Author: ڈاکٹرغلام مصطفی بڈانی

ٹھٹھہ،باغی ٹی وی (نامہ نگار راجہ قریشی) شہر و گردونواح میں آٹے کا بحران ، آٹے کی بلیک مارکیٹینگ جاری
تفصیل کے مطابق ٹھٹھہ شہر میں آٹے کی بڑھتی قیمت 160 روپے کلو تک پہنچ گئی ہے ،غریب آدمی ایک وقت کا کھانا کھانے کے لۓ پریشان غریب آدمی کی دیہاڑی 500 روپے ہے ، پياز 260 روپے کلواور آٹا 160 روپے کلو غریب آدمی اب ایک وقت کا کھانا بہی نہیں کھا سکتا جبکہ 65 روپے کلو والا آٹا دیکھنے میں نہیں آتا، دکانداروں کو پرائس لسٹ بھی انتظامیہ نہیں دے سکتی، ٹھٹھہ کے عوام کا وزیر اعلیٰ سندھ اور ضلعی انتظامیہ سے مطالبہ ہے آٹے کی قیمت کم کی جاۓ غریب سے ایک وقت کی روٹی نہ چھینی جاۓ.

ٹھٹھہ،باغی ٹی وی (نامہ نگار راجہ قریشی) حاجی سلیم ٹکانی کے وفات پر تعزیت کے لۓ مسلم لیگ ن سندھ کے نائب صدر کی ان کے گھر جاکرتعزیت
تفصیل کے مطابق ٹھٹھہ شہر کی معزز شخصیت تاجر مرحوم حاجی وزیر احمد ٹکانی کے فرزند حاجی سلیم ٹکانی کے وفات پر تعزیت کے لۓ مسلم لیگ ن سندھ کے نائب صدر رئیس منظور احمد خشک اور سٹی صدر ناتھو کنبھار مرحوم کے گھر پر پہنچ کر ان کے بھائی ٹھٹھہ ڈسٹرکٹ تاجر کے سرپرست حاجی وسیم اختر ٹکانی ،حاجی نعیم اختر ٹکانی حاجی جمیل اختر ٹکانی, حاجی خلیل اختر ٹکانی اور ان کے بیٹے حسیب، سارب ٹکانی سے تعزیت کی اور مرحوم کی مغفرت کے لۓ دعا مانگی اس موقعہ پر رئیس منظور خشک نے کہا اللہ پاک مرحوم کو جنت میں اعلیٰ مقام عطا فرماۓ اور ان کے گھر والوں کو صبر جمیل دے.

ٹھٹھہ (نامہ نگار راجہ قریشی) این آر ایس پی کے پروجیکٹ کو آر ڈینیٹر کی عوامی پریس کلب آمد، نومنتخب باڈی کو مبارکباد
تفصیل کے مطابق این آر ایس پی ٹھٹھہ کے پروجیکٹ کو آر ڈینیٹر عمران جوکھیو نےعوامی پریس کلب ٹھٹھہ پہنچ کر 2023 کی نئی منتخب باڈی کے صدر بلاول سموں جنرل سیکریٹری اے بی شورو اور دوسرے عہدیداروں الطاف ناریجو ،وقار علی کھمان ،ایاز جلالانی،صالح خشک اور دیگرممبران کو سندھی اجرک کا تحفہ پیش کیا اور مبارک باد دی عوامی پریس کلب ٹھٹھہ کے ممبران اور عہدیداروں نے ان کا شکریہ ادا کیا.

ٹھٹھہ،باغی ٹی وی (نامہ نگار راجہ قریشی) کورٹ میرج کرنے والےجوڑے کی عوامی پریس کلب میں پریس کانفرنس
دھابیجی سے تعلق رکھنے والے جوڑے مسمات ریشماں دختر عبدالمنان انصاری اورعرفان ولداحمد موسیٰ راجپوت نے ٹھٹھہ کی عدالت میں پسند سے شادی کرلی ، شادی کے بعد عوامی پریس کلب ٹھٹھہ پہنچ کر پریس کانفرنس کرتے ہوۓ کہا ان کی والدین کی مرضی سے پہلے منگنی ہوئی تھی ، لیکن عمیر ولد سمیع اللہ انصاری انکی منگنی سے خوش نہیں تھا، جس کی وجہ سے ان کے والدین نے ان کو الگ کرنا چارہے تھے ،اسی وجہ سے انہوں نے عدالت میں پہنچ کر شادی کر لی ہے ،مسمات ریشماں زوجہ عرفان راجپوت نے کہا کہ میں نے اپنی رضامندی سے عرفان احمد موسیٰ راجپوت سے شادی کرلی ہے اور اس پر میں خوش ہوں. مسمات ریشماں نے مزید بتایا کہ ہمیں میرے کزن عمیر ولد سمیع اللہ سے جان کا خطرہ ہے پریمی جوڑے نے ایس ایس پی ٹھٹھہ ڈی آئی جی حیدرآباد، آئی جی سندھ سے تحفظ کی اپیل کی ہے.

ٹھٹھہ،باغی ٹی وی (نامہ نگار راجہ قریشی)صوبائی سیکرٹری سندھ ورکس اینڈسروسز کا ڈپٹی کمشنر کے ہمراہ گھگھر پھاٹک تک کراچی ٹھٹھہ ڈبل روڈ کا معائنہ
تفصیل کے مطابق ضلعی انتظامیہ ٹھٹھہ کی درخواست پر صوبائی سیکرٹری سندھ ورکس سروسز شارق احمد نے ڈپٹی کمشنر ٹھٹھہ غضنفر علی قادری، ایف ڈبلیو او اور دیگر متعلقہ افسران کے ہمراہ مکلی تا گھگھر پھاٹک تک کراچی ٹھٹھہ ڈبل روڈ اور پلوں کا دورہ کرکے صورتحال کا جائزہ لیا- اس موقع پر چیف آپریٹنگ افسر ایف ڈبلیو او کرنل رٹائرڈ شہزاد خالد، محمد علی میمن پراجیکٹ مینیجر کے ٹی ڈی سی، ایڈیشنل ڈپٹی کمشنر ون ریاض حسین لغاری، ریذیڈینشل انجنیئر آئی ای عبدالرشید، اسسٹنٹ کمشنر میرپور ساکرو ناصر احمد عباسی، ایڈمنسٹریٹر گھارو عبدالغفور جاکھرو و دیگر متعلقہ افسران موجود تھے۔ صوبائی سیکرٹری ورکس سروس نے ایف ڈبلیو کے افسران کو ہدایت کرتے ہوئے کہا کہ مکلی تا گھگھر پھاٹک تک مختلف جگہوں پر روڈ ٹوٹ پھوٹ کا شکار ہے، جس سے آئے روز حادثات ہوتے رہتے ہیں اور عوام کو آمد و رفت میں بھی شدید مشکلات کا سامنہ کرنا پڑ رہا ہے، انہوں انہیں ہدایت کی کہ فوری طور پر جہاں جہاں سے ڈبل روڈ اور پلیں ٹوٹ پھوٹ کا شکار ہیں ان کا مرمتی کام فوری طور شروع کرکے جلد مکمل کیا جائے تاکہ عوام کو حادثات سے بچانے سمیت قیمتی انسانی زندگیوں کو محفوظ بنایا جا سکے۔ انہوں نے انہیں مزید ہدایت کی کہ بارش کے پانی کی نکاسی کا بھی مستقل بنیادوں پر حل یقینی بنایا جائے۔ اس موقع پر چیف آپریٹنگ افسر کرنل رٹائرڈ ایف ڈبلیو او شہزاد خالد نے صوبائی سیکرٹری اور ڈپٹی کمشنر کو بتایا کہ حالیہ شدید بارشوں اور سیلاب کے باعث روڈ کو نقصان ہوا ہے تاہم روڈ اور پلوں کا مرمتی کام جلد شروع کرکے جلد مکمل کیا جائے گا تاکہ عوام کو آمد رفت میں سہولیات فراہم ہوسکے۔ صوبائی سیکرٹری ورکس سروس شارق احمد اور ڈپٹی کمشنر غضنفر علی قادری نے کہا کہ سندھ حکومت اور ایف ڈبلیو او کی جانب سے پبلک پرائیویٹ پارٹنرشپ کے تحت اس میگا پراجیکٹ کراچی ٹھٹھہ ڈبل روڈ کی تکمیل سے یہاں کے عوام کو آمد و رفت میں بہت بڑا فائدہ حاصل ہوا ہے جوکہ قابل تعریف ہے۔ انہوں نے کہا کہ سندھ حکومت اور ضعلی انتظامیہ عوام کے مسائل کے حل کیلئے دن رات کوشاں ہیں تاکہ عوام کو مطلوبہ سہولیات کی فراہمی سمیت تحفظ کو بھی یقینی بنایا جا سکے۔