Author: ڈاکٹرغلام مصطفی بڈانی

سجاول ،باغی ٹی وی( نامہ نگار یاسر علی پٹھان)سجاول کے دینی جامعہ میں ختم بخاری اور دستار فضیلت کی تقریب منعقد ہوئی سندھ کے معروف دارالفیوض جامعہ القاسمیہ سجاول میں علماء اور حفاظ قرآن کی سالانہ دستاربندی کی بابرکت اور پروقار تقریب منعقد کی گئی ، تقریب میں ملکی سلامتی اور خوشحالی کے لیئے دعائیں مانگی گئی ،تقریب میں ھزاروں لوگ شریک ہوئے سجاول کے دارالفیوض جامعہ القاسمیہ میں دستار بندی کی تقریب میں علماء کرام، حفاظ اور ہزاروں افراد شریک ہوئے جبکہ رواں سال دارالفیوض جامعہ القاسمیہ سے 40 علماء کرام کی درس نظامی کی تعلیم مکمل کرنے پر دستار بندی کی گئی اور بیس سے زائد حفاظ کرام کو قرآن پاک حفظ کرنے پر دستار پہنائی گئی ۔ تقریب میں حدیث کی کتاب بخاری شریف کا آخری درس دارالفیوض جامعہ القاسمیہ کے شیخ الحدیث مولانا محمد صالح الحداد صاحب نے دیا شیخ الحدیث مولانا محمد صالح الحداد نے حدیث کا درس شروع ہونے سے قبل حاضرین مجلس کو نصیحت کرتے ہوئے کہا کہ نبی کریم صلی اللہ عیہ وسلم کی احادیث کی سب سے صحیح کتاب بخاری شریف کا درجہ قرآن شریف کے بعدبہت افضل ہے، انہوں نے کہا کہ بخاری شریف کے ختم کی مجلس انتہائی بابرکت مجلس ہے اور اس روحانی مجلس میں دعائیں قبول ہوتی ہیں اپنے وطن پاکستان کی حفاظت، مسلمانوں کی مدد اور نصرت کے ساتھ اپنے لئے بھی دعائیں مانگی جائیں تو وہ انشاء اللہ قبول ہوں گی تقریب سے مفتی نظیر احمد عمرانی، مولانا غلام حسین میمن،مولاناعیسیٰ سموں ، مولانا گل حسن زئور , مولانا خان محمدپٹھان ،مولانا اشرف میمن ، مولانا محمد اسماعیل میمن ، اور دیگر نے کہا کہ آج کا دن بہت بابرکت ہے، درس نظامی کی تعلیم مکمل کرکے عالم دین کا سرٹیفیکیٹ حاصل کرنے والے فضلاء پر ذمہ داری عائد ہوتی ہے کہ وہ اپنے اپنے علائقوں میں جاکر لوگوں کی رہنمائی کریں اور دین کو پھیلانے میں اپنا مثبت کردار ادا کریں بابرکت تقریب کے اختتام پر ملک کی سلامتی اور خوشحالی کے لیئے دعائیں بہی مانگی گئی جبکہ تقریب میں مقامی شہریوں کے علاوہ دوردراز سے آئے ہوئے ہزاروں مہمانوں نے بھی شرکت کی ، کثیرتعداد میں اجتماع کے پیش نظر سیکورٹی کے سخت انتظامات کئے گئے تھے ۔

سجاول،باغی ٹی وی( نامہ نگار یاسر علی پٹھان) پریس کلب میں تقریب ڈپٹی کمشنر کی شرکت
تفصیل کے مطابق سجاول پریس کلب سجاول کی جانب سے ڈپٹی کمشنر سجاول امتیاز علی ابڑو اور ڈسٹرکٹ بار ایسوسی ایشن سجاول اور ٹھٹھہ کی نو منتخب باڈی کا استقبال کیا گیا۔جس میں مہمان خصوصی ڈی سی سجاول امتیاز علی ابڑو عبدالغفور پالیپوٹو تھے، پریس کلب سجاول کے چیف آرگنائزر نے تقریب میں استقبالیہ کلمات ادا کیے، جس کے بعد تقریب میں دیگر رہنماؤں، سینئر صحافیوں، پریس کلب سجاول کے سرپرست اعلیٰ اور دیگر نے بھی شرکت کی۔ سینئر ایڈووکیٹ لیاقت علی جماری۔لغاری یونین ضلع سجاول کے صدر حاجی مظفر علی لغاری، ایس ٹی پی کے ضلعی سیکرٹری ممتاز علی لغاری، اربن یونین کے نثار احمد میمن، بار ایسوسی ایشن ضلع ٹھٹھہ کے صدر منیر احمد میمن، ایڈووکیٹ سید اعزاز شاہ۔ ، نوجوان وکیل فرحان شمس میمن. تقریب سے بار ایسوسی ایشن ضلع سجاول کے صدر عبدالعلیم میمن، جنرل سیکرٹری بابو عبدالعاطف کٹی، سجاول کے نوجوان وکیل عمران شاہ بخاری وارڈ نمبر 06 سے منتخب کونسلر حاجی محسن سندھی، جے یو آئی کے رہنما مولوی اشرف میمن، سینئر صحافی محمد حنیف ملاح نے خطاب کیا۔ جس میں سجاول کی سیاسی و سماجی تنظیموں، وکلاء، صحافیوں، سماجی کارکنوں اور سول سوسائٹی کے لوگوں نے بڑی تعداد میں شرکت کی۔

ٹھٹہ ،باغی ٹی وی(نامہ نگار راجہ قریشی) کراچی سے حیدرآباد کا کرایہ 250 سے بڑھا کر 400 روپے کردیا گیا
پیٹرولیم مصنوعات کی قیمتوں میں ہوشربا اضافہ ہوتے ہی ٹرانسپورٹرز حضرات نے بھی فوراً کرایوں میں دگنا اضافہ کردیا غریب عوام مہنگائی کے بوجھ تلے دب کر رہ گئے ہیں۔ تفصیلات کے مطابق ٹھٹہ حکومت نے عوام پر ایک بار پھر پیٹرول بم گرادیا پیٹرولیم مصنوعات کے مہنگے ہوتے ہی ٹرانسپورٹر حضرات نے بھی ٹھٹہ سے کراچی حیدرآباد، سجاول، بدین، گھارو، میر پور ساکرو، اور دیگر مقامات کے کرایہ میں دگنا اضافہ کردیا ہے مکلی سے ٹھٹہ رکشہ کا کرایہ 30 سے بڑھا کر 50 روپے کراچی حیدرآباد کا کرایہ 250 سے بڑھا کر 400 روپے کردیا گیا ہے جسکی وجہ سے مسافروں کو سخت مشکلات کا سامنا کرنا پڑ رہا ہے پیٹرولیم مصنوعات کی قیمتوں میں اضافے کے بعد کھانے پینے کی اشیاء خوردونوش بھی مہنگی ہوگئیں ہیں بڑے تاجر زخیرہ اندوزی کی وجہ اور غریبوں کا خون چوس کر کروڑ پتی سے ارب پتی بن گئے ہیں ان کو کوئی پوچھنے والا نہیں جبکہ غریب عوام ایک وقت کی روٹی کھانے سے قاصر ہوکر رہ گئے ہیں اور سفید پوش حضرات بھی دو وقت کی روٹی بڑی مشکل سے کھا رہے ہیں حکومتی اقدام سے عوام میں سخت غم و غصے کی لہر پائی جاتی ہے اور یہ خدشہ بھی ظاہر کیا جارہا ہے کہ بڑھتی ہوئی مہنگائی سے غریب عوام کا کوئی پرسان حال نہیں ہے بھوک کی وجہ سے خود کشیاں کرنے پر مجبور نہ ہو جائیں اور چوری ڈکیتی بھی بڑھنے کا خدشہ ہے۔

چترال،باغی ٹی وی(گل حماد فاروقی کی رپورٹ) چترال میں 15 سال بعد شدید برف باری ہوئی جس کی وجہ سے کیلاش سمیت مختلف وادیوں کی سڑکیں برف باری کے باعث یا تو بند ہوگئی تھیں یا ان پر چلنا نہایت مشکل ہوگیاتھا۔ عوام کی مشکلات کو مد نظر رکھتے ہوئے محکمہ سی اینڈ ڈبلیو کے ایگزیکٹیو انجنیر ریاض ولی شاہ نے فوری طور پرM&R مینٹینس اینڈ ریپئر کی مد میں ان سڑکوں سے برف ہٹانا شروع کروایا۔ اس مقصد کیلئے
صوبائی محکمہ مواصلات یعنی کمیونیکیشن اینڈ ورکس (C&W) نے دروش کنسٹرکشن کمپنی کو یہ ٹاسک دیا کہ وہ تمام وادیوں سے برف ہٹاکر ان کو ٹریفک کیلئے کھو ل دے۔ چترال بھر کی مختلف وادیوں میں سی اینڈ ڈبلیو کی جانب سے ٹریکٹر کے بلیڈ سے برف کو ہٹایاجارہا ہے اور راستہ ٹریفک کیلئے کھول رہے ہیں۔

ایکسین سی اینڈ ڈبلیو انجنیر ریاض ولی شاہ نے کہا کہ ہماری کوشش ہوتی ہے کہ جو سڑکیں ہمارے ادارے کے پاس ہیں ان کو ہر وقت ٹریفک کیلئے کھلا رکھیں اور عوام کو مشکلات کا سامنا نہ ہو۔ یہی وجہ ہے کہ محدود وسائیل کے باوجود محکمہ کمیونیکیشن اینڈ ورکس ضلع بھر میں ان تمام سڑکوں سے برف ہٹارہی ہے جو ٹریفک کیلئے بند ہوئے ہیں یا ان پر چلنا مشکل ہے۔

دروش کنسٹرکشن کمپنی کے ڈائریکٹر صوبیدار ریٹائرڈ حیدر علی شاہ نے کہا کہ جیسا ہی ہمیں ہدایت ملی کہ ان سڑکوں کو صاف کروانا ہے تو ہماری مشنری حرکت میں آگئی اور ہم نے وادی رمبور، وادی بمبوریت، وادی بریر، وادی سویر، ارسون، جنجیریت کوہ، مڈگلشٹ،دروش کے اندرونی سڑکوں،چترال مغربی سڑک،بیوڑی،ارندو،ہسپتال روڈ،پرانا بازار، مغلاندہ اور گورنر کاٹیج روڈ پر بلیڈ والا ٹریکٹر لگاکر ان سڑکوں سے برف ہٹارہے ہیں۔انہوں نے کہا کہ ہماری کوشش ہوتی ہے کہ ہم معیاری کام کرکے عوام کو سہولت فراہم کریں اور ان کی مشکلات میں کمی لاسکیں۔

وادی کیلاش سے تعلق رکھنے والی معروف سماجی کارکن اور خواتین قاضی شاہی گل کیلاش نے کہا کہ بر ف باری کی وجہ سے ہمیں نہایت مشکلات کا سامنا تھا اور ہم اپنے مریضوں کو بھی ہسپتال نہیں پہنچا سکتے تھے تاہم محکمہ سی اینڈ ڈبلیو نے ٹریکٹر کے بلیڈ کے ذریعے ان سڑکوں سے برف ہٹا کر اسے صاف کردیا انہوں نے محکمہ سی اینڈ ڈبلیو اور اس کے متعلقہ ٹھیکدار کا بھی شکریہ ادا کیا جنہوں نے فوری طور پر کام شروع کرکے ان سڑکوں کو صاف کیا۔

وادی کیلاش بمبوریت کے رہائیشی ضیاء القاسم نے بتایا کہ برف باری کی وجہ سے ہماری سڑک بہت خراب تھی اب اسے سی اینڈ ڈبلیو والوں نے کھولا ہم وزیر اعظم سے مطالبہ کرتے ہیں کہ ہماری سڑک کو کشادہ کرکے اسے جلد تعمیر کریں۔شاہ فیصل بھی وادی کیلاش بمبوریت کا رہنے والا ہے انہوں نے بھی محکمہ کے ساتھ ساتھ تعمیراتی کمپنی کا بھی شکریہ ادا کیا کہ اس وادی کی سڑک کو کھول دیا۔سکینہ کیلاش نے بتایا کہ پہلے سڑک بہت خراب تھی اب اسے کھول کر ہمارا مسئلہ کسی حد تک حل ہوا مگر پھر بھی ہم وزیر اعظم سے مطالبہ کرتے ہیں کہ اس سڑک کو جلد سے جلد تعمیر کریں اور اسے کشادہ بھی کریں ابھی سڑک بہت تنگ ہے ہمیں اس پر آنے جانے میں بہت مشکلات کا سامنا کرنا پڑتا ہے۔

صدام حسین بھی برون وادی کیلاش کا رہنے والا ہے جو دکاندار ہے اس کے مطابق سڑک بند ہونے کی وجہ سے ہم اپنے دکان کیلئے سامان نہیں لاسکتے تھے اور ہسپتال جانے میں بھی بہت مشکلات کا سامنا تھا۔شیر مست نے بھی بات کرتے ہوئے کہا کہ ہمارا سڑک بہت حراب تھا مگر اس پر کام بند ہونے سے ہم مایوس ہوچکے ہیں۔رقیہ کیلاش جو ایک سکول کی طالبہ ہے ان کا کہنا تھا کہ برف باری کی وجہ سے سڑک بند ہوا تھا ہمیں سبق پڑھنے کیلئے آنے جانے میں بہت مشکلات کا سامنا تھا۔ کرینا بھی کیلاش کی رہنے والی ہے ان کا کہنا ہے کہ شدید برف باری کی وجہ سے ہمیں سبق پڑھنے کیلئے بھی نہیں جاسکتے تھے اور اب راستہ کھل گیا جس سے ہمیں آسانی ہوگئی۔

کراچی سے ایک خاتون سیاح ڈاکٹر سعدیہ خلیل پہلی مرتبہ چترال آئی ہوئی ہے اور وہ وادی کیلاش جارہی تھی ان کا کہنا ہے کہ مجھے یہ خوبصورت نظارے اور برف پوش پہاڑ اور وادی دیکھ کر بہت مزہ آیا اور سڑک کھلنے کی وجہ سے سیاحوں کو بھی سہولت ہے تاہم ان سڑکوں پر مزید توجہ کی ضرورت ہے تاکہ سیاحوں کو آنے جانے میں مشکلات کا سامنا نہ ہو۔

اوکاڑہ باغی ٹی وی (نامہ نگار ملک ظفر) پاکستان تحریک انصاف کے امیدوار حلقہ پی پی 186مہر عبدالستار نے میڈیا سے گفتگو کرتے ہوئے کہا کہ پٹرول اور ڈیزل کی قیمتوں میں 35روپے اضافے کو مسترد کرتے ہوئے خدشہ ظاہر کیا ہے کہ پٹرولیم مصنوعات کی قیمتوں میں اضافے سے مہنگائی کا نیا طوفان آئے گا،پٹرول اور ڈیزل کی قیمتوں میں 35روپے فی لیٹر اضافہ جو ہماری تاریخ کا سب سے بڑا یکمشت اضافہ کے ساتھ قوم نے امپورٹڈ سرکار کی بیرونی آقاؤں کی غلامی کی قیمت ادا کرنا شروع کردی ہے،نااہل اور بے حس حکومت نے عوام کی رہی سہی کمر توڑ کے رکھ دی ہے،انہوں نے کہا کہ امپورٹڈ سرکار پاکستان کو کس طرف لے جارہے ہیں پہلے ہی پٹرولیم مصنوعات کی قیمتیں بہت زیادہ ہیں مہنگائی حد سے زیادہ بڑھتی جا رہی ہے روزانہ کا سفر کرنا اب ہر کسی کے بس کی بات نہیں رہی،مہنگائی کا شور مچا کر حکومت میں آنے والوں نے عوام پر مہنگائی بم گرا دیا،مہنگائی مکاؤ مارچ کرنے والے بتائیں اب اس بم کا کیا کرنا ہے؟امپورٹڈ سرکار نے غریب عوام کو کچل ڈالا ہے ملک مزید مہنگائی کا متحمل نہیں ہوسکتا اس وقت ملک کو معاشی بحرانوں سے نکالنے کا واحد حل جلد از جلد انتخابات سے ہی ممکن ہے۔