Author: ڈاکٹرغلام مصطفی بڈانی

سجاول،باغی ٹی وی (نامہ نگار یاسر علی پٹھان) ایس ایس پی سجاول سید امداد علی شاہ نے ملک کی حالیہ صورت حال و دہشتگردی کی تازہ لہر کے حوالے سے ضلع سجاول کے تمام مکاتب فکر کے عمائدین ،خطیب مساجد، خواجہ کمیونٹی، مسیحی برادری، ہندو برادری، DEO سیکنڈری ،DEO پرائمری، سیکریٹری پرائیویٹ اسکولز کے ساتھ سکیورٹی انتظامات کو بہتر بنانے کے لیے ایک اہم اجلاس،ایس ایس پی آفیس سجاول میں منعقد کیا
اجلاس میں ایس ایس پی نے اجلاس کے شرکاء کو ملک کی حالیہ صورتحال اور دہشتگردی کی تازہ واقعات کے حوالے سے مساجد،اسکولز اور اقلیتی برادری کی عبادت گاہوں اور مختلف کمیونٹیز کے رہائشی ایریاز کی سکیورٹی انتظامات کا تفصیلی جائزہ لیا گیا۔اس اجلاس میں ڈی ایس پی سجاول،ڈی ایس پی ہیڈکوارٹر نے بھی شرکت کی۔
ایس ایس پی سجاول نے اجلاس کے شرکاء سے مخاطب ہوتے ہوئے ہدایت کی کہ اسکولز، مساجد/ عبادتگاہوں اور کمیونٹیز کی رہائشی ایریاز کی سکیورٹی کو مزید بہتر بنانے کے لیے پولیس کے ساتھ تعاون کو مربوط بنائیں اور انتظامیہ کی جانب سے جاری کردی ہدایات پر عمل کو یقینی بنایا جائے تاکہ دہشتگردوں کے ناپاک عزائم کو خاک میں ملایا جاسکے-

ٹھٹھہ،باغی ٹی وی( نامہ نگار راجہ قریشی) شہر میں ایک اور موٹر سائیکل چوری
تفصیل کے مطابق ٹھٹھہ شہر میں خونی تلاؤں نزد ڈاکٹر فردوس ہسپتال سے موٹر سائیکل چوری ہوگیا ہے،سکندر شاہ عرف پپو شاہ کی کچھ ہی دیر قبل موٹر سائیکل چورا لی گئی ہے، ٹھٹھہ شہر میں موٹر سائیکل چوری پرقابو نہ پایاجاسکا، شہریوں میں خوف ہراس جبکہ ٹھٹھہ شہر میں 20 گھنٹے کی لوڈ شٹینگ کے باعث چوریوں میں اضافہ ہوگیا دوسری جانب ٹھٹھہ شہر میں پولیس کے گشت نہ ہونے کے باعث موٹر سائیکل چوری اورڈکیتیوں اضافہ ہوچکا ہے شہریوں کے ساتھ ساتھ صحافیوں کے موٹرسائیکل اور موبائل فون چوری ہوچکے ہیں جنہیں ابھی ٹھٹھہ پولیس برآمد نہیں کراسکی ارباب اختیار سے نوٹس لینے کا مطالبہ.

ڈیرہ غازیخان (باغی ٹی وی)ملک میں دہشت گردی کے خطرات کے پیش نظر ڈی جی خان ڈویژن میں بھی سیکورٹی ہائی الرٹ کردی گئی کمشنر ڈاکٹر ناصر محمود بشیر کی زیر صدارت اجلاس منعقد ہوا جس میں امن و امان،سکیورٹی اور دیگر معاملات کا جائزہ لیا گیا۔آر پی او کیپٹن ریٹائرڈ سجاد حسن خان ، ڈی جی خان،مظفر گڑھ،لیہ اور کوٹ ادو کے ڈپٹی کمشنرز محمد انور بریار،کیپٹن ریٹائرڈ سمیع اللہ فاروق ،فرحت حسین اور رانا محمد حسین ، ڈی پی اوز احمد نواز،محمد ناصر سیال اور تنویر احمد ملک،ایڈیشنل کمشنر کوارڈیشن خالد منظور اور دیگر موجود تھے-
تفصیل کیلئے دیکھئے ویڈیو رپورٹ

ڈیرہ غازی خان،باغی ٹی وی(نامہ نگارشہزادخان) پریس کلب ڈیرہ غازی خان کے صحافیوں نے سویڈن میں قرآن پاک کی بے حرمتی اور جلائے جانے کے خلاف ایک ریلی نکالی گئی جس کی صدارت پریس کلب ڈیرہ غازی خان کے صدر بخت خان کھوسہ نے کی پریس کلب سے نکلنے والی ریلی میں صحافیوں کی کثیر تعداد نے شرکت کی سویڈن کے خلاف خلاف نعرے بازی کی گئی ریلی میں ڈیرہ غازی خان ٹریفک انچارج ڈی ایس پی بخت نصر نے بھی شرکت کی اور اپنی خطاب میں کہا کہ سویڈن میں ہونے والے واقعات کی بھرپور مذمت کرتے ہیں سویڈن میں قرآن پاک کی بے حرمتی اور شہید کرنے پر مسلمانوں شدید غم و غصہ میں ہیں قرآن پاک اللہ کی طرف سے مسلمانوں کےلئے مکمل ضابطہ حیات ہے شرکاء سے خطاب کرتے ہوئے صدر پریس کلب بخت خان کھوسہ نے کہا ہے سویڈن ہونے والے واقعہ کی بھر پور مذمت کرتے ہیں اور حکومت وقت سے مطالبہ کرتے ہیں کہ سویڈن میں موجود ہمارے سفیر کو فلفور واپس بلایا جائے اس موقع پر چیئرمین پریس کلب شیر افگن بزدار نے ریلی کے شرکاء سے خطاب کرتے ہوئے کہا کہ ہم مسلمانوں نے کبھی بھی کسی مذہب کی توہین نہیں ہے سویڈن میں ہونے والے واقعہ کی بھرپور مذمت کرتے ہیں ہم مسلمانوں کے لیے قرآن پاک سے بڑھ کر اور کچھ نہیں ہے قرآن پاک کی بے حرمتی کر کے ہمارے مذہب کی توہین کی گئی ہے جس کو ہم بطور مسلمان کسی صورت میں برداشت نہیں کریں گے اور حکومت وقت سے مطالبہ کرتے ہیں کہ سویڈن کے سفیر کو فلفور ملک بدر کیا جائے اور سویڈن کے ساتھ کسی قسم کا کوئی تعلق نہ رکھا جائے جب تک واقعہ میں ملوث مجرمان کو قرار واقعی سزا نہیں دلوائی جائے گی تب تک ہمارے احتجاج جاری رہے گا اس موقع پر صدر انجمن صحافیان مصطفی خان لاشاری، سلیمان بلوچ، عرفان مجید خٹک، شیخ شاہد محمود، محمد احمد، محمد حسنین، غضنفر چن ماہی سمیت بڑی تعداد میں صحافیوں اور سول سوسائٹی کے نمائندوں نے شرکت کی اس موقع پر بخت نصر نے پریس کلب ڈیرہ غازی خان میں صدر پریس کلب ڈیرہ غازی خان بخت محمد خان کھوسہ صدر پریس کلب اور شیر افگن بزدار سمیت دیگر سے ملاقات کی

ٹھٹھہ ،باغی ٹی وی( نامہ نگار راجہ قریشی) ٹرین کی زد میں آکر مکلی کے رہائشی کی ٹانگیں کٹ گئیں
تفصیل کے مطابق دھابیجی ریلوے اسٹیشن کے قریب کراچی سے لاہور جانے والی ٹرین کی ٹکر سے ٹھٹھہ مکلی کا رہائشی پوپت لال ٹرین کی زد میں آگیا ،ٹرین کی زد میں آبے سے اس کی دونوں ٹانگ کٹ گئیں،جسے تشویش ناک زخمی حالت میں کراچی ہسپتال منتقل کردیاگیا ہے .

ڈیرہ اسماعیل خان،باغی ٹی وی (نامہ نگار) مختلف علاقوں میں سرچ آپریشن 3 مشتبہ گرفتار بھاری ہتھیار برآمد
تفصیل کے مطابق پشاور واقعہ کے بعد ڈیرہ اسماعیل خان پولیس اور سیکورٹی فورسز نے مختلف علاقوں میں سرچ آپریشن کے دوران تین مشتبہ افراد گرفتار کرلیا ہے جن سے بھاری ہتھیار برآمد ہوئے ،یہ سرچ اپریشن ڈیرہ اسماعیل کے مختلف علاقوں جن میں رمک ،پروآ،شاہ حسین شیرازی،خانہ ملیکھی ، ماہڑہ ،لنڈہ شریف،فتح موڑاور مریالی کے علاقوں کیاگیا، دوران آپریشن 400 کے قریب افراد کو چیک کیا گیا۔ آپریشن میں 02 عدد M4 گن 223 بور ،05 عدد پسٹل اور ایمونیشن کارتوس ،03 مشکوک افراد کو بھی حسب ضابطہ گرفتار کیا اور 01 عدد کار بھی قبضہ پولیس کرکے مقدمات درج کرلئے گئے۔