Author: ڈاکٹرغلام مصطفی بڈانی

ڈیرہ غازی خان،باغی ٹی وی(نامہ نگارشہزادخان) سی پی ڈی آئی کی جانب سے پاکستان میں بجٹ شفافیت کی صورتحال پر مبنی تیسری سالانہ رپورٹ جاری کر دی گئی ہے،رپورٹ میں وفاقی اور صوبائی سطح پر بجٹ سازی کے عمل میں پائی جا نیوالی خامیوں کی نشاندہی کی گئی ہے اور مطالبہ کیا گیا ہے کہ بجٹ تجاویز پرشہر ی گروپوں، سرکاری اداروں اور اہم شراکت داروں کیساتھ زیر بحث لایا جا ئے ۔ علاوہ ازیں بجٹ سازی کے عمل میں شہریوں کی شمولیت کو قانونی تحفظ دیا جا ئے اور سرکاری اداروں کو پابند کیا جا ئے کہ وہ بجٹ سازی کے مختلف مراحل کے دوران شہریوں سے مشاورت کریں خصوصاً بجٹ سازی اور اس پر عمل درآمد کے دوران ممبران اسمبلی کے کردار کو بڑھایا جا ئے۔ اس سلسلہ میں سیٹیزن نیٹ ورک فار بجٹ اکا ونٹیبیلٹی (سی این بی اے) کی ممبر تنظیم الایمان ڈویلپمنٹ آرگنائزیشن ڈیرہ غازیخان کے زیر اہتمام الایمان کمیونٹی ہال میں منعقدہ شراکت داروں کے ساتھ بجٹ شفافیت پر ایک مذاکرہ کے دوران شرکاءسے گفتگو کرتے ہوئے سید محمد آصف نقوی چیف ایگز یکٹو آفیسر الا یمان ڈویلپمنٹ آر گنا ئزیشن نے کہا گذشتہ ایک دہائی سے سی پی ڈی آئی پاکستان میں ضلعی سطح سے وفاقی سطح تک بجٹ سازی کے عمل کو بہتر بنانے اوراس میں شفافیت کے فروغ کیلئے کوشاں رہی ہے ۔ گذشتہ سال کی طرح رواں سال بھی وفاقی اور صوبائی سطح پر اس عمل کا جائزہ لیا گیا ہے جس کے نتیجہ میں ”پاکستان میں بجٹ شفافیت کی صورتحال 2023“ پر مبنی رپورٹ جاری کر دی گئی ہے ۔ا س رپورٹ میں نہ صرف پاکستان میں بجٹ شفافیت کو جانچا گیا ہے بلکہ اس سے یہ اندازہ لگا نے میں بھی مدد ملی ہے کہ پاکستان میں معلومات تک رسائی کے قوانین بجٹ سے متعلق معلومات کے حصول میں کسی حد تک موثر ہیں۔ یہ رپورٹ دو حصوں میں مشتمل ہے پہلا حصہ مختلف وفاقی وزارتوں اور صوبائی محکموں کو معلومات کے حصول کے لئے ارسال کر دہ درخواستوں سے متعلق ہے جن میں بجٹ سازی کے عمل کے دوران مختلف مراحل کے بارے میں معلومات طلب کی گئیں۔ اس سلسلہ میں بجٹ سازی کے عمل میں شفافیت کو جا نچنے کیلئے منتخب وفاقی وزارتوں اور صوبائی محکموں کو معلومات کے حصول کی 150درخواست بھجوائی گیں جن میں وفاق کو 38، بلوچستان، خیبر پختو نخواہ ، پنجاب اور سندھ کو 112درخواستیں ارسال کی گئیں۔ ان تمام درخواستوں میں سے کسی ایک کا جواب بھی مقرر کردہ وقت کے دوران موصل نہیںہوا جو کہ انتہائی مایوس کن ہے رپورٹ کے دوسرے حصہ میں بجٹ دستاویزات کی جامعیت اور بجٹ سازی میں شہریوں کی شرکت کا جائزہ لیا گیا ہے ۔ یہاں خیبر پختو نخواہ حکومت کل 267پوائنٹس میں سے 93پوائنٹس کے ساتھ سر فہرست ،پنجاب دوسرے ، سندھ تیسرے جبکہ بلوچستان چوتھی اور وفاقی حکومت پانچویں یعنی آخری پوزیشن پر ہے بجٹ دستاویزات کی جامعیت کے لحاظ سے تمام حکومتوں نے پہلے سے بہتر اور قابل تقریف کارکردگی کا مظاہر ہ کیا اور یہ بجٹ دستاویزات بین الا قوامی فنکشنل اور معاشی درجہ بندی کی شرائط پر پورا اترتی ہے ۔ انہوں نے مطالبہ کیا کہ صوبائی اور وفاقی حکومتیں معلومات تک رسائی کے قوانین پر عملدرآمد کو یقینی بنائیں اور اس کی راہ میں حائل رکاوٹوں کو دور کیا جا ئے تاکہ بجٹ شفافیت کو فروغ حاصل ہو علاوہ ازیں بجٹ پر بحث اور منظور ی کے دورانیہ کو بڑھایا جائے تاکہ اس پر سیر بحث کی جا سکے ۔ اسکے ساتھ ساتھ متعلقہ سٹیک ہولڈرز خصوصاً شہریوں سے مشاورت کو قانونی تحفظ دیا جا ئے اور زیادہ سے زیادہ معلومات کی فراہمی پر مبنی ایک شفاف اور اوپن بجٹ پالیسی وضع کی جانی چاہیے ۔

ننکانہ صاحب باغی ٹی وی( نامہ نگار احسان اللہ ایاز) ڈی پی او ننکانہ سردار موارہن خان کی زیر نگرانی ضلعی پولیس ملازمان کے پروموشن ٹیسٹ A لسٹ کے تحریری امتحان کا انعقاد کیا گیا۔ تحریری امتحان میں ضلع بھر سے 299 اہل کنسٹیبلان اور لیڈی کنسٹیبلان نے حصہ لیا۔ تمام امیدواران کو تحریری امتحان کے دوران ممکنہ سہولیات کی فراہمی کو یقینی بنایا گیا۔ تحریری امتحان میں کامیاب امیدواران پریڈ ٹیسٹ اور انٹرویو کے اہل ہونگے۔ ڈی پی او سردار موارہن خان کا کہنا ہے کہ پروموشن ٹیسٹ میں میرٹ کو یقینی بنایا جائیگا۔ ضلعی پولیس کے ملازمان کی ترقی کے عمل کو شفاف اور منصفانہ بنانا اہم ذمہ داری ہے۔ تحریری امتحان میں SP انویسٹی گیشن خالد رشید خان، ڈی ایس پیز و دیگر پولیس افسران و سٹاف بھی موجود تھا

ننکانہ صاحب باغی ٹی وی(نامہ نگار احسان اللہ ایاز)انسپکٹر جنرل آف پولیس پنجاب ڈاکٹر عثمان انور کے احکامات کے مطابق ڈی پی او ننکانہ سردار موارہن خان کی ڈسٹرکٹ الیکشن کمشنر محمد توصیف قادر سے میٹنگ۔ میٹنگ کا مقصد الیکشن کمیشن آف پاکستان کی طرف سے جاری کردہ صوبائی الیکشن 2023 پر مقررہ شیڈول کے مطابق انتخابات کو شفاف اور پر امن بنانا تھا۔ میٹنگ میں کئی اہم امور زیر بحث لائے گئے۔ ڈسٹرکٹ الیکشن کمشنر محمد توصف قادر نے ڈی پی او کو ضلع ننکانہ کے چار صوبائی حلقوں PP/131، PP/132،PP/133، اور PP/134 کے متعلق الیکشن اسکیم پیش کی۔ ڈسٹرکٹ الیکشن کمیشنر نے بتایا کہ صوبائی اسمبلی کے چار حلقوں میں انتخابات کے دوران 665 پولنگ اسٹیشن قائم کیے جائیں گے۔ چار صوبائی حلقوں میں الیکشن کمیشن کی طرف سے جاری کردہ ووٹر لسٹوں کے مطابق شہری اپنا حق رائے دہی استعمال کر سکیں گے۔ الیکشن کمیشن کی طرف سے انتخابات کے عمل کو منصفانہ اور شفاف بنایا جائیگا۔ ڈی پی او ننکانہ سردار موارہن خان نے میٹنگ میں انچارج سیکیورٹی برانچ خرم بھٹی کو الیکشن کمیشن کی طرف سے مقرر کردہ 665 پولنگ اسٹیشنز پر سیکیورٹی کے انتظامات کو فول پروف بنانے کے احکامات جاری کیے۔ ڈی پی او کا کہنا تھا کہ آئی جی صاحب کے احکامات کے مطابق ضلعی پولیس انتہائی حساس پولنگ اسٹیشنز کے ساتھ ملحقہ دیہاتی اور شہری ایریا میں دیگر ایجنسیز کے ساتھ مل کر سرچ آپریشن کیے جائیں گے۔ ضلعی پولیس اور سپیشل برانچ کے ٹیکنیکل ونگ کے مشترکہ تعاون سے پولنگ اسٹیشنز کی سرچ اینڈ سویپنگ یقینی بنائی جائیگی۔ ڈی پی او کا مزید کہنا تھا کہ انتخابات کو پر امن کامیاب بنانے کے لیے ضلع بھر میں جامع سیکیورٹی پلان تشکیل دیا جائیگا۔ پولنگ اسٹیشنز کی حساسیت کو مد نظر رکھتے ہوئے A,B,C کیٹیگری وائز سیکیورٹی ڈیوٹی لگائی جائیگی۔ ڈی پی او کا مزید کہنا تھا کہ بیلٹ پیپرز کی ترسیل کے عمل کو سیکیورٹی کے سخت حصار میں مکمل کیا جائیگا۔ الیکشن مہم کے دوران قانونی ضابطہ پر عملدرآمد کو یقینی بناتے ہوئے کسی بھی قسم کی ہلڑ بازی، شر انگیزی اور شدت پسندی برداشت نہیں کی جائیگی۔ میٹنگ کے اختتام پر ڈی پی او نے ڈسٹرکٹ الیکشن کمشنر کو ضلعی پولیس کی جانب سے مکمل تعاون کی یقین دہانی کروائی۔ ڈسٹرکٹ الیکشن کمشنر اور ڈی پی او نے انتخابات کے عمل کو منصفانہ اور پر امن کامیاب بنانے کے لیے مشترکہ تعاون پر اتفاق کیا

کندھ کوٹ ،باغی ٹی وی (نامہ نگار)سوئیڈن میں قرآن پاک کی بے حرمتی کرنے کے خلاف تحریک لبیک پاکستان کے مرکزی قیادت کی کال پر کشمور کندھ کوٹ میں تحریک لبیک کی جانب سے احتجاجی ریلی اور سوئیڈن کے خلاف شدید نعرے بازی
تفصیلات کے مطابق تحریک لبیک پاکستان ضلع کشمور کندھ کوٹ کے رہنمائوں اور کارکنوں کی جانب سے سوئیڈن میں قرآن پاک کی بے حرمتی کرنے کے خلاف تحریک لبیک پاکستان کے مرکزی کال پر تحریک لبیک کشمور کے امیر نور محمد نقشبندی۔ ضلع ناظم اعلیٰ مقصود احمد اعوان۔ مولانا مطیع اللہ۔ سید سومر شاہ۔ بجلی فقیر اور دیگر نے کی سربراہی میں ڈسٹرکٹ پریس کلب کے سامنے احتجاجی مظاہرہ کیا گیا اس موقع پر شرکاء کہنا تھا کہ کافر قوتوں نے ہمیشہ مسلمانوں کا دل دکھایا ہے کبھی رسول اللہ صہ کی شان میں گستاخی کرکے تو کبھی قرآن پاک کی بے حرمتی کرکے کافر قوتیں ایک سوچی سمجھی سازش کے تحت اسلام کے خلاف نفرت عام کرنے کی ایک ناکام کوشش کر رہے ہیں لیکن اسلام تاقیامت قائم رہے گا پی ڈی ایم اور پی ٹی آئی سیاسی رساکشی میں مصروف ہیں مگر یہ وقت آپس میں سیاست کرنے کا نہیں بلکے دشمن اسلام کو موثر جواب دینے کا ہے جماعت اسلامی اسلام دشمن قوتوں کے خلاف مسلسل جدوجہد کرتی آرہی ہے اور آج بھی ہم سوئیڈن میں قرآن پاک کی بے حرمتی کے خلاف سراپا احتجاج ہیں ہم اپنے پاکستان کی حکومت سے مطالبہ کرتے ہیں کہ وہ انگریزوں کے اس گستاخی کا بھرپور جواب دیں۔