Author: ڈاکٹرغلام مصطفی بڈانی

ڈی جی خان،مظفرگڑھ،علی پور (باغی ٹی وی )مظفر گڑھ کی تحصیل علی پور تھانہ خیرپور سادات کے علاقہ میں نوجوان کی ناک کاٹنے والے پانچوں ملزمان 24 گھنٹوں میں گرفتارکرلئے گئے ہیں، ریجنل ہولیس آفیسر سید خرم علی نے واقعہ کا نوٹس لیتے ہوئے ملزمان کی گرفتاری کے لیے سپیشل ٹیم تشکیل دینے کا حکم دیا تھا۔ ڈسٹرکٹ پولیس آفیسرمظفر گڑھ کی زیر نگرانی سپیشل ٹیم نے 24 گھنٹوں میں واقعہ میں ملوث تمام ملزمان گرفتار کر لیے-
تفصیلات کے مطابق تھانہ خیرپور سادات کے علاقہ میں شہری محمد آصف کے ناک کاٹنے کے مقدمہ نمبر 6/23 بجرم 336/148/ 149 ت پ مورخہ 2023 – 01-07 میں تمام ملزمان 1- فلک شیر، 2- کلیم اللہ، 3- یوسف، 4 سلیم اور 5 سکندر کو گرفتار کر لیا گیا ہے، ریجنل ہولیس آفیسر سید خرم علی نے واقعہ کا نوٹس لیتے ہوئے ملزمان کی گرفتاری کے لیے سپیشل ٹیم تشکیل دینے کا حکم دیا تھا۔ ملزمان کی گرفتاری کیلئے ڈی پی او احمد نواز شاہ کی زیر نگرانی گرفتاری کیلئے سپیشل ٹیم تشکیل دی گئی تھی، ملزمان نے ایک روز قبل ناجائز تعلقات کے شبہ پر نوجوان کی تیز دھار آلے سے ناک کاٹ دی تھی ۔ اس موقع پر ریجنل پولیس آفیسر سید خرم علی کا کہنا تھا کہ غیر انسانی سلوک کرنے والے ملزمان کسی رعائت کے مستحق نہیں ہیں۔ ملزمان کو ٹھوس شواہد کے ساتھ چالان عدالت کر کے سخت سے سخت سزا دلوائی جائے گی۔

اوکاڑہ باغی ٹی وی (ملک ظفر)ڈاکوؤں نے شہر اوکاڑہ کے بعد اب فور۔ایل کا رخ کرلیا ،اوکاڑہ تھانہ شاہبور کے علاقہ 30/فور ایل میں ڈکیتی کی واردات ہوئی جس میں احمد رضا موٹر سائیکل نمبر 9755/او کے ، پر جا تے ہوے ڈاکوؤں کے ہتھے چڑھ گیا، تین نامعلوم مسلح موٹر سائیکل سوار ڈاکوؤں نے اسلحہ کے زور پر روک لیا. ڈاکوؤں نے احمد رضا سے موٹر سائیکل ؛ ہزاروں روپے نقدی اور موبائل فون چھین کر فرار ہوگئے۔ پولیس شاہبور اطلاع ملتے ہی موقع پر پہنچ گئی،پولیس تھانہ شاہبور نے کارروائی کا آغاز کردیا۔

گوجرہ ، باغی ٹی وی( نامہ نگارعبدالرحمن جٹ) گوجرہ میں آج دو قتل ہوئے ہیں ذرائع سے معلوم ہوا ہے کہ چک نمبر 363ج ب باہمنی والا میں معمولی جھگڑے پر نوجوان کا قتل ہے اطلاع کے مطابق عاشر نوروالدنور قوم راجپوت اور آجو وہ رشید قوم راجپوت جو آپس میں قریبی عزیز بھی ہیں کی کچھ دن قبل آپس میں معمولی بات پر تلخ کلامی ہوئی تھی آج پھر دوبارہ تلخ کلامی ہونے پر عاشر کو اجو والد رشید نے فائرنگ کر کے قتل کردیا اور موقع سے سے فرار ہونے میں کامیاب ہو گیا تاحال وجہ عناد سامنے نہ سکی اسی طرح دوسرا قتل کاواقعہ ستارہ سٹی کے قریب رونما ہواہے جوکہ محمد بلا ل والد محمد اقبال قوم آرائیں جو وزیر پارک گوجرہ کا رہائشی معلوم ہوا ہے ستارہ سٹی کے پاس جا رہا تھا کونامعلوم افراد نے فائرنگ کرکے کے قتل کر دیا پولیس نے دونوں افراد کی لاشوں کو تحویل میں لے کر سول ہسپتال گو جرہ پہنچا کر ضروری کارروائی شروع کر دی ہے اور ملزمان کی گرفتاری کے لیے چھاپے مارے جا رہے ہیںل

اوکاڑہ،باغی ٹی وی (نامہ نگار ملک ظفر)خاوند نے بیوی کو زہر دے کرقتل کردیا
تفصیل کے مطابق تھانہ صدر کی حدود 4L /1 ون فور ایل میں خاوند نے بیوی کو زہر دے کر ہلاک کردیا .ورثاء نعش کو لے کر تھا نہ صدر اوکاڑہ لے آئے ، ماہ نور کو اس کے خاوند طارق نے تشدد کے بعد زہر دے کر ہلاک کر دیا.،ماہ نور کی دو سال قبل شادی ہوئی تھی گریلو ناچاقی کی بنا پر اکثر گھر میں جھگڑا رہتا تھا،پولیس تھانہ صدر نے کارروائی کا آغاز کردیا،پولیس تھانہ صدر اوکاڑہ نے ڈیڈ باڈی کو ڈسٹرکٹ ہیڈ کوارٹر ہسپتال اوکاڑہ پوسٹمارٹم کے لیے منتقل کر رہی ہے،ولیس نے نعش کو تحویل میں لے کر تحقیقات کا آغاز کردیا،ورثاء کی جانب سے ماہ نور کے قاتلوں کی گرفتاری کا مطالبہ

میہڑ،باغی ٹی وی(منظور جوئیہ کی رپورٹ) تعلیمی بورڈ ،فیس بڑھانے کے خلاف طلبہ کااحتجاجی مظاہرہ
تفصیل کے مطابق تعلیمی بورڈ لاڑکانہ کی جانب سے فیس میں اضافہ کرنے کے خلاف فریدآباد کے طلبہ نےسٹی گیٹ کے سامنے احتجاجی مظاہرہ کرکے سخت نعرے بازی کی طلبہ نے کہاکہ ایک تو ہمیں سیلاب نے مکمل تباہ کردیا ہے دوسری جانب حکومت کی جانب سے تعلیم دشمن فیصلے کرکے غریب طلبہ کی تعلیم چھیننے جارہی ہے ،طلبہ نے کہاکہ حکومت کوچاہئے کہ تعلیم مفت کرکے غریب طلبہ کی مالی مدد کی جائے تاکہ وہ اپنی تعلیم مکمل کر سکیں،طلباء نے اعلیٰ حکام سے مطالبہ کیا ہے کہ فیس ختم کرکےغریب طلبہ کی تعلیم کو بچایا جائے.