Author: ڈاکٹرغلام مصطفی بڈانی

چترال(باغی ٹی وی ) تحریک تحفظ چترالی کے کال پر سول سوسائٹی کے اراکین اور مختلف سیاسی و مذہبی پارٹیوں کے رہنماؤں نے لوئیر دیر میں چترالی خاتون کا افغان مہاجر کے ہاتھوں بے دردی سے قتل کے خلاف احتجاجی جلسہ ہوا جس میں اعلےٰ عدلیہ سے مطالبہ کیا گیا کہ اس درندہ صفت افغان مہاجر کو کڑی سزا دلوادے تاکہ آئندہ کوئی اور حوا کی بیٹی کے ساتھ ایسا بربریت کا سلوک نہ کرے تفصیل گل حماد فاروقی کے اس رپورٹ میں

ننکانہ صاحب ،باغی ٹی وی (احسان اللہ ایاز کی رپورٹ)پورے ملک کی طرح آج ننکانہ صاحب میں قرآن پاک کی بے حرمتی کیخلاف پاکستان مرکزی مسلم لیگ ویمن ونگ کی جانب سے احتجاجی مظاہرہ کیا گیا- جس میں طالبات و اساتذہ سمیت تمام شعبہ ہائے زندگی سے تعلق رکھنے والی خواتین کی کثیر تعداد نے شرکت کی۔ -شرکاء نے ہاتھوں میں کتبے اور بینرز اٹھار کھے تھے جن پر قرآن پاک کی گستاخی کرنے والوں کے خلاف اور حرمت قرآن کے حوالے سے تحریریں درج تھیں- اس موقع پر ضلع ننکانہ میں پاکستان مرکزی مسلم ویمن لیگ کی صدر ام جبران نے صحافیوں سے بات چیت کرتے ہوئے کہا کہ سویڈن میں قرآن پاک کی بے حرمتی نے امت مسلمہ کے جذبات کو مجروح کیا ہے او آئی سی اور اقوام متحدہ و عالمی برادری سے کہا کہ سویڈن کے خلاف سختی سے پیش آئیں اور یہ واقعات انتہائی تشویشناک ہیں یورپی ممالک کو اس رجحان کو ختم کرنا چاہیے کیونکہ قرآن کریم اللہ کا کلام ہے اور ہر مسلمان اس الہامی کتاب کی دل و جان سے محبت کرتا ہے قرآن مجید کو جلانا آزادی اظہار رائے نہیں بلکہ کھلی دہشتگردی ہے جس کی ہر فورم پر مذمت ہونی چاہیے ،بلکہ ایسے واقعات کو عملاً روکا جانا چاہیے پاکستان کی حکومت حرمت قرآن کے مسئلے پر دیگر مسلم ممالک کو ساتھ ملاکر قائدانہ کردار ادا کرے۔ پاکستان اسلامی ممالک کو ساتھ لے کر چلنے کی صلاحیت رکھتا ہے، اگر حکومت اس مسئلے میں کامیاب ہوگئی تو پوری قوم کو اپنے شانہ بشانہ پائیں گے-

Protest by MML Women Wing

اوکاڑہ باغی ٹی وی (نامہ نگار ملک ظفر) پولیس والے بھی ڈاکوؤں سے غیر محفوظ ۔تھانہ صدر کی حدود قومی شاہرہ بائی پاس ڈکیتی کی واردات تین نامعلوم مسلح ڈاکوؤں نے اسلحہ کے زور پر ڈسٹرکٹ جیل ساہیوال کا پولیس وارڈن کو لوٹ لیا۔ نامعلوم موٹر سائیکل سوار ڈاکوؤں نے باوردی جیل وارڈن نمبر 432 محمد عباس کو اسلحہ کے زور پر لوٹ لیا ۔وارڈن محمد عباس اپنی ڈیوٹی ختم کر کے موٹر سائیکل پر دیپالپور (اوکاڑہ) آ رہا تھا ۔ قومی شاہرہ بائی پاس کے قریب ڈاکوؤں نے اسلحہ کے زور پر وارڈن سے موٹر سائیکل پندرہ ہزار روپے نقدی موبائل فون چھین کر فرار۔پولیس تھانہ صدر اطلاع ملتے ہی موقع پر پہنچ گئی پولیس تھانہ صدر نے کارروائی کا آغاز کردیا۔

ڈیرہ غازیخان،باغی ٹی وی (سٹی رپورٹرجواداکبر)تونسہ کے قصبہ سوکڑ وقوعہ میں ملوث 5 ملزمان گرفتار کر لئے گئے۔گزشتہ روز اسلحہ سے لیس ملزمان نے آتے ہی موضع سوکڑ میں اندھا دھند فائرنگ شروع کر دی۔فائرنگ کے نتیجے میں حارث نامی شخص جانبحق جبکہ 5/6 اشخاص زخمی ہو گئے تھے۔ملزمان جاتے جاتے رقم بھی ڈکیتی کر کے لے گئے۔ڈی پی او میاں محمد اکمل نے وقوعہ کا نوٹس لیتے ہوئے ملزمان کی گرفتاری کے لئے سپیشل ٹیم تشکیل دی۔ڈی ایس پی سرکل تونسہ ریحان الرسول کی سپرویژن میں سوکڑ وقوعہ میں ملوث 5 ملزمان کو گرفتار کر لیا گیا۔علاقہ میں خوف وہراس پھیلانے والوں سے آہنی ہاتھوں نپٹا جائے گا۔گرفتار کئے گئے ملزمان سے مزید تفیش کی جا رہی ہے۔

اوکاڑہ باغی ٹی وی( نامہ نگار ملک ظفر )اوکاڑہ دیپالپور کے نواحی گاؤں سہتی میں رائے ونڈ پولیس کو پرائیویٹ گاڑی پر جا کر چھاپہ مارنا مہنگا پڑ گیا۔
تفصیلات کے مطابق با اثر زمیندار کے ڈیرے میں موجود درجن بھر افراد نے پولیس شیر جوانوں کی خوب درگت بنائی وردیاں پھاڑ ڈالیں گاڑی کے ٹائر پنکچر اور شیشے توڑ ڈالے اسسٹنٹ سب انسپکٹر امیراعظم نے نعیم، شعیب، بلال اور نور احمد سپاہیوں کے ہمراہ سنگین دفعات کے ملزم کی گرفتاری کے لیے ڈیرے پر چھاپہ مارا تو اظہارالحق عرف سنی، جعفر، اعجاز اور وحید نامی ملزمان نے درجن بھر ساتھیوں کے ہمراہ ڈنڈوں اور سوٹوں سے پولیس پر دھاوا بول دیا تشدد کے بعد دوگھنٹے تک یرغمال بنائے رکھا ملزمان موقع سے فرار ہونے میں کامیاب ہو گئے 15 پر اطلاع ملتے ہی پولیس تھانہ حجرہ شاہ مقیم موقع پر پہنچ گئی اور مقدمہ درج کر کے کاروائی کا آغاز کر دیا ہے

حب،باغی ٹی وی (نامہ نگار عبدالحکیم بلوچ)تھانہ صدر کی حدود اللہ والا ہوٹل کے عقب میں منشیات کے عادی افراد نے ڈیرہ جمالیا، ایس ایچ او صدر سمیت ایس ایس پی حب کی خاموش سمجھ سے بالاتر
تفصیلات کے مطابق ذرائع کاکہناہے ہے کہ ایس ایچ او صدر بھتہ خوری میں مصروف ہے جبکہ نوجوان نسل تباہی کی جانب گامزن ہے جس کی وجہ سے علاقہ مکینوں میں تشویش کی لہر ڈوڑ گئی ہے م ذرائع نے مزید بتایا ہے کہ ایس ایچ او موصوف نے مبینہ بھتہ وصولی کیلئے مخصوص بیٹر رکھے ہیں ان بیٹرز میں سرفہرست زبیر نامی پولیس اہلکار ہے جو چھالیہ مافیاں،منشیات فروش،حب بائی پاس پر موجود قائم ڈیزل ڈپو،اور وائن اسٹور مالکان سے بھتہ وصول کرتا ہے ایس ایچ او صدر کو عوام سے کوئی سروکار نہیں ہے موصوف صرف مال بنانے کیلئے صدر تھانے کے عوام پر مسلط کیا گیا ہے عوامی و سماجی حلقوں نے آئی جی بلوچستان ڈی آئی جی قلات رینج سے اپیل و مطالبہ کیا ھے کہ کرپٹ و نا اہل ایس ایچ او کے خلاف نوٹس لیکر تحقیقات کرکے اس کے خلاف فی الفور محکمانہ کارروائی کی جائے

لسبیلہ ،باغی ٹی وی(نامہ نگار عبدالحکیم بلوچ)حب ،تھانیدار نے منشیات فروشوں،سمگلروں ،ایرانی ڈیزل سپلائی کرنے والے ٹینکروں سے وصولی کیلئے سکواڈ رکھ لیا
تفصیل کے مطابق صدر تھانہ حب کے ایس ایچ او شاہنواز مینگل نے چھالیہ، گٹکا، ماوا کے کارخانوں ایرانی ڈیزل کے ڈپوؤں سے ملنے والی رقوم جمع کرنے کے لیے تھانے کے تین اہلکاروں کو سرکاری ڈیوٹی سے چھٹی دیکر کرکےان کاایک الگ سکواڈ بنا دیا ہے ان میں سے ایک اہلکار کی ڈیوٹی چھالیہ کے اسمگلرز سے حساب لینے کی ذمہ داری دی گئی ہے جبکہ دوسیرے اہلکار کوحب بائی پاس پر بلوچستان سے سندھ پنجاب جانے والے خفیہ ڈیزل کے ٹینک رکھنے والے ٹرالرز سے بھتہ وصولی پر لگایا گیا ہے علاوہ ازیں تیسرے کو ہائیڈرنٹ ڈپوؤں، گٹکا ماوا کے کارخانوں سے رقوم جمع کرنے کی ذمہ داری دی گئی ہے، ذرائع کے مطابق ان میں سے دو اہلکاروں کی نگرانی میں دیگر پرائیویٹ افراد کو بھی ڈیلی ویجز پر رکھا گیا ہے ،ایس ایچ او شاہنواز مینگل جہاں جس تھانے میں رہے وہ ان مذکورہ اہلکاروں کو اصل ڈیوٹی سے ہٹا کر رشوت وصولی پر لگادیتاہے ، یہ سلسلہ بدستور جاری ہے، کئی سالوں سے رشوت وصولی پر جدوجہد کرنے والے ایس ایچ او صدر اور اس کی خصوصی ہدایت کی روشنی میں رقوم جمع کرنے والے اہلکاروں کو تاریخی اسناد سے نوازا جائے تاکہ پولیس ڈپارٹمنٹ اور بالخصوص ایس ایس پی ضلع حب کا بھی نام روشن ہوسکے۔