Author: ڈاکٹرغلام مصطفی بڈانی

گوجرہ،باغی ٹی وی (نامہ نگار) غیرقانونی دکانوں کی تعمیرکے دوران تاریخی مندرکی چھت گرگئی
تفصیل کے مطابق گوجرہ میں غیرقانونی دکانوں کی تعمیر کے دوران تاریخی مندر کی چھت گرنے سے ایک خاتون اور بچہ زخمی ہوگیا۔رپورٹ کے مطابق تقسیم ہند سے قبل کے تاریخی مندر کے عقب میں غیر قانونی دکانوں کی تعمیر جاری تھی کہ مندرکی چھت گرگئی۔چھت گرنے سے مندرمیں غیر قانونی طور ہر رہائش پذیر خاندان کی خاتون اورکمسن بچہ زخمی ہوگیا۔اہل علاقہ کے مطابق خطرناک قراردی گئی مندرکی عمارت کے احاطے میں محکمہ اوقاف نے دکانیں بنالی ہیں، آج ایک اور دکان کی تعمیر کے دوران عمارت کی چھت گر گئی۔ڈپٹی کمشنر نے واقعےکا نوٹس لیتے ہوئے رپورٹ طلب کرلی ہے۔

قصور،باغی ٹی وی (نامہ نگار) تیزرفتار بس کی موٹرسائیکلوں کو ٹکر، 3 افراد جاں بحق
قصور کے علاقے مصطفیٰ آباد میں فیکٹری ورکرز کی بس بے قابو ہو کر ٹول پلازہ پر کھڑی 2 موٹرسائیکلوں سے ٹکرا گئی، حادثے میں 3 افراد جاں بحق جبکہ 3 زخمی ہو گئے۔ریسکیو ٹیم کے مسافر بس کی بریک فیل ہونے سے پیش آنے والے حادثے میں جاں بحق افراد کی شناخت 17 سالہ وقاص، 20 سالہ رفاقت اور 38 سالہ ذوالقرنین نام سے ہوئی۔فیکٹری ورکرز کی بے قابو بس کی ٹکر سے زخمی ہونے والوں میں امان اللہ، ارباز اور سیف علی شامل ہیں۔حادثے میں زخمی ہونے والوں کو طبی امداد کیلئے اسپتال منتقل کر دیا گیا جبکہ جاں بحق افراد کی لاشیں ضابطے کی کارروائی کیلئے اسپتال منتقل کر دی گئی ہیں۔

میرپور ساکروباغی ٹی وی (قادرنوازکلوئی کی رپورٹ)سوئے ہوئے بچے کو اغوا کرنے والے کو عوام نے پکڑ کر پولیس کے حوالے کردیا
تفصیل کے مطابق غوربا رینج میں مرادانی کے قریب سوئے ہوئے بچے کو اغوا کرنے کی کوشش ناکام، اغوا کار نے تین سالہ بچہ سلیم ولد کلیم آرائیں کو اٹھا کر پلاسٹک کے تھیلے میں ڈالنے کی کوشش کی۔اچانک دوسرے بچوں نے دیکھ کر انہوں نے شور مچادیا اور گاؤں والے وہاں پہنچ گئے۔اغوا کاربچے کوچھوڑ کر موقع سے بھاگ نکلا لیکن گاؤں والوں نے فوراً گاؤں کو گھیرے میں لے لیا اور اغوا کار کو ڈھونڈ نکالا۔گاؤں والوں نے پکڑے گئے اغوا کار کو جو پشتو بولتا ہے کو پولیس کے حوالے کر دیا۔گھوبرباری پولیس اغواء کارسے مزید پوچھ گچھ کر رہی ہے۔

ٹھٹھہ،باغی ٹی وی ( نامہ نگار راجہ قریشی) ایس ایس پی ٹھٹہ کی جانب سے لوکل الیکشن کے حوالے سے ایس ایس پی آفس ٹھٹہ میں میٹنگ کا انعقاد
ایس ایس پی ٹھٹہ عدیل حسین چانڈیو کی جانب سے لوکل باڈی الیکشن میں سیکیورٹی کے حوالے سے ایس ایس پی آفس ٹھٹہ میں میٹنگ کا انعقاد کیا جس میں سینیئر پولیس افسران نے شرکت کی، میٹنگ کے دوران لوکل باڈی الیکشن کے ضابطہ اخلاق پر عمل درآمد کروانے کے ایجنڈے کو زیر بحث لایا گیا۔ایس ایس پی ٹھٹہ نے کہا کہ بلدیاتی الیکشن کے دوران سیکیورٹی کو سخت کیا جائے، تمام افسران کینڈیڈیٹ سے ملاقات کریں اور پولنگ اسٹیشن کا دورہ کریں، ممکنہ ایمرجنسی صورتحال سے نمٹنے کے لیے اینٹی رائٹ / ریزرو اور QRF پلاٹونز کو بمعہ وقت تیار اور الرٹ رکھا جائے،، بلدیاتی الیکشن کے دوران امن و امان کی صورتحال کے لیے پولیس واٹس اپ گروپ پر باہمیروابط کو تقویت دی جائے، الیکشن کے دوران تمام ایس ڈی پی اوز صاحبان پولنگ اسٹیشنز پر تعینات نفری کو ہر وقت چیک کریں، اس کے علاوہ پیٹرولنگ، سنیپ چیکنگ اور پکٹنگ کو مزید تیز کیا جائے تاکہ کوئی ناخوشگوار واقعہ پیش نہ ہو۔
ایس ایس پی ٹھٹہ نے کہا کہ پولیس افسران یا جوانوں کی کسی فرد یا سیاسی جماعت سے وابستگی نہیں ہونی چاہیے ،پولیس افسران اور جوان ضابطہ اخلاق کو مد نظر رکھتے ہوئے فرائض سر انجام دیں گے۔انہوں نے ہدایات جاری کرتے ہوئے کہا کہ کسی علاقے میں بھی اسلحہ کی نمائش ، وال چاکنگ، لائوڈ اسپیکر کی خلاف ورزی نہ کی جائے،کسی بھی علاقہ میں ضابطہ اخلاق کی خلاف ورزی پائی جائے تو اس پر فوری قانونی کارروائی عمل میں لائی جائے۔تمام SHOs اپنے SDPOs کے ساتھ ہر وقت رابطے میں رہیں اور اپنے عملے کو اچھی طرح واقف کرکے تعینات کرینگے اس کے علاوہ شر پسند عناصر اور امن و امان میں خلل ڈالنے والے لوگوں کی نشاندہی کریں اور انکے خلاف انسدادی کارروائی عمل میں لائیں۔
الیکشن ڈیوٹی میں کسی قسم کی کوتاہی برداشت نہیں کی جائے گی۔