Author: ڈاکٹرغلام مصطفی بڈانی

ننکانہ صاحب باغی ٹی وی ( نامہ نگار احسان اللہ ایاز) ڈی پی او ننکانہ سردار موارہن خان کا آصل پار میں سی پیک ہیڈ بلوکی سائٹ کا وزٹ، سیکیورٹی انتظامات کا جائزہ لیا، ڈی پی او کو فوجی افسران نے سی پیک ہیڈ بلوکی منصوبے کے متعلق بریفنگ دی سی پیک ہیڈ بلوکی منصوبے کے متعلق ڈی پی او ننکانہ اور فوجی افسران کی میٹنگ ہوئی۔ ڈی پی او ننکانہ نے سنائپرز کی تعداد بڑھانے اور کسی بھی ناگہانی صورتحال کے پیش نظر QRF کا رسپانس ٹائم کم سے کم رکھنے کی ہدایات جاری کیں مزید واچ ٹاورز پر تعینات عملے کو الرٹ رکھنے اور سی پیک منصوبے پر کام کرنے والے سویلین کی مناسب چیکنگ کے بعد SOPs کرنے کے متعلق ہدایت کی۔ ڈی پی او نے مزید کہا کہ سی پیک منصوبے پہ کام کرنے والے تمام سول سٹاف اور دیگر سروسز فراہم کرنے والے سٹاف کی سپیشل برانچ، آئی بی اور دیگر ایجنسیز سے ویریفیکیشن کروائی جائے مواصلاتی نظام کو مزید بہتر بنانے کے لیے لائحہ عمل اپنایا جائے۔ SPU اور دیگر محکموں کے ملازمین کی فہرست مرتب کر کے ان کے داخلے اور خارجہ اوقات کو درج رجسٹر کیا جائے۔ موقع پر موجود ڈی ایس پی سرکل بڑا گھر اور SHO تھانہ مانگٹانوالہ کو دیگر ایجنسیز کیساتھ ملکر منصوبہ کے ملحقہ دیہات میں کمبائن سرچ آپریشن کرنے کے احکامات جاری کیے۔ دریں اثناء میٹنگ کے اختتام پر سول اور فوجی انتظامیہ کے درمیان مضبوط روابط پر زور دیا گیا۔ دوسری جانب ڈی پی او نے سٹی ننکانہ میں چائینیز رہائشگاہ اور علاقہ تھانہ صدر ننکانہ میں گاؤں مارٹن پور دی وے آف ایگریکلچر چائینیز فارم کا وزٹ کیا۔ چائینیز سے ملاقات کی سیکیورٹی انتظامات چیک کیے اور ڈی ایس پی سرکل ننکانہ نواز ورک، ایس ایچ او تھانہ صدر ظفر فرید اور انچارج سیکیورٹی کو چائینیز سائٹ اور چینی باشندگان کی حفاظت کے لیے مثبت حکمت عملی تشکیل کرنے کی ہدایات جاری کیں

قصور،باغی ٹی وی (شبیر احمد بھٹی ڈسٹرکٹ رپورٹر)موومنٹ پاکستان کے مرکزی چیئرمین عابد حسین بودلہ نے میڈیا سے گفتگو کرتے ہوئے کہا ہے کہ تمام سیاستدان عوام سے جھوٹے وعدے کرتے ہیں اور اپنی تجوریاں بھرتے ہیں پاکستان کو لوٹنے میں تمام سیاستدانوں کا اہم کردار ہے پاکستان کا سب سے بڑا مسئلہ بجلی اور تیل ہے جس سے پاکستان کی معیشت کا پہیہ چلتا ہے عمران خان نے عوام سے بڑے دعوے کیے ضلع قصور میں محکمہ تعلیم میں درجہ چہارم کے 150 سے زائد بھرتیاں کی گئیں اس میں میرٹ کو مدنظر نہیں رکھا گیا جو بھی نام اوپر سے آئے ان تمام پر تقرریاں کردی گئی جس میں ملوث سی ای او ایجوکیشن قصور/ضلعی انتظامیہ اور اعلیٰ افسران ملوث ہیں ان کے خلاف نہ ہی تو ہائی کورٹ نے کوئی ایکشن لیا نہ سپریم کورٹ نے نہ کسی اور ادارے نے عوام کو ایسے ہی بے وقوف بنا کر اداروں کی تباہی کی جارہی ہے جس سے ملک بحرانوں میں ڈال دیا گیا ہے ڈاکٹر اے کیو خان موومنٹ پاکستان ہر گھر میں فری بجلی پیدا کرنے کے لیے پراجیکٹ لگانے کی صلاحیت رکھتے ہیں اور پاکستان کی آٹو موبائل فیکٹریاں میں اپنا اہم کردار ادا کرنے کی بھی صلاحیت رکھتے ہیں مرحوم ڈاکٹر عبدالقدیر خان نے پاکستان کے لیے بہت سے اہم پراجیکٹ میں مدد کرنے کی پیشکش کی لیکن کسی بھی سیاستدان نے ڈاکٹر قدیر خان کی خدمات سے استفادہ حاصل کرنے کے لیے پیشکش قبول نہیں کی تمام سیاستدان پاکستان کو لوٹنے کے چکر میں ہیں سب جھوٹے دعوے کر کے عوام کو بے وقوف بنا رہے ہیں عوام کو چاہیے کہ اپنے ٹیلنٹ سے ملکر پاکستان کی حفاظت کریں اور پاکستان کی ترقی کے لئے اپنی خدمات پیش کریں جس سے پاکستان خوشحال ہو سکتا ہے

ٹھٹھہ،باغی ٹی وی (نامہ نگار راجہ قریشی)ڈسٹرکٹ مانیٹرنگ افسر و ڈپٹی کمشنر ٹھٹھہ کا قانون نافذ کرنے والے اداروں کے ہمراہ حساس پولنگ اسٽيشنز کا دورہ، جاری پولنگ کے عمل، سیکورٹی اور دیگر معاملات کا جائزہ –
تفصیل کے مطابق ڈسٹرکٹ مانیٹرنگ افسر و ڈپٹی کمشنر غضنفر علی قادری نے ایڈیشنل ڈپٹی کمشنر ون ریاض حسین لغاری اور دیگر متعلقہ افسران اور قانون نافذ کرنے والے اداروں کے ہمراہ انتہائی حساس پولنگ اسٹیشنز ٹھٹھہ، مکلی، میرپور ساکرو بنھبھور سمیت ضلع کے مختلف پولنگ اسٹیشنز کا دورہ کرکے جاری پولنگ کے عمل، سیکورٹی اور دیگر معاملات کا جائزہ لیا- اس موقع پر انہوں نے پولنگ افسران اور عملے کو سختی سے ہدایت کرتے ہوئے کہا کہ بلدیاتی انتخابات کے عمل کو انتہائی صاف، شفاف، غیر جانبدارانہ اور منصفانہ طریقے سے پایہ تکمیل تک پہنچایا جائے- انہوں نے کہا کہ انتخابات کے عمل کو صاف و شفاف اور پر امن طریقے سے پایہ تکمیل تک پہنچانا ضلعی انتظامیہ کی اولین ترجیح میں شامل ہے- ڈسٹرکٹ مانیٹرنگ افسر و ڈپٹی کمشنر نے قانون نافذ کرنے والے اداروں اور پولیس افسران کو بھی ہدایت کی کہ پولنگ کے عمل کے مکمل ہونے تک امن و امان کو برقرار رکھنے کیلئے کوئی کسر نہ چھوڑی جائے- انہوں نے انہیں کہا کہ شر پسند عناصر پر کڑی نظر رکھی جائے جبکہ پولنگ کے عمل میں خلل ڈالنے والوں سے قانون کے مطابق سختی سے نمٹا جائے – اس موقع پر میڈیا سے گفتگو کرتے ہوئے ڈسٹرکٹ مانیٹرنگ افسر و ڈپٹی کمشنر غضنفر علی قادری نے کہا کہ ضلع ٹھٹھہ ہمیشہ پر امن ضلع رہا ہے اور ابتک کہیں سے بھی ناخوشگوار واقعہ کی اطلاعات موصول نہیں ہوئی ہے – انہوں نے کہا کہ الیکشن کمیشن، قانون نافذ کرنے والے اداروں اور دیگر تمام متعلقہ اداروں کے بہتر تعاون کے ساتھ بلدیاتی انتخابات خوشگوار اور پر امن ماحول میں پایہ تکمیل تک پہنچ جائے گا –

اوکاڑہ، باغی ٹی وی( رپورٹ ملک ظفر) اوکاڑہ بار کے کانٹے دار مقابلہ کے بعد صدر میاں طلعت حسین منتخب ۔
اوکاڑہ ڈسٹرکٹ بار ایسوسی ایشن اوکاڑہ کے کانٹے دار مقابلے کے بعد میاں طلعت حسین صدر جبکہ جنید کھچی جنرل سیکرٹری بار اوکاڑہ 2023 منتخب ہوگئے اوکاڑہ بار الیکشن کے مکمل نتائج کا اعلان کر دیا گیا میاں طلعت حسین ایڈووکیٹ 725 ووٹ لیکر صدر منتخب ہو جنید کھچی ایڈووکیٹ 751 ووٹ لے کر سیکرٹری بار منتخب سینیئر نائب صدر رافعہ تبسم ایڈووکیٹ 657، نائب صدر رائے آفتاب احمد ایڈووکیٹ 655، جوائنٹ سیکرٹری چوہدری علی زیب ایڈووکیٹ 793، فنانس سیکرٹری عابد شہزاد ایڈووکیٹ 727، لائبریری سیکرٹری ملک ممتاز ریحان ایڈووکیٹ 713 اور آڈیٹر بار عتیق صدیق 717 ووٹ لے کر کامیاب ہوگئے رزلٹ انائونس ہوتے ہی اوکاڑہ بار میں جشن کا سماں وکلا حضرات کا ڈھول کی تھاپ پر بھنگڑے اور منتخب امیدواران کو مبارکباد کا سلسلہ جاری ہے۔

قصور،باغی ٹی وی (نامہ نگار طارق نوید سندھو)قصور کے ڈسٹرکٹ ہیڈ کوارٹر کے سینئر لیب ٹیکنیشن ایڈووکیٹ غلام صابر صاحب کو ڈی ایچ کیو ہسپتال قصور کا لیگل ریپریزینٹیٹو (قانونی نمائندہ) بننے پر سینیئر صحافی عباس علی بھٹی, طارق نوید سندھو, علی شیر سندھو, شبیر سندھو,بابر گل , اکبر صاحب نے گلدستہ پیش کیا نیک تمناؤں کا اظہار کیا اور مبارکباد پیش کی۔

راجن پور ،باغی ٹی وی(نامہ نگارکنور اویس) ڈسٹرکٹ بار ایسوسی ایشن کے سالانہ انتخابات، کنور جمال اختر ایڈووکیٹ صدر بار جبکہ اورنگزیب مشوری ایڈووکیٹ جنرل سیکرٹری منتخب ہوگیے تفصیلات کے مطابق ڈسٹرکٹ بار ایسوسی ایشن کے سالانہ انتخابات کے لئے پولنگ صبح نو بجے سے شام چار بجے تک جاری رہی نتائج کے مطابق کنور جمال اختر ایڈووکیٹ نے 377جبکہ ان کے مدمقابل عباداللہ انجم ایڈووکیٹ نے 148 ووٹ حاصل کئے اسی طرح اورنگزیب مشوری ایڈووکیٹ نے 277 جبکہ ان کے مدمقابل عمران ستار رحمانی ایڈووکیٹ نے 243 ووٹ حاصل کئے.