Author: ڈاکٹرغلام مصطفی بڈانی

قصور،باغی ٹی وی (نامہ نگار طارق نوید سندھو)فیروزپور روڈ کی مرمت،ٹھیکیدار ناقص مٹیریل استعمال کرنے لگا،ہائی وے افسران کی آنکھیں بند
تفصیل کے مطابق فیروزپور روڈ کی مرمت کا کام گزشتہ دو ماہ سے شروع ہو چکا ہے جبکہ استعمال ہونے والے مٹیریل کے حوالے سے عوام نے تحفظات کا اظہار کیا ہے اور ان کا کہنا ہے کہ ٹھیکیدار اور حکومتی ارکان کی ملی بھگت اور محکمہ ہائی وے کے آفیسران کی مبینہ غفلت سے ناقص مٹیریل استعمال ہو رہا ہے، آج بھی ایسی ہی لاپرواہی کی وجہ سے مصطفی’ آباد کے قریب نئی ببنے والی سوسائٹی بسم اللہ ہاؤسنگ سکیم کے سامنے سڑک پر کام کرتے ہوئے تارکول مشین میں آگ لگ گئی، اس وقت صرف ایک مزدور ہی اس مشین کے پاس تھاجوآگ سے بری طرح جھلس گیامگرخوش قسمتی سے اس کی جان بچ گئی اور ریسکیو ٹیم نے موقع پر پہنچ کر آگ پر قابو پایا،عوامی وسماجی حلقوں نے حکام بالا سے اس فیروزپور روڈ کی مرمت میں ناقص مٹیریل کے استعمال پر نوٹس لینے کامطالبہ کیا ہے

تونسہ شریف ، باغی ٹی وی( نامہ نگار عمران لنڈ)بوائز ڈگری کالج کے قریب حادثہ،2 افراد موقع پر جاں بحق
تفصیل کے مطابق تونسہ شریف میں بوائز ڈگری کالج بزدار ہاؤس چوک کے قریب حادثہ ہواہے ،اس حادثہ میں2 افراد موقع پر جاں بحق ہوگئے ، ریسکیو 1122 نے لاشیں ٹی ایچ کیو ہسپتال میں شفٹ کردین ،لاشوں کی حالت اتنی تشویشناک تھی کہ انہیں صندوق میں بند کرناپڑااورتھانہ سٹی پولیس نے ضرروی قانونی کارروائی کے بعد لاشیں ورثاء کے حوالے کر دیں، عینی شاہدین کاکہناہے یہ حادثہ ٹریکٹر ٹرالی کو ریورس کرتے ہوئے پیش آیا جہاں ڈرائیور نے بغیر دیکھے پیچھے کھڑے موٹرسائیکل سواروں کو کچل ڈالا،جاں بحق ہونے والوں میں ایک بچہ اور نوجوان شامل ہیں-

ڈیرہ غازیخان،باغی ٹی وی (جواداکبر سٹی رپورٹر)اصل امیدواران کی جگہ دیگر تین لڑکے دھوکہ دہی سے پولیس بھرتی ٹیسٹ دیتے ہوئے گرفتار، مقدمہ درج۔آج مورخہ 05.01.2023 کو دوران پولیس بھرتی ٹیسٹ اصل امیدواران کی جگہ دیگر تین دیگر لڑکے ٹیسٹ دینے کے لئے شریک ہوئے۔کاشف نامی لڑکا عاصم کی جگہ، محمد انوار الحق محمد زمان کی جگہ اور امیر حمزہ شرجیل کی جگہ ٹیسٹ دینے کے لئے آئے ہوئے تھے۔دوران چیکنگ تینوں لڑکوں کو گرفتار کر لیا گیا جن کے خلاف تھانہ سول لائن میں مقدمہ نمبر 03/23 درج کر دیا گیا۔اسی طرح دو فوجی بھگوڑے پولیس بھرتی ٹیسٹ دینے کے لئے آئے ہوئے تھے جن کو گرفتار کر کے ان کی یونٹ کو مطلع کر دیا گیا۔اس حوالے سے ڈی پی او میاں محمد اکمل کا کہنا تھا کہ پولیس بھرتی کا عمل ہر صورت میرٹ اور شفافیت پر ہو رہا ہے کوئی بھی امیدوار کسی کے جھانسہ میں نہ آئے۔

ڈیرہ غازیخان ،باغی ٹی وی (نامہ نگار)بی ایم پی نے بلوچستان سے پنجاب سمگلنگ کی کوشش ناکام بنا دی،2 من چرس برآمد ملزم گرفتار
تفصیل کے مطابق بارڈر ملٹری پولیس کے کمانڈنٹ محمد اسد خان چانڈیہ کی ہدایت پر بارڈر ملٹری پولیس چیک پوسٹ بواٹہ کے انچارج اقبال لغاری نے اپنی ٹیم کے ہمراہ کارروائی کرتے ہوئے بلوچستان سے پنجاب منشیات کی بھاری مقدار میں سمگلنگ کی کوشش کو ناکام بناتے ہوئے بین الصوبائی منشیات سمنگلر رشید کو2 من چرس سمیت گرفتار کر کے مقدمہ درج کر دیاہے، منشیات سمنگلر چرس کو گاڑی کے خفیہ خانوں میں چھپا کر سمنگل کرنے کی کوشش کر رہا تھا، بارڈر ملٹری پولیس بواٹہ نے مخبرکی اطلاع پرکامیاب کارروائی کی ،اس کامیاب کارروائی پربی ایم پی کمانڈنٹ محمد اسد خان چانڈیہ نے چیک پوسٹ بواٹہ کے پورے سٹاف کوشاباس دی اور انعامات سے بھی نوازا.

ٹھٹھہ،باغی ٹی وی (نامہ نگار راجہ قریشی)بجری سے لوڈ ٹریلر ڈرائیوروں کی غفلت سے حادثات بڑھ گئے
تفصیل کے مطابق مکلی بخاری کے قریب پولیس اسٹیشن مکلی کے سامنے مین قومی شاہراه پر بجری سے بھرے ہوۓ ٹریلر ڈرائیوروں نے من مانی کرتے ہوئے جہاں دل چاہے مین روڈ پر ٹریلر کھڑے کردتے ہیں ،ان بجری سے لوڈ کھڑے ہوئے ٹریلرز کی وجہ سے کئی حادثات ہوچکے ہیں ان کی وجہ سے ہونے والے حادثات میں کئی لوگ جان کی بازی ہارگئے ،اور کئی زندگی بھر کیلئے معذور ہوگئے، ان ٹریلروں کی وجہ سے مین شاہراہ پر حادثات میں اضافہ ہوا ہے انتظامیہ خاموش تماشائی بنی ہوئی ہے، شہریوں کی شکایات کے باوجود ٹریفک پولیس اور ایس ایس پی ٹھٹھہ نے ابھی تک کوئی نوٹس نیں لیا، مکلی کے رہائشیوں نے اعلیٰ حکام سے نوٹس لینے کامطالبہ کیا ہےتاکہ امکانی حادثوں سے عوام کو بچایا جاسکے-

ننکانہ صاحب باغی ٹی وی (نامہ نگار احسان اللہ ایاز) ناجائز منافع خور اور ذخیرہ اندوزی سے قوم کو پریشان کرنےو الے عناصر قومی مجرم ہیں- ڈپٹی کمشنر
تفصیل کے مطابق پنجاب حکومت شہریوں کو مصنوعی مہنگائی کے اثرات سے بچانے کے لیے ہنگامی پروگرام پر عمل پیراہے،ملاوٹ ،ناجائز منافع خوری اور ذخیرہ اندوزی کے ذریعے قوم کو پریشان کرنےو الے عناصر قومی مجرم ہیںاور کسی رعایت کے مستحق نہیں۔ان خیالات کا اظہار ڈپٹی کمشنر ننکانہ احمر نائیک نے ضلع بھر کے تمام پرائس کنٹرول مجسٹریٹس کی کارکردگی کا جائزہ لیتے ہوئے کیا۔ڈپٹی کمشنر ننکانہ نے کہا کہ ضلع بھر میں مہنگائی کنٹرول کے حوالے سے تمام پرائس کنٹرول مجسٹریٹس اپنی کارکردگی کو نتیجہ خیز بنائیں اور مارکیٹوں ،بازاروں ،دودھ دہی کی دوکانوں سمیت نان روٹی کی مقررہ نرخوں پر فراہمی کو یقینی بنانے اپنا کردار اداکریں