Author: ڈاکٹرغلام مصطفی بڈانی

ٹھٹھہ ،باغی ٹی وی (نامہ نگار راجہ قریشی )گزشتہ ہفتے کے دوران مختلف علاقوں سے چار لاشیں برآمد
سندھ کے قدیمی ضلع ٹھٹھہ میں گزشتہ ہفتے کے دوران مختلف علاقوں سے چار لاشیں برآمد ہوئی ہیں ، علاقہ مکینوں میں سخت خوف و ہراس پایا جاتا ہے۔ تفصیلات کے مطابق سندھ کے تاریخی ضلع ٹھٹھہ سے لاشوں کے ملنے کا سلسلہ جاری ٹھٹھہ کی ساحلی پٹی کے علاقے بوہارہ کے قریب گاؤں عطاء محمد گبول کے رہائشی منصور عرف کارو ولد بصر گبول کی لاش مچھلی کے تلاب سے برآمد لاش کو پولیس نے تحویل میں لیکر پوسٹ مارٹم کے لئے روانہ کر دیا گیا ہے موت کی کیوجہ پوسٹ مارٹم رپورٹ آنے کے بعد معلوم ہو سکے گی جبکہ دوسری جانب ور شہر سے ملحقہ گاؤں حاجی قاسم سموں میں نوجوان چرواہے حبیب اللہ سموں کی لاش درخت سے لٹکی ہوئی ملی ہے ورثاء کی جانب سے قتل کئے جانے کا شک ظاہر کیا جا رہا ہے جبکہ پولیس نے لاش کو اپنی تحویل میں لے لیا ہے پولیس کے مطابق پوسٹ مارٹم کی رپورٹ آنے کے بعد موت کا سبب معلوم ہوسکے گا یاد رہے کہ گزشتہ ایک ہفتے کے دوران ضلع ٹھٹھہ کے مختلف علاقوں سے چار لاشیں برآمد کی جا چکی ہیں۔

گوجرہ، باغی ٹی (نامہ نگار عبدالرحمن جٹ) مسلح ڈاکوبینک ملازم سے موٹر سائیکل وقیمتی موبائل چھین کر فرارہو گئے۔معلوم ہواہے کہ نواحی چک نمبر415ج ب کاعلی رضا جو کہ نینشل بنک میں ملازم ہے اور جو اپنی ڈیوٹی سے فارغ ہو کر واپس گاؤں جا رہاتھاکہ موچیوالہ روڈاڈاتن پولیاکے قریب اسے موٹر سائیکل سوار ڈاکوؤں نے اسلحہ کے زور پر روک لیا اور جان سے مار دینے کی دھمکی دے کر اس سے موٹر سائیکل اورقیمتی موبائل لوٹ لیا اورڈاکو کامیاب واردات کے بعد فرارہو گئے۔تھانہ صدر پولیس کو واردات سے آگاہ کر دیا گیا ہے تاحال مقدمہ کے اندراج کی اطلا ع موصول نہیں ہو سکی۔علاوہ ازیں تھانہ نواں لاہور کے علاقہ میں چک نمبر336ج ب کا رکشہ ڈرائیورمحمد شہباز اپنے موٹر سائیکل رکشہ پر اڈاچراغ آباد کھڑاتھاکہ خاتون سمیت تین افراد آگئے اور جنہوں نے کہاکہ انہوں نے پینسرہ جا نا ہے رکشہ ڈرائیور ان کو لے کرجار ہاتھاکہ چک نمبر334ج ب نہر کے قریب رکشہ ڈرائیور کو زبردستی روک لیااور اس سے ہزاروں کی نقدی موبائل فون اور موٹر سائیکل رکشہ چھین لیااوراس کی مشکیں کس کر نہر کنارے پھینک دیااور موقع سے فرارہو گئے۔اطلا ع ملنے پر تھانہ نواں لاہور پولیس نے مقدمہ درج کر کے ملزمان کی تلا ش شروع کر دی۔

گوجرہ،باغی ٹی وی( نامہ نگار عبدالرحمن جٹ) خاوند کی دوسری شادی سے دلبرداشتہ خاتون کی مبینہ طورپرفائرمار کر خود کشی کی کوشش،معلوم ہواہے کہ چک نمبر310ج ب بھوپال والا کے وحید عرف چاندنے دوسری شادی کر لی جس پر اس کی پہلی بیوی مسماۃ حفظہ بی بی نے دلبرداشتہ ہو کرمبینہ طور پرگھر میں پڑے ہو ئے پستول سے خودکو گولی مار لی جس کے نتیجہ میں وہ شدید زخمی ہو گئی جسے فوری طور پر تحصیل ہیڈ کوارٹرزہسپتال منتقل کیاگیا جہاں سے ابتدائی طبی امدادکی فراہمی کے بعد مخدوش حالت کے پیش نظر الائیڈ ہسپتال فیصل آبادریفر کر دیاگیا۔جہاں اس کی حالت تشویش ناک بیان کی جاتی ہے۔صدر پولیس گوجرہ مصروف کارروائی ہے۔

راجنپور باغی ٹی وی (نامہ نگار کنور اویس )روجھان کے علاقہ موسانی میں نامعلوم مسلح ڈاکوؤں کاحملہ،2 جابحق 7افراد شدید زخمی
تفصیل کے مطابق پولیس ترجمان کاکہنا ہے کہ تھانہ روجھان کے حدود بستی موسانی میں نامعلوم مسلح ڈاکوؤں نے حملہ کر دیا ،ڈاکوؤں کی اندھا دھند فائرنگ 2 افراد موقع پر جابحق 7افراد شدید زخمی ہوگئے،ڈیڈ باڈی اور زخمیوں کو شیخ خلیفہ ہسپتال روجھان منتقل کر دیا گیا،فائرنگ سے جانبحق ہونے والوں میں خاتون اور سات سالہ بچہ شامل زخمیوں میں مرد خواتین اور بچے شامل 2 مرد اور 2بچوں کی حالت تشویشناک ہے ،پولیس کی جانب سے بھاری نفری موقع پر پہنچ کر مزید کارروائی کا آغاز کر دیا گیا ،پولیس ترجمان کے مطابق فائرنگ کا واقعہ پرانی دشمنی کا شاخسانہ ہے-

گوجرہ، باغی ٹی وی(نامہ نگار عبدالرحمن جٹ)تھانہ سٹی کی حدود میں قائد اعظم روڈ پر نامعلوم ملزمان کی کار پر فائرنگ کے نتیجے میں تہذیب نامی نوجوان جانبحق ہوگیا ہے
تفصیلات کے مطابق دن دیہاڑے شہر کی مصروف ترین شاہراہ پر فائرنگ کا واقعہ پیش آیا یہاں نامعلوم ملزمان نے کار میں سوار363 ج۔ب کے رہائشی رانا تہذیب کو اس وقت فائرنگ کر کے قتل کیا جب وہ ایک میڈیکل سٹور پر دوائی لینے کے لیے رکے تھے ، تہذیب کا دوست عمری نامی نوجوان دوائی لینے کے لیے گاڑی سے اتر کر میڈیکل سٹور میں چلا گیا اس لئے وہ محفوظ رہا،وقوعہ کی اطلاع ملتے ہی تھانہ سٹی پولیس موقع پر پہنچ گئی اور نعش کو سول ہسپتال گوجرہ منتقل کر دیا ۔ اور ملزمان کی تلاش شروع کر دی

ٹھٹھہ ،باغی ٹی وی(نامہ نگار راجہ قریشی )گھوڑا باڑی کے شہر ور میں درخت سے لٹکتی لاش برآمد
تفصیل کے مطابق ٹھٹھہ ضلع کے تعلقہ گھوڑاباڑی کے نزدیک شہر ور کے ساتھ گوٹھ قاسم سموں کے رہائشی حبیب اللہ کی درخت سے لٹکی ہوئی لاش برآمد، وارثاء نے قتل کا خدشہ ظاہر کیا ہے ، وارثاء کا کہنا ہے کہ نوجوان حبیب اللہ رات 8 بجے سے غائب تھا، اسے قتل کر کے لاش سے لٹکادی گئی، اطلاع پر گھوڑاباڑی پولیس موقع پہنچ گئی اور جاں بحق شخص کی لاش کوتحویل میں لےکر ہسپتال منتقل ، جہاں پر لاش کا پوسٹ مارٹم ہوگا، پولیس نے شواہد اکٹھے کرکے قانونی کارروائی کاآغازکردیا ہے.

میرپور ساکرو،باغی ٹی وی (نامہ نگارقادرنوازکلوئی)بہار کے نواحی گاؤں عطا محمد گبول کے رہائشی نوجوان کی گولیوں سے چھلنی لاش برآمد
تفصیل کے مطابق بہار کے نواحی گاؤں عطا محمد گبول کے رہائشی نوجوان کی گولیوں سے چھلنی لاش ملی ہے۔اہل خانہ کا کہنا ہے کہ ایک نامعلوم مسلح افراد نے منصور گبول کو قتل کرکےاس کی لاش کو پانی میں چھوڑ دیا۔
ایک اور واقعہ میں نامعلوم مسلح افراد نے نوجوان کو گولی مار کر قتل کر دیا جس کی لاش کھائی سے ملی۔پولیس کے مطابق لاش کو پوسٹ مارٹم کے لیے شیخ زید اسپتال لایا گیا ہے۔

چونیاں ،باغی ٹی وی(نامہ نگار) قصور میں ہندو برادری کےتین افراد کی پراسرار طور پر موت واقع ہونا ایک انتہائی افسوسناک واقعہ ہے۔ یوتھ اسمبلی فارہیومن رائٹس پاکستان اس دکھ کی گھڑی میں متاثرین کے ساتھ ہے۔میاں عدیل اشرف
تفصیلات کے مطابق میڈیا سے اپنے خیالات کا اظہار کرتے ہوئے یوتھ اسمبلی فارہیومن رائٹس پاکستان کے سیکرٹری انفارمیشن اینڈ میڈیا ڈیپارٹمنٹ ضلع قصور میاں عدیل اشرف نے کہا ملک پاکستان میں بسنے والے تمام شہری چاہے وہ مسلم ہیں،ہندو ہیں،عیسائی ہیں یا کسی بھی اور مذہب سے تعلق رکھتےہیں سب قانونی لحاظ سے مساوی حقوق کے حامل ہیں ان کو ریاست پاکستان برابر حقوق فراہم کرنے کی پابند ہے۔ دو دن قبل قصور میں آئے ہندو برادری سے تعلق رکھنے والےجیکب آباد سندھ کے رہائشی چار افراد جن میں تین افراد کی پراسرار طور پر موت واقع ہوئی جبکہ ایک معجزانہ طور پر بیہوشی کی حالت میں پایا گیا۔ اس افسوسناک واقع سے بہت سی قیاس آرائیاں جنم لے رہی ہیں پورے ملک پاکستان میں خاص طور پر تاجر برادری میں ایک خوف کی فضا پیدا ہوئی ہے جو کہ غیر مناسب ہے۔انسانی حقوق کی عالمی تنظیم یوتھ اسمبلی فارہیومن رائٹس پاکستان اس واقعہ پر افسوس کا اظہار کرتے ہوئے مقتولین کے وارثان سے اظہار ہمدردی اور تعزیت کرتی ہے اورریاست پاکستان کے قانونی اداروں سے مطالبہ کرتی ہے کہ یہ افسوسناک واقعہ قانونی اداروں کے لیے ایک انتہائی اہم کیس ہے اور دو مذہبوں کے درمیان نفرت کا باعث بن سکتا ہے جس کے مکمل قانونی تقاضے پورے کر کے تفتیش کی جائے۔ اگر تو کھانے میں زہر جان بوجھ کر ڈالا گیاہے تو یہ ایک شرمناک حرکت کے ساتھ ساتھ بہت بڑا ظلم بھی ہے۔ اور ظالم کو اس جرم کی عبرتناک سزا ملنی چاہے۔ لیکن اگر ایسا جان بوجھ کر نہیں کیا گیا تو پھر بھی مقتول کے وارثان کو مطمئن کرنا قانونی اداروں کی ذمہ داری ہے اور انصاف حاصل کرنا ہر فرد کا بنیادی حق ہے۔ مقتولین کے وارثان کو مکمل انصاف فراہم کیا جائے۔