Author: ڈاکٹرغلام مصطفی بڈانی

ٹھٹھہ،باغی ٹی وی (نامہ نگار راجہ قریشی)ایک ماہ قبل اغواء ہونے والی 2 لڑکیاں بازیاب نہ ہوسکیں
تفصیل کے مطابق ایک ماہ قبل ٹھٹھہ سے اغوا ہونے والی گڈی دختر گل حسن ملاح اور نظراں دختر پنہوں ملاح کا ابھی تک پتا نہیں چلا، دونوں لڑکیوں کو ایک ماہ قبل رفیق کاتیار اور مشتاق سولنگی نے ورغلا کر اغواء کر کے گم کردیا تھا، شکائت سیل کے بعد عدالت سے دونوں ملزموں کے خلاف ایف آئی ار کا آڈر بھی آیا مگر پولیس بااثر افراد کے ڈر سے لڑکیوں کو برآمد نہیں کرپارہی ہے جبکہ لڑکوں کا خاندان ٹھٹھہ شہر میں ہی رہائیش پزیر ہے پھر بھی پولیس کوئی قدم نہیں اٹھا رہی ہے لڑکیوں کے والدین نے آئی جی سندھ ،ایس ایس پی ٹھٹھہ سے گزارش کی ہے کہ دونوں بچیوں کو برآمد کرکے دونوں ملزمان کو گرفتار کیا جائے

قصور،باغی ٹی وی(ڈسٹرکٹ رپورٹر)کے علاقہ کھڈیاں خاص میں اوباشوں نے لڑکی کو زیادتی کا نشانہ بنا ڈالا ۔تفصیل کے مطابق نواحی گاؤں نواں قلعہ کا رہائشی صفدر علی کی بیٹی ام حبیبہ بعمر 15 سال گھر سے کلینک پر کام کرنے کیلئے آئی جسے ملزمان شاہد وغیرہ نے نامعلوم مقام پر لے جا کر زیادتی کا نشانہ بنا ڈالا اور فرار ہو گئے ۔پولیس مصروف کارروائی ہے ۔

قصور،باغی ٹی وی(ڈسٹرکٹ رپورٹر )کھڈیاں خاص اور گردونواح میں دھڑا دھڑ ڈکیتی کی واردتیں شہری مال و زر سے محروم ۔تفصیل کے مطابق سکنہ کوٹ اعظم خاں قصور کا رہائشی محمد عمران میڈیکل سٹور ز سے ریکوری کر کے جا رہا تھا کھڈیاں طیبہ مسجد کے قریب ڈاکووں نے گن پوائنٹ پر نقدی 3لاکھ چھین لئے اسی طرح سرحدی گاؤں شخ سعد کالو والہ کا رہائشی محمد عاطف سے ڈھنگ شاہ اڈہ کے قریب ڈاکووں نے گن پوائنٹ پر نقدی 10ہزار و موبائل چھین لیا علاوہ ازیں محلہ باغوالہ کے رہائشی محمد سمیر سے اسٹیشن کے ڈاکو وں نے گن پوائنٹ پر ہزاروں نقدی وموبائل چھین کر فرار ہوگئے ۔پولیس مصروف کاروائی ہے ۔

ٹھٹھہ،باغی ٹی وی( نامہ نگار راجہ قریشی)مکلی عید گاہ کے قریب سیم نالے پر ڈکیتی،مزاحمت پرایک شخص زخمی
تفصیل کے مطابق مکلی عید گاہ کے قریب سیم نالے کے پاس ڈکیتی کی وار دات ،مزاحمت کرنے پر غلام علی ولد مٹھو زات لنڈ مکلی ہاشم آباد کالونی کا رہائشی گولی لگنے سے زخمی ہوگیا، کارسوار ڈکیت 75 ہزار روپے لوٹ کر فرار ہو گۓ ،زخمی کو سول اسپتال منتقل کردیاگیا ہے

ٹھٹھہ،باغی ٹی وی( نامہ نگار راجہ قریشی)سیلاب اور برسات متاثرین میں پھیلنے والی خطرناک وبائی امراض کے علاج اور ان کی روک تھام کے لئے ہلال احمر پاکستان کی طرف موبائل میڈیکل کیمپ جاری اب تک 15 ہزار مریضوں کاعلاج کیا جا چکا ہے،دو لاکھ سے زیادہ سیلاب متاثرین کے بحال ہونے کے بعد ان میں خطرناک بیماریاں پھیل گئیں جن میں ملیریا، ڈائیریا، گیسٹرو، ڈینگی اور اسکین کی بیماریاں شامل ہیں اچانک پھیلنے والی بیماریوں کے علاجکے لئے ہلال احمر پاکستان ٹھٹھہ کے چئیرمین حاجی حنیف میمن نے پورے ضلع میں میڈیکل کیمپ اور موبائل میڈیکل کیمپ لگانے شروع کردیے اور اب تک پندرہ ہزار سے زیادہ مریضوں کاعلاج ہوچکا ہے گاؤں نوہانی میں لگائے جانے والے میڈیکل کمیپ میں تین سو کے قریب مریضوں کا نا صرف علاج ہوا ہے بلکہ ان کو ادویات بھی دی گئیں ہیں اس کے علاوہ گرم کپڑے، جیکٹ، کمبل اور بچوں کے اسکول کا سامان بھی تقسیم کیا گیا میڈیکل کیمپ کے انچارج ڈاکٹر اقبال میمن سابق سول سرجن سول اسپتال ٹھٹھہ اور گھارو نے بتایا کہ زیادہ تر مریض نزلہ، زکام کھانسی بخار اور اسکین بیماریوں کے ہیں جن کاعلاج بھی کیا گیا ہے اور ادویات بھی دی گئی ہیں

ٹھٹھہ،باغی ٹی وی (نامہ نگار راجہ قریشی ) دوہفتے قبل گم ہونے والا شخص قتل،لاش برآمد
تفصیل کے مطابق سونڈا شہر کا رہائشی سید مہر علی شاہ دوہفتے قبل غائب ہو گیا تھا جس کی اطلاع پولیس کو دی گئی تھی،جس کے بارے میں کہیں سے کوئی اطلاع یامعلومات نہ مل سکیں لیکن آج اچانک اس کی لاش جھمپیر تھانے کے حدود سےملی جسے قتل کیاگیا تھا، سید مہر علی شاہ کو قتل کر کے کول مائنز کے کنویں میں پھینک دیا گیا، لاش ابھی تک کنوئیں میں موجود ہے جسے نکالا نہیں جاسکا،کیونکہ کنواں 150 فٹ سے بھی زیادہ گہرا ہے ،تھانہ جھمپیر پولیس نے تصدیق کی ہے کنویں میں موجود لاش سید مہر علی شاہ کی ہے ، قتل کے شبہ میں جھمپیر پولیس نے چانگ برادری کے دو آدمیوں کو گرفتار کرلیا ہے اور مزید تفشیش تحقیقات کاآغازکردیاگیا ، مقتول کے عزیز اقارب تھانہ میں موجود ہیں
معلومات کے مطابق مورخہ 21 دسمبر 2022 کو مقتول مہر علی شاہ ڈیوٹی کے لئے اپنے گھر سے گیا تھا لیکن گھر واپس نہیں پہنچاتھاجس کی اطلاع اس کے بھتیجوں نے پولیس کو دی اور شیر علی شاہ کی مدعیت میں نامعلوم ملزمان کے خلاف تھانہ جھمپیر پر مقدمہ نمبر 01/2023 سیکشن 365 ت۔پ کے تحت درج کرایا.ایس ایس پی ٹھٹہ عدیل حسین چانڈیو کی ہدایات پر ایس ایچ او تھانہ جھمپیر سب انسپیکٹر اختیار علی پنھور بمعہ اسٹاف نے انویسٹیگیشن کرکے 2 ملزمان غلام نبی غلام رسول چانگ اور نظر محمد ولد محمود چانگ کو گرفتار کرلیا۔
ابتداعی تفتیش کے دوران گرفتار ملزمان نے انکشاف کیا کہ مہر علی شاہ کو ہم نے اغواہ کرکے 70/80 ہزار روپے کیش چھین کر اسے قتل کرکے ولی بروہی ہوٹل کے قریب پرانی کوئلے کی کان میں پھینک دیا تھا۔پولیس نے گرفتار ملزمان کی نشاندہی پر جائے وقوعہ پر پہنچ کر لاش کو نکال لیا ہے۔ مزید تفتیش جاری ہے۔

چونیاں،باغی ٹی وی(نامہ نگار)الہ آباد کےمحلہ کوثر نور میں شارٹ سرکٹ کے باعث گھر میں آگ بھڑک اٹھی، گھر کا سارا سامان جل گیا،ریسکیو 1122 کی فائر بریگیڈ ٹیم نے آگ بھجائی۔ تفصیلات کے مطابق ،چونیاں کے علاقہ الہ آباد محلہ کوثر نور میں عبادت علی کے گھر شارٹ سرکٹ کے باعث آگ لگ گئی اور پلک جھبکتے سارے گھر کو اپنی لپیٹ میں لے لیا گھر کا سارا سامان جل کر خاکستر ہو گیا، گھر میں موجود افراد نے باہر کی طرف بھاگ کر اپنی جان بچائی کوئی جانی نقصان نہیں ہوا،ریسکیو 1122 کی فائر برگیڈ ٹیم نے پانی سے آگ کو ٹھنڈا کرکےآگ پر قابو پایا۔