Author: ڈاکٹرغلام مصطفی بڈانی

ننکانہ صاحب باغی ٹی وی ( نامہ نگار احسان اللہ ایاز)ضلعی ہیڈ کوارٹرز پنجاب ایمرجنسی سروس ڈیپارٹمنٹ ریسکیو1122 ننکانہ صاحب میں ماہانہ کارکردگی کے حوالے سے اجلاس منعقد ہوا جس کی صدارت ڈسٹرکٹ ایمرجنسی آ فیسر محمد اکرم پنوار نے کی۔اجلاس میں کنٹرول روم انچارج محمد نوید، ریسکیو سیفٹی آفیسرعلی عمران،اسٹیشن کوارڈینیٹر کامران علی،میڈیا کوارڈینیٹر علی اکبر اور تمام ریسکیو آفیسرزو انچارجزنے شرکت کی۔ اجلاس میں کنٹرول روم انچارج محمد نوید نے ڈسٹرکٹ ایمرجنسی آفیسر محمد اکرم پنوار کو بریفنگ دیتے ہوئے بتایاپنجاب ایمرجنسی سروس ڈیپارٹمنٹ ریسکیو1122ننکانہ صاحب کوجنوری میں 8323 موصول ہونے والی کالز میں 2168ایمرجنسی کالز تھیں۔ایمرجنسیز کالز پر2171متاثرین کو ریسکیو سروس مہیا کی گئی جن میں 402روڈ ٹریفک ایکسیڈنٹ،1449میڈیکل 25,فائر کیس، پانی میں ڈوبنے کے 3واقعات،43لڑائی جھگڑے اور تشدد اور246متفرق ایمرجنسیز تھیں مزید براں ریسکیو 1122ننکانہ صاحب نے اوسطاََ7منٹس ریسپانس ٹائم برقرار رکھتے ہوئے347زخمیوں کو موقع پر طبی امداد دی جبکہ1749متاثرین کو طبی امداد دینے کے بعد مختلف ہسپتالوں میں منتقل کر دیا گیا اور ان حادثات کے دوران75متاثرین جانبر نہ ہو سکے۔اس کے علاوہ ضلعی سطح پر علاج کی سہولیات میسر نہ ہونے کیوجہ سے ڈاکٹرز نے511مریضوں کو ریفر کر دیاجنہیں ریسکیو1122ننکانہ صاحب کی پیشنٹ ٹرانسفر سروس کے ذریعے لاہور اور فیصل آباد کے ہسپتالوں میں بلا معاوضہ اور بحفاظت منتقل کیاگیا اس موقع پر ڈسٹرکٹ ایمرجنسی آفیسر محمد اکرم پنوار نے ریسکیو افسران سے خطاب کرتے ہوئے کہا کہ روڈ ٹریفک ایکسیڈنٹ کو معیاری ریسکیو سروسز مہیا کرنے کے لئے ریسکیورز کی پیشہ ورانہ تربیت میں جدت اور مہارت کو مزید بہتر کیا جائے اور تمام ریسکیو اسٹیشن پر باقاعدگی سے لیکچرز اور عملی مہارتوں کی پریکٹس جاری رکھیں مزید براں کمیونٹی ایمرجنسی ریسپانس ٹیم کو یونین کونسل لیول تک منظم انداز میں فعال کریں تا کہ عوام الناس کو ممکنہ حد تک مدد اور آگاہی فراہم کی جا سکے

ٹھٹھہ ،باغی ٹی وی(نامہ نگار راجہ قریشی) میونسپل کیمیٹی کی نااہلی،شہر فلتھ ڈپو میں تبدیل ہوگیا ،ہر طرف گندگی کے انبار لگ گئے،جس سے ٹھٹھہ شہر کھنڈر بنتاجارہاہے ،ٹھٹھہ شہر کے کئی علاقے صفائی سے محروم ہیں ،مین روڈز، گلیاں اورچوراہے فلتھ ڈپو بن گئے ہیں ، عملہ صفائی ایک ماہ میں ایک بار شکل دکھاتا ہے وہ بھی صرف بااثر لوگوں کے گھروں کے سامنے سے صفائی کرکے پھر غائب ہوجاتا ہے،دوسری جانب شہر کے متعدد محلوں کے گٹرابل پڑے ہیں ،گندا پانی سڑکوں پر تھاٹھیں مارنے لگا،سیوریج کاپانی گلیوں اور سڑکات پر کھڑا ہونے مچھروں کی بہتات ہوگئی ہے ،جس سے ملیریا اور دوسرے وبائی امراض پھیلنے لگے ہیں ،دوسری طرف سیوریج سسٹم خراب ہونے پر شہریوں نے میڈیا سے بات کرتے ہوئے بتایا کہ شہر میں اتنا گند اور کیچڑ ہے کہ نمازیوں کے نماز ادا کرنے کیلئے جاتے ہوئے بھی کپڑے خراب ہو جاتے ہیں شہریوں نے ضلعی انتظامیہ سے مطالبہ کیا ہے کہ شہر سے گندے پانی کی نکاسی اور میونسپل کمیٹی کے عملے کو روزانہ کی بنیاد پرصفائی کرنے کیلئے پابند کیا جاۓ.

کندھ کوٹ،باغی ٹی وی (نامہ نگارمختیاراعوان ) مبینہ جعلی پولیس مقابلہ ،2 نوجوانوں کی ہلاکت پر ورثاء کا ایس ایس پی آفس کےسامنے احتجاجی دھرنا
تفصیلات کے مطابق کندھ کوٹ پولیس کے مبینہ مقابلے میں روز 3 قبل شیخ برادری کے دو بے گناہ نوجوانوں کے قتل کے واقعے پر ورثاء اور دیگر پارٹیوں کی جانب سے نوجوانوں کے خون سے انصاف کرنے کے خلاف ایس ایس پی آفس کے آگے احتجاجی دھرنا دیا گیا
اس موقع پر جاں بحق ہونے والے نوجوانوں کے اہل خانہ ،جے یوآئی اور شہر کے سیاسی سماجی رہنماؤں کا ایس ایس پی آفس کے آگے احتجاجی دھرنا دیتے ہوئے کہا کہ 5 روز قبل ایس ایچ او غوث پور نے دو جوانوں کو شہر سے گرفتار کر کے دوسری جگہ منتقل کر دیا اور ہم سے پانچ لاکھ مانگ رہا تھا اگر پیسے نہیں دیئے تو دونوں کو مار ڈالوں گا، 3 روز قبل غوثپور پولیس نے دو نوجوان میر شیخ اور اسد شیخ کو مبینہ مقابلے کا رنگ دیکر کر قتل کر دیا ہے جعلی پولیس مقابلے میں ملوث ایس ایچ او اور ٹیم کو معطل کیا گیا ہے، متاثرین نے سندھ حکومت اور اعلیٰ حکام سے بے گناہ قتل ہونے والے نوجوانوں کے ساتھ انصاف کا مطالبہ کیا۔

چونیاں،باغی ٹی وی(نامہ نگار)دیہاتی کی دادا گیری،سرکاری سولنگ اکھاڑ کر ذاتی پختہ نالیاں بنانے لگا، گاؤں والوں کے منع کرنے پر گالم گلوچ اور غنڈہ گردی پر اتر آیا، اہل علاقہ نےاعلیٰ حکام سے جلد نوٹس لے کر کارروائی کا مطالبہ کردیا-
تفصیلات کیمطابق پاکستان کے موجودہ حالات میں دیہاتوں میں ترقیاتی کام پہلے ہی نہ ہونے کے برابر ہیں جبکہ دوسری جانب بااثر لوگ سرکاری راستوں کو اکھاڑنے میں مصروف ہیں جاگوالا چک نمبر4 میں منیر احمد نامی دیہاتی جس نے سرکاری راستے پر لگی سولنگ کی اینٹیں اکھاڑ کر اپنی ذاتی ملکیتی جگہ پر نالیوں کی تعمیر کرنا شروع کر دی جس پر اہل دیہات نے منیر احمد کو سرکاری راستے پر لگیسولنگ کو اکھاڑنے سےروکا تو منیر ہٹ دھرمی کرتے ہوئے گالم گلوچ اور غنڈہ گردی پر اتر آیا جس پر اہل علاقہ جن میں عثمان،منیر،صوفی طارق، فاروق وغیرہ نے قانونی کارروائی کے لیے اسسٹنٹ کمشنر چونیاں کو درخوست دےکر مطالبہ کیا ہے کہ سرکاری سولنگ کی اینٹیں اکھاڑ کر راستے کو تباہ کر دیا جو کہ قانوناً جرم ہے اگر بروقت کارروائی کر کے ایسے غنڈہ عناصر کو نہ روکا گیا تو راستہ مزید تباہ ہو جائے گا۔

ملتان (باغی ٹی وی) خاتون کو نازیبہ ویڈیوز اور تصاویر سے بلیک میل کرنے والا ملزم گرفتار
تفصیل کے مطابقایف آئی اے سائبر کرائم ونگ ملتان نے کارروائی کرتے ہوئے خاتون کو نازیبہ ویڈیوز اور تصاویر سے بلیک میل کرنے والے ملزم کو ٹبہ سلطان پور (وہاڑی) سے گرفتار کرلیا ہے،ملزم کے موبائل فون سے متنازعہ مواد برآمد کرلیا گیاہے، ایف آئی اے سائبرکرائم کا کہنا ہے کہ ملزم آفتاب احمد کیخلاف مقدمہ درج کرکے قانونی کاروائی شروع کردی گئی

باغی ٹی وی (ویب نیوز) لاڑکانہ میں سیلاب زدگان کے لیے بھیجے گئے غیر ملکی امدادی چاول مبینہ طور پر گودام پر فروخت کر دیے گئے۔ضلعی انتظامیہ نے سیلاب زدگان کے لیے آئے غیر ملکی امدادی چاول مبینہ طور پر گودام پر فروخت کیے جانے کی خبروں پر کارروائی کرتے ہوئے گودام سیل کر کے چاول کی ایک ہزار بوریاں تحویل میں لے لیں۔لاڑکانہ کے جیلس بازار میں شہریوں نے گودام کی نشاندہی کی تھی جہاں سے سیلاب زدگان کے لیے آئے امدادی چاول فروخت کیے جا رہے تھے، چاولوں کی بوریوں پر واضح طور پر درج ہے کہ یہ چاول فروخت کے لیے نہیں لیکن اس کے باوجود چاول مارکیٹ میں فروخت کیے جا رہے تھے۔

In the wake of recent clip being Viral on media regarding selling of USAID Rice being sold in market and On the directions of Deputy Commissioner and Assistant Commissioner Larkano , the shop was sealed and the matter is under inquiry. #SindhGovt pic.twitter.com/Sz3WLzNQXY

— Deputy Commissioner Larkana (@DeputyLarkano) February 1, 2023

یاد رہے اس سے قبل سندھ حکومت کی جانب سے فلڈ ریلیف کے کمبل مبینہ طور پر ملک بھر میں آن لائن فروخت کیے جانے کا انکشاف ہوا تھا، لاہور سے سابق رکن پنجاب اسمبلی شمسہ علی نے آن لائن آرڈر جاری کرنے پر ڈلیور کمبلوں کی ویڈیو بنا کر وائرل کی، شمسہ علی لاہور سے پاکستان تحریک انصاف کے پلیٹ فارم سے خواتین کی مخصوص نشست پر سال 2018 میں پنجاب اسمبلی کی منتخب رکن تھی۔شمسہ علی جو سپریم کورٹ میں وکیل اور قانون دان بھی ہیں ویڈیو میں انکشاف کرتی ہیں کہ انھوں نے چند روز قبل 2 کمبل آن لائن آرڈر کیے تھے، ویڈیو میں شمسہ علی نے کمبل آن لائن آرڈر کرنے کی رسید بھی دکھائی ہے۔شمسہ علی نے ویڈیو میں ڈلیور کیے گئے کمبل بھی دکھائے ہیں جن میں سے ایک کمبل کا ٹیگ کاٹ کر غائب کیا جاچکا تھا جبکہ دوسرے کمبل کا ٹیگ موجود ہے، جس پر سندھ حکومت کا مونوگرام اور فلڈ ریلیف تحریر ہے

ٹھٹھہ،باغی ٹی وی (نامہ نگار راجہ قریشی)موٹرسائیکل چوری کے مقدمہ میں ملوث 2 مرکزی ملزم گرفتار،چوری شدہ موٹر سائیکل برآمد
تفصیلات کے مطابق 2 روز قبل صبح 08:00 بجے کے قریب شیخ مجید سندھی کالونی سے نامعلوم ملزمان نے اشفاق علی جھٹ کی ایک ہنڈا CD-70 موٹر سائیکل چوری کرکے فرار ہوگئے تھے جس کا مقدمہ نمبر 06/2023 سیکشن 381-A ت۔پ کے تحت اشفاق علی جھٹ کی مدعیت میں تھانہ دھابیجی میں درج کردیا گیا تھا۔
ایس ایس پی ٹھٹھہ عدیل حسین چانڈیو کی سخت ہدایات پر ایس ایچ او تھانہ دھابیجی سب انسپیکٹر عبدالمومن شیخ بمعہ اسٹاف نے دوران گشت خفیہ اطلاع ملنے پر کوسٹل ہائی وے نزد حرجینا لنک روڈ پر کامیاب کارروائی کرکے بائیک چوری کے مقدمہ میں ملوث 2 مرکزی ملزمان وقار احمد ولد عبد الکریم جتوئی اور عبدالعظیم ولد غوث بخش جتوئی کو گرفتار کرلیا۔ ابتدائی تفتیش کے دوران ملزمان کے قبضہ سے *مدعی اشفاق علی جھٹ کی چوری کی گئی ہنڈا CD-70 موٹر سائیکل نمبر DUF-1882 برآمد کرلی گئی ہیں۔
اس کے علاوہ گرفتار ملزمان نے ضلع ٹھٹھہ میں متعدد وارداتوں میں ملوث ہونے کا انکشاف بھی کیا ہے جس کا کریمنل ریکارڈ طلب کیا جارہا ہے۔ مزید تفتیش جاری ہے۔