Author: ڈاکٹرغلام مصطفی بڈانی

چوٹی زیریں ( محسن نواز سے ) بزرگ سینئر سیاستدان ممبر قومی اسمبلی سردار محمد جعفر خان لغاری 83 برس کی عمر میں انتقال کرگئے۔سردار جعفر خان لغاری کینسر کی بیماری میں مبتلا تھے اور ایک ماہ سے شدید علالت کے باعث لاہور کی نجی ہسپتال میں زیر علاج تھےمرحوم کے سوگواران میں ایک بیوہ سابق ایم این اے مینا جعفر لغاری اور ایک بیٹی فاطمہ جعفر لغاری جبکہ ان کا کوئی بیٹا نہیں تھا سردار محمد جعفر خان لغاری مرحوم کا نماز جنازہ یکم جنوری اتوار دوپہر 1:30 بجے آبائی قصبہ چوٹی زیریں میں ادا کیا جائے گا۔

تفصیلات کے مطابق بزرگ سینئیر سیاستدان ، پاکستان تحریک انصاف کے رکن قومی اسمبلی سردار محمد جعفر خان لغاری وفات پا گئے اور ان کی نماز جنازہ آبائی قصبہ چوٹی زیریں میں مورخہ یکم جنوری 2023 بروز اتوار دوپہر 1:30 بجے ادا کیا جائے گا سردار جعفر خان لغاری معدے کے کینسر کے مرض میں مبتلا تھے اور پچھلے ایک ماہ سے شدید علیل تھے اور لاہور کی نجی ہسپتال میں زیر علاج تھے سردار جعفر خان لغاری کی عمر 83 سال تھی سردار محمد جعفر خان لغاری 23 جون 1942 کو سردار عطا محمد لغاری کے ہاں پیدا ہوئے انہوں نے1970 سے عملی سیاسی زندگی کا آغاز کیا اس دوران ایک مرتبہ چیئرمین ضلع کونسل راجن پور رہے اور دو مرتبہ ایم پی اے ، چھ مرتبہ ایم این اے اور اس وقت بھی وہ راجن پور کے حلقہ این اے 193 کے ایم این اے تھے۔ انہوں نے اپنے پیچھے ایک بیوہ سابق ایم این اے ڈاکٹر مینا جعفر لغاری ،ایک بیٹی گل فاطمہ لغاری سوگوار چھوڑی ہے جبکہ ان کا بیٹا کوئی نہیں تھا سردار جعفر خان لغاری سابق صدر پاکستان سردار فاروق احمد خان لغاری کے کزن چیف لغاری قبیلہ سردار جمال خان لغاری ، سابق وفاقی وزیر سرداراویس احمد لغاری صوبائی وزیر خزانہ پنجاب سردار محسن خان لغاری سابق ایم پی اے سردار یوسف خان لغاری کے چچا تھے مرحوم سردار جعفر خان لغاری انتہائی شفیق رحم دل اور اور پنجاب کے انتہائی قابل بزرگ سیاست دان تھے.

ٹھٹھہ،باغی ٹی وی(نامہ نگار راجہ قریشی )لو میرج کرنے والا جوڑا عوامی پریس کلب پہنچ گیا
تفصیل کے مطابق مکلی کے گوٹھ اللہ بخش گندرو کی رہائشی مسمات شاہدہ زاجہ روشن آتھو عوامی پریس کلب ٹھٹھہ پہنچ کر پریس کانفرنس کرتے صحافیوں کو بتایاکہ 9دسمبر 2022 کو میں نے اپنے قریبی رشتہ دار سے روشن آتھو سے اپنی مرضی کے مطابق شادی کراچی ملیر عدالت میں اپنی پسند سے نکاح کیا ہے جس کی وجہ سے شادی کے بعد میرے بھائی محمد آتھو اور میرے کزنز نثار آتھو نظیر آتھو ہمیں جان سے مارنا چاہتے ہیں جو ہمیں ڈھونڈ رہے ہیں، مسمات شاہدہ نے ڈی آئی جی حیدرآباد ،آئی جی سندہ اور ایس ایس پی ٹھٹھہ سے فوری تحفظ دینے کا مطالبہ کیا ہے.

گوجرخان باغی ٹی وی( نامہ نگار شیخ ساجد قیوم ) خطہ پوٹھوار کی عظیم روحانی شخصیت حضرت بابا فضل الدین چشتی صابری کلیامی رح کا دس روزہ سالانہ عرس مبارک دربار عالیہ کلیام شریف میں زیر سرپرستی سجادہ نشین دربار عالیہ کلیام شریف حضرت پیر سائیں شعبان فرید شروع ھو گیا عرس مبارک کی تقریبات 31دسمبر سے 9جنوری تک جاری رہیں گی ،ہفتہ کے روز عرس پاک کا آغاز پہلے ختم پاک کی تقریب سے ہوا سجادہ نشین حضرت پیر سائیں شعبان فرید نے خصوصی دعا کرائی عرس مبارک میں شرکت کے لئے اندرون اور بیرون ملک سے مریدین و عقیدت مندوں کی بڑی تعداد موجود تھی عرس کے دوران ملک بھر سے آئی قوال پارٹیاں محفل سماع کے ذریعے نذرانہ عقیدت پیش کریں گی خادم خاص دربار عالیہ کلیام شریف ملک امریز حیدر نے بتایا کے عرس کے دوران وسیع لنگر کا بڑے پیمانے پر خصوصی انتظام کیا جاتا ہے جبکہ بیرون علاقوں سے آئے زائرین کے لیے رہائش کا بھی خصوصی انتظام کیا گیا ہے عرس مبارک کے آغاز سے قبل جمعہ کی رات چادر پوشی کی خصوصی تقریب منعقد کی گئی

ٹھٹھہ،باغی ٹی وی (نامہ نگار راجہ قریشی)عطاری ہاوس ٹھٹھہ میں محبوب سبحانی کانفرنس منعقد ہوئی جس کے مہمان خاص بغداد سے غوث اعظم رح کے دربار کے گدی نشین الشیخ السید عفیف الدین جیلانی القادری تھے جبکہ اعزازی مہمان گرامی الحاج حافظ غلام محمد قادری محمدی اور علامہ مفتی محمد ابراھیم قادری محمدی تھے اس موقع پر میڈیا سے بات کرتے ہوئے الحاج غلام محمد قادری اور مفتی محمد ابراھیم قادری نے کہا کہ اج پاکستان چاروں طرف سے اندرونی اور بیرونی خطرات سے گھرا ہوا ہے انہوں نے کہا کہ بغداد کے شہزادے کا دورہ پاکستان کی سلامتی اور امن کے لئے دعائیں کرانا ہے انہوں نے کہا کہ کل مہمان خاص نے وزیراعلی سندھ اورآئی جی سندھ سے ملاقات کرکے امن وامان کی صورتحال پر بات چیت کی ہے انہوں نے کہا کہ آج کی تقریب خصوصی طور پر ملک کی ترقی کی دعا۔ کرانے اور اپنے عقیدت مندوں سے ملاقات کے لیے منعقد ہوئی ہے یہ پرنور تقریب رات دیر تک چلتی رہی مہمان خصوصی بغداد حضرت غوث اعظم رح کے گدی نشین الشیخ السید عفیف الدین جیلانی کا شاندار استقبال کیا گیا انہوں نے محفل میں پہنچ کر عالم اسلام کے لئے خاص دعا کی اس موقع پر انہوں نے میڈیا سے گفتگو کرتے ہوئے کہا کہ عالم اسلام کے لئے جو بھی شازشیں ہورہی ہیں وہ کبھی کامیاب نہیں ہوسکتیں اسلام امن کا گہوارہ ہے ہمیں پیار محبت سے رہنا چاہئے.

کوئٹہ (باغی ٹی وی)پاکستان پیپلز پارٹی ویمن ونگ بلوچستان کی سیکرٹری اطلاعات اور وزارت اورسیز پاکستانیز و انسانی ترقی کی فوکل پرسن محترمہ کرن بلوچ نے کہا ہے کہ مقرر ہ وقت پر عا م انتخا با ت آئینی تقاضاہے جبکہ پی ٹی آئی فور ی انتخابا ت کے انعقادکا غیر آئینی مطالبہ کر رہی ہے۔ محب وطن جمہور ی قوتوں کی جدو جہد کی بد و لت عا م انتخا با ت اپنے مقرر ہ وقت پر ہی ہو ں گے۔ایک بیان میں انہوں نے کہا کہ مستقبل میں ہو نے وا لے عا م انتخا با ت میں پیپلزپارٹی کامیابی حاصل کر ے گی اور بلاول بھٹو و ز یر اعظم پاکستا ن منتخب ہوں گے۔انہوں نے کہا ہے کہ سابق حکومت نے ملک وقوم کوبحرانوں کے سوا کچھ نہیں دیا، ملکی سیاست میں عدم برداشت کو فروغ دینے والے عوام کا اعتماد کھو چکے ہیں۔انہو ں نے کہاکہ پاکستان پیپلز پارٹی واحد جماعت ہے جس نے ہر دور میں ملک وقوم کیلئے قربانیاں دیں ہمیشہ مشکل وقت میں اقتدار سنبھال کر ملک وقوم دونوں تعمیر وترقی کی راہوں پر گامزن کیا ۔انہوں نے کہاکہ پاکستان پیپلز پارٹی کے بانی شہید ذوالفقار علی بھٹو نے اس پارٹی کی بنیاد غریبوں، محنت کشوں،مزدوروں اور کسانوں کو ان کے حقوق کی فراہمی کے لئے رکھی تھی اور آج چیئرمین بلاول بھٹو زرداری بھی اپنی والدہ شہید محترمہ بے نظیر بھٹوزرداری کے نقش قدم پرچلتے ہوئے اسی منشور کو لے کر آگے بڑھ رہے ہیں۔پیپلزپارٹی پاکستان میں اتحاد و تنظیم کی ضمانت ہے،جمہوری و فلاحی ریاست قائداعظم اور قائد عوام کا مشن اور محترمہ بے نظیر بھٹو شہید کا ویژن تھا۔انہوں نے کہاکہ پیپلزپارٹی بلاول بھٹو زرداری کی قیادت میں پاکستان کو اعتدال پسند، ترقی یافتہ اور پر امن جمہوری ریاست بنانے میں اپنا کلیدی کردار ادا کرتی رہے گی

ٹھٹھہ،باغی ٹی وی (نامہ نگار راجہ قریشی) ڈسٹرکٹ پاپولیشن آفیسر نے سیلاب متاثرین میں اشیائے ضروریہ تقسیم کرائیں
تفصیل کے مطابق ڈسٹرکٹ پاپولیشن آفیسر ٹھٹھہ عرفان اکبر جوکھیو کے احکامات پر ٹھٹھہ ضلع میں سیلاب متاثرین میں گرم کمبل مچھر دانیاں، کھاد ، خوراک اور گھریلو اشیاء کے سامان کی تقسیم کا حکم دیا ،جس یاسر پلیجو پاپولیشن آفیسر نے سیلاب متاثرین میں کھاد ،خوراک ،گرم کمبل مچھر دانیاں اور گھریلو ایشیاء تقسیم تقسیم کرائیں –