل کے مطابق پاکستان تحریک انصاف ضلع سجاول کے رہنما عبدالرحمن ملاح کا عوام پر نااہل حکمرانوں کی غیر قانونی اور بڑھتی ہوئی مہنگائی کے خلاف احتجاجی مظاہرہ۔مین بس سٹاپ سے مین پبلک پارک تک احتجاجی ریلی نکالی گئی۔ جس میں عبدالرحمن ملہ، عبدالرزاق کٹی، لالہ دانش دیدار سندھی پٹھان، عمران ملہ، سلیمان لنڈ اور دیگر نے خطاب کرتے ہوئے کہا کہ ملک میں بڑھتی ہوئی مہنگائی نے غریب عوام کی زندگی اجیرن کر رکھی ہے۔ پیٹرول کی قیمتوں میں اضافے سے عوام کا سفر مشکل ہوگیا ہے۔ کھانے پینے کی اشیاء جو روزانہ کی بنیاد پر استعمال ہوتی ہیں خراب ہو گئی ہیں۔ محنت کش طبقہ بھی دو وقت کی روٹی کے لیے پریشان ہے۔ اس موقع پر لوگوں کی بڑی تعداد نے احتجاجی مظاہرے میں شرکت کی۔

سجاول،باغی ٹی وی (نامہ نگار یاسر علی پٹھان)ضلع سجاول کی سیاست نے ایک نیا رخ اختیار کرنے لگی
تفصیلات کے مطابق ضلع سجاول کی سیاست نے ایک نیا رخ اختیار کر لیا، پیپلز پارٹی کے قریبی ذرائع سے معلوم ہوا ہے کہ پیپلز پارٹی کے چیئرمین بلاول بھٹو زرداری کے قریبی ساتھی امتیاز شیخ کے گھر ملاقات ہوئی۔ضلع سجاول کی اہم شخصیات وہاں موجود تھیں اور فیصلہ کیا کہ ضلع سجاول کے چیئرمین سابق ضلعی ناظم اور شیرازی گروپ کے رہنما سید شفقت حسین شاہ شیرازی اور سجاول ضلع کے پی پی کےصدر رئين محمد علی ملکانی کے قریبی رشتے دار اعظم خاں ملکانی نائب صدر ہوں گے۔ صدر محمد علی ملکانی، صدر غلام قادر ملکانی ذاتی حمایت نہ ہونے کی وجہ سے دانش خان ملکانی کے اندرونی طور پر مخالف ہیں، معلوم ہوا ہے کہ اگر پیپلز پارٹی کی اعلیٰ قیادت نے دانش خان ملکانی کو ضلع میں کوئی ذمہ داری دی تو شیرازی برادران اور صدر محمد علی ملکانی اس کی مخالفت کریں گے اور یہ پارٹی کے لیے بڑا نقصان ہو سکتا ہے۔امتیاز شیخ نے عندیہ دیا ہے کہ ڈپٹی اسپیکر سندھ ریحانہ لغاری کے بھائی کے بیٹے کا شاہ حسین شیخ جو ان کے مدمقابل ہیں ٹاؤن کمیٹی سجاول کے چیئرمین ہیں۔ یہ بھی معلوم ہوا ہے کہ پیپلز پارٹی ضلع کے صدر محمد علی خان ملکانی اور شیرازی برادران ایک ہو گئے ہیں، امید ہے کہ ہمیں ضلع کا اہم کردار ملے گا۔معلوم ہوا ہے کہ بلاول بھٹو کی اہم شخصیت سے ملاقات کریں گے۔ ایک ہفتے کے اندر ضلع سجاول، اس کے بعد بدین جائیں گے اور پھر قرعہ اندازی ہو گی۔

ننکانہ صاحب باغی ٹی وی ( نامہ نگار احسان اللہ ایاز) محمد رفیق احسن نے بطور ڈپٹی کمشنر اپنے عہدے کا چارج سنبھالتے ہی کام کا آغاز کردیااے ڈی سی آر رانا امجد علی نے اے ڈی سی جی ،اے سی ودیگرکے ہمراہ ڈپٹی کمشنر محمد رفیق احسن کا استقبال کیا اے ڈی سی آر کی ضلع بھرمیں جاری اقدامات کے بارے میں ڈپٹی کمشنر کو تفصیلی بریفنگ،افسران شہریوں کو تمام بنیادی سہولیات کی فراہمی کے لیے بہترین صلاحیتوں کا استعمال کریں اوپن ڈور پالیسی کے تحت عوام الناس کے لیے میرے دفتر کے دروازے ہمیشہ کھلے ہیں، محکمہ خوراک سرکاری نرخوں پر آٹا کی دستیابی کو یقینی بنائے آٹا و گندم کی غیر قانونی نقل و حرکت کسی صورت برداشت نہیں کی جائے گی
کماد کرشنگ سیزن کے دوران کسانوں کے حقوق کا تحفظ یقینی بنایا جائےگا۔ڈپٹی کمشنر ننکانہ رفیق احسن

ننکانہ صاحب باغی ٹی وی (نامہ نگار احسان اللہ ایاز)ڈپٹی کمشنر میاں رفیق احسن کاسٹی ننکانہ میں قائم کیے گئے ماڈل بازارکا اچانک دورہ ڈپٹی کمشنر نے ماڈل بازار میں لگائے گئے سٹالز کا جائزہ لیا-ننکانہ ،واربرٹن ،شاہکوٹ اور سانگلہ ہل میں ماڈل بازار فعال کردیے گئے ہیں ماڈل بازاروں میں آٹا،گھی، چینی، دالیں، سبزیاں اور پھل وغیرہ مارکیٹ سے کم قیمت پر اور وافر مقدار میں دستیاب ہونگی ماڈل بازاروں میں سبزی ،فروٹ اور دالوں کے سٹالز میں دوئم کوالٹی ہرگز برداشت نہ کی جائے گی ضلع بھر میں لگائے گئے ماڈل بازاروں میں صفائی ستھرائی کے خصوصی اقدامات کیے جائیں ماڈل بازاروں میں چکن ،مٹن اور بیف کے سٹالز بھی لگائے جائیں ڈپٹی کمشنر ننکانہ

ٹھٹہ ،باغی ٹی وی(نامہ نگار راجہ قریشی)ریٹائرڈ ملازمین کو گروپ انشورنس بینول فنڈز اور انکریمنٹ کی عدم ادائیگی پر احتجاج
تفصیل کے مطابق ٹھٹھہ میں سرکاری ریٹائرڈ ملازمین کو گروپ انشورنس بینول فنڈز اور انکریمنٹ رقم کی عدم ادائیگی کے خلاف احتجاجی مظاہرہ کیاگیا،ٹھٹھہ میں درجنوں ریٹائرڈ سرکاری ملازمین کا اپنے مطالبات کے حق میں احتجاجی مظاہرہ ،مظاہرہن کا گروپ انشورنس بینول فنڈز اور اضافی انکریمنٹ کے رقم کی عدم ادائیگی کے خلاف احتجاج .شدید نعرے بازی کرتے ہوئے مظاہرین کا میڈیا کے نمائندوں کو کہنا تھا کہ سندھ حکومت ہم ریٹائرڈ سرکاری ملازمین کے ساتھ ناانصافی کر رہی ہے 2015ء سے لے کر اب تک ملازمین کو ریٹائرمنٹ کے بعد گروپ انشورنس بینول فنڈز اور اضافی اعلان کردہ انکریمنٹ ادا نہیں کیا جا رہا ہے جس کی وجہ سے ہم لوگ مجبوراً احتجاج کرنے پر مجبور ہو کر رہ گئے ہیں احتجاجی ریلی کی قیادت سید نواز شاہ رضوی، لطیف بھٹی، شمس کھڈائی نے کی ریلی میں گسٹا رہنماء غلام نبی خشک، اور دیگر معززین نے بھی بڑی تعداد میں شرکتِ کی۔