Author: ڈاکٹرغلام مصطفی بڈانی

ٹھٹھہ،باغی ٹی وی (نامہ نگار راجہ قریشی)آٹے کا بحران، سندھ ترقی پسند پارٹی کا ڈی سی آفس کے سامنے احتجاجی کیمپ
تفصیل کے مطابق آٹے کے بحران کے خلاف سندھ ترقی پسند پارٹی ٹھٹھہ کا ضلعی چئیرمین سید جلال شاہ کی قیادت میں ڈی سی آفس کے سامنے احتجاجی کیمپ،احتجاج میں ضلعی رہنما ناتھو خان بروھی، جمیل سموں، راجو قریشی، عثمان ہنگورجو،صاحب دیو سومرو، کریم بروھی اور دیگر کارکن شریک
پورے سندھ کی طرح ٹھٹھہ میں بھی جان بوجھ کر آٹے کا بحران پیدا کیا گیا ہے ،عام مارکیٹ سے آٹا غائب کردیا گیا ہے 150 روپے کلو آٹا غریب اور کی عام محنت کش کی پہنچ سے باہر ہوگیا ہے جلال شاہ کاخطاب ،آٹے کی قیمت کم کرکے سرکاری نرخ پر اٹے کی ترسیل یقینی بنائی جائے مقررین

ٹھٹھہ.باغی ٹی وی( نامہ نگار راجہ قریشی)ایس ایس پی اور ڈپٹی کمشنرکی سربراہی میں فلیگ مارچ
تفصیل کے مطابق فلیگ مارچ کی سربراہی ایس ایس پی ٹھٹہ عدیل حسین چانڈیو اور ڈپٹی کمشنر ٹھٹہ غضنفر علی قادری نے کی جس میں ضلع کے تمام اسسٹنٹ کمشنرز ایس ڈی پی اوز، ایس ایچ اوز، انچارج مددگار 15 سمیت متعلقہ افسران و جوان شریک ہوۓ۔
فلیگ مارچ ایس ایس پی آفس ٹھٹہ سے شروع ہو کر ٹھٹھہ، مکلی کے مختلف علاقوں سے ہوتا ہوا گجو، گھارو دھابیجی، ساکرو سے واپس ایس ایس پی آفس پر اختتام پذیر ہوا اس کے علاوہ ضلع بھر میں تمام SDPOs نے فلیگ مارچ کی سربراہی کی۔اس موقع پر ایس ایس پی ٹھٹھہ اور ڈی سی ٹھٹھہ نے کہا کہ فلیگ مارچ کا مقصد بلدیاتی الیکشن کے دوران ضلع بھر میں امن و امان کی فضا کو برقرار رکھنا اور قانون کی پاسداری کرنا، بلدیاتی الیکشن پر سیکیورٹی کو یقینی بنانا ہے .ایس ایس پی ٹھٹھہ نے کہا کہ ضلع بھر میں بلدیاتی الیکشن کے سلسلے میں ضلع بھر امن وامان کی فضا کو قائم رکھنے کیلئے ٹھٹھہ پولیس الرٹ ہے اس کے علاوہ ضلع ٹھٹھہ کے خارجی و داخلی راستوں پر سختی سے سنیپ چیکنگ جاری ہے تاکہ کوئی ناخوشگوار واقعہ پیش نہ ہو۔

ڈیرہ غازی خان،باغی ٹی وی(نامہ نگارشہزادخان) شہر میں کارپوریشن کے نادہندگان کی 11 دکانیں سربمہر کردی گئیں۔غیر قانونی عمارتیں بھی سیل ہوں گی۔کمشنر خالد منظور نے اجلاس کی صدارت کرتے ہوئے موئثر آپریشن کےلئے خصوصی سکواڈ بھی تشکیل دے دیا۔روزانہ کی بنیاد پر کارروائی اور واجبات کی وصولی رپورٹ طلب کرلی۔کارپوریشن افسران کے تحریری اجازت کے بغیر سٹیشن چھوڑنے پر بھی پابندی عائد کردی ،
کمشنر ڈیرہ غازی خان ڈویژن خالد منظور کی زیر صدارت کارپوریشن کے مسائل سے متعلق اجلاس منعقد ہوا جس میں ڈائریکٹر ڈویلپمنٹ وسیم اختر جتوئی ،چیف آفیسر کارپوریشن جواد الحسن گوندل،اے سی جی حیات اختر ،ایکسئین ہائی ویز ہمایوں مسرور،ایس ڈی او طاہر عزیز،میونسپل آفیسرز محمد اویس سرور،تنویر عالم،ذیشان فرید،ایس ڈی او پبلک ہیلتھ حمید کھوسہ اور دیگر موجود تھے کمشنر خالد منظور نے کہا کہ کارپوریشن کے افسران موبائل فون بند نہیں رکھیں گے،سرکاری فرائض کی انجام دہی میں عدم دلچسپی برداشت نہیں ہوگی ،غیر قانونی تعمیرات پر نوٹسز دئیے جائیں۔دکانیں،واٹر سپلائی،سیوریج اور دیگر واجبات کی سو فیصد وصولی کےلئے ملکر کام کیا جائے۔ملازمین کی ملی بھگت پر کارروائی کریں گے۔کمشنر خالد منظور نے کہا کہ میونسپل سروسز کی بہتری اولین ترجیح ہونی چاہیئے۔اجلاس میں کارپوریشن کی آمدن ،اخراجات کی جانچ پڑتال اور دیگر معاملات کا جائزہ لیا گیا ۔

ڈیرہ غازی خان،باغی ٹی وی (نامہ نگارشہزادخان ) صحافی نہ صرف معاشرے جبکہ دفتر میں بیٹھے افسران کی آنکھ کی حیثیت رکھتا ہے، مظلوم کی آواز بن کر انکی آواز ارباب اختیار تک پہنچانا صحافیوں کی ذمہ داریوں میں شامل ہے، پریس کلب ڈیرہ غازی خان میں آکر عہدیداروں اور صحافیوں سے ملکر خوشی ہوئی، صحافیوں کی نشاندھی سے ہماری معلومات میں اضافہ کر سکتے ہیں ایس پی سٹی ایاز خان کی پریس کلب ڈی جی خان آمد صحافیوں نے شاندار استقبال کیا صدر پریس کلب بخت خان کھوسہ صدر انجمن صحافیان مصطفی لاشاری سمیت صحافیوں کی کثیر تعداد شریک صحافی معاشرے کی آنکھ اور کان ہے صحافیوں کی نشاندہی پر پولیس بھرپور کاروائیاں کریگی اے ایس پی کی صحافیوں کو یقین دہانی تفصیل کے مطابق پریس کلب ڈیرہ غازی خان میں صحافیوں کی جانب سے اے ایس پی سٹی ایاز خان موسی خیل کے اعزاز میں ٹی پارٹی کاانعقاد کیاگیا اے ایس پی سٹی ایاز خان کے پریس کلب آمد پر صدر پریس کلب بخت محمد کھوسہ صدر انجمن صحافیان مصطفی خان لاشاری نے استقبال کیا پارٹی میں سابق صدر پریس کلب شیرافگن بزدار ،محمد حسین ازاد، محمدامین کھلول،عرفان مجید خٹک،فخرالزمان لکھیسر محمد حسنین کھوکھر. عبدالرازق کھوسہ، عابد یحیی، غنی کھوسہ، اختر کھوسہ، حافظ نبی، آزاد بلوچ، چوہدری شکیل، شہزادخان سمیت صحافیوں کی کثیر تعداد نے شرکت کی اے ایس پی سٹی ایاز خان موسی خیل نے صحافیوں سے گفتگو کرتے ہوئے کہا صحافی معاشرے کی آنکھ اور کان ہے صحافیوں کی نشاندہی پر پولیس کی جانب سے کاروائیاں کرنا ہماری اولین ترجیع ہے انشاء اللہ صحافیوں کے مسائل پہلی فرست میں حل کرونگا انہوں نےکہا صحافیوں کے مسائل کے حل کےلئے پولیس کمیٹی بنائی جارہی ہے جو صحافی ہر ہونے والے ظلم زیادتیوں تشدد پر کاروائیاں کرینگے اور پہلی فرست میں انصاف فراہم کریگی

قصور (نامہ نگار طارق نوید سندھو)باغی ٹی وی کی گیارہویں سالگرہ کے موقع پر کیک کاٹنے کی تقریب
ٹفصیل کے مطابق باغی ٹی وی کی گیارہویں سالگرہ کے موقع پر کیک کاٹا جس میں عطامحمد قصوری صدر ڈسٹرکٹ پریس کلب قصور وائس چیئرمین لوکل گورنمنٹ ڈسٹرکٹ قصور, عاطف سعید الرحمن مسلم لیگ ن , محمد عامر بھٹی ایڈووکیٹ , سینئرصحافی عباس علی بھٹی, عابد علی بھٹی, عمران علی بھٹی, علی شیر سندھو, حسنین بھٹی صدر نیشنل پریس کلب کھڈیاں, انس علی بیوروچیف A1 TV قصور, میاں شہزاد صدر پی ٹی آئی قصور, حافظ نعمان حمید قصوری سوشل میڈیا پی ٹی آئی قصور و سیاسی و سماجی شخصیات نے شرکت کی، اس موقع پر باغی ٹی وی کے CEO اور سینئر صحافی جناب مبشر لقمان صاحب ،ایڈیٹر جناب ممتاز حیدر اعوان صاحب اور انچارج نمائندگان ڈاکٹر غلام مصطفیٰ بڈانی سمیت باغی ٹی وی کی پوری ٹیم کو مبارکباد پیش کی اور قصور میں عوامی مسائل کو اجاگر کرنے پر نامہ نگار طارق نوید سندھوکو خراج تحسین پیش کیا-