Author: ڈاکٹرغلام مصطفی بڈانی

چونیاں،باغی ٹی وی (نامہ نگار) خون سفید ہو گیا دو بھائی جاں بحق ہو گئے چھانگا مانگا کے نواحی برقی میں سگے بڑے بھائی نے لین دین کے تنازعہ پر چھوٹے بھائی پر فائرنگ کر دی جس سے 30 سالہ عابد جاں بحق ہو گیا واقعہ کے فوری بعد ملزم ساجد نے بھی زہر پی کر اپنی زندگی کا خاتمہ کر لیا، پولیس نے مقدمہ درج کر کے تحقیقات کا آغاز کر دیا ہے۔
تفصیلات کے مطابق سرکل چونیاں، دو سگے بھائی جاں بحق ہو گئے چھانگا مانگا کے نواحی برقی چک 18 میں دو سگے بھائیوں میں لین دین کے تنازعہ پر جھگڑا ہوا، جھگڑا میں بڑے بھائی ساجد نے فائر مار کر عابد کو قتل کر دیا جبکہ ساجد نے غمزدہ، دکھ اور افسردگی میں زہر پی کر زندگی کا خاتمہ کر لیا ہے ایس ایچ او تھانہ چھانگا مانگا نے مزید بتایا کہ مقتول عابد کی عمر 30 سال جبکہ ساجد کی عمر 35 سال تھی دونوں بھائی شادی شدہ تھے پولیس نے دونوں بھائیوں کی لاشوں کو پوسٹ مارٹم کے لیے ہسپتال منتقل کر کے کارروائی کا آغاز کر دیا۔

ٹھٹھہ،باغی ٹی وی( نامہ نگارراجہ قریشی )بھنبھور میں محکمہ مائنز اینڈ منرلز کے زبردستی نمک کی فیکٹری بندکرانے پر مزدوروں کااحتجاج
تفصیل کے مطابق سندھ کے تارخی شھر بھنبھور کے قریب 1952 سے قائم ہرجنا سالٹ نمک کی کمپنی میں کام کرنے والے مزدور وں کے مائنزاینڈ منرلز ڈپارٹمنٹ کی جانب سے کسی کے کہنے پر زبردستی 1952 سے قائم نمک کی فیکٹری بند کرانے پر ہرجنا سالٹ کمپنی میں کام کرنے والے مزدوروں نے محکمہ مائنز اینڈ منرل کی بدمعائشی اور دھونس دھاندلی کے ذریعے فیکٹری بند کرانے پر شدید احتجاج کیا اور محکمہ مائنز اینڈ منرلز کے خلاف مزدوروں کی جانب سے کام چھوڑ ہڑتال کردی اور کرپٹ عناصر کیخلاف نعرے بازی کی نمک کی فیکٹری میں کام کرنے والے مقامی افراد قاری عبدالسلام ،حبیب بلوچ ،غلام رسول کلمتی، صدیق ماچھی ، غنی ماچھی ، عالم خاصخیلی اور دیگر مقامی لوگوں نے میڈیا سے بات کرتے ہوئے کہا کہ یہ نمک کی کمپنی 1952 سے قائم ہے ،انہوں نے مزید کہا کے یہ کسی با اثر کے کہنے پر ہماری سالوں سے چلنے والی فیکٹری بند کرادی ہمیں اس مہنگائی میں بیروزگار کردیا ہے ، ہمارے بچے فاقہ کشی پر مجبور ہو گۓ ہیں، انہوں نے پیپلزپارٹی کے چیئر مین بلاول بھٹو ،وزیر اعلیٰ سندھ سید مراد علی شاہ اور ڈپٹی کمشنر ٹھٹھہ سے فوری نوٹس لینے کامطالبہ کیا ہے .

ڈیرہ اسماعیل خان،باغی ٹی وی (احمدنوازمغل کی رپورٹ) 15 گھنٹوں کے بعد بھی انڈس ہائی وے نہ کھل سکا،گزشتہ روز دو بجے پروا گاؤں میں ہونے والی ٹارگٹ کلنگ کا نشانہ بننے والے کی نعش کے ہمراہ لواحقین مرد،عورتیں اور بچے پولیس اور انتظامیہ کے خلاف دھرنا دیئے ہوئے ہیں۔تحصیل پروا شیعہ علماء کونسل پاکستان کے مرکزی نائب صدر علامہ محمد رمضان توقیر شہید عامر عباس کے ورثاء و مظاہرین کے ساتھ اظہار ہمدردی و یکجہتی کے لئے مطالبات کی منظوری تک جاری دھرنا میں پہنچ گئے ہیں.

تفصیل کے مطابق گذشتہ روز ٹارگٹ کلنگ کا نشانہ بننے والے نوجوان کے ورثاء لاش انڈس ہائی وے پر رکھ روڈ پر دھرنادے دیاجس سے پشاور سے کراچی جانے والی انڈس ہائی وے ٹریفک کیلئے بند ہوگئی، 15 گھنٹوں سے زائد وقت گذرنے کے باوجود انڈس ہائی وے نہ کھل سکا،ٹارگٹ کلنگ کا نشانہ بننے والے کی نعش کے ہمراہ لواحقین مرد،عورتیں اور بچے پولیس اور انتظامیہ کے خلاف دھرنا دیئے ہوئے ہیں۔مطالبات کے تسلیم اور پاک فوج کی یقین دھانی کے بغیر دھرنا ختم نہ کرنے کا اعلان،سخت سردی میں کھلے اسمان تلے رات گزارنے کی وجہ سے متعدد کمسن بچے بیمار ہو گئے ۔ڈپٹی کمشنر ڈیرہ محمد قیصر اور ضلعی پولیس سربراہ ڈیرہ محمد شعیب سے دھرنا دینے والوں نے مذاکرات کرنے سے صاف انکار کر دیا ۔روڈ بند ہونے کی وجہ سے دوونوں طرف گاڑیوں کی لمبی قطاریں لگ گئی ہیں ۔۔پولیس کا کوئی نمائندہ دوبارہ مزاکرات کے لیے نہ آئے۔احتجاج کرنے والے لواحقین کا مطالبہ

دوسری طرف تحصیل پروا شیعہ علماء کونسل پاکستان کے مرکزی نائب صدر علامہ محمد رمضان توقیر شہید عامر عباس کے ورثاء و مظاہرین کے ساتھ اظہار ہمدردی و یکجہتی کے لئے مطالبات کی منظوری تک جاری دھرنا میں پہنچ گئے ہیں۔پروا عامر عباس کے قتل،شیعہ نسل کشی سمیت ہر قسم کی دہشت گردی کی بھرپور مذمت کرتے ہیں۔علامہ محمد رمضان توقیر نے کہا کہ ڈیرہ میں مسلسل ٹارگٹ کلنگ اور دہشت گردی سے ڈیرہ کے شہریوں میں دوبارہ خوف و ہراس پھیل رہا ہے۔انتظامیہ کی طرف سے قیام امن کےلئے دعوے محض زبانی جمع خرچ کے دعوے تھے۔انتظامیہ امن و امان کی فضا برقرار رکھنے میں مکمل طور پر ناکام ہو چکی ہے۔ملت تشیع ایک پر امن قوم ہے۔دو دنوں سے پر امن احتجاج کر رہی ہے۔پر امن رہنے کو کمزوری نا سمجھا جائے۔دو دن سے بیٹھے دھرنے میں عامر عباس بلوچ کے ورثاء و مظاہرین کے مطالبات کو حل کرنے کی کوشش نہیں کی گئی۔ان کے مطالبات امن و امان،دہشت گردی پر کنٹرول اور دہشت گردوں کی گرفتاری اور سزائیں ہے۔انتظامیہ سنجیدگی سے ورثا کے مطالبات کو سنے اور حل کرنے کے اقدامات کرے تاکہ شہید کی تدفین کی جائے۔

گو جرہ، باغی ٹی وی (نامہ نگار عبدالرحمن جٹ) معمولی تلخ کلامی پر بھتیجے نے ساتھیوں کی مددسے چچا کو تشددکر کے موت کی نیند سلادیا۔معلوم ہواہے کہ ٹاکی محلہ گوجرہ کے محمد ریاض کا اپنے بھتیجے عمر سے کسی بات پر جھگڑاہو گیا جس پر وہ مشتعل ہو گیا اور اپنے ساتھیوں سمیر وغیرہ کے ہمراہ اسے تشددکانشانہ بنانا شروع کر دیاجس سے وہ شدید زخمی ہو گیا اور موقع پر ہی شدید زخموں کی تاب نہ لاتے ہوئے زندگی کی بازی ہار گیااور ملزمان موقع سے فرارہوگئے اطلا ع ملنے پر تھانہ سٹی پولیس نے مقتول کی نعش اپنی تحویل میں لے کرتحصیل ہیڈکوارٹرہسپتال منتقل کی اور پوسٹ مارٹم کے بعد نعش ورثاء کے حوالے کر دی پولیس مصروف کارروائی ہے

حیدرآباد (باغی ٹی وی) پنیاری پولیس کی مختلف چھاپہ مار کاروائیاں، 7 ملزمان گرفتار, چرس اور شراب برآمد
ایس ایس پی حیدرآباد امجد احمد شیخ کی جانب سے جاری کردہ خصوصی ہدایات پر عملدرآمد کرتے ہوئے حیدرآباد پولیس کا منشیات فروشوں کے خلاف کاروائیوں کا سلسلہ جاری.تفصیل کے مطابق ڈی ایس پی محمد پریل موریو کی سربراہی میں ایس ایچ او تھانہ پنیاری انسپیکٹر محمد رئیس خانزادہ کی اپنے اسٹاف کے ہمراہ کاروائیاں،دوران پیٹرولنگ مخفی اطلاع پر مختلف مقامات پنجن شاہ درگاہ نورانی بستی، لالو لاشاری قبرستان، پنیاری واہ اور لالو لاشاری کے قریب سے 7 ملزمان کو چرس اور شراب فروخت کرتے ہوئے گرفتار کرلیا گیا،گرفتار ملزمان مقصود عرف فائٹر آرائیں اور اعجاز علی آرائیں کے قبضے سے 300 گرام چرس برآمد ہوئی،گرفتار ملزمان سکندر کچھی اور محمد جنید عباسی کے قبضے سے 2 عدد گیلن میں گرام 20 لیٹر کچی شراب ہوئی،گرفتار ملزمان محمد ناصر قاضی اور محمد بلال عباسی کے قبضے سے 450 گرام چرس برآمد ہوئی،گرفتار ملزم شاہنواز آرائیں کے قبضے سے 180 گرام چرس برآمد ہوئی،گرفتار ملزمان کے متعلق مزید معلومات اور کرمنل ریکارڈ چیک کیا جا رہا ہے ،پنیاری پولیس نے گرفتار ملزمان کے خلاف نارکوٹکس ایکٹ اور حدود آرڈیننس کے تحت مقدمات درج کرلیے ہیں ،گرفتار ملزمان سے مزید تفتیش جاری ہے