Author: ڈاکٹرغلام مصطفی بڈانی

چونیاں،باغی ٹی وی (نامہ نگار)سیا سی جماعتوں نےآپس کی لڑائی میں ملک دیوالہ نکال دیا معیشت بری طرح تباہ ہو چکی،
آزاد ریاست کا تصور ختم ہوچکا اورسب سےبڑھ کرریاست عوام کو خوراک مہیا کرنے میں بری طرح ناکام ہوگئی۔ میاں عدیل اشرف،بابر سلہری
تفصیلات کیمطابق انسانی حقوق کی عالمی تنظیم یوتھ اسمبلی فارہیومن رائٹس پاکستان کے مرکزی صدر بابر سلہری اور ایگزیکٹیو ممبر میاں عدیل اشرف نے میڈیا سے گفتگو کرتے ہوئے کہا کہ ملک تباہی کے دھانے پر ہے بیرونی طاقتیں اپنے مقاصد میں کامیاب ہو رہی ہندوستان اور ملک مخالف طاقتوں کا ایجنڈا ملک پاکستان کی معیشت کو تباہ و برباد کرنا تھا اور وہ کامیاب ہوچکے ہیں۔ آج ملک بینک کرپٹ ہونے کے قریب ہے،عوامی بنیادی حقوق کے ساتھ اب عوام کے لیے آٹا نایاب ہو گیا ہے۔ ریاست اپنا کر دار ادا کر نے میں بری طرح ناکام ہوگئی سیاسی جماعتیں آپس کی لڑائی میں اپنا اصل مقصد کھو چکی ہیں۔ آئین پاکستان کیمطابق عدالتیں عوام کے بنیادی حقوق کو تحفظ فراہم کر تی ہیں مگر ملک پاکستان میں آجکل عدالتیں صرف حکومت بنانے اور ہٹانے کا کام کررہی ہیں۔ کوئی عدالت بنیادی انسانی حقوق کے تحفظ پر ایکشن نہیں لے رہی۔ پارلیمنٹ سپریم ادارہ ہے مگر حکمرانوں نے آپس کی لڑائی میں پارلیمنٹ کا تقدس کو پامال کر دیا ہے۔ اس ملک میں پارلیمنٹ کے فیصلے عدالتیں کرتی ہیں اور حکمران اپنے کرپشن کیسز ختم کرنے اور اپوزیشن سے لڑائی لڑنے میں مصروف ہیں۔ علامہ اقبال کا آزاد ریاست کا تصور ختم ہوچکا ہے۔ ملکی عوام کو سب سے زیادہ خطرہ حکمرانوں اور عدالتوں سے ہے۔ عوام کو اپنے حقوق اور ملک کی بہتری کے لیے میدان میں آنے کی ضرورت ہے۔

ننکانہ صاحب (احسان اللہ ایاز) گذشتہ روز باغی ٹی وی کی 11 ویں سالگرہ کے موقع پر ننکانہ صاحب میں سینئر صحافیوں کی موجودگی میں کیک کاٹنے کی ایک پر وقار تقریب کا انعقاد کیا گیا تفصیلات احسان اللہ ایازکی اس ویڈیو رپورٹ میں

ٹھٹہ،باغی ٹی وی (نامہ نگار راجہ قریشی)1962 سے چلنے پرائمری سکول میں 6 سال سے کوئی ٹیچرتعینات نہ ہوسکا،سکول بند
تفصیل کے مطابق گورنمنٹ بوائز پرائمریسکول اوٹارکی جاگیر یو سی کرمپور تحصیل میرپور ساکرو ضلع ٹھٹھہ جوکہ 1962 سے تدریس کاسلسلہ جاری تھا لیکن گذشتہ 6 سال سے سکول میں کوئی ٹیچر تعینات نہ ہو سکا ہے،سکول عمارت بھی زبوں حالی کا شکار ہے ، 2018 سے بچوں کی تعلیم حاصل کرنے سے محروم ہیں، جس وجہ سے گاؤں والوں نے پولیو مہم سے بائیکاٹ کر دیا تھا اور ایم این اے صادق میمن ، اسٹنٹ عبداللہ ، ڈی او ایجوکیشن ٹی پی میرپور ساکرو سے بھی شکایت درج کروائی مگر کوئی عمل نہیں ہوا اس وقت وہاں کے مقامی رہائشی ایس ایم سی چیئرمین شریف بلوچ اپنی مدد آپ کے تحت 45 طلباء وطالبات کو تعلیم دے رہا ہے، فرنیچر نہ ہونے کی وجہ سے بچوں کو تعلیم فرش پربٹھا زیورتعلیم سے آراستہ کررہاہے ، گاؤں والوں نے سی ایم سندھ مراد علی شاہ ، وزیر تعلیم سردار شاہ ، ڈپٹی کمشنر غضنفر علی قادری سے نوٹس کا مطالبہ کرتے ہوئے کہا ہمارے اسکول میں استاد مقرر کیا جائے بچوں کی تعلیم محروم ہونے سے بچایاجائے-

ٹھٹھہ باغی ٹی وی( نامہ نگار راجہ قریشی) الیکشن کمیشن کاکمال ،گونگے بہرے ملازم کو پولنگ آفیسر تعینات کر دیا۔
تفصیل کے مطابق مقامی الیکشن کمیشن نے خانہ پوری کرتے ہوئے معذور کوٹہ پر بھرتی ہونے والے گونگے بہرے ملازم کو پولنگ آفیسر تعینات کر دیا۔ ٹھٹھہ میں 15 جنوری کو ہونے والے بلدیاتی انتخابات میں ریٹرننگ آفیسر ٹھٹھہ محمد الرحیم سومرو کی جانب سے محکمہ صحت کے ملازم ذوالفقار علی واریو کو گورنمنٹ پرائمری سکول عثمان ہیجب میں پولنگ آفیسر مقرر کر دیا ہے، جو کہ وہ بول یا پڑھ نہیں سکتا، جو معذور کوٹہ پر بھرتی ہوا ہے، الیکشن کمیشن کے اعلیٰ حکام اس معاملے کا فوری نوٹس لینا چاہیے، کیونکہ پولنگ آفیسر کا کام فہرست دیکھ کر ووٹ ڈالنے والے ووٹر کا نام پکارتا ہے لیکن انتظامیہ نے گونگے بہرے شخص کو تعینات کر دیا ہے، جس پر عوام نے حیرت کا اظہار کیا ہے۔