Author: ڈاکٹرغلام مصطفی بڈانی

چوٹی زیریں،باغی ٹی وی( نامہ نگار محسن نواز ) پی ڈی ایم ٹولے کا انجام قریب ہے عوام ووٹ کے ذریعے ملک پر مسلط چور لٹیروں کو ان کے انجام تک پہنچائے گی،حلقہ این اے 193 میں چیئرمین عمران خان بھاری اکثریت سے کامیاب ہوں گے،پی ڈی ایم حکومت کی نااہلی اور نالائقی کا ایک اور ثبوت پیٹرولیم مصنوعات کی قیمتوں میں اضافہ ہے منہگائی اور بیروزگاری کی چکی میں پستی ہوئی عوام پر حکمرانوں نے مزید مہنگائی کے پہاڑ تو دیے ہیں، سابق ایم این اے سردار محمد خان لغاری۔
تفصیلات کے مطابق چوٹی زیریں کے معروف بزنس مین یونس عباس وڈانی کے بھائی ڈاکٹر بشیر عباس وڈانی کی عباس چائلڈ کلینک کی افتتاحی تقریب منعقد کیں گئی عباس چائلڈ کلینک کا افتتاح رہنما پی ٹی آئی سابق ایم این اے سردار محمد خان لغاری نے کیا سردار محمد خان لغاری نے یونس عباس وڈانی،سینئرصحافی مختار احمد وڈانی اور ان کے بھائی بشیر عباس وڈانی کو مبارکباد دی اور نیک خواہشات کا اظہار کیا کلینک کی افتتاحی تقریب کے بعد سابق ایم این اے سردار محمد خان لغاری نے میڈیا نمائندوں سے گفتگو کرتے ہوئے کہا کہ پی ڈی ایم ٹولے کا انجام قریب ہے عوام ووٹ کے ذریعے ملک پر مسلط چور لٹیروں کو ان کے انجام تک پہنچائے گی پٹرولیم مصنوعات کی قیمتوں کے حوالے سے ان کا کہنا تھا کہ امپورٹ حکومت کی نااہلی کا ایک اور ثبوت پٹرولیم مصنوعات کی قیمتوں میں اضافہ ہے اور بیروزگاری کی چکی میں پستی ہوئی عوام پر حکمرانوں نے مزید مہنگائی کے پہاڑ توڑ دیے پٹرول کی قیمتوں میں اضافے سے مزید مہنگائی کا طوفان آئے گا غریب عوام جسے دو وقت کی روٹی بھی میسر نہ تھی ان جابر ظالم حکمرانوں نے غریب کے منہ سے وہ روٹی کا نوالہ بھی چھین لیا انہوں نے مزید کہا کہ ملک کا حقیقی خیر خواہ اور عوام کا لیڈر صرف عمران خان ہے ملک میں جاری معاشی سیاسی بحران کا حل صرف الیکشن ہے عمران خان اپنی عوام دوست سیاست کی بدولت برانڈ بن چکے ہیں جنہیں عوام ایک بار پھر دو تہائی اکثریت سے کامیاب کرواکر وزیراعظم پاکستان بنائیں گے

اوکاڑہ ،باغی ٹی وی( نامہ نگار ملک ظفر)ملگدا چوک و گردونواح میں آٹا نایاب، غریب عوام پریشان،اشیائے خورد نوش کی خود ساختہ قیمتیں آسمان کو چھونے لگی سبزی ،پھل اور دیگر اشیاءغریب کی پہنچ سے دور سفید پوش لوگ فاقہ کشی پر مجبور پرائس کنٹرول کمیٹیاں اور مجسٹریٹ سب ناکام گراں فروشی عروج پر اعلی حکام نوٹس لیں۔
تفصیلات کے مطابق ملگداچوک اور اسکے گردونواح میں آٹا بلکل نہیں مل رہا ھے اور گراں فروشی عروج پر اشیائے خورد نوش کی قیمتیں آسمان کو چھونے لگی پھل ۔سبزیاں ۔مصالحہ اور دیگر اشیاء ضروریات زندگی عوام کی پہنچ سے دور غریب دونوں ہاتھوں سے لوٹنے لگے۔ پرائس کنٹرول مجسٹریٹ ہو یا پرائس کنٹرول کمیٹیاں سب فلاپٍ حقائق کاعلم ہونے کے باوجود گراں فروشوں کے خلاف کارروائی نہ کرنا اس بات کی دلالت کرتا ہے ۔کہ کچھ لو کچھ دو پالیسی پر گامزن ہیں۔ عوام الناس نے صحافیوں سے اظہار خیال کرتے ہوئے کہنا تھا کہ ادارے اگر اچھے طریقے سے کا م کریں تو یہ سب کچھ رک سکتا ہے لوگوں کا مہنگائی پرمزید کہنا تھا۔انتظامیہ کو چاہیے کے غریبوں کو زہر ہی دے دیں اور اگرگراں فروشی پر قابو پا لیا جائے۔ تو کچھ نہ کچھ غریبوں کا بھلا ہو سکتا ہے۔ انتظامیہ اپنی رٹ قائم کرنے میں ناکام نظر آتی ہے۔عوامی، سماجی،اور صحافتی حلقوں نے ڈی سی اوکاڑہ اور علاقہ مجسٹریٹ سے مطالبہ کیا ہے۔ کہ ملگداچوک اور اسکے گردونواح میں سرکاری طور پر آٹا کا بندوست کریں اورگراں فروشوں کے خلاف سخت کاروائی عمل میں لائی جائے۔

ٹھٹھہ ، باغی ٹی وی( نامہ نگار راجہ قریشی) انتظامیہ کی عدم دلچسپی ، سینکڑوں غریبوں کو دسمبر کی بینوئل فنڈ کی رقم نہ مل سکی
تفصیلات کے مطابق ٹھٹھہ مہنگائی کے اس دور میں جہاں غریب افراد کا جینا دشوار ہو گیا ہے وہاں گورنمنٹ کے ریٹائرڈ ملازمیں اور ان کی گھر والے سخت پریشان ہیں گورنمنٹ کے ملازم جب حاضر سروس ہوتے ہیں تو ان کی تنخواہ سے بیئوئل فنڈ کی کٹوتی کی جاتی ہے اور پھر اس فنڈ سے ریٹائرڈ یا وفات پانے والے ملازمین کے خاندان کو سال میں دو بار بیئوئل فنڈ کی قسط جاری ہوتی ہے لیکن انتظامیہ کی عدم دلچسپی کی وجہ سے دسمبر میں جاری ہونے والے پیسے ابھی تک ان کے اکاؤنٹس میں ٹرانسفر نہیں ہو سکے جس کیوجہ سے وہ انتہائی مفلسی کی زندگی گذارنے پر مجبور ہو کر رہ گئے ہیں اور اس سلسلے میں متاثرین کا کہنا تھا کہ ہم لوگ ڈپٹی کمشنر آفس کے چکر لگا کر تھک چکے ہیں مگر صرف امید دلائی جاتی ہے دوسری جانب انٹرنیشنل ہیومن رائٹس موومنٹ کے جنرل سیکریٹری ارشاد علی گندرو کا کہنا تھا کہ یہ انسانی حقوق کی سخت خلاف ورزی ہے غریبوں کو ان کا حق فوری طور پر دیا جائے اور اس معاملہ کی شفاف جانچ پڑتال کی جائے اور معلوم کیا جائے کہ کس وجہ سے اب تک بنیوئل فنڈ کے پیسے جاری نہیں ہوئے فرائض میں کوتاہی کرنے والوں کے خلاف قانونی کارروائی کیجائے

ٹھٹھہ،باغی ٹی و( نامہ نگار راجہ قریشی) فارما ویلفیئر ڈیویلپمنٹ ایسوسی ایشن کیجانب سے تحفظ قرآن ریلی
تفصیلات کے مطابق ٹھٹھہ فارما ویلفیئر ڈیویلپمنٹ ایسوسی ایشن کیجانب سے تحفظ قرآن پاک ریلی ایدھی سینٹر سے پریس کلب ٹھٹھہ تک پاشا جنید قریشی، مکیش دیو، واحد بروہی، شہروز چانگ، ندیم سولنگی، مرتضیٰ شاہ، مصطفیٰ میمن، شہباز میمن اور دیگر کی قیادت میں نکال کر سخت احتجاجی مظاہرہ کیا گیا، ریلی میں مختلف سیاسی و سماجی تنظیموں کے کارکنوں نے بھی شرکت کی، شرکاء نے سوئیڈن حکومت کے خلاف سخت نعرہ بازی کرتے ہوئے کہا کہ اقوام متحدہ اسلام دشمن عناصروں اور سوئیڈن حکومت کے خلاف سخت اقدامات کریں مقررین نے احتجاجی مظاہرے سے خطاب کرتے ہوئے کہا کہ آزادی اظہار کی آڑ میں دنیا بھر میں رہنے والے اربوں مسلمانوں کی دل آزاری ہوئی ہے مسلمانوں کے جذبات مجروح ہوئے ہیں انہوں کا مزید کہنا تھا کہ مسلمانوں کی دل آزاری کسی بھی صورت میں برداشت نہیں مقررین نے ریلی کے شرکاء سے خطاب کرتے ہوئے ان کا کہنا تھا کہ ہم قرآن پاک کی بیحرمتی کرنے پر سخت لفظوں میں مذمت کرتے ہیں اور مطالبہ کرتے ہیں کہ ایسے لوگوں کے خلاف سخت کارروائی عمل میں لاتے ہوئے عبرتناک سزا دی جائے تاکہ آئندہ کوئی بھی شخص ایسی گستاخی نہ کر سکے۔

ڈیرہ غازیخان،باغی ٹی وی (نامہ نگارشہزادخان)دوسرا سالانہ راشد ادبی مشاعرہ آرٹس کونسل ڈیرہ غازیخان میں ھوا راشد ادبی تنظیم کے سرپرست اعلیٰ ملک غلام مرتضیٰ موہانہ نے سرائیکی مشاعرہ و موسیقی کاانعقاد کرایا راشد سرائیکی سنگت کے سرپرست اعلیٰ نے ڈیرہ غازیخان میں ادبی سرگرمیاں جاری رکھی ھوی ھیںء مشاعرہ کے اختتام پر اچھا مشاعرہ پڑھنے پر بہت سے شاعروں کو ایوارڈ سے نوازا گیا اچھا مشاعرہ پڑھنے پر ڈیرہ غازیخان کے مشہور شاعر و لوک گلوکار امیر عبد اللہ خان نیازی کو ایوارڈ دیا گیا اس موقع پر امیر عبد اللہ خان نیازی نے کہا کہ میرے لئے خوشی کی بات ھے کہ مجھے راشد سرائیکی ادبی سنگت کی طرف سے ایوارڈ سے نوازا گیا مزید انہوں نے کہا کہ راشد سرائیکی ادبی تنظیم نے آج کے مشکل حالات اور مہنگائی اور افرا تفری کے دور میں ادبی سرگرمیاں جاری رکھی ھوی ھیںء جوکہ قابل تحسین بات ھے مزید امیر عبد اللہ خان نیازی کہا کہ ڈاءریکٹر آرٹس کونسل ڈیرہ غازیخان نعیم اللہ خان طفیل نے آرٹس کونسل کو مکمل فعال رکھا ھوا ھے اور آرٹسٹوں کی فلاح وبہبود کیلے ء دن رات ایک کیا ھوا ھے