Author: ڈاکٹرغلام مصطفی بڈانی

ننکانہ صاحب باغی ٹی وی (نامہ نگار احسان اللہ ایاز )اوپن ڈور پالیسی کے ذریعے عوام کو درپیش مسائل کا فوری حل اولین ترجیح ہے ضلع ننکانہ کے شہری کسی بھی محکمے سے متعلق اپنے مسائل کے حل کے لئے میرے آفس تشریف لائیں تاکہ فوری ریلیف فراہم کیا جا سکے اوپن ڈور پالیسی کے تحت ڈپٹی کمشنر ننکانہ صاحب احمرنائیک ضلع بھر کی عوام الناس کے مسائل کے بروقت حل کے لیے روزانہ کی بنیاد پر صبح 11تا 12اور شام 4تا5بجے تک شہریوں کو درپیش مسائل سن کر موقع پر متعلقہ محکمہ جات کو احکامات جاری کررہے ہیں۔ڈپٹی کمشنر ننکانہ احمرنائیک نے اوپن ڈور پالیسی کے حوالے سے گفتگوکرتے ہوئے کہا کہ عوام کو درپیش مسائل کا فوری حل میری اولین ترجیحات میں شامل ہے ،ضلع ننکانہ کے شہری کسی بھی محکمہ سے متعلق اپنے مسائل کے حل کے لیے میرے *آفس تشریف لائیںتاکہ انہیں فوری ریلیف فراہم کیا جاسکے

ٹھٹھہ،باغی ٹی وی( نامہ نگار راجہ قریشی)والدین اپنے بچوں کو معذوری سے بچانے کیلئے پولیو کے قطرے ضرور پلائیں۔ غضنفر علی قادری
ضلع کے تمام علاقوں میں پولیو ٹیموں کی موجودگی کو یقینی بنایا جائے تاکہ کوئی بھی بچہ پولیو کے قطرے پینے سے رہ نہ جائے۔ ڈپٹی کمشنر ٹھٹھہ
ٹھٹھہ ڈپٹی کمشنر ٹھٹھہ غضنفر علی قادری نے محکمہ صحت سمیت تمام متعلقہ محکموں کے افسران کو ہدایت کی ہے کہ وہ 16- جنوری 2023ء سے شروع ہونے والی انسداد پولیو مہم کے دوران تمام موجود وسائل بروئے کار لاتے ہوئے بہتر نتائج کے حصول کیلئے کوئی کسر نہ چھوڑیں۔ یہ ہدایت انہوں نے دربار ہال مکلی میں آئندہ انسداد پولیو مہم کے انتظامات کا جائزہ لینے کے متعلق منعقدہ اجلاس کی صدارت کرتے ہوئے دی۔ ڈپٹی کمشنر نے پولیس افسران کو بھی ہدایت کی کہ وہ ٹرانزٹ پوائنٹس پر چند منٹ کیلئۓ پبلک ٹرانسپورٹ کو روکیں تاکہ سفر کرنے والے بچوں کو بھی قطرے پلانے جا سکیں۔ انہوں نے کہا کہ ضلع بھر کے تمام علاقوں میں پولیو ٹیمز کی موجودگی کو یقینی بنائیں تاکہ کوئی بھی بچہ قطرے پینے سے رہ نہ جائے۔ ڈپٹی کمشنر نے ضلع کے عوام باالخصوص والدین سے اپیل کی ہے کہ وہ اپنے علاقوں میں آنے والی ٹیموں سے تعاون کریں اور اپنے پھول جیسے بچوں کو معذروری سے بچانے کیلئے پولیو کے قطرے ضرور پلائیں۔ قبل ازیں این اسٹاف ڈاکٹر راجیش کمار نے اجلاس کو بتایا کہ مہم کے دوران پانچ سال تک عمر کے 02 لاکھ 27 ہزار 593 بچوں کو پولیو سے بچاء کے قطرے پلانے کیلئے 720 گشتی، 46 فکسڈ اور 54 ٹرانزسٹ پوائنٹس جبکہ 171 ایریا انچارچز مقرر کئے گئے ہیں تاکہ مقررہ ہدف حاصل کرکے مہم کو سو فیصد کامیاب بنایا جا سکے۔ اس موقع پر ایڈیشنل ڈپٹی کمشنر ون ریاض حسین لغاری ،ڈسٹرکٹ ہیلتھ افسر ڈاکٹر محمد حنیف میمن، محکمہ صحت، تعلیم، پولیس، لوکل گورنمنٹ و دیگر محکموں کے افسران اور مختلف این جی اوز کے نمائندے بھی موجود تھے۔

ڈی جی خان،باغی ٹی وی(جواداکبر) کارڈیالوجی انسٹیٹیوٹ کےلئے پرانی سبزی منڈی کا رقبہ جلد صاف کرنے کےلئے دوبارہ بھاری مشینری لگانے کے احکامات جاری
تفصیل کے مطابق ڈیرہ غازی خان شہر میں میونسپل سروسز کی بہتری کےلئے سیکٹر سطح پر افسران کی ڈیوٹیاں لگادی گئیں۔مزید 300 مین ہولز کے ڈھکن آئندہ ملنا شروع ہو جائیں گے ۔کمشنر لیاقت علی چٹھہ نے نماز فجر کی ادائیگی کے بعد شہر کا دورہ کرتے ہوئے ہدایات جاری کیں،کمشنر ڈیرہ غازی خان ڈویژن لیاقت علی چٹھہ نے صبح سویرے یونین کونسل چار،سات،دس اور سولہ کے مختلف مقامات کا دورہ کیا۔صفائی ،سیوریج کے معاملات دیکھتے ہوئے اہل علاقہ اور کمیونٹی کی کمیٹی کے اراکین سے ملاقاتیں کی۔انہوں نے سبزی منڈی ڈسپوزل ورکس کا بھی دورہ کیا۔ کمشنر لیاقت علی چٹھہ نے کہا کہ میونسپل سروسز کی بہتری کےلئے ہر ممکن اقدامات کئے جائیں گے۔کارپوریشن کی حدود میں نقشہ منظور کروائے بغیر کسی کو تعمیراتی کام نہیں کرنے دیا جائے گا۔شہر کے مرکزی بازاروں کے ساتھ گلی محلوں میں بلا امتیاز آپریشن جاری رکھا جائے۔اس موقع پر ڈائریکٹر ڈویلپمنٹ رانا عبید الرشید ،اے سی صدر شکیب سرور ،چیف آفیسر کارپوریشن جواد الحسن گوندل ،ایس ای پبلک ہیلتھ شعیب فیاض اور دیگر افسران ہمراہ تھے

تونسہ شریف ،باغی ٹی وی ( نامہ نگار عمران لنڈ)پبلک ہیلتھ انجیئرنگ کاکمال ،سیوریج نکاسی نالے کے بیچ آنے والا کھبانہ ہٹایا گیا
تفصیل کے مطابق منگروٹھہ چونگی سے پناہ گاہ تونسہ تک سیوریج بارش کے پانی کی نکاسی کے لیئے نالے کی تعمیر کی تعمیر کی جارہی ہے جس کیلئے قبرستان کی دیوار بھی گرادی لیکن نالے کے بیچ آنے والے سٹریٹ لائٹ پول کو ہٹایا گیا ہے اور نہ اس کھبے کی وجہ سے نالے کوکوئی تھوڑا ساخم یا موڑدیاگیا ہے ،اگر اس پول کی جگہ پر نالے کوتھوڑا ایک سائیڈ کی طرف خم دیکر نہ موڑاگیا تو جب یہ نالامکمل ہوگیااوراس سیوریج کاپانی چھوڑاگیا تواس کھبے والی جگہ پر رکاوٹ کی وجہ سے سیوریج کی نکاسی رک جائے گی اور سیوریج بند ہونے کی وجہ سے گندہ پانی قبرستان یا پھر روڈ پر ٹھاٹھیں مارے گا، شہریوں نے ڈپٹی کمشنر تونسہ اور اسسٹنٹ کمشنر تونسہ سے مطالبہ کیا ہے اس نالے کی تعمیر میں آنے والے نقائص کو فوری دورکیاجائے.

ٹھٹھہ،باغی ٹی وی( نامہ نگار راجہ قریشی) 22 ڈسمبر پر شھید دولھ دریا خان کے شھادت والے دن عوامی پریس کلب کے صدر اور میمبران جام نظام الدین اور دولھ دریا خان شھید کی مزار پر حاضری دی پھولوں کی چادریں ٗچاری گئی اور عوامی پریس کلب کے ممبران اور صدر کی جانب سے فاتح پڑھی گئی، اس موقع پر عوامی پریس کلب کے صدر بلاول سموں نے خطاب کرتے ہوۓ کہا سال 1520ع پر آج کے دن پر افغانی حملہ آوروں نے شاہ بیگ ارغون کے سرپرہ ستی میں حملہ کر کے سندھ پر قبضہ کیا ، اور دولھ دریاسمیت ہزاروں سندھیوں کا قتل عام کیا گیا, لیکن آج سندھ کی ایک پارٹی نے سندھی ادبی سنگت سمیت کسی ادیب تاریخ دانوں لیکھاری، دانشوروں یہ مناسب نہیں سمجھا کے وہ دولھ دریاہ خان شہید کے مزار پر پھولوں کی چادر ڈالیں اور فاتح خانی کریں لیکن ہم نے اپنی تاریخی روایت برقرار رکھتے ہوۓ سماجی سرپرست ڈاکٹر مقبول خشک ،عبید جماری ، ملک منظور خاصخلی ، راجا قریشی ، علی محمد درس، وقار کہمان ، جاوید خشک ،عزیز شیخ اور بہی لوگوں کے ساتھ مل کر شہید دولھ دریاء خان اور جام نظام الدین ،جام فیروز پر چادریں چڑھائیں اور دعا مانگی اپنی تاریخی اور قومی زمہ داری نبھائی،بلاول سموں صدر عوامی پریس کلب ٹھٹھہ نے مزید کہا کہ شہیدوں نے قوم اور دھرتی کی حفاظت کے خاطر جنگ لڑی انہیں یاد کرنا ہمارا فرض ہے جو قوم اپنے قومی ہیروز کو یاد نہ کرے اور لٹیرے اور دشمنوں کے پیچھے چلے ان کا مقدر تباہی ہوتا ہے.

میرپور ساکرو،باغی ٹی وی(قادرنوازکلوئی)27 دسمبر کو شہید بینظیر بھٹو کی برسی میں بھرپورشرکت کی جائے گی- الحرمین سومرو
تفصیل کے مطابق پیپلز پارٹی تحصیل میرپور ساکرو کا اجلاس تحصیل صدر مشتاق بگھیار کی زیر صدارت منعقد ہوا جس میں 27 دسمبر کو شہیدمحترمہ بینظیر بھٹو کی برسی میں بھرپور شرکت کا فیصلہ کیا گیاہے الحرمین سومرو پیپلز پارٹی کے امیدوار امیر حسین ہودیو بلوچ اسد خواجہ غلام نبی کنبھر حیدر شاہ بخاری ابراہیم شورو اور دیگر نے کہا ہے کہ 27 دسمبر اس ملک کا یوم سیاہ تھا جس دن قائد جمہوریہ ملکہ بے نظیر بھٹو کو شہید کیا گیا یہ وہ جماعت ہے جس نے ہمیشہ غریبوں کی خاطر اپنی جانوں کا نذرانہ پیش کیا ہے۔ انہوں نے کہا کہ 27 دسمبر کو لاڑکانہ میں شہید ملکہ کی برسی میں میرپور ساکرو تعلقہ سے پیپلز پارٹی کے کارکنان کی بڑی تعداد شرکت کرے گی۔