Author: ڈاکٹرغلام مصطفی بڈانی

ملک بھر کی لیبارٹریوں کو ٹائیفائیڈ بخار کے غیرمصدقہ ٹیسٹ کرنے سے روک دیا گیا
تفصیل کے مطابق قومی ادارہ برائے صحت اسلام آباد نے ملک بھر کی لیبارٹریوں کو ٹائیفائیڈ بخار کے غیر مصدقہ ٹیسٹ کرنے سے روک دیا۔این آئی ایچ اسلام آباد کی جانب سے جاری ہدایت نامے میں کہا گیا ہے کہ ٹائیفائیڈ بخار کی تصدیق کے لیے وڈال (Widal) اور ٹائفی ڈاٹ (Typhidot) ٹیسٹ نہ کیے جائیں۔قومی ادارہ برائے صحت کا کہنا ہے کہ ٹائیفائیڈ بخار کے آؤٹ بریکس ملک کے مختلف حصوں خصوصاً سیلاب زدہ علاقوں سے رپورٹ ہو رہے ہیں، سیلاب زدہ علاقوں میں کچھ لیبارٹریاں اور اسپتال اب بھی یہ ٹیسٹ کر رہے ہیں۔این آئی ایچ کا کہنا ہے کہ ٹائیفائیڈ بخار کی تصدیق کے لیے مصدقہ ٹیسٹ صرف بلڈ کلچر ہے اور وہی کیا جائے۔قومی ادارہ برائے صحت کے ہدایت نامے کے بعد سندھ ہیلتھ کیئر کمیشن نے بھی صوبے بھر کی لیبارٹریوں اور اسپتالوں کو وڈال اور ٹائفی ڈاٹ ٹیسٹ کرنے سے روک دیا ہے۔سندھ ہیلتھ کیئر کمیشن کی جانب سے لکھے گئے خط میں کہا گیا ہے کہ غیر مصدقہ ٹیسٹ کرنے والی لیبارٹریوں اور اسپتالوں کے خلاف ایکشن لیا جائے گا۔اس کے علاوہ اسلام آباد ہیلتھ کیئر ریگولیٹری اتھارٹی اور دیگر اداروں نے بھی وڈال اور ٹائفی ڈاٹ ٹیسٹ کرنے پر پابندی عائد کر دی ہے۔ماہرین متعدی امراض کا کہنا ہے کہ وڈال اور ٹائفی ڈاٹ کے نتیجے میں ٹائیفائیڈ بخار کی غلط تشخیص ہوتی ہے، اکثر وائرل بخار اور ملیریا میں مبتلا افراد کی غلط تشخیص ہونے کے باعث انہیں اینٹی بائیوٹک ادویات دی جاتی ہیں جو کہ غلط علاج ہے۔

تونسہ شریف،باغی ٹی وی (عمران لنڈ):ڈپٹی کمشنر ڈیرہ غازی خان محمد انور بریار نے نئے ضلع بننے والے تونسہ شریف کے ڈپٹی کمشنر کا اضافی چارج سنبھال لیا ہے. تونسہ کے پہلے ڈپٹی کمشنر نے ضلع تونسہ کے افسران کا اجلاس اپنے نئے آفس میں جمعتہ المبارک23دسمبر کو12 بجے طلب کرلیا ہے،نئے تعمیر ہونے والے اسسٹنٹ کمشنر کمپلیکس کو ڈپٹی کمشنر آفس کا درجہ دے دیا گیا ہے،ڈپٹی کمشنر محمد انور بریار ڈی سی آفس تونسہ میں ساڑھے بارہ بجے کھلی کچہری بھی لگائیں گے،ڈپٹی کمشنر محمد انور بریار کا کہنا ہے کہ تونسہ ضلع بننے سے انتظامی امور بہتر کرنے میں مدد ملے گی اور مقامی افراد کو روزگار کے مواقع میسر آئیں گے اور عوامی مسائل کا بروقت حل ممکن ہو سکے گا،انہوں نے کہا کہ نئے ضلع بننے والے تونسہ میں میری پہلی ترجیح وہاں کے سیلاب متاثرین کو امدادی رقوم کی فراہمی ہوگی،انہوں نے کہا کہ سیلاب سے سب سے زیادہ تباہی تونسہ میں ہوئی تھی،میری کوشش ہوگی کہ سیلاب متاثرین کو جلد ازجلد حکومت پنجاب کی طرف سے امدادی رقوم فراہم کی جائیں تاکہ متاثرین کے نقصان کا ازالہ ممکن ہوسکے،محمد انور بریار نے کہا کہ میں نے کل تونسہ میں تمام افسران کا اجلاس بھی طلب کیا ہے جس میں انتظامی معاملات زیر بحث آئیں گے،انہوں نے کہا کہ ہماری کوشش ہوگی کہ ایک ماہ میں نئے ضلع میں تمام محکموں کے ضلعی دفاتر قائم کریں تاکہ انتظامی امور نمٹانے میں آسانی ہو، انہوں نے کہا کہ تونسہ کے ضلع بننے سے عوام کو ریلیف دلانا میری ترجیح ہوگی،تونسہ کے لوگوں کو اب اپنے کاموں کے سلسلے میں کسی دوسری جگہ جانا نہیں پڑے گا بلکہ ان کے مسائل اب انکی اپنی دہلیز پر حل کئے جائیں گے۔

ٹھٹھہ،باغی ٹی وی(نامہ نگار راجہ قریشی )ہر عورت کو بلاخوف اور امتیازی سلوک سے پاک زندگی گذازنے کا حق ہے: عبدالرحمان آرائیں
خواتین کو ہراساں کرنا خواتین کے خلاف ایک طرح کا تشدد ہے: عذرہ مہیسر
تفصیل کے مطابق ریجنل الیکشن کمشر ٹھٹھہ عبدالرحمان آرائیں نے کہا ہے کہ عورتیں اپنی عظمت کی وجہ سے پہچانی جاتی ہیں اور وہ ہر زمہ داری کو بھترین سلیقے سے سرانجام دینا جانتی ہیں۔ انہوں نے کہا کہ ہمارے معاشرے میں اب پہلے سے کئی زیادہ عورت کو مردوں کیے شانہ بشانہ کام کرنے کا اعزاز حاصل ہے لیکن اس کے ساتھ عورتوں کو دوران کام دفتر اور دیگر کام کرنے کی جگہوں پر مزید تحفظ دینے کی ضرورت ہے۔ ان خیالات کا اظہار انہوں نے اپنے دفتر میں الیکشن کمیشن آف پاکستان کی ہدایات کے تحت خواتین کو ہراساں کئے جانے کے متعلق تینوں اضلاع بدین، سجاول اور ٹھٹھہ کی معزز خواتین سے منعقدہ ورکشاپ سے خطاب کرتے ہوئے کیا۔ ورکشاپ میں لیکچرار سنددھ یونیورسٹی کیمپس ٹھٹھہ و سوشل ایکٹوسٹ سیدہ فضاء شاہ، کنوینر آف سی آئی پی نیٹورک حیدرآباد ریجن حمیرا علی، ایجوکیشن آفیسر ٹھٹہ فاطمہ میمن، تعلقہ ایجوکیشن آفیسر گھوڑاباری زینب شاھین، ایچ ایس ٹی مکلی گرلس ھائی اسکول فوزیہ رند، پراجیکٹ مینیجر این آر ایس پی مریم راجپوت، ڈسٹرکٹ انفارمیشن آفیسر محفوظ علی سومرو، سوشل آرگنائزر سرسو بدین صوبیہ، جینڈر کوآرڈینیٹر ایل ایچ ڈی پی ثمینہ، پی ایس ٹی جاتی صفرہ سمیجو اور دیگر نے شرکت کی۔ ورکشاپ سے خطاب کرتے ہوئے ریجنل الیکشن کمشنر عبدالرحمان آرائیں نے کہا کہ الیکشن کمیشن آف پاکستان ایک بااختیار ادارہ ہے جو کہ مردوں کے ساتھ عورتوں کو بھی ووٹ ڈالنے اور الیکشن میں حصہ لینے کے برابر اختیارات دینے پر یقین رکھتا ہے۔ انہوں نے کہا کہ عورت کا حقیقی احترام اس کی انسانیت کے تمام پہلوؤں کے مطابق اسے قبول کرنے اور درحقیقت احترام کرنے سے شروع ہوتا ہے، اس کے لیے آزادانہ اور مکمل طور پر زندگی گزارنے کے لیے سماجی حالات پیدا کرنا ہوں گے۔ انہوں نے کہا کہ جب خواتین کو ان کی ذہانت اور تمام صلاحیتوں کے مطابق ترقی کی منازل طے کرنے کا موقع دیا جاتا ہے تو پورے معاشرے کو فائدہ ہوتا ہے، لحاظہ ہر ماں بیٹی کو چاہئے کہ وہ آنے والے تمام الیکشن میں حصہ لیں اور اپنی عظمت سے قوم اور ملک کے خوشحال مستقبل کے لئے آگے بڑھیں۔ انہوں نے کہا کہ اسطرح کے ورکشاپ بڑے پیمانے پر بھی کئے جائیں گے جس میں شہری بالخصوص دیہاتی خواتین کو بھی وسیع تعداد میں مدعو کرکے انہیں حراسمنٹ اور تحفظ و دیگر حقوق کے متعلق تفصیلی آگاہی فراہم کی جائےگی تاکہ وہ قانونی مدد حاصل کرنے سمیت اپنا دفاء بھی کریں۔ انہوں نے شرکاء پر زور دیا کہ وہ بھی اپنے متعلقہ اداروں میں اس قسم کے ورکشاپ کا انعقاد کرکے خواتین میں آگاہی مہم چلائی جائے۔ ورک شاپ کے دوران ڈسٹرکٹ الیکشن کمشنر ٹھٹھہ عذرہ مہیسر نے کہا جیسا کہ آج کام کرنے والی خواتین کے حقوق کا عالمی دن منایا جا رہا ہے، آج کے اس ورک شاپ کے عنوان کا مقصد اس بات پر زور دینا ہے کہ جیسا کہ ہم سماجی تحفظات، عوامی خدمات تک رسائی، اور پائیدار انفراسٹرکچر کے بارے میں سوچتے ہیں تو اس عمل میں ضروری ہے کہ عورت کے وقار اور امتیاز کو قربان نہ کیا جائے۔ انہوں نے بتایا کہ وہ الیکشن کمیشن آف پاکستان کی ہدایات کے مطابق ڈسٹرکٹ ٹھٹھہ کے تمام سرکاری و نجی تعلیمی اداروں میں ووٹرز آگاھی پروگرام منقعد کرتی آرہی ہیں، جس کا مقصد طلباء و طالبات خاص کر لڑکیوں کو ووٹ اور اس کی اہمیت کے بارے میں آگاھی فراہم کرنا ہے تاکہ طلباء میں شعور بیدار ہو جو کہ ملک کے بہترین مستقبل کی ضمانت ہیں۔ عذرہ مہیسر نے ورک شاپ کے شرکاء سے گفتگو کرتے ہوئے کہا کہ خواتین کے مکمل وقار کو تسلیم کرنے، فروغ اور تحفظ دینے کی ضرورت ہے، بعض اوقات ان کی محنت اور خدمات کو نظر انداز کر دیا جاتا ہے، ضروری یہ ہے کہ خواتین کی مساوات، وقار اور حقوق کے مقاصد کو فروغ دینے کے لئے ان کی اٹوٹ ترقی اور اس بات کی وکالت اور حفاظت کی جائے کہ ان کے لئے سماجی تحفظات، عوامی خدمات تک رسائی کو یقینی بنایا جائے۔ انہوں نے کہا کہ دفاتر اور دیگر کام کرنے کی جگہ پر خواتین کو ہراساں کرنا خواتین کے خلاف ایک طرح کا تشدد ہے، عورت کے لئے آزادی عزت کے ساتھ جینا ہے، خواتین معاشرے میں اپنی نمایاں خدمات، ان تھک محنت اور اپنے مقاصد پر ڈٹے رہنے کے لئے پہچانی جاتی ہیں۔ انہوں نے کہا کہ تمام شعبوں میں صنفی تعصب کے باوجود، خواتین ترقی کی منازل طے کرتی آرہی ہیں۔ قبل ازیں ورک شاپ سے معزز خواتین و دیگر شرکاء نے بھی اپنا اظھار خیال پیش کیا۔

چوٹی زیریں،باغی ٹی وی( نامہ نگار محسن نواز ) حلقہ کی عوام کا درینہ مطالبہ پورا چوٹی زیریں کو جلد تحصیل کا درجہ دے دیا جائے گا وزیر اعلیٰ پنجاب چوہدری پرویز الٰہی نے ممبر بورڈ آف ریونیو کو لیٹر لکھ دیا،کوٹ چھٹہ ٹراما سینٹر کو جلد مکمل کرکے فنگشنل کیا جائے گا حلقہ کی تمام سڑکیں کارپٹڈ سیوریج سسٹم کے مسائل بھی حل کیے رہے ہیں،ملک میں نئے انتخابات سیاسی و معاشی استحکام کا واحد راستہ ہے عمران خان کا مقصد اقتدار حاصل کرنا نہیں قوم کو غلامی کی زنجیروں سے آزاد کرنا ہے ممبر قومی اسمبلی سردار محمد خان لغاری
تفصیلات کے مطابق چوٹی زیریں کے عوام کا درینہ مطالبہ جلد پورا ہونے جارہا ہے وزیر اعلیٰ پنجاب چوہدری پرویز الٰہی نے میری سفارشات پر چوٹی زیریں کو تحصیل بنانے کی یقین دہانی کرواتے ہوئے ممبر بورڈ آف ریونیو سیمت دیگر متعلقہ اداروں کو لیٹر لکھ دیا اور اس پر جلد از جلد کام مکمل کرکے رپورٹ پیش کرنے کی ہدایات بھی جاری کردی ہیں انشاء اللہ جلد ہی چوٹی زیریں کے تحصیل کا نوٹیفیکیشن جاری کردیا جائے گا یہ بات حلقہ این اے 192 کے ایم این اے سردار محمد خان لغاری نے باغی ٹی وی کے نمائندے سے ٹیلی فون پر گفتگو کرتے ہوئے کہی انہوں نے مزید کہا کہ میرے حلقہ میں اب تک اربوں روپے کے ترقیاتی کام مکمل ہوچکے ہیں جو سابقہ حکومتوں کے نمائندوں نے نہیں کروائے انہوں نے کہا کہ حلقہ کی تمام سڑکیں کارپٹڈ سیوریج کے مسائل بھی حل کیے جارہے ہیں حلقہ کی تمام یونین کونسلز اور وارڈ گلی محلہ ترقیاتی کاموں سے محروم نہیں رہا جتنے ترقیاتی کام ہمارے دور میں ہوئے ہیں کس درو میں نہیں ہوئے ان کا مزید کہنا تھا کہ عوام کے مسائل کو ترجیحی بنیادوں پر حل کرایا جارہا ہے سردار محمد خان لغاری کا مزید کہنا تھا کہ وفاقی حکومت معیشت کے چیلنجز اور دہشت گردی سے نمٹنے میں ناکام رہی انتخابات سیاسی استحکام کے ذریعے معیشت کو مستحکم کرنے کا واحد راستہ ہے پاکستان تحریک انصاف ملک بچانے کے لئے جہاد کر رہی ہیں عمران خان کا مقصد اقتدار حاصل کرنا نہیں قوم کو غلامی کی زنجیروں سے آزاد کرنا ہے