Author: ڈاکٹرغلام مصطفی بڈانی

باغی ٹی وی (ویب نیوز) پاکستان عوامی تحریک کے سیکرٹری جنرل خرم نواز گنڈاپور نے کہا ہے کہ پہلے احتساب، اصلاحات اور پھر انتخابات کروائے جائیں ورنہ سیاسی، معاشی بحران میں مزید شدت آئے گی۔ معیشت کو ٹریک پر لانے کیلئے، احتساب، اصلاحات اور بین الاقوامی معاہدات کے ازسرنو جائزہ کیلئے دو اڑھائی سال کیلئے ٹیکنوکریٹ کی حکومت لانے میں حرج نہیں، اس وقت سیاسی عدم برداشت اپنی انتہاؤں کو چُھو رہا ہے۔ اس ماحول میں الیکشن کروانے کا مطلب تصادم کروانا ہے۔ ڈاکٹر طاہرالقادری نے 2013ء میں احتساب اور اصلاحات کا قومی ایجنڈا پیش کیا تھا، اگر اُس وقت بات مان لی جاتی تو آج یہ دن نہ دیکھنے پڑتے۔
انہوں نے کہا کہ زیر تفتیش کرپٹ ”بزرگ سیاسی قیادت“ سے نجات کا وقت آ گیا ہے۔ انہوں نے اپنے بیان میں کہا کہ صاف شفاف الیکشن کیلئے الیکشن کمیشن کا آئین میں دیئے گئے آرٹیکلز کے مطابق مضبوط ہونا ضروری ہے۔ اس وقت الیکشن کمیشن بھی مضبوط نہیں، الیکشن کمیشن اسلام آباد میں بلدیاتی انتخابات کروانے کا اعلان کرکے ریورس ہو گیا۔ ایسے کمزور الیکشن کمیشن سے ملک گیر شفاف انتخابات کی توقع نہیں کی جا سکتی۔ انہوں نے کہا کہ رجیم چینج کے بعد جو حکومت قائم ہوئی اس کا ایجنڈا صرف اپنے کرپشن کیسز سے نجات تھا وہ پورا ہو گیا۔ اب انہیں بھی مزید ملک چلانے اور سنبھالنے میں کوئی دلچسپی نہیں۔

ڈیرہ غازیخان ،باغی ٹی وی (واجداکبرسٹی رپورٹر)ڈپٹی کمشنر محمد انور بریار کا میونسپل سروسز کی چیکنگ کیلئے علی الصبح شہر کا دورہ،
صفائی،نکاسی آب،صاف پانی سمیت بنیادی سہولیات اب شہریوں کی پہنچ میں ہونگی۔
ڈپٹی کمشنر نے سینٹری ورکرز کی حاضریاں چیک کیں،لوگوں سےصفائی بارے معلومات بھی لیں۔وہ سرپرائزڈ وزٹ کرکے سٹاف کی حاضریوں،میونسپل سروسز کو یقینی بنانے کیلئے پرعزم ہیں،اسسٹنٹ کمشنر صدر شکیب سرور،سی او میونسپل کارپوریشن جوادالحسن گوندل ودیگر افسران بھی شہر وزٹ کے دوران انکے ہمراہ تھے۔ڈپٹی کمشنر نے علی الصبح ماڈل ٹاؤن ڈسپوزل،دریشک ٹاؤن،بلاک18،17،چوڑہٹہ بلاک،ریلوے پلی،گولائی کیمٹی،صدر بازار،دربار قادریہ و دیگر علاقوں کا دورہ کیا اور میونسپل سروسز معاملات کا موقع پر بذات خود معائنہ کیا۔انہوں نے ماڈل ٹاؤن ڈسپوزل سٹیشن کو فوری اپ ڈیٹ کرنے کی ہدایات دیتے ہوئے کہا کہ بنیادی سہولیات کو یقینی بنانا میونسپل اداروں کی ترجیح ہونا چاہیئے،سروسز میں ریلیف دے کر ہم عوامی اعتماد حاصل کر سکتے ہیں،محمد انور بریار نے گلیوں،سڑکوں،بازاروں میں صفائی،کوڑا کرکٹ اٹھانے کے عمل کا معائنہ کیا۔انہوں نے کہا کہ گلیوں،بازاروں سمیت کسی جگہ بھی گندگی کے انبار نظر نہیں آنے چاہئیے،مانیکہ کینال کے فٹ پاتھ اور ڈیوائیڈرز کو پینٹ کروایا جائے،چوڑہٹہ پارک میں گھاس لگوائی،سیٹنگ ایریا کو کلر فل بنانے کا حکم دیتے ہوئے انہوں نے کہا کہ گھروں کے مالکان کو گلیوں،بلاکس میں پڑے تعمیراتی ملبے کو فوری اٹھانے کا کہا جائے،ملبہ نہ اٹھوانے والے مالکان کیخلاف مقدمات درج کروائے جائیں،
محمد انور بریار نے ڈپٹی ڈائریکٹر لوکل گورنمنٹ کو سروے کرکے مین ہولز کے ڈھکنوں کی رپورٹ دینے کا بھی حکم دیا،انہوں نے کہا کہ وسائل میں رہتے ہوئے شہریوں کو زیادہ سے زیادہ سہولیات فراہم کی جائیں،خوبصورتی کیلئےفٹ پاتھ اور ڈیوائیڈرز کے اطراف کو رنگ کیا جائے،
میونسپل سروسز میں بہتری انتظامیہ کی اچھی کارکردگی کو ظاہر کرتی ہے،موقع کی مناسبت سے سروسزمیں بہتری کی گنجائش کو مدنظر رکھا جائے،محمد انور بریار نے کہا کہ نالیوں،گٹروں سے نکالا جانیوالا ثومہ تکلیف کا باعث ہوتا ہے جیسے فوری اٹھایا جائے،ٹوٹے گٹروں کے ڈھکنوں کو تبدیل اورسلیبوں کی فوری مرمت کی جائے،سینٹری ورکرز کے حاضری یقینی بنائی اور انکے روٹین کےکام کو چیک بھی کیا جائے،میونسپل سروسز میں بہتری بارےشہریوں سے مشاورت کی جائے،سیاسی ورکرز بھی صفائی نظام کے چیک اینڈ بیلنس میں انتظامیہ کی مدد کریں،محمد انور بریار نے کہا کہ میونسپل معاملات کی بہتری کیلئے میں شہر کا سرپرائزڈ وزٹ کرتا رہوں گا،سڑکوں پر موجود گرین بیلٹس کو پانی لگایا اور درختوں کی کٹائی کی جائے،شہری جگہ جگہ کوڑا کرکٹ مت پھینکیں،انہیں مختص پوائنٹس پر رکھیں تاکہ اسے بروقت اٹھایا جا سکے،
شہری بھی سینٹری ورکرز کی محنت ضائع نہ کریں،انہوں نے کہا کہ مجھے عوامی خدمت کے تسلسل کو برقرار رکھنے کیلئے اپنی ٹیم پر فخر ہے،
روزمرہ امور سے ہٹ کر بھی صفائی عمل میں بہتری لائی جائے گی،ڈپٹی کمشنر نے اپنے وزٹس کے دوران افسران کو بہتر ورکنگ بارے ہدایات بھی دیں۔

ڈیرہ غازیخان ،باغی ٹی وی (نامہ نگار شہزاد خان)ڈی جی خان اور مظفرگڑھ اضلاع کے 13 ترقیاتی منصوبوں میں ترمیم کی مشروط منظوری دے دی گئی ہے۔منصوبوں پر ایک ارب 31 کروڑ روپے خرچ ہوں گے کمشنر خالد منظور نے ڈویژنل ڈویلپمنٹ ورکنگ پارٹی کے ویڈیو لنک اجلاس کی صدارت کرتے ہوئے قواعد و ضوابط پورے کرنے پر منصوبوں میں ترمیم کی منظوری دی ڈپٹی کمشنر محمد انور بریار ،ڈائریکٹر ڈویلپمنٹ رانا عبید الرشید اور دیگر افسران موجود تھے.
کمشنر ڈیرہ غازی خان خالد منظور کی زیر صدارت ڈی ڈی ڈبلیو پی کا اجلاس منعقد ہواجس میں ڈیرہ غازی خان اور مظفرگڑھ کے 13 ترقیاتی منصوبوں میں ترمیم کی مشروط منظوری دی گئی ہے جن میں ڈیرہ غازی خان کے پانچ اور مظفر گڑھ کے 9 منصوبوں کی مشروط منظوری دی گئی۔پبلک ہیلتھ کے منصوبوں کی منظوری سربراہ ادارہ کی عدم شرکت پر موخر کردی گئی۔کمشنر خالد منظور نے کہا کہ ترقیاتی منصوبوں میں ترمیم کے تمام قواعد پورے کئے جائیں۔ترقیاتی منصوبوں کو مقررہ معیاد کے اندر مکمل ہونا چاہیے تاہم میٹریل کے معیار پر ہرگز سمجھوتہ نہیں ہوگا۔اجلاس میں ڈپٹی ڈائریکٹرز وسیم اختر جتوئی ،انعم حفیظ،ایس ایز محمد نواز،محمد ارشد،انور علی ندیم،خلیل احمد کھوسہ،ڈی جی پی ایچ اے طاہر جاوید انصاری،ایگزیکٹو انجینئرز محمد رمضان،محمد وقاص ،ثقلین احمد،ڈی بی اے شہزاد قدیر اور دیگر افسران موجود تھے

ٹھٹھہ ،باغی ٹی وی(راجہ قریشی نامہ نگار)سندھ میں آٹا مہنگا ہونےپر صوبائی حکومت نے ایکشن لے لیا۔ گندم کی بین الصوبائی نقل و حرکت پر پابندی لگادی،سندھ حکومت کی جانب سے گندم کی نقل و حرکت پر پابندی کا نوٹی فکیشن جاری کرتے ہوئے پولیس کو الرٹ بھی جاری کردیا گیا۔ نوٹی فکیشن کے مطابق گندم کی بین صوبائی پابندی کے خلاف ورزی کرنے والوں کے خلاف ایکشن لیا جائے۔نوٹی فکیشن میں ہدایت کی گئی ہے کہ گندم کی چوری روکنے کیلئے 9 مقامات پر چیک پوسٹیں قائم کی جائیں ، کراچی کے ڈسٹرکٹ ویسٹ میں بھی ایک چیک پوسٹ بنائی جائے جبکہ سندھ و پنجاب کے بارڈرز، گھوٹکی میں دو، کشمور میں دو پوسٹیں قائم کرنے کا حکم دے دیا گیا۔نوٹی فکیشن کے مطابق قمبر شہداد کوٹ میں دو، جیکب آباد میں بھی دو چیک پوسٹیں قائم کی جائیں گی۔