Author: ڈاکٹرغلام مصطفی بڈانی

قصور،باغی ٹی وی(نامہ نگار طارق نوید سندھو) قصور کےنواحی گاؤں مان میں اہلیان دیہہ سرکاری موٹروں و واٹر فلٹریشن پلانٹس سے حاصل ہونے والے صاف پانی کی بجائے گندہ پانی پینے پر مجبور
تفصیلات کے مطابق قصور کے نواحی گاؤں مانانوالہ میں گورنمنٹ کی طرف سے کروڑوں روپیہ لگا کر عوام کو واٹرفلٹریشن پلانٹس لگا کر پینے کے لئے صاف پانی مہیا کیا گیا تھا تاکہ لوگ صاف شفاف پانی پئیں اور بیماریوں سے محفوظ رہیں مگر ان واٹر فلٹریشن پلانٹس کا عوام کو پانی پینا نصیب نہیں ہوسکا کیونکہ سرکاری موٹروں اور فلٹریشن پلانٹس کو تالے لگے ہوئے ہیں جس کے باعث اہلیان علاقہ آلودہ پانی پینے پر مجبور ہیں اور مختلف بیماریوں کا شکار ہو رہے ہیں. اہلیان علاقہ نے ڈپٹی کمشنر قصور سے استدعا کی ہے کہ واٹر فلٹریشن پلانٹ کو چلوایا جائے تاکہ لوگ پینے کا صاف پانی حاصل کر سکیں.

حیدرآباد(باغی ٹی وی)حیدرآباد میں کل 15 جنوری کو ہونے والے بلدیاتی انتخابات میں کل ووٹرز کی تعداد 1053121 ، مرد ووٹرز کی تعداد 574219 اور خواتین ووٹرز کی تعداد 478902 ہے ،پولنگ اسٹیشنوں کی تعداد 732مرد پولنگ اسٹیشنوں کی تعداد 159 ، خواتین پولنگ اسٹیشنوں کی تعداد 160 اور مشترکہ پولنگ اسٹیشنوں کی تعداد 403 ہے -حیدرآباد میں ان بلدیاتی الیکشن میں حصہ لینے والے کل امیدواروں کی تعداد 2551 ہے،بلا مقابلہ منتخب ہونے والے چیرمین و وائیس چئیرمین کی تعداد 26 جبکہ بلا مقابلہ جنرل ممبرز کی تعداد 141 ہے ،کل بلا مقابلہ منتخب ہونے والے چئیرمین، وائیس چئیرمین و جنرل ممبرز کی تعداد 167 ہے، انتقال کرنے والے امیدواروں کی تعداد 10 ہے،انتقال کیے جانے والے چئیرمین و وائیس چئیرمین کی تعداد 5
اور جنرل ممبرز کی تعداد 5 ہے-
حیدرآباد میں الیکشن لڑنے والے ٹوٹل جنرل ممبرز کی تعداد 1873 ٹوٹل چیئرمینز و وائیس چئیرمین کی تعداد 678 ہے ،کل پولنگ اسٹیشنز کی تعداد 732 ، حساس پولنگ اسٹیشنز کی تعداد 513 اورانتہائی حساس پولنگ اسٹیشنز کی تعداد 219 ہے

ٹھٹھہ،باغی ٹی وی( نامہ نگار راجہ قریشی) ریجنل الیکشن کمشنر کا مختلف ڈسپیچ سینٹرز کا دورہ
تفصیل کے مطابق ڈسٹرکٹ رٹرننگ آفیسر و ریجنل الیکشن کمشنر ٹھٹھہ ڈویژن عبدالرحمان آرائیں نے تحصیل ٹھٹھہ، گھوڑاباری اور میرپور ساکرو سمیت ديگر مختلف ڈسپیچ سینٹرز کا دورہ کرکے الیکشن مٹیریل کی ترسیل کا معائنہ کیا اور تمام صورتحال کا جائزہ لیا۔ اس موقع پر انہوں نے کہا کہ صاف، شفاف، منصفانہ اور غیر جانبدار انتخابات کرانا الیکشن کمیشن کی ذمہ داری ہے۔ انہوں نے کہا کہ تقریبآ ضلع کے تمام پولنگ اسٹیشنز پر مقرر عملہ اور پولنگ مٹیریل کی ترسیل ہو چکی ہے۔ ان کا کہنا تھا کہ ضلع میں انتخابی سامان دینے کے لیے 5 پوائنٹس بنائے گئے ہیں، بلدیاتی انتخابات کے لیے 320 پولنگ اسٹیشنز بھی قائم کیے گئے ہیں۔ انہوں نے بتایا کہ ٹھٹہ میں 43 خواتین، 45 مردوں اور 232 مشترکہ پولنگ اسٹیشنز قائم کیے گئے ہیں تاکہ ضلع میں انتخابات کو پایہ تکمیل تک پہنچایا جا سکے۔ بعد ازاں ڈسٹرکٹ رٹرننگ آفیسر و ریجنل الیکشن کمشنر ٹھٹھہ ڈویزن عبدالرحمان آرائیں نے ضلع میں قائم مختلف پولنگ اسٹیشنز کا دورہ کرکے سیکیورٹی سمیت دیگر تمام امور کا جائزہ بھی لیا۔

گوجرہ ،باغی ٹی وی(نامہ نگار عبدالرحمن جٹ )آج گوجرہ بار ایسوسی ایشن کے الیکشن کا انعقاد کیا گیا جس میں اتحاد گروپ کی جانب سے محمد توقیر اشرف خان امیدوار برائے صدر علی رضا مہالہ برائے سیکرٹری سید ایاز اکرم برائے جوائنٹ سیکریٹری اور رانا محمد افضل نظامی برائے فنانس سیکرٹری امیدوار تھے ان کے بلمقابل الائیڈ گروپ کی جانب سے محمد وقاص خان مہوٹہ برائے صدر جنید شفیق برائے سیکرٹری رانا شاہد برائے نائب صدر امیدوار تھے اتحاد گروپ کے تمام امیدوار بھاری اکثریت سے کامیاب ہوئے

ٹھٹھہ،باغی ٹی وی ( نامہ نگار راجہ قریشی) ٹھٹھہ میں 15 جنوری کو ہونیوالے انتخابات کے حوالے سے تیاریاں مکمل کرلی گئی ہے 20 یوسیز کے 152 امیدوار بلا مقابلہ کامیاب قرار پائے ہیں 20 یوسیز میں مقابلے کی توقع ہے ٹھٹھہ ضلع کے دو ٹائون کمیٹیاں گھوڑاباری اور گاڑھو میں پی پی پی کے حمایت یافتہ امیدوار بلا مقابلہ کامیاب ہوئے ہیں میونسپل کمیٹی کے ٹھٹھہ کی 9 نشستوں میں سے 2 نشستوں پر پی پی پی امیدوار بلا مقابلہ کامیاب ہوئے ہیں تاہم 7 نشستوں پر پی پی پی۔جماعت اسلامی ۔پی ٹی آئی کے امیدواروں کے درمیان مقابلہ ہے، ٹائون کمیٹی مکلی کے 7 نشستوں میں سے 4 نشستیں پی پی پی کے امیدواروں نے بلا مقابلہ اپنے نام کرلی ہیں تاہم باقی 3 نشستوں پر پی پی پی قومی عوامی تحریک اور جماعت اسلامی کے امیدواروں کے درمیان مقابلہ ہے ،ان نشستوں پر پی پی پی کے امیدواروں کی کامیابی کے امکانات زیادہ ہیں، ضلع کی 40 ضلع کونسل کی نشستوں پر پی پی پی کے 20 امیدوار بلا مقابلہ کامیاب ہوچکے ہیں باقی 20 ضلع کونسل کی نشستوں پر پی پی پی، آزاد امیدوار، جی یوآئی، پی ٹی آئی کے امیدواروں کے درمیان دنگل ہوگا ضلع کی 40 یوسیز کے چیئرمن اور وائس چیئرمن کے جوڑوں میں سے 17 نشستوں پر پی پی پی امیدوار بلامقابلہ کامیاب ہوچکے ہیں ضلع کی 40 یوسیز کے جنرل کونسلر کے 160 نشستوں میں سے 102 امیدوار بلامقابلہ کامیاب قرار پائے ہیں تاہم 58 نشستوں پر مقابلوں کی توقع ہے اس حوالے سے ضلعی انتظامیہ نے تمام تیاریاں مکمل کرلی ہیں، ضلع میں 412 امیدواروں کے بلا مقابلہ کامیابی کے بعد مجموعی طور 270 پولنگ اسٹیشنز قائم کیے گئے ہیں الیکشن کمیشن ٹھٹھہ کی جانب سے پولنگ اسٹیشنز پر پریزائیڈنگ آفیسر اور اسسٹنٹ پریزائیڈنگ آفیسر سمیت 3 ہزار 300 پولنگ عملہ تعینات کیا گیا ہے ٹھٹھہ ضلع میں ٹوٹل ووٹوں کی تعدار 5 لاکھ 22 ہزار 515 رجسٹرڈ ہے مرد ووٹر کی تعداد 2 لاکھ 88 ہزار 278 ہے خواتین ووٹر کی تعداد 2 لاکھ 34 ہزار 237 ہے ضلع کے 270 پولنگ اسٹینز میں سے 31 پولنگ اسٹینز کو انتہائی حساس قرار دیا گیا ہے باقی 239 پولنگ اسٹینز کو حساس قرار دیا گیا ہے
دوسری طرف ڈسٹرکٹ رٹرننگ آفیسر و ریجنل الیکشن کمشنر ٹھٹھہ ڈویژن عبدالرحمان آرائیں نے اپنے ایک جاری کردہ بیان میں کہا ہے کہ بلدیاتی انتخابات 2022-23 (دوسرا مرحلہ) کے حوالے سے الیکشن کمیشن آف پاکستان کی جانب سے جاری کردہ ضابطہ اخلاق کی شق 17 کے مطابق تمام اسٹیک ہولڈرز، سیاسی جماعتوں، مقابلہ کرنے والے امیدواروں، الیکشن ایجنٹس اور ان کے حامیوں کو مطلع کیا جاتا ہے کہ مقررہ تاریخ کے بعد یعنی پولنگ شروع ہونے سے 48 گھنٹے پہلے ہر قسم کی انتخابی مہم پر مکمل پابندی ہوگی، کوئی امیدوار یا پارٹی رہنما اجتماعات یا کارنر میٹنگز سے خطاب نہیں کرے گا اور نہ ہی جلوس نکالے گا۔ انہوں نے کہا ہے کہ سیاسی جماعتیں اور امیدوار قانون کی شق پر عمل کریں اور احتیاط برتیں تاکہ مورخہ 15- جنوری 2023 بروز اتوار کو انتخابات پرامن طریقے سے ہو سکیں۔ انہوں نے مزید کہا ہے کہ جو سیاسی رہنما اور جماعتیں قواعد کی خلاف ورزی کریں گی ان کے خلاف قانونی کارروائی کی جائے گی۔

ضلع ٹھٹھہ میں بلدیاتی الیکشن کے دوسرے مرحلے میں انتخابی عملے کو سامان مہیا کردیا گیااور عملہ سامان لیکر پولنگ اسٹیشن پر روانہ ہوگیا ہے ڈپٹی کمشنر ٹھٹھہ غضنفر علی قادری نے کہا کہ ہر پولنگ اسٹیشن پر تمام سہولیات مہیا کردی گئیں ہیں جس میں پینے کا پانی ، صفائی اور سی سی ڈی کیمرہ کی تنصیب شامل ہے انہوں نے کہا کہ ٹھٹھہ میں لاء اینڈ ارڈر کی پوزیشن نارمل ہے پھر بھی تمام حفاظتی انتظامات مکمل ہیں

ننکانہ صاحب باغی ٹی وی (نامہ نگار احسان اللہ ایاز )ڈپٹی کمشنر احمرنائیک نے بچوں کو قطرے پلاکر پولیو مہم کا باقاعدہ افتتاح کردیا
ننکانہ صاحب پٹی کمشنر احمر نائیک نے بچوں کو قطرے پلا کر پولیو مہم کا باقاعدہ افتتاح کر دیا سی ای او ہیلتھ ڈاکٹرمحمد راشد ،ایم ایس ڈاکٹر قیصرنواز چن و دیگر افسران بھی اس موقع پر موجودبچوں کو پولیو و دیگر مہلک بیماریوں سے بچانا حکومت پنجاب کی اولین ترجیح ہےانسداد پولیو مہم کی کامیابی کے لیے تمام ممکنہ وسائل کو بروئے کارلایا جائےوالدین ،اساتذہ اور علمائے کرام وطن عزیز سے پولیو کے خاتمے کے لیے حکومتی کوششوں کا حصہ بنیں 16تا20جنوری تک ضلع بھر میں پولیو مہم جاری رہے گی پولیو مہم کے دوران 02لاکھ 62ہزار02سو72 بچوں کو پولیو کے قطرے پلائیں جائیں گے پولیو مہم کے دوران 1302 ٹیمیں بچوں کو قطرے پلانے کا قومی فریضہ انجام دیں گی

ٹھٹھہ،باغی ٹی وی( نامہ نگار راجہ قریشی)باغی ٹی وی کے نامہ نگار کے بیٹےکی میٹرک امتحان میں پہلی پوزیشن،تقریب میں منظور خشک کی شرکت
تفصیل کے مطابق ٹھٹھہ شہر میں باغی ٹی وی کے نامہ نگار اطہراحمد راجہ قریشی کے بیٹے ایان قریشی کی میٹرک کے امتحانات میں فرسٹ پوزیشن آنے کی خوشی میں ایک پروقار تقریب منقعد کی گئی جس میں مسلم لیگ ن کے نائب صدر سندھ رئیس منظور خشک نے شرکت کی اور سٹی صدر ناتھو کنبھار، حمید میمن سیشن کورٹ ٹھٹھہ ،سيد سونو شاہ شیرازی،سید آغا پیر ڈنو شاہ شیرازی، حاجی جمیل ٹکانی، ٹھٹھہ تاجر اتحاد کے سرپرست حاجی وسیم اختر ٹکانی، شبیع الحسین قریشی، محمد فیصل قریشی، خلیل اختر ٹکانی ، محمد سجیل قریشی، مکلی پریس کلب کے صدر احمد خان خشک ، مکلی پریس کلب ممبر واحد شورو ،ننگر پبلک پریس کلب کے بانی حیدر جویو ، عوامی پریس کلب ٹھٹھہ کے ممبر ڈی بی ناہیو ،پاکستان پیپلز پارٹی سٹی صدر عزیز میمن اور ٹھٹھہ شہر کے معززین نے شرکت،ان کے علاوہ ایان قریشی کی تقریب میں عزیز واقارب بھرپور شرکت کی اورمیٹرک امتحان میں شاندار کامیابی پر مبارک باد پیش کی.