Author: ڈاکٹرغلام مصطفی بڈانی

اوکاڑہ ،باغی ٹی وی (نامہ نگار ملک ظفر )موٹر سائیکل کی پیدل روڈکراس کرتے بندے سے ٹکر،2 سالہ بچہ جاں بحق، 2 زخمی
تفصیل کے مطابق اوکاڑہ پُل جوڑیاں کے قریب قومی شاہراہ پر موٹر سائیکل پیدل روڈ کراس کرتے ہوئے بندے سے ٹکرا گئی،جس سے 2 سالہ بچہ جاں بحقہوگیااور 2 افراد زخمیہوگئے ، اطلاع ملنے پر ریسکیو 1122 کی ایمبولینس جائے حادثہ پر پہنچ گئی۔ ریسکیو ٹیم نے زخمیوں کو ابتدائی طبی امداد فراہم کرنے کے بعد آر ایچ سی اختر آباد منتقل کر دیا۔ بچہ کو بھی سی پی آر کرتے ہوئے آر ایچ سی اختر آباد منتقل کیا۔ جانبحق ہونے والے بچے کی شناخت احسان علی ولد وریام عمرتقریباً 02 سال کے نام سے ہوئی ہے جو کہ نواحی گاؤں 8/1AL کا رہائشی تھا۔
زخمیوں میں جاں بحق ہونے والے بچے کا والد وریام ولد محمد علی اور شفقت ولد غلام رسول شامل ہیں۔

ٹھٹھہ،باغی ٹی وی( نامہ نگار راجہ قریشی)گھارو میں محکمہ ریونیو نے ہاؤسنگ سوسائٹی کے زیر تعمیر گھرگرا ڈالے،علاقہ مکینوں کا شدید احتجاج
تفصیلات کے مطابق ٹھٹھہ کے علاقے گھارو شہر کی قدیم سوسائٹی مولا مدد پر اسسٹنٹ کمشنر ناصر عباسی نے ریونیو کے عملے اور پولیس کی بھاری نفری اور ہیوی مشینری کے ہمراہ پہنچ کر کئی زیر تعمیر گھروں کو مسمار کر دیا ، جس کی وجہ سے علاقہ مکین مشتعل ہوگئے اور سینکڑوں افراد جن میں بچے بوڑھے مرد و خواتین شامل تھے ہاتھوں میں ڈنڈے لیکر گھروں سے نکل پڑے جنہیں دیکھ کر محکمہء ریونیو کا عملہ فرار ہوگیا جبکہ مشتعل افراد نے ریونیو عملہ کے خلاف قومی شاہراہ پر رکاوٹیں کھڑی کرنے کے بعد شارع عام ٹریفک کے لئے بند کردی اس موقع پر رئیس محمد جت، محمد عثمان کمبہار، میر بابو پنہور، وحید عارفانی، زمان خاصخیلی، احمد کاتیار، نے کہا کہ یہ سراسر زیادتی ہے اور ہم لوگ گزشتہ پچیس 25 سال سے یہاں پر رہ رہے ہیں آج انہیں اس بات کا خیال آیا ہے کہ یہ غیر قانونی ہے جب یہ سوسائٹی بن رہی تھی اور لوگوں کو قسطوں پر پلاٹ دیئے جارہے تھے اس وقت کیوں انہیں نہیں روکا گیا آج جب ہم نے پلاٹ پر اپنی زندگی بھر کی جمع پونجی لگادی تو انہوں نے بغیر کسی جواز کے اسے طاقت کے استعمال سے توڑنا شروع کردیا ہے آخر ہمارا قصور کیا ہے ہمیں بے گھر کیوں کرنا چاہتے ہیں کیا ہم سندھی نہیں ہیں جو ہمارے ساتھ اس طرح کا سلوک کیا جارہا ہے اس موقعہ پر مولوی محمد قاسم چانڈیو، سکندر چانڈیو، ایس ایچ او گھارو اور دیگر معززین شہریوں نے پہنچ کر متاثرین سے ملاقات کی اور انصاف کی یقین دہانی کرائی جس پر متاثرین نے اسسٹنٹ کمشنر میرپور ساکرو ایٹ گھارو کے آفس کے سامنے دھرنا دیا جبکہ متاثرین نے اسسٹنٹ کمشنر کے آفس کے سامنے شدید نعرے بازی کی اور کئے گئے نقصانات کے ازالے کا مطالبہ کیا اس موقع پر اسسٹنٹ کمشنر ناصر عباسی نے نو منتخب نمائندوں اور صحافیوں کو کورٹ کے احکامات کی کاپی دیتے ہوئے کہا کہ ہم کورٹ کے آرڈر پر عمل کررہے ہیں ، جہاں واضح طور پر حکم دیا گیا ہے کہ سرکاری زمین واگذار کرائی جائے مزید ان کا کہنا تھا کہ اگر آپ لوگوں کو اس پر اعتراض ہے تو کورٹ سے رجوع کریں تاہم متاثرین نے کورٹ جانے اور انصاف ملنے کی امید پر احتجاج ختم کردیا۔

ڈیرہ غازیخان،باغی ٹی وی (نامہ نگار،شہزادخان) ڈیرہ غازی خان ڈویژن میں سیکورٹی اقدامات سخت کرنے کیلئے عملی اقدامات کا آغاز کردیا گیاہے۔کمشنر ڈاکٹر ناصر محمود بشیر نے آر پی او کیپٹن ریٹائرڈ سجاد حسن خان،ڈپٹی کمشنر محمد انور بریار،ڈی پی او میاں محمد اکمل،پولیٹیکل اسسٹنٹ کوہ سلیمان محمد اسد چانڈیہ، مظہر شیرانی اور دیگر افسران کے ہمراہ خیبر پختونخوا کے سرحدی مقامات،چیک پوسٹوں،پنجاب پولیس اور قبائلی فورسز کے تھانوں کامعائنہ کیا اورسکیورٹی اقدامات کا جائزہ لیتے ہوئے ہدایات جاری کیں کمشنر نے خیبر پختونخوا کے سرحدی راستوں،حساس مقامات،صوبائی سرحدی چیک پوسٹوں،تھانہ لاکھانی،،جھنگی،ترنمن اور دیگر چیک پوسٹوں کا تفصیلی معائنہ کیا۔

افسران نے سیکورٹی اقدامات اور متعلقہ معاملات کا جائزہ لیتے ہوئے من و امان یقینی بنانے کیلئے ڈویژن بھر میں ہنگامی اقدامات کے احکامات جاری کئے قبائلی راستوں،حساس عمارتوں کا بھی تفصیلی جائزہ لیا گیا۔امن و امان کی فضا برقرار رکھنے کیلئے فورسز، ڈویژنل اور ضلعی انتظامیہ ایک ایجنڈا پر متفق ہیں،فورسز کو ہر ممکن سہولیات دی جائیں گی۔کمشنر ڈاکٹر ناصر محمود بشیر نے کہا کہ سیکورٹی فورسز کی قربانیاں رائیگاں نہیں جائیں گی۔

سٹیٹ امن و امان کے قیام کیلئے اداروں اور عوام کے ساتھ کھڑی ہے جس کیلئے ہر ممکن اقدامات کرے گی،کمشنر ڈی جی خان نے کہا کہ عوام ارد گرد کے ماحول پر نظر رکھیں۔آر پی او کیپٹن ریٹائرڈ سجاد حسن خان نے کہا کہ مشکوک سرگرمی نظر آنے پر فورسز اور انتظامیہ کو بروقت اطلاع دی جائے۔کمشنر ڈی جی خان اور آر پی او نے رات گئے پل جھنگی پکٹ کا بھی دورہ کیا اور نئی پکٹ کے تعمیراتی کام کا جائزہ لیا.کمشنرنے پہاڑوں میں ڈیوٹیاں دینے والے پولیس اور بی ایم پی جوانوں سے بھی ملاقاتیں کیں اور ان کا حوصلہ بڑھایا. کمشنر نے قبائلی لوگوں سے بھی ملاقاتیں کیں انہوں نے کہاکہ علاقہ ہم سب کا ہے،ملکر امن قائم رکھیں گے. آر پی او کیپٹن ریٹائرڈ سجاد حسن خان نے کہاکہ پولیس شہداء کا خون ضرور رنگ لائے گا.اس موقع پر گاڑیوں کی چیکنگ،سکیورٹی اور دیگر معاملات کا جائزہ لیاگیا اور ڈویژن کا جدید کنٹرول روم قائم کرنے کا فیصلہ کیاگیا. کمشنر نے کہاکہ ترنمن،بواٹا،شاہ والی اور دیگر چیک پوسٹوں کی چیکنگ کا آن لائن ریکارڈ مرتب ہوگا،علاوہ ازیں پہاڑوں کے دامن اور صوبائی سرحدی علاقے لاکھانی میں پنجاب پولیس کے تھانہ، مورچے،بنکرز اور دیگر حفاظتی و احتیاطی اقدامات کے ساتھ چھت سے علاقہ کا جائزہ لیاگیا اورامن و امان کی بحالی کیلئے ہر ممکن اقدامات کی ہدایات جاری کی گئیں.

ڈیرہ غازی خان، باغی ٹی وی (سٹی رپورٹرجواد اکبر)ایڈیشنل انسپکٹر جنرل آف پولیس جنوبی پنجاب مقصود الحسن کا دورہ ، انہوں نے آر پی او کیپٹن (ر) سجاد حسن خان کے ہمراہ ڈسٹرکٹ پولیس سربراہان سے اجلاس کیا، ملکی صورتحال اور دہشتگردی کے پیش نظر سیکیورٹی انتظامات کا جائزہ لیا اور دہشتگردی سے نمٹنے کے لیے ضروری اقدامات کی ہدایت کی اجلاس میں ڈی پی او ڈی جی خان میاں محمد اکمل ،ڈی پی او مظفر گڑ ھ احمد نواز شاہ ،ڈی پی او کوٹ ادو تنویر احمد ملک ،ڈی پی او لیہ محمد ناصر سیال اور دیگر اعلیٰ نے افسران نے شرکت کی آر پی او کیپٹن (ر) سجاد حسن خان نے سکیورٹی انتظامات اور امن وامان کی صورتحال سے متعلق آگاہ کیا اور ضلعی سربراہان نے حساس مقامات، لاء اینڈ آرڈر کی صورتحال اور کرائم سے متعلق بریفنگ دی ایڈیشنل آئی جی نے موجودہ صورتحال اور دہشتگردی کے واقعات کے پیش نظر حساس مقامات، اہم تنصیبات، فارنرز، مذہبی عبادت گاہوں ،عوامی مقامات، پولیس ودیگر اہم سرکاری دفاتر اور چیک پوسٹوں پر سخت سکیورٹی اقدامات کی ہدایت کی اور کہا کہ اہم تنصیبات اور حساس مقامات پر اضافی نفری تعینات کی جائے، سکیورٹی پر تعینات افسران و اہلکاروں کو ہمہ وقت الرٹ رکھنے کے لیے افسران گاہے بگاہے سیکیورٹی چیکنگ کریں اور کسی بھی ہنگامی صورتحال سے نمٹنے کے لیے موک ایکسرسائز کی جائیں انٹیلیجنس اور دیگر قانون نافذ کرنے والے اداروں کے ہمراہ روزانہ کی بنیاد پر سرچ ،سویپنگ اور کومبنگ آپریشن کیے جائیں، بین الصوبائی و بین الاضلاعی چیک پوسٹوں، داخلی و خارجی راستوں پر سخت چیکنگ کی جائے اور تمام شہریوں و گاڑیوں کو چیکنگ کے بعد جانے دیا جائے انہوں نے کہا کہ دہشتگردوں کے مذموم عزائم کو خاک کرنے کے لیے پولیس افسران و جوانوں کے حوصلے بلند ہیں جو کہ کسی بھی درپیش چیلنج سے نمٹنے کے لیے ہر وقت تیار ہیں امن کی راہ میں اپنی جانوں کا نذرانہ پیش کرنا پولیس افسران کا فخر ہے ایڈیشنل آئی جی نے کہا کہ عوام الناس کے جان و مال کے تحفظ کے لیے پولیس تمام تر دستیاب وسائل کے ساتھ میدان عمل میں موجود ہے۔
انہوں نے تمام اضلاع میں کرائم کی صورتحال کا جائزہ بھی لیا اور چوری ڈکیتی کی وارداتوں میں کمی کے لیے اقدامات کرنے کا حکم دیا ایڈیشنل آئی جی نے کہا کہ میرٹ پر انصاف کی فراہمی اور سیکیورٹی کے فرائض سر انجام دینا پولیس افسران کا فریضہ ہے،میرٹ اور ہمدردی فرض شناس افسر کا شیوہ ہےایمانداری اور محنت سے فرائض کی انجام دہی پولیس کے وقار کو قائم اور عوامی نظروں میں پولیس کے امیج کو بہتر کر سکتی ہے انہوں نے کہا کہ پولیس ڈسپلن فورس ہے جسکی ڈیوٹی شہریوں کے مسائل کا حل اور امن و امان قائم رکھنا ہے قانون کی خلاف ورزی قابل مواخذہ فعل ہے فرائض میں غفلت اور اختیارات کا ناجائز استعمال کرنے والے افسران و ملازمان کے خلاف سبق آموز کارروائی عمل میں لائی جائے گی۔

اوکاڑہ باغی ٹی وی (نامہ نگار ملک ظفر ) دیپالپور کے نواحی گاؤں چک تھاور میں رات گئے ڈکیتی کی واردات
تفصیلات کے مطابق دیپالپور کے نواحی گاؤں چک تھاور میں رات گئے ڈکیتی کی بڑی واردات، پانچ مسلح ڈاکوؤں نے اسلحہ کے روز پر عبدالرزاق سہو، سجاد احمد سہو،سیف الرحمن سہو ،حافظ شرافت علی سہو کے گھروں کا صفایا کر دیا ،ڈاکوؤں نے تمام افراد کو رسیوں سے باندھ کر گن پوائنٹ پر نقدی رقم ،طلائی زیوارات،موبائل فون ،ایل ای ڈی اور قیمتی سامان سے محروم کر دیا اور باآسانی موقع سے فرار ہونے میں کامیاب ہو گئے پولیس تھانہ صدر کو اطلاع ملنے پر موقع پر پہنچ گئی اور کارروائی کا آغاز کر دیا متاثرہ لوگوں نے آر پی او ساہیوال،ڈی پی او اوکاڑہ،اے ایس پی دیپالپور سے ملزمان کی گرفتاری کا مطالبہ کر دیا

اوکاڑہ باغی ٹی وی (نامہ نگار ملک ظفر)ڈی پی او نے حالیہ دہشت گردی کی لہر کے پیش نظر سیکیورٹی ہائی الرٹ کردی
تفصیل کے مطابق ڈسٹرکٹ پولیس آفیسر اوکاڑہ کیپٹن ر محمد فرقان بلال کے احکامات کی روشنی میں حالیہ دہشت گردی کے پیش نظر شہر اوکاڑہ کو امن کا شہر بنانے کیلئے پولیس فورس پرعزم ڈی پی او اوکاڑہ نے ازخود ڈی پی او آفس، طیب سعید شہید پولیس لائنز، اور ڈسٹرکٹ جیل اوکاڑہ کی سیکیورٹی کامعائنہ کیا سیکیورٹی ڈیوٹی پر زیرو ٹارلرنس کی پالیسی کو اپنائے جانے کے احکامات جاری کیے تھانہ بی ڈویژن ایس ایچ او نوریز عباس نے اپنی ٹیم کے ہمراہ مختلف علاقوں میں سینپ چیکنگ کی چیکنگ کا مقصد مشکوک افراد کے خلاف گھیرا تنگ کرنا ہے دوران چیکنگ شہریوں کا شناختی کارڈ اور بائیو میٹرک سسٹم سے چیک جاری ہے ڈسٹرکٹ پولیس آفیسر اوکاڑہ کیپٹن ر محمد فرقان بلال نے حالیہ دہشت گردی کو مدنظر رکھتے ہوئے اخبار نویسوں سے گفتگو کرتے ہوئے کہا کہ اپنوں میں چھپے ہوئے شر پسند عناصر کی معاشرے میں کوئی جگہ نہیں کسی قسم کی غفلت و کوتاہی ہر گز برداشت نہیں ہو گی ۔

لسبیلہ،باغی ٹی وی (عبدالحکیم بلوچ کی رپورٹ)بیلہ کے قریب مسافر بس حادثے میں جاں بحق 35 افراد کی ڈی این اے ٹیسٹ کے بعد میتیں ورثاء کے حوالے کردی گئیں،ایدھی حکام کے مطابق میتوں کو ایمبولینس کے ذریعے لواحقین کے ساتھ روانہ کر دیا گیا، حادثے میں جاں بحق بیشتر افراد کا تعلق بلوچستان کے مختلف علاقوں سے ہے،لواحقین کے حوالے کی جانے والی میتوں میں 23 مرد، 7 خواتین اور 5 بچے شامل ہیں۔اور باقی تین شہدا کے ورثاء نہیں آئے تھے تو ان کی لاشیں سرد خانے میں رکھی ہوئی ہیں اور جیسے ہی ورثاء آئیں گے تو وہ بھی انکے حوالے کردی جائیں گی،ایدھی حکام کا کہنا ہے کہ تین لاشیں ایدھی سرد خانے میں موجود ہیں جنکے ورثا کی تلاش جاری ہے،امدادی کارروائیوں میں پولیس، سی پی ایل سی، ایدھی انتظامیہ اور دیگر اداروں نے حصہ لیا۔اس سے قبل سانحہ بیلہ کے شہدا کی نعشیں امانتاً کے طور پر ایدھی فاؤنڈیشن کے سرد خانے میں رکھی گئی تھیں اورایدھی سرد خانے کے ذمہ دار نے دو روز قبل سانحہ بیلہ کے شہدا کی نعشوں کے حصول کے متعلق چلنے والی خبر پر لواحقین سے معذرت چاہتے ہیں اور اب تک ڈی این اے ٹیسٹ کی رپورٹ موصول نہیں ہوئی ہے سی پی ایل سی ٹیم جناح ہسپتال کی ٹیم مسلسل رابطے میں ہے اور جیسے ہی ڈی این اے ٹیسٹ کی حتمی رپورٹ موصول ہوجائیگی تو نعشیں ورثاء کے حوالے کردی جائیں گی ابھی ایدھی فاونڈیڈیشن اپنے ذمہ دارانہ فرائض نبھاتے ہوئے نعشوں کو امانتاً کے طور پر سرد خانے میں رکھے ہوئے ہیں اور بغیر رپورٹ کے کسی کو بھی نعش حوالے نہیں کی جاسکتی ہے اور جلد ہی رپورٹ موصول ہوگی تو نعشیں ورثاء کے حوالے کرنے کا سلسلہ شروع ہوجائے گا،جو آج ڈی این اے ٹیسٹ رپورٹ موصول ہونے پربیلہ میں مسافر بس حادثے میں جاں بحق ہونے والے 35 افراد کی میتیں ورثاء کے حوالے کردی گئیں
یاد رہے کہ مسافر بس کو خوفناک حادثہ بلوچستان کے علاقے بیلہ چنگی اسٹاپ کے قریب پیش آیا تھا جسکے نتیجے میں بس میں سوار تمام 41 مسافر جاں بحق ہوگئے تھے۔