Author: ڈاکٹرغلام مصطفی بڈانی

چوٹی زیریں ( رپوٹ محسن نواز سے ) تھانہ چوٹی زیریں کی حددو بستی باڑہ میں مبینہ پولیس مقابلہ ایک ڈاکوں ہلاک دو گرفتار ایک فرار ہلاک ڈاکو سے اسحلہ برآمد۔ہلاک ڈاکو کی شناخت مصطفی چانڈیہ کے نام سے ہوئی ڈاکو قتل ڈکیتیوں اور دیگر جرائم میں پولیس مطلوب تھا۔پولیس نے لاش پوسٹ مارٹم کیلئے ہسپتال منتقل کردی۔
تفصیلات کے مطابق پولیس تھانہ چوٹی زیریں کی مخبر کی اطلاع پر موضع ٹھٹھہ گبولاں کی بستی باڑہ میں اشتہاری ڈاکوں کا پیچھا کیا اور چار نامعلوم افراد کو مشکوک جان کر روکنے کی کوشش کی لیکن مشکوک افراد ڈاکو نے پولیس پارٹی پر فائرنگ شروع کردی پولیس نے حق حفاظت کا استعمال کرتے ہوئے جوابی فائرنگ شروع کردی دونوں اطراف فائرنگ کا تبادلہ جاری رہا جس کے نتیجے ایک ڈاکو اپنے ساتھی کی فائرنگ سے ہلاک ہوگیا ہلاک ڈاکو کی شناخت مصطفی والد طاہر قوم چانڈیہ سکنہ درخواست جمال خان کے نام سے ہوئی، ہلاک ڈاکو سے اسحلہ بھی برآمد ہوا جبکہ اس کے دو ساتھیوں کو پولیس نے گرفتار کرلیا مزید پولیس کے مطابق ہلاک ڈاکو کی لاش پوسٹ مارٹم کیلئے ڈسٹرکٹ ہیڈ کوارٹر ہسپتال منتقل کردی گئی پولیس کے مطابق ہلاک ڈاکو تین قتل اور متعدد ڈکیتیوں اور دیگر جرائم میں ملوث تھا اور پولیس کو مختلف مقدمات میں مطلوب تھا مزید ڈی پی او ڈیرہ غازی خان محمد اکمل نے جائے وقوعہ کا دورہ کیا اور معاملے کا جائزہ لیا ۔

ٹھٹھہ،باغی ٹی وی (نامہ نگار راجہ قریشی)پولیس کا گرفتاری کے بعد 2 نوجوانوں کوغائب کردینے پر لواحقین کا تیسرے دن بھی احتجاج جاری
تفصیل کے مطابق ایک ہفتہ قبل پولیس کے ہاتھوں گرفتار ہوکر گم ہونے والے نوجوانوں کی بازیابی کیلئے ورثاء کا تیسرے دن احتجاج جاری رہا
عمران خشک اور آزاد خشک کی قیادت میں خواتین اور بچوں نے مین قومی شاہراہ پر دھرنادیا،دونوں نوجوانوں کی بازیابی کے لئے شدید نعرے بازی کی گئی،اس دوران ایس ایچ او مکلی عمران خشک سے مذاکرات اور احتجاجی دھرنا ختم کرانے کیلئے احتجاج والی جگہ پر پہنچ گۓ.تاہم ابھی تک مذاکرات کامیاب یا ناکام ہونے کی کوئی اطلاعات نہ مل سکیں-

ٹھٹھہ ،باغی ٹی وی(نامہ نگار راجہ قریشی) بڑھتی مہنگائی، آٹے کی قیمت میں روزانہ اضافہ کیخلاف بار ایسوسی ایشن نے عدالتی کارروائی کا بائیکاٹ کردیا
تفصیل کے مطابق ٹھٹھہ ضلع میں بڑھتی ہوئی مہنگائی، آٹے کی قیمت میں روزانہ اضافہ پر ڈسٹرکٹ بار ایسوسی ایشن کے طرف سے عدالتی کارروائی کا بائیکاٹ کیا گیا ، ٹھٹھہ سیشن کورٹ اور ماتحت عدالتوں میں وکلاء نے عدالتی کارروائی کا بائیکاٹ ہڑتال کی جس کے باعث عدالتی کارروائی ٹھپ ہوگئی ، ٹھٹھہ ڈسٹرکٹ بار ایسوسی ایشن نے ٹھٹھہ میں آٹے کے قیمتوں میں اضافہ، آٹے کا بحران اور بدامنی کے ذمہ دار انتظامیہ کو ٹھہرایا،اور اعلاميہ جاری کیا جس کے مطابق عدالتوں میں پٹیشن داخل کرانے کے ساتھ احتجاجی تحریک چلانے کا اعلان کیاگیا، ٹھٹھہ ڈسٹرکٹ بار ایسوسی ایشن کے قادر جروار ،اختر جماری،فرحان شمس میمن، اعجاز بڈانی، افضل میمن سمیت اوردیگر نے ڈسٹرکٹ بار ہال میں ہنگامی پریس کانفرنس کرتے ہوۓ کہا کہ ٹھٹھہ میں بھی آٹے کے بحران کے سمیت مہنگائی عروج پر پہنچ چکی ہے ،روزانہ کھانے کے اشیاء کی قیمتیں بڑھائی جاتی ہیں ،لوگ خودکشیاں کر نے پر مجبور ہیں ،ٹھٹھہ شہر مکلی سمیت بدامنی اسٹریٹ کرائم میں اضافہ ہوا ہے، جس کی زمہ دار ضلعی انتظامیہ ہے ،انہوں ہسپتالوں میں دوائیوں کی کمی بڑھتی مہنگائی اور آٹے کے بحران سمیت اسٹریٹ کرائم کے خلاف احتجاج جاری رکھنے اور ھائی کورٹ میں پٹیشن داخل کرانے کا اعلان کیا.

باغی ٹی وی :کشمور سے گھوٹکی تک قومی شاہراہ پر موت کارقص،اب ڈرائیور اغواء ہونے لگے،ڈاکوتاوان کیلئے ویڈیوز وائرل کرنے لگے،
عوامی حلقوں کاکہناہے جب تک پولیس میں ڈاکوؤں کے سہولت کارموجود ہیں اس وقت تک کوئی اپریشن کامیاب نہیں ہوسکتا ،چاہے گورنمنٹ جتنا بھی زور لگالے. بدامنی اورڈاکو راج برقرار رہےگا۔ پولیس کی کالی بھیڑوں کی وجہ سے جرائم کی شرح بڑھتی جارہی ہے
تفصیل کے مطابق سندھ پولیس نے عوم کوکچے کے ڈاکوؤں کے رحم وکرم پرچھوڑ دیا ہے جو کہ سندھ پولیس کی بہت بڑی ناکامی ہے۔ ایک جانب شاہراہوں سے گزرنے والوں کو اغوا کرکے تاوان لیا جارہا ہے تو دوسری طرف قومی شاہراہ کشمور سے گھوٹکی تک ’’علاقہ غیر‘‘ میں تبدیل ہو چکی ہے۔ انٹرسٹی کوچوں، بسوں کو لوٹا جارہا ہے۔ ٹریلر اور مال بردار گاڑیوں، آئل ٹینکرز کے ڈرائیوروں کو اغوا کیا جارہا ہے۔ آئل ٹینکرز کے بعد مال بردار گاڑی کے ڈرائیور کے قتل اور دوسرے واقعہ میں اغوا ہونے والے ڈرائیور کی بازیابی کے لئے احتجاج کیاجارہاہے۔ ادھر اطلاعات ہیں کہ سندھ میں ڈاکو راج کے خلاف جدید آلات سے آپریشن کی تیاریاں کی جارہی ہیں اور اس حوالے سے جدید ہتھیار، ڈرون اور دیگر آلات بھی خریدے جارہے ہیں۔عوامی حلقوں کاکہناہے جب تک پولیس میں ڈاکوؤں کے سہولت کارموجود ہیں اس وقت تک کوئی اپریشن کامیاب نہیں ہوسکتا ،چاہے گورنمنٹ جتنا بھی زور لگالے. بدامنی اورڈاکو راج برقرار رہےگا۔ پولیس کی کالی بھیڑوں کی وجہ سے جرائم کی شرح بڑھتی جارہی ہے۔ اسی لئے سندھ میں کچے کے علاقے کے ڈاکوؤں نے قتل و غارت اور لوٹ مار بڑھادی ہے۔ قومی شاہراہ پر راتوں کو ناکے لگاکر لوگوں کو لوٹا جا رہا ہے۔ اغوا کرکے تاوان کا مطالبہ کیا جا رہا ہے۔
قومی شاہراہ پر مورو سے کشمور اور کندھ کوٹ گھوٹکی تک ان ڈاکوئوں کا راج ہے۔ ان کا ٹارگٹ زیادہ تر انٹرسٹی کوچیں، بس اور آئل ٹینکر کے علاوہ مال بردار گاڑیاں ہیں۔ گزشتہ دنوں سکھر کے قریب انٹرسٹی کوچ کو لوٹا گیا۔ جس پر متاثرہ مسافروں نے قومی شاہراہ پر دھرنا دیا تھا۔ کوچوں بسوں میں لوٹ مار کا سلسلہ بڑھنے کے باوجود موٹر وے پولیس اور مقامی پولیس واقعات کی پردہ پوشی کر رہی ہے۔
رواں ماہ 5 دسمبر کو کشمور کے مقام پر کراچی سے پشاور جانے والے آئل ٹینکر کو روکا گیا اور ڈرائیور عمران آفریدی کو اغوا کرلیا گیا تھا۔ اس کی تشدد کرتے ہوئے وڈیو اس کے اہل خانہ کو بھیج کر 2 کروڑ تاوان مانگا گیا تھا۔ جس کے بعد آئل ٹینکرز اونر ایسوسی ایشن نے ملک بھر میں تیل کی سپلائی بند کرنے کی دھمکی دی تھی۔ جبکہ رہنمائوں نے ڈرائیوروں کے ساتھ مل کر بلاول ہاؤس کراچی پر دھرنا دیا تھا کہ ڈرائیور کو بازیاب کرایا جائے اور دیگر کو تحفظ دیا جائے۔ بالآخر 22 دسمبر کو گھوٹکی پولیس نے عمران آفریدی کے رشتے داروں کو بلوایا اور عمران آفریدی کو ان کے حوالے کردیا۔ ڈرائیور کو کس طرح بازیاب کرایا گیا۔ اس حوالے سے نہیں بتایا گیا۔ جبکہ اگلے روز مال بردار ٹریلر کو کندھ کوٹ کے مقام پر روکنے کی کوشش کی گئی اور نہ رکنے پر ڈرائیور کو فائرنگ کرکے زخمی کردیا گیا۔ جو نواب شاہ کے اسپتال میں لے جانے کے دوران چل بسا۔ اس کا تعلق صادق آباد سے تھا۔ ابھی اس پر مال بردار گاڑیوں والے احتجاج کر رہے تھے کہ تین روز قبل پشاور سے کراچی آنے والے مال بردار ٹرالر کے ڈرائیور نعمان خان کو اغوا کرکے ڈاکو ہمراہ لے گئے۔
اس واقعہ کے بعد کراچی میں گڈز کیریئر ایسوسی ایشن نے شدید ردعمل دیا اور سندھ حکومت اور پولیس سے مطالبہ کیا کہ نعمان کو بازیاب کرایا جائے اور مال بردار گاڑیوں کو تحفظ فراہم کیا جائے۔ ورنہ ملک بھر میں مال کی ترسیل روک دی جائے گی۔
کراچی گڈز کیریئر ایسوسی ایشن کے سینیئر وائس صدر ملک شبیر خان کا کہنا ہے کہ ’’آج جمعہ کو پولیس اور سندھ حکومت کو دی گئی ڈیڈ لائن ختم ہوجائے گی اور آئندہ کا لائحہ عمل دیا جائے۔ ڈاکوئوں نے کشمور سے سکھر گھوٹکی تک ایک بار پھر قومی شاہراہ کوعلاقہ غیربنا بنادیا ہے۔ اگر ٹھوس اقدامات نہ کیے گئے تو مال بردار گاڑیوں کا نیٹ ورک چلانا مشکل ہوجائے گا۔گذشتہ رات بھی کشمور کے قریب بخشاپور کے قریب قومی شاہراہ ڈاکو گن پوائنٹ پرٹرکوں اور بسوں کوروک لوٹتے رہے ،اس دوران پولیس سے مڈبھیڑ اور فائرنگ کے تبادلہ میں ایک ڈکیت30 لاکھ سرقیمت والا بدنام زمانہ ڈاکوؤں کا سربراہ شریف بنگوار ساتھی سمیت ہلاک ہوگیاجبکہ دیگر ڈاکو فائرنگ کرتے ہوئے کچے کی طرف فرار ہو گئے ہیں ڈاکوؤں کی فائرنگ سے ٹرک ڈرائیور شدید زخمی ہو گیا جسے ہسپتال منتقل کر دیا گیا .

باغی ٹی وی : سندھ، پنجاب اور بلوچستان کے سرحدی اضلاع میں سال2022 ء کے اختتام تک ڈاکو راج برقرار
تفصیل کے مطابق سال 2022 میں بھی سندھ، پنجاب اور بلوچستان کے سرحدی اضلاع میں ڈاکو راج رہا جس کے نتیجے میں مقابلوں کے دوران 22 ڈاکو ہلاک اور 9 پولیس افسران شہید ہوئے ۔ سندھ، پنجاب اور بلوچستان کے سرحدی اضلاع گھوٹکی ،کشمور ، شکارپور اور جیکب آباد کچے کے علاقے جغرافیائی لحاظ سے ڈاکوؤں کی محفوظ پناہ گاہ اور نوگو ایریا بنے ہوئے ہیں، دریائی علاقے میں دور تک مارکرنے والے اسلحے کے سامنے پولیس بے بس نظر آتی ہے جب کہ ڈاکو واردات کرکے ایک دوسرے کے سرحدی اضلاع میں فرار ہوجاتے ہیں، اب تک اغوا برائے تاوان، اقدام قتل ڈکیتی اور موٹر سائیکل چھیننے کی سیکڑوں وارداتیں ہوچکی ہیں۔رواں سال کے آخر میں گھوٹکی کے رونتی کے کچے میں ایک ڈی ایس پی اور 2 ایس ایچ اوز سمیت 6 پولیس اہلکار جب کہ کشمور میں ایک انسپکٹر اور پولیس اہلکار کی شہادت کے بعد حکومت سندھ نے آئی جی سندھ کوڈاکوؤں کو مکمل طورپر ختم کرنے کا ٹاسک دیا ہے جس کے بعد ان اضلاع میں بین الاقوامی تربیت یافتہ پولیس دستے جدید آلات پر مشتمل ابابیل ڈرون اور دور تک مارکرنے والے جدید اسلحہ کو جمع کررہے ہیں۔پولیس اہلکاروں کی شہادت سے قبل ایک کروڑ روپے انعام یافتہ ڈاکو سلطوشر اور بعد میں ببی بنگوار سمیت گھوٹکی، شکارپور، کشمور اور جیکب آباد میں پولیس مقابلوں میں 22 ڈاکوہلاک جب کہ 698ڈاکوں اور جرائم پیشہ افراد گرفتار کیا گیا ہے۔
یادرہے گذشتہ رات بھی کندھ کوٹ بخشاپور کے حدود زورگڑھ انڈس ہائی وے پر ڈاکوؤں نے اسلحہ کے زور پر مسافروں سے لوٹ مار کی ، 20 منٹ مسلسل مسافروں پر فائرنگ کا سلسلہ جاری رہا، ڈکیتی کی اطلاع ملتے ہی پولیس حدود کی پولیس جائے وقوعہ پر پہنچی تو ڈاکوؤں اور پولیس کے درمیان فائرنگ کا تبادلہ ہوا، ایس ایس پی زبیر نذیر شیخ نے بتایا کہ فائرنگ کے نتیجے میں دو 30 لاکھ انعام یافتہ بدنام زمانہ ڈاکوؤں کے سربراہ شریف بنگوار ساتھی سمیت ہلاک دیگر ڈاکو فائرنگ کرتے کرتے کچے کی طرف فرار ہو گئے ہیں، ڈاکوؤں کی فائرنگ سے ٹرک ڈرائیور شدید زخمی ہو گیا جسے ہسپتال منتقل کر دیا گیا ہے، دوسری جانب ضلع کشمور کندھ کوٹ کے شہریوں کا کہنا تھا کہ ضلع بھر میں بدامنی بھڑک اٹھی ہے ڈاکوؤں راج برقرار ہے پولیس مکمل طور ناکام ہے ڈاکوؤں کے چنگل میں پھنسے 20 سے زائد مغوی ابھی تک پولیس بازیاب کرانے میں ناکام ہے،مغویوں کے ورثاء کے گھروں میں گہرام مچا ہوا ہے۔