Author: ڈاکٹرغلام مصطفی بڈانی

ڈیرہ غازی خان،باغی ٹی وی(نامہ نگارشہزادخان) سویڈن میں قرآن پاک کی توہین کیخلاف مرکزی جمعیت اہلحدیث کی ہدایت پر ڈیرہ غازی خان میں احتجاج، علماء کرام نے مساجد میں خطبہ جمعہ میں شدید الفاظ میں مذمت کی اور حکومت پاکستان سے مطالبہ کیا ہے کہ سویڈن کے سفیر کو فی الفور ملک بدر کیا جائے سویڈن سے او آئی سی ممالک کی تنظیم کے ساتھ ملکر شدید الفاظ میں مذمت کےساتھ ساتھ نفرت کا اظہار کیا جائے،ضلعی امیر کی پریس کانفرنس
تفصیل کے مطابق سویڈن میں قرآن پاک کی توہین کیخلاف مرکزی جمعیت اہل حدیث ڈیرہ غازی کی جانب سے احتجاج اورشدید الفاظ میں مذمت کرتے ہیں خطباء کرام نے جمعہ المبارک کے اجتماعات میں حکومت پاکستان سے مطالبہ کیا ہے کہ سویڈن کے سفیر کو فی الفور ملک بدر کیا جائے اور سویڈن سے او آئی سی ممالک کی تنظیم کے ساتھ ملکر شدید الفاظ میں مذمت کےساتھ ساتھ نفرت کا اظہار کیا جائے جمعہ المبارک کے اجتماعات میں خطباء آئمہ مساجد نے قرآن مجید کی توہین کرنے پرسویڈن کے خلاف قرار داد مذمت پیش کی جسکو عوام نے ہاتھ کھڑے کرکے سخت احتجاج کیساتھ تائید کی بعدازاں پریس کانفرنس کرتے ہوئے امیر مرکزی جمعیت اہلحدیث ڈیرہ غازی خان قاری عبد الرحیم کلیم ،ناظم اعلی حافظ خالد محمود اظہر،نائب امیر حافظ احمد حسن ایڈوکیٹ ، ،تحصیل امیر مخدوم زاہد قریشی،تحصیل ناظم حاجی عبد المتین بھٹہ،ناظم نشرواشاعت فخرالزمان ،حاجی عبدالطیف سپل ،شکیل احمد،قاری عبدالجلیل کھوسہ نےکہا کہ مسلمان قرآن پاک سے اپنی جان مال اولاد سے زیادہ پیار کرتے ہیں تاقیامت قرآن پاک کے حفاظ محافظ رہیں گے انہوں نےکہا یہود وہنود ماضی میں بھی قرآن پاک کیخلاف سازش میں ناکام ہوچکے ہیں انہوں نے حکومت پاکستان سے مطالبہ کیا کہ وہ سویڈن کے سفیر کو ملک بدر کریں

ڈیرہ غازی خان،باغی ٹی وی (نامہ نگارشہزاد خان) سویڈن ،ہالینڈ میں توہین قرآن کی بے حرمتی عالمی امن کو تباہ کرنے کی سازش ہے  دل آزار واقعات سے مسلمانوں کی دل آزاری کی گئی ہے قرآن مجید جلانے کا واقعہ امت مسلمہ کے لئے بھی سخت پیغام ہے ان خیالات کا اظہار ناظم اعلی مرکزی جمعیت اہلحدیث پاکستان سینیٹر ڈاکٹر حافظ عبدالکریم نے سویڈن اور ہالینڈ میں توہین قرآن کے واقعہ کی شدید مذمت کرتے ہوئے اسے ناقابل قبول قرار دیتےہوئے کہا کہ مسلمانوں کی دل آزاری کی گئی ہے اسلام دشمنی کے بڑھتے واقعات شرمنا ک اور عالمی امن کو تباہ کرنے کی سازش ہے یورپی ممالک جو خود کو امن کے علمبردار اور مہذب کہلاتے اور عدل و انصاف کی باتیں کرتے ہیں مگر اسلام دشمنی میں سب ایک ہیں میڈیا سیل کی طرف سے جاری بیان میں ڈاکٹر حافظ عبدالکریم نے کہا اسلام اور اسلامی مقدسات کے بارے میں منفی پراپیگنڈہ اور توہین آمیز واقعات ایک عرصے سے جاری ہیں ایسے واقعات دنیا میں بدامنی پھیلانے کی گھناونی سازش ہے قرآن مجید کی بے حرمتی ناقابل برداشت ہے قرآن معجزہ خداوندی ہے، اس کی بے حرمتی میں حکومتوں کا منافقانہ کردار سامنے آیا ہے،یہ ممالک ایک طرف وہ امن اور سلامتی کی بات کرتی ہے،اور مذہبی ہم آہنگی کی باتیں کی جاتی ہیں جبکہ دوسری طرف آزادی اظہار رائے کے نام پر قرآن مجید جلاکر عالم اسلام کے جذبات مجروح کئے جاتے ہیں انہوں نے کہا قرآن مجید جلانے کے واقعات امت مسلمہ کے لئے بھی سخت پیغام ہے کہ وہ باہمی اختلافات کو بالائے طاق رکھ کر متحد ہوں ، تاکہ دشمن کی سازشوں کا مقابلہ کیا جاسکے۔ان کا کہنا تھا کہ اسلامی مقدسات کی حفاظت ہر مسلمان کی ذمہ داری ہے۔ یورپی ممالک بھی اپنا منافقانہ رویہ ختم کر کے دنیا میں امن کے لئے کردار ادا کریں۔

ننکانہ صاحب،باغی ٹی وی (نامہ نگار احسان اللہ ایاز)ننکانہ صاحب میں سرکاری گوداموں میں وافر مقدار میں گندم ذخیرہ ہونے کے باوجود بھی آٹے کا بحران شدت اختیار کرگیا شہری آٹے کے حصول کے لیے مارے مارے پھرنے لگے بلیک مافیا نے من مانے ریٹ وصول کرنا شروع کر دئیے ڈسٹرکٹ انتظامیہ اور حکومت کی جانب سے سستے آٹے کی فراہمی ممکن بنانے میں ناکام ملک بھر کی طرح ننکانہ صاحب میں بھی آٹے کا بحران شدت اختیار کرگیا فائن آٹے کا ریٹ 5000 روپے فی من تک پہنچ گیا اور چکی پر آٹا کا ریٹ 6000 تک پہنچ گیا حالیہ مہنگائی کی لہر نے غریب آدمی سمیت متوسط طبقے کی بھی چیخیں نکال دی ہیں ننکانہ صاحب کے شہریوں کا کہنا ہے کہ ہم پہلے بھی مہنگائی کی چکی میں پس رہے ہیں آٹے کے حصول کے لیے سارا سارا دن لائنوں میں کھڑے ہونا پڑتا ہے غریب آدمی اپنی مزدوری کرئے یا آٹا کے لئے سارا دن ذلیل خوار ہو بچوں کو دو وقت کی روٹی کھلانا مشکل ہوچکا ہے شہریوں کا کہنا ہے کہ ضلعی انتظامیہ کی جانب سے مل مالکان کو گندم کا کوٹہ میں اضافہ کریں تاکہ آٹے کی زیادہ فراہمی کو یقینی بنائیں تو آٹا کے بحران پر قابو پایا جا سکے

ٹھٹھہ ،باغی ٹی وی( نامہ نگار راجہ قریشی)نامور قانون دان اور سینئر صحافی گل محمد خشک کو پی جے اے نے اپنا قانونی مشیر مقرر کر دیا
تفصیلات کے مطابق ٹھٹھہ کے نامور قانون دان اور صحافی گل محمد خشک کو پاکستان جرنلسٹ ایسوسی ایشن سیکریٹریٹ ضلع ٹھٹھہ کی جانب سے قانونی مشیر نامزد کر دیا گیا ہے جس کا نوٹیفکیشن اسلام آباد سے جلد جاری کر دیا جائے گا اس موقعہ پر انٹرنیشنل ہیومن رائٹس موومنٹ ٹھٹھہ کے چیئرمین الطاف حسین تنیو نے کامریڈ گل محمد خشک کو قانونی مشیر نامزد ہونے پر مبارکباد دیتے ہوئے کہا ہے کہ کامریڈ گل محمد خشک کی تعیناتی کے بعد تنظیم مذید مضبوط ہوگی اور ضلع ٹھٹھہ میں تبدیلی نظر آئے گی اس موقع پر انیس ہیلایو، ارشاد علی گندرو، سید الطاف حسین شاہ شیرازی، سید شیر علی شاہ کاظمی، واحد شورو، واجد علی گجر اور دیگر صحافیوں اور سیاسی و سماجی شخصیات نے مبارکباد پیش کی گئی۔

ٹھٹھہ،میہڑ،باغی ٹی وی ( نامہ نگار)وفاقی حکومت کی جانب سے میڈیا پر لگائی جانے والی پابندیوں کے خلاف ٹھٹہ میں پاکستان فیڈرل یونین آف جرنلسٹ کی دی گئی کال پر حیدرآباد یونین آف جرنلسٹ یونٹ ٹھٹہ کے صحافیوں کا احتجاجی مظاہرہ۔
تفصیلات کے مطابق پاکستان فیڈرل یونین آف جرنلسٹ کی کال پر وفاقی حکومت کی میڈیا دشمن پالیسیوں پیمرا ایکٹ میں کی گئیں منفی ترامیم اور صحافیوں کے خلاف جھوٹے مقدمات کا اندراج کرنے کے خلاف حیدرآباد یونین آف جرنلسٹ کیجانب سے اعلان کردہ ملک گیر احتجاجی تحریک کے پہلے مرحلے میں (ایچ یو جے) ٹھٹھہ کیجانب سے پریس کلب ٹھٹھہ میں بازوؤں پر سیاہ پٹیاں باندھ کر ٹریفک چوکی سے پریس کلب ٹھٹھہ تک احتجاجی مظاہرہ کیا گیا احتجاج میں حیدرآباد یونین آف جرنلسٹ یونٹ ٹھٹھہ کے صدر خدا بخش بروہی، جنرل سیکریٹری راجہ تنویر خاصخیلی، مکلی پریس کلب کہ صدر احمد خان خشک، شبیر بھٹی اعجاز واریو، اسماعیل میمن، اکبر دلوانی اور دیگر صحافیوں نے میڈیا پر لگائی گئی پابندی کی مذمت کرتے ہوئے کہا ہے کہ میڈیا پر پابندی عوام کی آواز کو دبانے کے مترادف ہے اور ایسے اقدام کو لاگو کرنے کے بعد حکمران مہنگائی کا طوفان کھڑا کرنے کے بعد عوام کی آواز بننے والے میڈیا پر پابندیاں لگانا چاہتے ہیں مزید انہوں کا کہنا تھا کہ ملک کے مختلف میڈیا ہاؤسز میں کام کرنے والے صحافیوں پر بلاجواز مقدمات درج کروا کر حراساں کیا جا رہا ہے جو قابل مذمت ہے اور صحافی برادری ملک کے مختلف علاقہ جات میں اپنا پرامن احتجاج ریکارڈ کروا کر یہ پیغام دینا چاہتی ہے کے مختلف صحافیوں کو حراساں کرنے اور جھوٹے اور من گھڑت دائر مقدمات سمیت دیگر مسائل ملک بھر کے صحافی برادری کسی بھی صورت قابل قبول نہیں کریں گے اور احتجاج کے شرکاء نے کینیا میں بے دردی سے شہید کیئے گئے صحافی ارشد شریف کے خون سے انصاف کا بھی مطالبہ کیا گیا اس موقعہ پر سینئر صحافی یوسف دایو، منصور جلالانی، نظیر جاکھرو، شیراز واریو، نظیر قریشی اور دیگر موجود تھے.
میہڑ میں صحافیوں کی جانب حکومتی میڈیا دشمن پالیسیوں صحافیوں کی گرفتاریوں کے خلاف صحافیوں کا احتجاج حکومت کے خلاف سخت نعرے بازی ،صحافیوں اور صحافتی اداروں کے خلاف حکومتی میڈیا دشمن پالیسیوں انتقامی کاروایوں صحافیوں کی گرفتاریوں پیمرا ایکٹ اور پیکا ایکٹ کے خلاف پاکستان فیڈرل یونین آف جرنلسٹ کی اپیل پر ملک بھر کی طرح تحصیل میہڑ میں بہی حیدرآباد یونین آف جنرلسٹ ڈسٹرکٹ یونٹ دادو کی جانب سے یوم سیاہ منایا گیا،اس موقع پر میہڑ پریس کلب کی عمارت پر سیاہ پرچم لہرائے گئے جبکہ صحافیوں نے سنیئیر صحافیوں مرکزی رہنما جاوید سومرو۔ضلعہ جنرل سیکریٹری عامر تیونو۔نائب صدر احسان جانوری۔ شکیل عطار۔ اور دیگر کی قیادت میں میہڑ پریس کلب کے باہر مظاہرہ کیا گیا اس موقع پر رہنماؤں نے خطاب کرتے ہوئے کہا کے ملک کے موجودہ نام نہاد جمہوری مسلط حکومت نے ان کا کرپشن زدہ چہرہ بے نقاب کرنے پر صحافتی آزادی پر آمرانہ حملے اور بندشیں عائد کرکے صحافیوں کو گرفتار کرکے تشدد سمیت دیگر ہتھکنڈوں اور حربوں سے حراساں کر کے آواز اور زبان بند کرنے کی ناکام کوشش کر رہی ہے ملک بھر کے صحافی ظالم حکمرانوں کے کسی بھی ہتھکنڈے اور ظلم پر حق اور سچ سے دسبردار نہیں ہوں گے اپنے حق اور میڈیا کی آزادی کے لئے ان حکمرانوں کا ہر محاز پر مقابلہ اور گہراؤ کریں گے اور اسلام آباد میں ایوان اقتدار کے سامنے اپنے حقوق کے اصول تک دھرنا دیں گے احتجاج میں جمیل مہیسر۔استاد غلام حیدر۔ منظور جویو۔ مرتضیٰ پنہور۔ لیاقت سومرو۔ میر زین بہٹی۔شرکت کی اس موقع پر حکومتی میڈیا دشمن پالیسیوں کےخلاف نعرے بازی بھی کی