Author: ڈاکٹرغلام مصطفی بڈانی

ڈیرہ اسماعیل خان،باغی ٹی وی(نامہ نگار)ضلعی سپورٹس آفیسرانورکمال برکی کی نگرانی میں پشاورمیں حیات آبادسپورٹس کمپلیکس میں کرکٹ ٹورنامنٹ منعقد ، ڈیرہ کی خواتین کرکٹ ٹیم نے لوئر دیر کی ٹیم کو شکست دے دی،ڈیرہ کے عوامی سماجی حلقوں کا ضلعی سپورٹس آفیسر انور کمال برکی کی کھیلوں کے حوالے سے بہترین خدمات پر زبردست الفاظ میں خراج تحسین پیش ۔ تفصیلات کے مطابق ضلعی سپورٹس آفیسرانورکمال برکی کی نگرانی میں پشاورمیں حیات آبادسپورٹس کمپلیکس میں کھیلوں کے مقابلے منعقدہوئے ۔اس سلسلے میں حیات آبادسپورٹس کمپلیکس میں خواتین کے مابین مختلف کھیلوں کے مقابلوں کاانعقادکیاگیا۔ڈیرہ کی خواتین کرکٹ ٹیم نے لوئر دیر کی خواتین کرکٹ ٹیم کو شکست دے دی۔کھلاڑیوں نے بہترین ٹورنامنٹ کے انعقادپرضلعی سپورٹس آفیسرانورکمال برکی خدمات کو سراہاہے۔ڈیرہ کے عوامی سماجی حلقوں نے ضلعی سپورٹس آفیسر انور کمال برکی کی کھیلوں کے حوالے سے بہترین خدمات پر زبردست الفاظ میں خراج تحسین پیش کیاہے

ڈیرہ اسماعیل خان،باغی ٹی وی(احمدنوازمغل)محکمہ فوڈ کی نااہلی اورغفلت کے باعث تحصیل درابن کلاں میں کسی بھی دکاندارنے سرکاری نرخنامہ آویزاں نہیں کررکھاہے ، دکانداروںنے من مانے نرخوں پر اشیائے خوردونوش ،سبزی وفروٹ کی فروخت کا سلسلہ جاری رکھاہواہے اورعوام کو دونوں ہاتھوں سے لوٹنے کا بازارگرم کیاہواہے۔اسسٹنٹ کمشنر تحصیل درابن کلاں اورمحکمہ فوڈ کے افسران دفاترتک محدود ہیں اورعوام مصنوعی مہنگائی کی چکی میں پس رہی ہے ،درابن کے سیاسی سماجی حلقوں نے ڈپٹی کمشنر ڈیرہ محمدقیصر سے اسسٹنٹ کمشنر درابن کلاں اورمحکمہ فوڈ کے افسران کو بازاروں کے دورے کرنے اورسرکاری نرخنامہ آویزاں نہ کرنے والے دکانداروں کے خلاف قانونی کاروائی اورجرمانے عائد کرنے کامطالبہ کیاہے ۔
تفصیلات کے مطابق محکمہ فوڈ کی نااہلی اورغفلت کے باعث تحصیل درابن کلاں میںکہیں بھی سرکاری نرخنامہ نظرنہیں آتاہے اور کسی بھی دکاندارنے سرکاری نرخنامہ آویزاں نہیں کررکھاہے۔ دکانداروںنے من مانے نرخوں پر اشیائے خوردونوش ،سبزی وفروٹ کی فروخت کا سلسلہ جاری رکھاہواہے اورمصنوعی مہنگائی کرکے عوام کو دونوں ہاتھوں سے لوٹنے کا بازارگرم کیاہوا ہے۔اسسٹنٹ کمشنردرابن کلاں اورمحکمہ فوڈ کے افسران دفاترتک محدود ہیں اورعوام مصنوعی مہنگائی کی چکی میں پس رہی ہے اورجنگل کا قانون نافذہوگیاہے ۔تحصیل درابن کلاں کے سیاسی سماجی حلقوں نے ڈپٹی کمشنر ڈیرہ محمدقیصر سے اسسٹنٹ کمشنر تحصیل درابن کلاں اورمحکمہ فوڈ کے افسران کو بازاروں کے دورے کرنے اورسرکاری نرخنامہ آویزاں نہ کرنے والے دکانداروں کے خلاف قانونی کاروائی اورجرمانے عائد کرنے کامطالبہ کیاہے۔ درابن کلاںکے عوام نے کہاکہ مصنوعی مہنگائی کے مرتکب دکانداروں اورسرکاری نرخنامہ آویزاں نہ کرنے والوں کے خلاف کاروائی نہ کی گئی تو ژوب کوئٹہ روڈ کو ہرقسم کی ٹریفک کیلئے بندکریں گے جس کی تمام ذمہ داری ضلعی انتظامیہ پر عائد ہوگی۔

ڈیرہ اسماعیل خان،باغی ٹی وی(احمدنوازمغل)گورنرخیبرپختونخواہ حاجی غلام علی کی زیرصدارت صوبے کی جامعات میں تعلیم کی بہتری، یونیورسٹیوں کے مسائل کے حل اورطلبا ء وطالبات کو دورجدیدکے تقاضوں کے مطابق تعلیمی سہولیات مہیا کرنے کے حوالے سے منعقدہ کانفرنس میں وائس چانسلر زرعی یونیورسٹی ڈی آئی خان پروفیسرڈاکٹرمسرورالٰہی بابر(تمغہ امتیاز ) کی خصوصی شرکت ، اس موقع پروائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز )نے جامعات کی مالی وانتظامی معاملات میں بہتری کے حوالے سے اہم تجاویز پیش کیں جس کو گورنرخیبرپختونخواہ حاجی غلام علی نے بے حد سراہا اوران کی آرا سے مکمل اتفاق کرتے ہوئے اطمینان کا اظہارکیا اوروائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز )کو خراج تحسین پیش کیا۔تفصیلات کے مطابق گورنرخیبرپختونخواہ حاجی غلام علی کی زیرصدارت صوبے کی جامعات میں تعلیم کی بہتری، یونیورسٹیوں کے مسائل کے حل اورطلبا ء وطالبات کو دورجدیدکے تقاضوں کے مطابق تعلیمی سہولیات مہیا کرنے کے حوالے سے کانفرنس کاانعقادکیاگیاجس میں وائس چانسلر زرعی یونیورسٹی ڈی آئی خان پروفیسرڈاکٹرمسرورالٰہی بابر(تمغہ امتیاز )نے خصوصی طورپر شرکت کی۔ کانفرنس میںوائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز )نے صوبہ کی جامعات کی مالی وانتظامی معاملات میں بہتری کے حوالے سے اہم تجاویز پیش کیں جس کو گورنر خیبرپختونخواہ حاجی غلام علی نے بے حد سراہا اوران کی آرا سے مکمل اتفاق کیا۔گورنر خیبرپختونخواہ حاجی غلام علی نے وائس چانسلر زرعی یونیورسٹی پروفیسرڈاکٹرمسرورالٰہی بابر(تمغہ امتیاز )کو بہترین تجاویزپیش کرنے پرزبردست الفاظ میںخراج تحسین پیش کیا۔

شیخوپورہ،باغی ٹی وی(محمد طلال سے)ڈسٹرکٹ بار ایسوسی ایشن کے سالانہ انتخابات 14 جنوری 2023ء کو ہوں گے،شیخوپورہ بار کے الیکشن کے انتظامات کیلئے رانا شفقت رسول کی سربراہی میں الیکشن بورڈ تشکیل دے دیا گیاجس میں بار ایسوسی ایشن کے 10 اراکین کو شامل کیا گیا ہے، بار ایسوسی ایشن کے ووٹر وکلاء کی کل تعداد 1900 سے بڑھ کر 2183 ہوگئی ہے جو سالانہ انتخابات میں رائے حق دہی استعمال کریں گے، بار ایسوسی ایشن کے صدر کے عہدہ کیلئے 2 امیدواروں عمر حیات بھٹی ایڈووکیٹ اور عاصم حمید بھنگوایڈووکیٹ کے درمیان کانٹے دار مقابلے کی توقع ہے جبکہ جنرل سیکرٹری بار کے عہدہ کیلئے تین امیدوار صہیب اسلم سدھو،عمران خاں بھٹی اور رانا عرفان حسین میدان میں ہیں بار ایسوسی ایشن کے سالانہ انتخابات کے امیدواروں کی انتخابی سرگرمیاں عروج پر ہیں اور سبھی امیدوار نہ صرف اپنی جیت کیلئے پر امید ہیں بلکہ انتخابی حمایت کیلئے جوڑ توڑ کا سلسلہ جاری ہے جبکہ ووٹرز کی خاطر تواضع کیلئے پرتکلف کھانوں کا سلسلہ بھی جاری ہے۔

گوجرہ،باغی ٹی وی( نامہ نگار عبدالرحمن جٹ) بارایسوسی ایشن گوجرہ کے سالانہ انتخابات میں گہماگہمی شروع ہو گئی۔اتحاد گروپ کی طرف سے وکلاء کے اعزازمیں ناشتے کا اہتمام کیاگیا۔اس موقع پر صحافیوں سے گفتگو کر تے ہو ئے امیدوار برائے صدر توقیر اشرف خان اور امیدوار جنرل سیکرٹر چوہدری علی رضا مہالہ نے کہاکہ انشاء اللہ بھاری اکثریت سے کامیابی حاصل کریں گے اور کامیاب ہو کر وکلاء برادری کے مسائل کوحل کر نے کیلئے ہر فورم پر کوشش کی جائیگی۔اس موقع پرصدر بار چوہدری ریاض احمد بریار،جنرل سیکرٹری شعیب کسانہ،سابق صدورچوہدری اعجازاختر کہوجہ، شیخ محمد جاوید سمیت وکلاء کی کثیر تعدادنے شرکت کی۔

گوجرہ،باغی ٹی وی( نامہ نگارعبدالرحمن جٹ) رکن قومی اسمبلی چوہدری خالد جاوید وڑائچ،اوررکن صوبائی اسمبلی چوہدری بلال اصغر وڑائچ کے بڑے بھائی، پاکستان تحریک انصاف کے رہنماچوہدری حسام علی وڑائچ اورچوہدری حارث علی وڑائچ کے والد محترم سابق ایم این اے چوہدری امجد علی وڑائچ مرحوم کے رسم چہلم کی تقریب میونسپل کمیٹی گوجرہ کے لان میں انعقاد پذیر ہوئی۔جس میں مرحوم کے ایصال ثواب کیلئے قرآن خوانی،نعت خوانی اور ختم پاک کی محافل کا انعقادکیاگیا جس میں ممبرقومی اسمبلی ریاض احمد فتیانہ، پی ٹی آئی رہنما چوہدری افتخار گھمن،رکن صوبائی اسمبلی چوہدری سعید احمد سعیدی،ضلعی رہنما پی ٹی آئی وحید اکبر،انجمن تاجران گوجرہ کے صدر چوہدری منصور احمد بھنگو،سمیت دیگر ممبران قومی وصوبائی اسمبلی سمیت عمائدین علاقہ کی کثیر تعدادنے شرکت کی۔

ٹھٹھہ،باغی ٹی وی (نامہ نگار راجہ قریشی)کمشنرحیدرآبادکی زیرصدارت اعلیٰ سطح کااجلاس
تفصیلات کے مطابق ڈویژنل کمشنر حیدرآباد بلال احمد میمن کی زیر صدارت بلدیاتی انتخابات کی تیاری، سیکیورٹی، زمینوں کے حصول کے معاملات، بارشی پانی کی نکاسی، سیلاب سے متعلق امدادی سرگرمیوں، وزیر اعلی سندھ، چیف سیکرٹری اور ڈویژنل کمشنر حیدرآباد کی ہدایات کی تعمیل و دیگر مسائل کے متعلق دربار ہال مکلی میں ایک اعلی سطحی اجلاس منعقد ہوا، جس میں ڈپٹی کمشنر و ڈسٹرکٹ مانیٹرنگ افسر غضنفر علی قادری، ڈسٹرکٹ رٹرننگ افسر و ریجنل الیکشن کمشنر عبدالرحمان آرائیں، ایڈیشنل ڈپٹی کمشنر ون ریاض حسین لغاری، ڈسٹرکٹ ہیلتھ افسر ڈاکٹر محمد حنیف میمن کے علاوہ محکمہ پولیس، رینجرز، تعلیم، صحت، ریونیو، زراعت، ہائی وے، ایجوکیشن ورکس، لوکل گورنمنٹ و دیگر متعلقہ افسران نے شرکت کی۔ اس موقع پر ڈویژنل کمشنر حیدرآباد بلال احمد میمن نے تمام متعلقہ افسران کو ہدایت کی کہ الیکشن کے دوران تمام پولنگ اسٹیشنز پر واش رومز، بجلی، پانی، سیکیورٹی و دیگر تمام مطلوبہ سہولیات سمیت فرسٹ ایڈ دینے کے لیئے ایمبولینسز، ڈاکٹرز، پیرامیڈیکل اسٹاف اور ضروری ادویات کی موجودگی کو بھی یقینی بنایا جائے تاکہ پولنگ اسٹاف اور ووٹرز کو کسی بھی قسم کی پریشانی کا سامنا نہ کرنا پڑے اور انتخابات کو بھی صاف و شفاف اور پرامن طریقے سے پایہ تکمیل تک پہنچایا جا سکے۔ انہوں نے محمکہ پولیس و دیگر متعلقہ افسران کو ہدایت کی کہ انتخابات کے دوران سیکیورٹی کو یقینی بنانے کیلئے آپس میں مربوط رابطہ قائم کیا جائے تاکہ کسی بھی قسم کا ممکنہ ناخوشگوار واقعہ پیش نہ آ سکے۔ انہوں نے کہا کہ انتخابات کے روز تمام افسران اپنے متعلقہ ہیڈکوارٹرز میں موجودگی کو یقینی بنائیں۔ قبل ازیں ڈسٹرکٹ رٹرننگ افسر و ریجنل الیکشن کمشنر نے ڈویژنل کمشنر کو 15- جنوری 2023ء کو ہونے والے بلدیاتی انتخابات کی تیاریوں، پولنگ اسٹیشنز کی حیثیت اور موجود سہولیات کے متعلق تفصیلی آگاہی دیتے ہوئے بتایا کہ بلدیاتی انتخابات کو صاف و شفاف اور پرامن بنانے کیلئے 170 سی سی ٹی وی کیمروں کا انتظام کیا گیا ہے جبکہ ضلعی سطح پر ضلع کونسل میں ایک شکایتی کنٹرول روم بھی قائم کیا جائے گا جس کا ٹیلیفون نمبر 0298920081 ہے۔ انہوں نے بتایا کہ ضلع میں کل 320 پولنگ اسٹیشنز قائم کئے جائیں گے جن میں 33 انتہائی حساس جبکہ 287 حساس پولنگ اسٹیشن ہیں۔ اس موقع پر ڈپٹی کمشنر نے بارش اور سیلاب سے ہونے والے نقصانات، امدادی سرگرمیوں، ریسکیو، ریلیف اور بحالی، نکاسی آب، سیلاب متاثرین کے نقصانات کا تخمینہ لگانے کیلئے سروے کے کام سمیت ضلع میں جاری و مکمل ترقیاتی منصوبوں کے متعلق بریفنگ دی۔ ڈویژنل کمشنر نے ڈپٹی کمشنر سمیت تمام اسسٹنٹ کمشنرز و دیگر متعلقہ افسران پر زور دیا کہ پرائس کنٹرول چیکنگ اور آٹا ذخیرہ کرنے والوں کے خلاف کارروائی کو یقینی بنائیں اس ضمن میں کسی بھی دکاندار سے ناجائزی نہیں ہونی چاہیے اور ساتھ ساتھ مہنگا آٹا فروخت کرنے والے چکی مالکان کے خلاف بھی آپریشن شروع کرنے سمیت یوٹیلٹی اسٹورز پر بھی چیک اینڈ بیلنس رکھنے کیلئے اقدامات کئے جائیں جبکہ ضلع بھر میں عوام کو سستے آٹے کی فراہمی کو یقینی بنایا جائے تاکہ اس مہنگائی کے دور میں غریب عوام کو ریلیف مل سکے۔ اس موقع پر ڈویژنل کمشنر حیدرآباد بلال احمد میمن نے ڈپٹی کمشنر سمیت تمام محمکوں کے ضلعی افسران کو ہدایت کی کہ اپنے اپنے محکموں کی کارکردگی کو بہتر بناکر عوام کے مسائل ترجیحی بنیادوں پر حل کرنے میں اپنا بھرپور کردار ادا کریں اور اپنی ڈیوٹی سچائی، ایمانداری اور نیک نیتی سے انجام دیں، اس ضمن میں کسی بھی قسم کی غفلت اور کوتاہی ہر گز برداشت نہیں کی جائے گی۔ بعد ازیں ڈویژنل کمشنر نے مختلف پولنگ اسٹیشنز اور ٹھٹھہ شہر کا دورہ کرکے صفائی ستھرائی و دیگر معاملات کا جائزہ بھی لیا۔