Author: ڈاکٹرغلام مصطفی بڈانی

تھرپارکر،باغی ٹی وی (ویب نیوز) چھاچھرو میں لڑکی سے زیادتی کی تصدیق، غیر شادی شدہ لڑکی 4 ماہ کی حاملہ
تفصیل کے مطابق تھرپارکر کی تحصیل چھاچھرو میں 16 سالہ لڑکی کو مبینہ طور پر جنسی زیادتی کا نشانہ بنایا گیا۔پولیس کے مطابق متاثرہ لڑکی کے والد کے مدعیت میں 2 ملزمان کے خلاف مقدمہ درج کر لیا گیا ہے، ملزمان کی گرفتاری کے لیے چھاپے مارے جا رہے ہیں۔
پولیس سرجن ڈاکٹر نیاز کے مطابق میڈیکل کے بعد لڑکی کے ڈی این اے کے نمونے لیے گئے، ابتدائی رپورٹ میں لڑکی سے جنسی زیادتی ثابت ہو گئی ہے۔پولیس سرجن کا کہنا ہے کہ جنسی زیادتی کا نشانہ بننے والی غیر شادی شدہ لڑکی 4 ماہ کی حاملہ ہے۔پولیس کا کہنا ہے کہ متاثرہ لڑکی کے ورثا معاملہ برادری لیول پر حل کرنےکےلیےخاموش تھے، واقعہ 8 روز قبل سامنے آیا، معاملے کی مزید تفتیش کی جا رہی ہے۔

فیصل آباد(باغی ٹی وی) میونسپل کارپوریشن کے جونیئر کلرک نے عمارت سے کودکر خودکشی کرلی۔
پولیس کا کہنا ہے کہ فیصل آباد میونسپل کارپوریشن کا ملازم لائبریری میں کلرک تھا۔
پولیس کے مطابق لاش پوسٹ مارٹم کیلئےاسپتال منتقل کردی گئی ہے اور معاملے کی انکوائری کی جا رہی ہے۔

نواب شاہ،باغی ٹی وی (ویب نیوز) نواب شاہ اسکول ٹیچر کے اندھے قتل کا معمہ حل،مرکزی ملزم گرفتار،خاتون سمیت 2 سہولت کار بھی زیر حراست،مرکزی ملزم مقتول کا سگا بھتیجا اورپولیس کانسٹیبل ہے،چاچی کے ساتھ معاشقہ چل رہا تھا۔
تفصیلات کے مطابق ایس ایس پی شہید بنظیر آباد امیر سعود مگسی نے پریس کانفرنس کرتے ہوئے بتایا کہ گزشتہ دنوں اسکول ٹیچر ذوالفقار علی کھوکھر کو نامعلوم افراد نے گولیاں مار کر قتل کردیا تھا، اندھے قتل کا مقدمہ پولیس کیلئے چیلنج تھا تاہم ڈی ایس پی صدر علی بخش جمالی،مبین پڑھیار، انسپکٹر اقبال وسان اور آئی ٹی انچارج جمیل بھٹی پر مشتمل ماہر افسران کی ٹیم تشکیل دی گئی، جنہوں نے انتہائی مہارت سے ملزمان کو گرفتار کیا، آلہ قتل اور موٹر سائیکل بھی برآمد کر لی ہے، ایس ایس پی نے صحافیوں کے سوال کے جواب میں بتایا کہ قتل کا مرکزی ملزم باقر علی کھوکھر ہے جو کہ پولیس کانسٹیبل ہے جبکہ زین العابدین کھوکھر اور مسمات فائزہ بروہی کو سہولت کاری پر حراست میں لیا گیا ہے، امیر سعود مگسی کے مطابق ملزم مقتول کا سگا بھتیجا ہے جسکا اپنی چاچی فائزہ کے ساتھ معاشقہ چل رہا تھا،انہوں نے مقتول گلزارعلی کھوکھر کو راستے سے ہٹا کر شادی کرنے کا پروگرام بنایا ہوا تھا،ایس ایس پی نے بتایا کہ مقتول کی دو بیویاں ہیں، ایک اسکی اپنی برادری سے جبکہ دوسری فائزہ بروہی ہے، جس سے مقتول نے محبت کی شادی کی ہوئی تھی تاہم دونوں بیویوں سے کوئی اولاد نہیں،انہوں نے بتایا کہ ملزمان کا ٹھوس ثبوت و عین قانونی تقاضوں کو ملحوظ خاطر رکھتے ہوئے عدالت میں چالان پیش کیا جائے گا اور ملزمان کو قرار واقعی سزا دلائی جائے گی۔

ٹھٹھہ، باغی ٹی وی (نامہ نگار راجہ قریشی)انٹرنیشنل ہیومن رائٹس موومنٹ کے چیئرمین کی ایس ایس پی سے ملاقات
تفصیل کے مطابق ایس ایس پی ٹھٹھہ عدیل حسین چانڈیو سے ان کے دفتر میں انٹرنیشنل ہیومن رائٹس موومنٹ ٹھٹھہ کے چیئرمین الطاف حسین تنیو کی قیادت میں وفد کی ملاقات امن امان کی صورتحال پر تفصیلی بات چیت اس موقعہ پر سید الطاف شاہ شیرازی انسپکٹر فیصل میمن ارشاد علی گندرو سید شیر علی شاہ ،واحد شورو، شوکت علی زور ،سید تشکیل شاہ، پرویز ستار عباسی ،ساجد گندرو،سلیمان ملاح و دیگر موجود تھے وفد نے ایس ایس پی ٹھٹھہ کو آگاہ کیا کہ ہمارے عہدیدار و ممبران کی چوری شدہ موبائل فون اور مکلی تھانے کی حدود میں سے فقیر غلام حسین خاصخیلی محمد بخش مانجھد و دیگر کی چوری شدہ موٹر سائیکل اب تک ریکور نہیں ہوئے اور کچھ دن پہلی مکلی سے جنرل اسٹور سے ڈکیتی کرنے والے ملزمان گرفتار نہیں ہوئے جس کی ایف آئی آر مکلی تھانے میں درج ہے جس پر ایس ایس پی عدیل حسین چانڈیو نے فیصل میمن کو بروقت احکامات جاری کئی اور وفد کو مکمل یقین دہانی کراتے ہوئے کہا کہ ہم امن خراب کرنے والوں کے خلاف سخت کارروائی کریں گے جرائم پیشہ افراد ٹھٹہ کا امن تباھ کرنے کی کوشش کر رہے ہیں ٹھٹہ کا امن تباہ کرنے والوں کو کسی صورت بخشا نہیں جائے گا ہم نے بہت سے جرائیم پیشہ افراد کے خلاف نا صرف کیسس داخل کئی ہیں بلکہ بہت سا چوری شدہ سامان بھی ریکور کیا ہے ان کہنا تھا کہ شہریوں کو پولیس کا ساتھ دینا ہوگا تاکہ ٹھٹھہ سے جرائیم کا مکمل خاتمہ نا ہو وفد نے ایس ایس پی ٹھٹھہ کو یقین دلایا کہ ہم آپ کے ساتھ ہیں آپ بلاتفریق ملزمان کے خلاف کاروائیان جاری رکہیں ملاقات کے بعد انسانی حقوق کے رہنما الطاف حسین تنیو نے صحافیوں سے بات چیت کرتے ہوئی کہا کہ ایس ایس پی ٹھٹھہ اور ان کی پوری ٹیم کا شکریہ ادا کرتے ہیں جہنوں نے نا صرف مہر علی شاھ کے قاتلوں کو گرفتار کیا بلکہ موٹر سائیکل چوروں کے خلاف کیس داخل کر کہ ان کو گرفتار کیا اور مجھ سمیت بہت سے لوگوں کو چوری شدہ سامان واپس کروایا جس پر ہم ان کو خراج تحسین پیش کرتے ہیں اس امید کہ ساتھ پولیس بالا تفریق کاروائیاں جاری رکھی گئی اور ٹھٹھہ میں قیام امن کلئے اپنا کردار ادا کریگی اور شہریوں کو چوری شدہ سامان اور انصاف و تحفظ ملے گا

ٹھٹھہ،باغی ٹی وی( نامہ نگار راجہ قریشی)منشیات اور گٹکہ بیچنے والے 4 ملزمان گرفتار، 1120 پیکٹ گھٹکہ ماوا، 25 بیگز دیسی شراب اور 12 پڑیاں آئس پائوڈر برآمد
تفصیل کے مطابق ایس ایچ او تھانہ گھارو انسپکٹر ممتاز علی بروہی بمعہ اسٹاف نے دوران سنیپ چیکنگ گھارو تا پمپ ہاؤس کالونی لنک روڈ پر موٹر سائیکل پر گٹکہ ماوا سپلائی کرنے کی کوشش کو ناکام بناکر 1 گٹکہ فروش ملزم احمد علی ولد محمد علی چانڈیو کو 500 پیکٹ گٹکہ ماوا سمیت گرفتار کرکے تھانہ گھارو میں مقدمہ نمبر 13/2023 سیکشن 3,4,5,8 گٹکہ ایکٹ 2019 تھانہ گھارو درج کرکے ملزم کو پابندسلاسل کردیا۔
ایس ایچ او تھانہ گھوڑاباڑی انسپیکٹر راجہ عبدالحق راجپوت، انچارج پولیس پوسٹ پیرپٹھو سب انسپیکٹر رسول بخش پنھور اور انچارج پولیس پوسٹ ور اے ایس آئی راجہ ظفر راجپوت بمعہ اسٹاف نے دوران گشت گھوڑاباڑی مڑہی لنک روڈ ور شہر اور مرادانی پر کیبن پہ چھاپہ مارکر کارروائیاں کرکے 1 گٹکہ فروش یعقوب شورو کو 620 پیکٹ گٹکہ ماوا اور 1 منشیات فروش غلام رسول ملاح کو 25 بیگز دیسی شراب سمیت گرفتار کرکے تھانہ گھوڑاباڑی پر الگ الگ مقدمہ نمبر06/2023 سیکشن 3,4,8 گھٹکہ ائیکٹ 2019 تھانہ گھوڑاباڑی۔ مقدمہ نمبر 07/2023 سیکشن 3/4 منشیات آرڈیننس تھانہ گھوڑاباڑی۔مقدمات درج کردیے۔
ایس ایچ او تھانہ جھمپیر سب انسپکٹر اختیار علی پنھور بمعہ اسٹاف نے دوران گشت جھمپیر شہر میں کارروائی کرکے 1 منشیات فروش ملزم کرم علی بلوچ کو 12 چھوٹی پڑیاں آئس پاؤڈر سمیت گرفتار کرکے تھانہ جھمپیر پر مقدمہ درج کردیا مقدمہ نمبر 03/2023 سیکشن 9-2(1) نارکوٹکس ائیکٹ 2022 تھانہ جھمپیر

ڈیرہ غازیخان،باغی ٹی وی (نامہ نگار شہزادخان ) آئی جی پنجاب کے احکامات کی روشنی میں ڈی پی او محمد راشد ہدایت نے سپیشل انیشیٹوتھانہ صدر اور تھانہ سخی سرور کا رات گئے سرپرائز وزٹ کیا۔ دوران وزٹ ڈی پی او نے ایس ایچ او کو ہدایت کی شہریوں کی فلاح بہود اور قیام امن کو یقینی بنایا جائے۔تمام درخواستیں جو پینڈنگ ہیں ان کو سنتے ہوئے فی الفور میرٹ پر حل کریں۔ڈی پی او نے گفتگو کرتے ہوئے کہا کہ تھانہ میں تعینات کانسٹیبل سے لیکر آفیسر تک سب کے کام کا جائزہ لیا جا رہا ہے۔تمام اہلکاران کی ورکنگ معیار کو بہتر کرتے ہوئے کانسٹیبل سے آفیسران تک جو دوری ہے اسے بھی ختم کریں گے۔ عوام الناس کی خدمت کو یقینی بناتے ہوئے جرائم پیشہ عناصر کے مذموم عزائم کو ناکام بنایا جائے گا۔گشت کے نظام کو پہلے سے زیادہ موثر کیا جا رہا ہے تاکہ شہریوں کی حفاظت کو یقینی بنایا جائے۔کریمینل اشخاص کا محاسبہ کرتے ہوئے کرائم کو جڑ سے اکھاڑ پھنکنا ہے۔ ڈی پی او نے پولیس اسٹیشنزکے ریکارڈ،فرنٹ ڈیسک ،بلڈنگ ،اسلحہ خانہ ، مال خانہ ، صفائی ستھرائی کو بھی چیک کیا۔ ایس ایچ اوکو ہدایت کی کہ وہ مقرر کردہ اوقات کار میں تھانہ میں اپنی موجودگی کو یقینی بنائیں ۔ تھانہ میں آنے والے سائلین کی عزت نفس کا خیال رکھتے ہوئے ان کے ساتھ خوش اخلاقی سے پیش آئیں اور انہیں درپیش مسائل فوری حل کیئے جائیں ۔معاشرتی برائیوں کے خاتمہ کے لیے موئثراقدامات کیئے جائیں اسلحہ نا جائز ، منشیات ، جوا،قبحہ خانوں اور بلانمبری و فیک نمبر پلیٹ والی وہیکلز کے خلاف ذیادہ کاروائیاں عمل میں لائی جائیں۔ میڈیا نمائندگان سے گفتگو کرتے ہوئے ڈی پی او محمد راشد ہدایت کا کہنا تھا کہ سرپرائز وزٹ کا مقصد تھانوں کی سطح پر مانیٹرنگ اور سروس ڈیلیوری کے معیار کوبہتر بنانا ، عوامی شکایات اور ان کا بروقت ازالہ ، جرائم کی شرح کو کنٹرول کرنے کےلیے کئیے گئے اقدامات کا جائزہ لینا ہے ۔ عوام الناس کی جان و مال اور عزت وآبرو کی حفاظت کے لئے ڈیرہ غازیخان پولیس دن رات کوشاں ہے ۔