Author: ڈاکٹرغلام مصطفی بڈانی

اوکاڑہ باغی ٹی وی ۔ ملک ظفر ۔ ٹول پلازہ کے قریب ٹریلر ، مزدا ٹرک اور بس میں تصادم، 2 جاں بحق، 3 زخمی
تفصیل کے مطابق قومی شاہراہ اوکاڑہ ٹول پلازہ کے قریب ٹریلر، منی مزدا ٹرک اور بس میں تصادم کے نتیجے میں 2 افراد جانبحق، 3 زخمی،ابتدائی طبی امداد کے بعد ہسپتال منتقل ۔ حادثہ شدید دھند کے باعث پیش آیا ۔ اطلاع ملنے پر ریسکیو 1122 کی 3ایمبولینس اور ریسکیو وہیکل فوری جائے حادثہ پر پہنچ گئیں۔ ریسکیو ٹیموں نے زخمیوں کو ابتدائی طبی امداد فراہم کرتے ہوئے ڈی ایچ کیو سٹی ہسپتال منتقل کر دیا۔ ریسکیو ٹیموں نے جانبحق ہونے والے افراد کی نعشوں کو ضروری کارروائی کرنے کے بعد ڈی ایچ کیو سٹی ہسپتال منتقل کر دیا۔ایک اورحادثہ چونگی نمبر 7 جی ٹی روڈ پر ایک موٹرسائیکل سے جمپ لگنے سےگرگئی جوٹرک کے نیچے آکر جاں بحق ہوگئی ،جاں بحق ہونے والی خاتون کے نام کلثوم مائی معلوم ہوجبکہ ٹرک ڈرائیور موقع سے فرار ہوگیا

چترال میں گدھوں کے ذریعے دیار کی قیمتی لکڑی اسمگلنگ کیس کا فیصلہ سنایا گیا۔ غیر قانونی اسمگلنگ میں ملوث گدھے بھی بحق سرکار ضبط
چترال (گل حماد فاروقی) دروش گول: ٹمبر سمگلنگ کیس کا فیصلہ جاری، ملزمان انعام اور عزیر 50, 50 روپیہ جرمانہ، 3 سلیپران لکڑی اور 2 عدد گدھے بحق سرکار ضبط۔ گدھے نیلام کرنے کا حکم
تفصیلات کے مطابق ضلع لوئر چترال کے تحصیل دروش میں دروش گول نامی برساتی نالے میں گدھوں کے زریعہ ٹمبر سمگلنگ کے خلاف اسسٹنٹ کمشنر دروش نے بوقت سحری دو مختلف کاروائیوں میں 5 عدد گدھے اور ان کے ساتھ چھ عدد سلیپران تحویل میں لیئے تھے جن کو موقع پر محکمہ فارسٹ کے حوالہ کیا گیا تھا۔ مزکورہ کاروائیوں میں ایک ملزم گرفتار جبکہ 4 موقع سے فرار ہوچکے تھے۔ ملزمان کے خلاف دو الگ الگ مقدمات اسسٹنٹ کمشنر- فارسٹ میجسٹریٹ دروش توصیف اللہ کی عدالت میں زیرسماعت تھے جن میں ایک کیس کا فیصلہ آج جاری کردیا گیا ہے۔جب ان گدھوں کو عدالت میں پیش کیا گیا تو اس وقت یہ مقامی میڈیا کے ساتھ ساتھ بین الاقوامی میڈیا میں بھی یہ خبر شائع ہوئی۔
ملزم انعام کے وکیل اکرام حسین ایڈوکیٹ نے سپرداری کی ایک درخواست میں موقف اختیار کیا تھا کہ ایک گدھا برنگ خاکی ملزم انعام کی ملکیت ہے اور سرکاری تحویل میں رہنے سے اور مناسب ماحول اور خوراک نہ ملنے کی وجہ سے اس کی صحت پر منفی اثرات مرتب ہوسکتے ہے جو کہ گدھوں کے بنیادی قانونی حقوق کے خلاف ہے نیز یہ گدھا بیجا استعمال میں بھی لائے جانے کا خدشہ ہے۔ مزید یہ کہ گدھے کے ساتھ ملزم کے بچوں کا کافی لگاؤ ہے اور ملزم گدھے کو اپنا فیملی ممبر سمجھتا ہے۔ درخواست میں مزید کہا گیا کہ حیاتیاتی تناؤ میں گدھا پاکستان میں ناپید ہونے والے جانوروں میں شمار ہوتا ہے اور سرکار کی تحویل میں اس کو صحت بخش خوراک اور ماحول میسر نہ ہونے کی وجہ سے ضائع ہونے اور جسمانی طور پر کمزور ہونے اور باربرداری کی صلاحیت سے محروم ہونے کا اندیشہ ہے لہذا خاکی رنگ کے گدھے کو ملزم مالک انعام کے حوالہ کیا جائے۔ مزکورہ درخواست نمٹاتے ہوئے عدالت نے محمود آرا مشین کو سپرداری سپرد کردی تھی۔
اہل علاقہ کے مطابق اسسٹنٹ کمشنر دروش کی مسلسل کارروائیوں کے نتیجے میں دروش گول برساتی نالے کے رہائشیوں نے بیشتر گدھے فروخت کردیئے ہیں کیونکہ ان کا اور کوئی مصرف نہیں تھا، اور وہ الٹا مالکان پر بوجھ بن چکے تھے اور یہی وجہ ہے کہ دروش میں گدھوں کی قیمت خرید میں واضح کمی ریکارڈ کی گئی ہے۔ اہل علاقہ کا یہ بھی کہنا ہے کہ سمگلنگ میں ملوث گدھوں کے ساتھ شدید موسمی حالات میں انتہائی پرتشدد رویہ اختیار کیا جاتا تھا اور 9 کلومیٹر طویل اس درہ سے بھاری سلیپران یعنی دیار کی قیمتی لکڑیوں کی ترسیل ان گدھوں کے لئے وبال جان بن چکا تھا لیکن اب گدھوں نے سکھ کا سانس لے لیا ہے۔ واضح رہے کہ دوران وقوعہ اسملگنگ میں استعمال ہونے گدھے جسے ”فیملی ممبر” کہا گیا برنگ خاکی کے ساتھ دوسرے گدھوں کے برعکس دو سلیپران باندھے گئے تھے۔
اسسٹنٹ کمشنر – فارسٹ مجسٹریٹ دروش توصیف اللہ کی عدالت میں آج اس کیس کی سماعت ہوئی. ملزمان انعام اللہ و عزیر نے عدالت کے سامنے اقبال جرم کرتے ہوئے عدالت سے رحم کی اپیل کی اور درخواست کی کہ ملزمان کو قید اور بھاری جرمانے سے بچایا جائے۔ ملزمان نے وعدہ کیا کہ آئندہ جنگل کا کسی قسم کا نقصان نہیں کرینگے۔
اسسٹنٹ کمشنر -فاریسٹ مجسٹریٹ دروش کی جانب سے حتمی بحث سننے کے بعد تفصیلی فیصلہ سنایا گیا۔ فیصلہ کے مطابق گدھوں کے ساتھ ہونے والے ظالمانہ سلوک کے خاتمے، ان کے حقوق کی حفاظت اور جنگلات کے تحفظ کی خاطر مزکورہ دو گدھے بحق سرکار ضبط کرلیئے گئے ہیں اور ان کی نیلامی کا بھی حکم دیا گیا ہے۔
ملزمان سے برآمد شدہ لکڑی بھی بحق سرکار ضبط کرلی گئی ہیں یہ لکڑی محکمہ جنگلات کو حوالہ کی جاتی ہے جسے وہ ہر ماہ کے پہلے ہفتے میں نیلام کرتے ہیں۔۔ملزمان کی غربت کو مدنظر رکھتے ہوئے ان ہی کی خواہش پر دونوں ملزمان پر 50، 50 روپیہ جرمانہ عائد کیا گیا ہے۔دیگر 3 ملزمان کے خلاف گرفتاری کے وارنٹ بھی جاری کردیئے گئے ہیں۔واضح رہے کہ اسسٹنٹ کمشنر دروش فاریسٹ مجسٹریٹ نے چند دن قبل اسمگلنگ میں استعمال ہونے والے ایک دس ویلر ٹرک کو بھی بحق سرکار ضبط کیا تھا جس کے اندر خصوصی طور پر خفیہ خانے بنائے گئے تھے جو صرف غیر قاونی اسگلنگ میں استعمال ہوتا تھا۔

:ڈیرہ غازیخان،باغی ٹی وی (نامہ نگار)ڈیرہ غازی خان کے سرحدی علاقوں سے آٹا کی سمگلنگ اور نان کسٹم پیڈ گاڑیوں کیخلاف کریک ڈاؤن بھرپور طریقہ سے جاری ہے،پولیٹیکل اسسٹنٹ و کمانڈنٹ بارڈر ملٹری پولیس محمد اسد چانڈیہ نے اپنی ٹیم کے ہمراہ بواٹا چیک پوسٹ سے نان کسٹم پیڈ گاڑی کو ضبط کرلیا جوکوئٹہ سے ملتان سمگل کی جارہی تھی۔اسی طرح ڈسٹرک فوڈ کنٹرولر مہر اختر حسین نے تونسہ کے سدا بہار اڈا سے سو کے قریب آٹا کے گرین تھیلے جو کہ ایک وین پر لوڈ کرکے پہاڑی علاقے میں سمگل کئے جارہے تھے کو پکڑ لیا ہے۔ڈی ایف سی کے مطابق گاڑی کو تھانہ میں بند کر ا کے قانونی کارروائی شروع کر دی گئی ہے انہوں نے کہاکہ ڈپٹی کمشنر تونسہ محمد انور بریار کی ہدایت پر سمگلروں کے نیٹ ورک کو ضرور توڑا جائے گا۔

ڈیرہ غازیخان،باغی ٹی وی (جواداکبرسٹی رپورٹر) پنجاب ہائی وے پٹرولنگ پولیس ڈیرہ غازی خان ریجن نے گزشتہ سال 2022 کی کارکردگی رپورٹ جاری کر دی ہے . ایس پی چوہدری محمد شریف کی زیر نگرانی محفوظ ہائی ویز کے سلوگن پر عمل پیرا ہوتے ہوئے پٹرولنگ پولیس ڈیرہ غازی خان ریجن نے ہائی ویز پر قانون کی خلاف ورزی پر 3514 مقدمات کا اندراج کر کے 3856 قصورواران کو پابند سلاسل کیا گیا. پی آر او ممتاز حسین نے بتایا ہے کہ اس دوران تین رائفلز، چار گن، 20 پسٹلز اور گولیاں، 840 لیٹر شراب، 14480 کلو گرام چرس، ایک مسروقہ گائے مالیتی 5 لاکھ روپے ، تین مسروقہ بوریاں کھاد مالیت 12000روپے تین چوری شدہ بکرے مالیت 2 لاکھ روپے ، لکڑی مالیت 15 ہزار رپے ، واٹر پمپ کے علاوہ 23 لاکھ روپے کیش، ایک چوری شدہ کار اور تین چوری شدہ موٹر سائیکل برآمد کئے، اس کے علاوہ 294 مجرمان اشتہاری اور 32 عدالتی مفروران کو بھی گرفتار کیا گیا اور 392 مشکوک موٹر سائیکل تھانوں میں بند کرائے گئے . گزشتہ سال پٹرولنگ پولیس نے مشکل میں پھنسے 12511 مسافروں کو مدد فراہم کی اور 138 گمشدہ بچوں کو ان کے لواحقین سے ملوا دیا، حادثات میں زخمی ہونے والے 350 مسافروں کو فرسٹ ایڈ دی گئی اور ہائی ویز پر بنائی جانے والی 2153 تجاوزات کو ہٹایاگیا. ماہ جون میں آنے والے سیلاب میں پٹرولنگ پولیس ڈیرہ غازی خان نے تقریبا 5000 سے زائد گھرانوں کو ریسکیو کیا اور ان میں راشن پانی ادویات خیمہ جات نقدی و دیگر ضروری اشیاء مالیت تقریبا 22 کروڑ روپے تقسیم کیاگیا .